Otasiz yashash

Qiyin kechar har qilgan ishim,
Uchib ketdi qaygadir tushim,
Pushmon keltirardir qilmishim,
Qiyin ekan otasiz yashash.

Bektosh Mansurov

Ostonada turar kovushi,
Hayolimda yangrar tovushi,
Duo qilib ochgan hovuchi,
Qiyin ekan otasiz yashash.

Ruxshona Ismoilova

Har sog‘inchdan ezildi qalbim,
Bunga dosh berolmas yuragim,
O‘ziz ediz menga keragim,
Qiyin ekan otasiz yashash.

Bektosh Mansurov

Huvullaydi ko'nglim saroyi,
Salomimni olmas anoyi,
Aslo kulmas yuzim chiroyi,
Qiyin ekan otasiz yashash.

Ruxshona Ismoilova

G‘anim pichoq otdi men tomon,
Topolmasman hattoki darmon,
Bo‘ldingiz ota katta armon,
Qiyin ekan otasiz yashash.

Bektosh Mansurov

Ozor berar hattoki do'stim,
Tayyor turar shilmoqqa po'stim,
Tanimaydi jonojon qo'shnim,
Qiyin ekan otasiz yashash.

Ruxshona Ismoilova

Har lahzangiz g‘animat bu dam,
Kerakmas menga butun olam,
Ko‘zlarda yosh ilindida nam,
Qiyin ekan otasiz yashash.

Bektosh Mansurov

Jamolingiz sog'indim netay,
Arzim bor men Allohga aytay,
Otam bilan bir suxbat quray,
Qiyin ekan otasiz yashash.

Ruxshona Ismoilova

Qolmadi yo‘q bir bor izingiz,
Yodimdadir kulgan ko‘zingiz,
Sizni sog‘indi-ku o‘g‘lingiz,
Qiyin ekan otasiz yashash.

Bektosh Mansurov

Yodimdadir har bir so'zingiz,
Tomirimda oqar qoningiz,
Duodadir yolg'iz qizingiz,
Qiyin ekan otasiz yashash.

Ruxshona Ismoilova

Mualliflar Bektosh Mansurov, Ruxshona Ismoilova
2024.10.02

@Bektosh_Mansur

БОЙ БЎЛДИМА МАНА БУГУН

Камбағал деб боқмаганлар қани бугун,
Менсидилар менсимаслар мани бугун.
Кечагина қўл учида кўрсатганлар,
Кўриб қўйинг бой бўлдима мана бугун.

Акам десам кўксимданей итардингиз,
Саломимга алик олмай ўтардингиз.
Энди мақтаб бошингизга кўтардингиз,
Кўриб қўйинг бой бўлдима мана бугун.

Сўраб борса совчиларим қайтарганлар,
Қаранг энди севаман деб айтарканлар.
Кўзин тикиб йўлларимни кутарканлар,
Кўриб қўйинг бой бўлдима мана бугун.

Давр оти бир унда, бир бунда дунё,
Айланади, ўзгаради кунда дунё...
Суяр экан пулинг бўлса шунда дунё,
Кўриб қўйинг бой бўлдима мана бугун.

Оддий эди юришлару устларимей,
Кўп эдида чўнтакда кам кўстларимей.
Чойхонага айтмай қўйган дўстларимей,
Кўриб қўйинг бой бўлдима мана бугун.

Йўқчиликда кўпчилик юз буриб кетди,
Синовлар ҳам бир шапалоқ уриб кетди.
Омад келиб энди ишлар юриб кетди,
Кўриб қўйинг бой бўлдима мана бугун.

Онам бир кун зўр бўлади болам дерди,
Фарзандингиз ҳалол ишлаб ризқин терди.
Ота онам дуо қилди, Худо берди,
Кўриб қўйинг бой бўлдима мана бугун.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Otasizlik qiyindir

Yuragim ikkiga bo‘lingan u kun,
O‘sha muthish kundir, o‘sha muthish kun,
Otasizlik dardda o‘syapman bugun,
Otasizlik qiyindir, otasizlik.

Naq baxtim ikkiga bo‘lingan go‘yo,
Ko‘rganim tush emas bo‘lsaydir ro‘yo,
Nahot otamni hayot ko‘p ko‘rdi yo,
Otasizlik qiyindir, otasizlik.

Mensimaydi hatto yaqining ham,
Goh boshingga soladi mingta bir g‘am,
Ularga kulib qo‘ygan bo‘lsam ham,
Otasizlik qiyindir, otasizlik.

Haligacha kemtik qalbimning qo‘ri,
Turgan edi yuragimning to‘ri,
Dunyoda bo‘lar edim eng zo‘ri,
Otasizlik qiyindir, otasizlik.

Bepisand nigohlar, achinish hissi,
Topolmadim hattoki bosgan izi,
Turardi yuzida ajinlar izi.
Otasizlik qiyindir, otasizlik.

Bektosh Mansurov
(Kamchiliklar bo‘lsa uzr).
2024.10.01

@Bektosh_Mansur

OʻGʻLINGIZ ZOʻR BOʻLADI ONA

Choʻntak pulga toʻladi ona,
Tashvish gʻamlar soʻladi ona.
Xudo berib, omadim kulib,
Oʻgʻlingiz zoʻr boʻladi ona.

Hozircha toy minganimcha yoʻq,
Yoʻqchilikdan singanimcha yoʻq.
Kecha kunduz tinganimcha yoʻq,
Oʻgʻlingiz zoʻr boʻladi ona.

Koʻzlaringiz boʻlmas sira nam,
Umringizda uchramaydi kam.
Ishonchingiz oqlash uchun ham,
Oʻgʻlingiz zoʻr boʻladi ona.

Siz haqqimga duo qiling bas,
Toʻxtamayman yoʻldan bir nafas.
Sizga hamma qiladi havas,
Oʻgʻlingiz zoʻr boʻladi ona.

Saroy qurar kundek kechasi,
Siz boʻlasiz qirolichasi...
Maqtashadi hali nechasi,
Oʻgʻlingiz zoʻr boʻladi ona.

Oz qoldi marraga yetamiz,
Allohga shukrlar etamiz...
Ikkimiz xojiga ketamiz,
Oʻgʻlingiz zoʻr boʻladi ona.

Orzu qilgan maqsadim katta,
Siz duoda, men harakatda.
Xudo berib bir kun albatta,
Oʻgʻlingiz zoʻr boʻladi ona.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Sizni yaxshi koʻrishimni bilmaysizmi?

Bektosh Mansurov

Dilingizni ogʻritar soʻz deganmidim,
Javob bering sizga azob berganmidim.
Gʻazab qilib, pushaymonni yegan edim,
Ayting, meni siz ham yaxshi koʻrmaysizmi?

Žiňnňurâ Rahmonova

Qiynalsangiz muammongiz oʻylaganman,
Boshqalardek, sizni yomon koʻrmaganman.
Duo qilib sizga jannat soʻraganman,
Sizni yaxshi koʻrishimni bilmaysizmi?

Bektosh Mansurov

Eʼtibor-u, mehringizni sezmagandim,
Salom bergandingiz alik olmagandim.
Boringizda qadringizni bilmagandim,
Ayting, siz ham meni yaxshi koʻrmaysizmi?

Žiňnňurâ Rahmonova

Dunyo kezib, sizdayini topmaganman,
Kechiringiz gohida, koʻp aldaganman.
Chunki, qanday ekan deya sinaganman,
Sizni yaxshi koʻrishimni bilmaysizmi?

Bektosh Mansurov

Shamday yonib tugashingiz anglagandim,
Ular ichra faqat sizni tanlagandim.
Eng zoʻr boʻlib ketishingiz istagandim,
Ayta qoling meni yaxshi koʻrmaysizmi?

Žiňnňurâ Rahmonova

Yordam kerak boʻlsa tashlab qoʻymaganman,
Tanqidingiz yomon yoʻlga yoʻymaganman.
Oʻsha shirin soʻzingizga toʻymaganman,
Sizni yaxshi koʻrishimni bilmaysizmi?

Bektosh Mansurov

Ortingizdan sira gʻiybat qilmagandim,
Pastkashlardek, ustingizdan kulmagandim.
Men atayin na'zarimga ilmagandim,
Endi, ayting meni yaxshi koʻrmaysizmi?

Žiňnňurâ Rahmonova

Aybingizni yuzingizga solmaganman,
Sizdan aslo xafa boʻlib qolmaganman.
Yarim yoʻlda sizni tashlab ketmaganman,
Sizni yaxshi koʻrishimni bilmaysizmi?

Bektosh Mansurov
2024.09.15
(Kamchiliklar bo‘lsa uzr).

@Bektosh Mansur

***Besh kun mehmonmiz...

Hayot yoʻllarida chopgan sarsonmiz,
Bir kuni Allohga qaytguvchi jonmiz.
Dunyo tashvishi deb siqilma, doʻstim,
Bevafo dunyoda besh kun mehmonmiz.

Bu yerda shohlar ham gado boʻlgaydir,
Manguman desang gar xato boʻlgaydir,
Bor - yoʻgʻing kafanlik mato boʻlgaydir,
Bevafo dunyoda besh kun mehmonmiz.

Shaytonning hiylasi - kibr-u havoying,
Oʻtkinchi boyliging, ko'shk-u saroying,
Bir uyum tuproqdir eng soʻnggi joying,
Bevafo dunyoda besh kun mehmonmiz.

Kun sayin koʻpaygan qalb koʻzi koʻrlar,
Dunyoga muhabbat qoʻygan gʻamxoʻrlar,
Jon taslim qilishgan qancha koʻp zoʻrlar,
Bevafo dunyoda besh kun mehmonmiz.

Kim havas-da yashar, kimlar hasadgoʻy,
Kimlarning gunohi koʻkka cho'zar boʻy,
Ey Xurshid, bariga Xudo bor deb qoʻy,
Bevafo dunyoda besh kun mehmonmiz.

✍ Xurshid Qodirov

Muallif ruxsatisiz foydalanilmasin

Telegram sahifamiz:***@Hayotiy_satrlarim_bu

YOMGʻIRGINAM

Yomgʻirginam ezib yogʻgin,
Armonimni sezib yogʻgin,
Yor yuzida yoshlarini,
Sezdirmayin sizib yogʻgin.

Yalpiz bilan suv boʻyida,
Kuyar boʻldik ishq koʻyida.
Aytganida borib oʻynab,
Berar edik yor toʻyida.

Yomgʻirginam yomgʻirginam,
Bevafoda yoʻgʻdir ginam.
Yorni qayta koʻrmasligin,
Bilyabdiya koʻngilginam.

Unga oʻlan aytgan onda,
Azobidan yurak qonda.
Toʻyi kuni osmon yigʻlar,
Yomgʻir yogʻib Andijonda.

Mayli koʻkda oy boʻlsiney,
Boyga tegib boy boʻlsiney.
Kuydirgini yomgʻir yogʻib,
Oq libosi loy boʻlsiney.

Yomgʻirginam rostiga yogʻ,
Sel boʻl qasdma qasdiga yogʻ.
Qizin majbur uzatishgan,
Otalarning ustiga yogʻ.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

BIRINCHI SEVGIM

Koʻzlaring koʻzimning oldida hamon,
Ey kiprigi nayza, qoshlari kamon...
Kutdirganing yaxsh, kelmasing yomon,
Ilk muhabbatimsan, birinchi sevgim.

Goʻzal bahor eding, gul bahor eding,
Shunchalar yoqimli hushifor eding...
Tuni kun hayolda oʻzing bor eding,
Ilk muhabbatimsan, birinchi sevgim.

Bu dunyoga parvo qilmasdan sevdim,
Oʻzimga ham ravo qilmasdan sevdim.
Nega sevganimni bilmasdan sevdim,
Ilk muhabbatimsan, birinchi sevgim.

Oʻsha qarashlarga shaydo edim man,
Sen qayerda boʻlsang paydo edim man.
Ilk bor sevdim dedim, jonim dedim man,
Ilk muhabbatimsan, birinchi sevgim.

Koʻnglimning qulfini yechgan jodusan,
Eng goʻzal hayolsan, shirin tuygʻusan.
Aziz xotirasan dilda mangusan,
Ilk muhabbatimsan, birinchi sevgim.

Netay menga nasib etmading garchi,
Unitayin desam ketmading garchi.
Seni eslatadi dilda bir jarchi,
Ilk muhabbatimsan, birinchi sevgim.

Surating javonda sargʻaygan biroz,
Sensiz oʻtib ketdi qancha bahor yoz.
Ammo qancha xotir qilsam shuncha oz,
Ilk muhabbatimsan, birinchi sevgim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

***Soxtalarga...

Yolgʻondan iborat soʻzingiz,
Hasad-la boqadi koʻzingiz,
Bittamas, bir nechta yuzingiz,
Bunchalar soxtasiz, odamlar...

Pul boʻlsa kelishar qoshimga,
Sherikdir yegan non, oshimga,
Ketishar, gʻam kelsa boshimga,
Bunchalar soxtasiz, odamlar...

Nafsni deb orani buzganlar,
Ming turli rejalar tuzganlar,
Oqibat rishtasin uzganlar,
Bunchalar soxtasiz, odamlar...

Hamisha foydangiz koʻzlaysiz,
Xoʻp yolgʻon vaʼdalar so'zlaysiz,
Izimdan mish-mishlar izlaysiz,
Bunchalar soxtasiz, odamlar...

Sevgidan soʻzlasam bir bora,
Endi hech sevmasman takrora,
Gul yuzli va lekin makkora,
Bunchalar soxtasiz, odamlar...

Xurshidni yomon deb bilishgan,
Sodda bir koʻnglimni tilishgan,
Ortimdan dushmanlik qilishgan,
Bunchalar soxtasiz, odamlar...

✍ Xurshid Qodirov

Muallif ruxsatisiz foydalanilmasin.

Telegram sahifamiz:***https://t.me/Hayotiy_satrlarim_bu

ERKAKNING BOSHINI EGMAGIN HAYOT

Erkakning yoshini toʻkmagin hayot,
Erkak gʻururiga tegmagin hayot.
Xudoga egilsin boshqa birovga,
Erkakning boshini egmagin hayot.

Mish mishlar yomondir yolgʻon rosti bor,
Odamlar turfa hil mard nokasti bor.
Umr oʻtaverar paland pasti bor,
Erkakning boshini egmagin hayot.

Tashvishlar oʻrtaga sinov solmasin,
Molini olsa ham qadrin olmasin.
Odamga odamning kuni qolmasin,
Erkakning boshini egmagin hayot.

Maqtasharlar qoʻli koʻkga yetganda,
Xizmatda boʻlishar himmat etganda.
Yoʻqlashib kelmaydi omad ketganda,
Erkakning boshini egmagin hayot.

Sevgi boʻlarmidi uzun sochlikda,
Kambagʻalchilikda noilojlikda.
Yiqilib qolmasin hech muhtojlikda,
Erkakning boshini egmagin hayot.

Turfa hil hiylalar boshlaydi dunyo,
Zoʻrlarning koʻzini yoshlaydi dunyo.
Yiqilsa sindirib tashlaydi dunyo,
Erkakning boshini egmagin hayot.

Kimgadir yoqmasa, kimgadir suyuk,
Erkak haqdan keyin yerdagi buyuk.
Gʻururin saqlamoq yelkasida yuk,
Erkakning boshini egmagin hayot.

Hatto ermak qilib yoki birrovga,
Erkak gʻururiga tegmagin hayot.
Xudoga egilsin boshqa birovga,
Erkakning boshini egmagin hayot.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟