السلام عليكم ورحمة الله وبركاته

💣اليالي الفاطميه💣

ريت ع   طولج  ثلج  اندار
خاف الكبر ياام الحسن حار
غربه المسيه    وضلم   الدار ......يافاطمه
........
اليله ضلمه وتغزل من شوك ااه
اليله صبخه والمطر برمل تاه
دك الموت الباب الباب...... لا تفتح يا باب
شوغة فانوس بسرداب..... ميفز منه تراب
رحتي مني وراح مني
حيلي والفرحه جفتني
الدنيه بعدج عذبتني....يافاطمه
...........

جبل جنت وفركتج هدتني هد
يلي بالدنيه  بحنانج  من وجد
بارد يا حظن التابوت.....مايطلع بي صوت
مايرحم بالحب الموت....من بي غالي يفوت
راحت الجانت شمعه وذوب
لو ليل يلفي عله المحبوب
اه ياكلبهه شكثر متعوب..... يافاطمه

............

درتي وجهج والعمر طش ذكريات
جانت  بعينج الي  شكد  امنيات
غافلتيني ورحتي شلون....... يل جنتيلي عيون
من عمري لعمرج مديون..... وترجعيلي كون
يلي بعشرتج عمر خلصناه سوه
كمت اغص انه بوداعج بالهوه
عمري صفحه وكلشي بيهه انطوه....يافاطمه

.............

من دفنتج هلال اصبح طولي
امشي كوه وولادج ايتجولي
مدري شلون ارجع للدار.......بي وجهج تذكار
بين اضلوعي تسعر نار.....بفراكج محتار
طير ضاع بديره غربه
هيج اليفارك عشك كلبه
الدنيه بدونح والله صعبه....يافاطمه

الشاعر مصطفى  الحسني

انته حسيني لازم تكون صاحب شهادة وتكون مثقف اكاديمي

اذا تشوف السادس الادبي صعب اتركه
اذا تشوف السادس العلمي صعب هم اتركه
تعال سادس مهني سهل جدا
وكليات الاهلية تقبلك
اي شخص عنده فراغ وطموح
ويريد يتوكل اني اساعده يراسلني ويدلل

تكدر تفرغ نفسك وتاخذ شهادة السادس وصير طالب جامعي
لا تكول خلص العمر
ولا تكول شسوي بيهه
الشهادة سعادة

بقة للتقديم على الامتحان التمهيدي سادس اعدادي شهرين كدامك

لعمركَ إنني لأحبُّ داراً     تحلُّ بها سـكينةُ والربابُ
أحبُّهما وأبذلُ جلَّ مالي     وليسَ لعاتبٍ عندي عتابُ 

هاي انته الكلتهه حسين اذكرك خاف ناسيهه 
جبت الدرب من الشام اردد بيـــهه ونــــعيهه 
كوم اكعدلي يالمحبوب عشكك باوع شبيهه 
يمذبوح ويبو المذبوح
ويه كبرك حلالي النوح
يم كبرك اجيت بشوك فراكك عيني عاميهه 

ـــــــــــــــــــــــــ
حسين..... حسين....،،،،،، حسين 
ـــــــــــــــــــــــ

جبت الذكريات وجيــــت من ايامنه يحسين 
هذيج ايامنه الحلوات مرن مثل رمشت عين
ياسكف العمر ضلــيت بعدك انه اروحن وين 
يعافيني عله الذكره
فكدك كسرته كسره 
مايلتم جرح فركاك وحك عشنه البنيته بطين

ـــــــــــــــــــــــــــ

حسين..... حسين....،،،،،، حسين 

ـــــــــــــــــــــــــــ

مابين الـــــدلال الراح ومابـين الســــــــبي ايام 
خلصت بالدرب يحسين روحي من مشت لشام 
امشي والطريق بعيد وما ادري الطريق شضام 
كلبي اشتاك يحسيني
تصفن عينك بعيـــني 
شلون تعوفني لوحدي وتعاشر كــــــبر وتنام 

ـــــــــــــــــــــــــ

يم كبرك اجيت اكعد وفرش كل رسـايلنه 
مو كتلي سويه نموت مو هيجي تواعدنه
اعتب والعتب مريود وغير العتب ماعدنه 
رد انه ربابك رد 
افتحلي الكبر وكعد
مابيه الهجر يحسين وانته تروح من عدنه 

ــــــــــــــــــــــــ

الشاعر 
مصطفى الحسني 

علي موصي وصيه وبيهه اعلام 
وموقع عليهه ابصمت ابـــــــهام
زينب مـاتفــــــارك ابد الـحسين 
هسه شلــــــون اقنع هيه بشام 

جايه يحسين خويه جايه 
وهايه زوارك اجت ويايه 
ـــــــــــــــــ

جاية وعطرك اجاني ويه الهوه 
ويه زوارك اجيت امشي سوه
خلي سبع الكنطره يشــيل الوه 
كون من بعيد اشوف الراية 

ـــــــــــــــــ

جايه وكل خطوه ياخويه جرح
نزلت راسك وجبته من الرمح 
ارد ابات اليله يــــــمك للصبح 
روحي مشـتاكه يخويه هوايه

ــــــــــــــــــ

جــــيت ياخويه بجرح ويصل الم
وطاب يبن امي لمن شفت الخدم
خويه الك يحسين شدوهه الحزم
كل سنة ياخويه الك وفاية 

ـــــــــــــــــــ

شفت موقـف زايره يكــــطع الكلب
تعبت من المشي وعثــــرت بالدرب
اسم الله صاحت كلهه والوادم غرب
تذكرت عثراتي خويه بهايه

ـــــــــــــــ

بدرب هاي المــــــــواكب من شفت 
حسين خويه ويه روحــي سولفت 
وين جنـتو لمن مســــــــبيه رحت
ونحرم عني الفرات وماية 

ـــــــــــــــــــــــــــــــ

الشاعر 
مصطفى الحسني 

(نزله لأستشهاد الامام الحسن)

ويلي ويلي ويلي .....ويلي عله جد الساده

غمض العين.... والحسين ....لزم خاصرته
صاح ويلاه ....الحسن مات....تعالي يخته
خلي ولده..... وبناته........... تجي وعايلته
موادع احباب ...نودعه ..... كبل راحلته
ويلي ويلي ويلي ... الحزن صاير عاده

.....

شمصعب افراك..الاخوان ..اذا حان الهجر
وشيجبره ....بالدليل ...اذا صار الكسر
حسين غسل ....اخيه ....ودليله منفطر
يكله باجر...بالطفوف ...منو يرد الشمر
ويلي ويلي ويلي.... ويلي انه ردتك راده

.....

يالحسن كوم ....اجتي ...الهواشم دارك
يالمعزب ...والدلال ....تفور بنارك
غيمه انته ...وتماطر .... هلا بخطارك
ضلمه الدار..... والعيون ...تحن لنظارك
ويلي ويلي ويلي .... البيت طاح اوتاده
........

فوك المتون ...جنازه ...اشيلك ياوسف
وبوصيتك ....اخيك..نجتف سيفه جتف
كلف فركاك ....يالحزام ...تره كلش كلف
بوني عليك ....احس فز ...ابوي من النجف
ويلي ويلي ويلي ....يكتل اخوي فراكه

#الشاعر مصطفى الحسني