الشاعر علي الطائي
ما عـندي غيـرك چـذب
لـو أحـبك لـو ما احـب
#خادم
لأهل البيت (عليهم السلام)
(احنه غير حسين ماعدنه وسيله)
للإستفسار
@Ali_al_Taayi
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 1 month ago
Last updated 1 month, 1 week ago
نادم أجـيتج معـتني وجاي انه وبعـيوني-حسره
كون الدمع يطفي الخيم ما أبرد واخيامچ-كسره
مـن المـخيم رايــد كــسر
كون ابواچي يگضي العمر
نـادم اجيَـتج جـاي اعتـذر
رايد دموعي لضـيم الخدر…
رايد بواچي
كون العـمر يطـول نحيبه
رايد بواچي
حسرة مصايب مو مصيبه
رايد بواچي
كون الدمع-مـاينـكطع
أم البـخـت-زينب مشت …راحت غريبه
بين الخيل=تـركض عـلويـه
بين الخيل=طاحت محنيه
بين الخيل=زينـب مسـبيه
_______
شدها حيازيم الحزن والدمعه بعيونك-خله
خـلي انكسارك للغرب لمصيبه ما اكبـر- منه
خلي بضميرك كسرة گلب
رگضن فواطم بين الغرب
شام النوايب كلش صعب
بين الشماته زينب تطب…
اه شمصيبه
حسره بگلب عاش ابندامه
آه شمصيبه
گلبي صلف عايف خيامه
آه شمصيبه
فوگ الترب--نامن چفي
سد الهزل--فـرشن عبي…نـامن يتامه
يا گلـبي=للغـربـه أنـحب
يا گلـبي=لـو رايـد تتعب
يا گلـبي=أذكر بس زينب
_______
المن تضم ذاك الدمع والحره عالهزله-صعدت
دخـلت عـقيله الـكربله لـكـنه مـسبيه-طلعت
انـعه يگـلبي ولا تـنعزل
لمن يمرلك طاري الـهزل
لاتنسه حرمه بچفه الحبل
مـن البـواچـي لا لا تـمل…
عيش انكسارك
وابدي الحزن من العقيله
عيش انكسارك
عگب الگمر صعدت هزيله
عيش انكسارك
واذكر لمن--غربه مشن
دون الگمر--سار الضعن…وابلا كفيله
زينب هاي=ترگض بالغربه
زينب هاي=اخ شكد صعبه
زينب هاي=والـشام اتـطبه
_______
ابشام النوايب لا هلا بي زينب بالغربه-تفتر
ياگـلبي لاتـبرد بعد بـين الـوادم صـعبه-تعثر
مو هينه زينب من تنضرب
تمشي ابدمعه ويه الغرب
بين الشماته وشكد صعب
والكلفه تصعد هزله غصب
هاي العقيلة
راحت سبي ومهضومه راحت
هاي العقيلة
هواي اعثرت وهوايه طاحت
هاي العقيلة
ضل منكسر--لم الخدر
واذكـر لمن--طبت قصر...وهناك ناحت
ضل محتار=واحـتار ابهـمه
ضل محتار=فـگـدة كـافـله
ضل محتار=زينب ياهو اله
_______
نِآدم آجيَتج||✍️علــي الـطائي
الگلب مايحمل افراگك بويه وانته اعز غالي
العمر شنهي العمر دونك صار الموت يبرالي
أنه ابنيتك رسول الله حالي مو نفس حالي
بـويه شـلون افكـدنك ولا مــره نسـه بـالي
يبويه كسـرتك كسره
وانـه ابنيـتك الزهـره
بس احچايه حاچيني
بلكـي اتوخر الحسره
الدار غربه…هوايه صعبه
راح ابونه…ومشه بدربه
وامـحمداه…وامــحمداه
-------------------------------
الهضم تارس هوه الريه واجرنه النفس گوه
مَـا صارت گبـل هايه اتـوسل بابـو النـخوه
الحچي بويه ولا ينفع بلوه مصيبتك بلوه
يبويه الفاگد اعزازه تصير ايامه مو حلوه
صبح دار الحزن داري
عـليه المـوت اصـراري
الدمع مامره هد عيني
اوبـس النـوح يـبرالي
الدنيا غمه…الموت هضمه
بويه بعدك…كلشي ظلمه
وامـحمداه…وامــحمداه
-------------------------------
لمن جاني خبر موتك احس بويه انگضه عمري
صحت هيهات مثله يصير ابوي الي كسر ظهري
ردت مـوتي گبل موتك كبـل لا ينتهي صَبري
يا لمـيتم علي والـدار بس الموت صار امري
هجر تارس ضوه عيوني
لـحـد يـسـأل أشـلونـي
أم حـسـين هـاي أنـه
مـو ذيچه التعـرفوني
انكـسر گلبي…وتاه دربـي
عالدرب ذاك…عيني تربي
وامـحمداه…وامــحمداه
-------------------------------
انتهى كلشي واحس بويه بعد موتك بده حزني
جرح هجرك يبو الزهره خطف لوني وبده وني
ولا مـره اجـت عالـبال رسـول الله يفـارگـني
شبسرعه وتوادعنه ابيـوم وليـله ودعنَـي
ضلت بالگلب لوعه
كل ايامي مفجوعه
شيصبره الفكد غالي
يگضي عمره بدموعه
يگضي عمري…دمعي يجري
سلمت بس…لله امري
وامـحمداه…وامــحمداه
-------------------------------
اعـز غالي||✍️علــي الـطائي
(يـبدي الـحزن)
يبـدي الحزن مـن الحسين وللـحسين
تـبـدي المـجالـس والطـم ويـه الونين
نـشـدهاحـيـازيـم الـدمـع كـل السنـين
انگساري صـاير للـي مـاله ناصـر
عـالـن بـهـا لـدنـيا حـداد
وأنعـطـشك لـو ذكـرنـه جـرحـك
گلبي يلبس وحده السواد
أبـلب گـلبي ياحبـيبـي وحـبـي
ثبـت جرحك مثـل الوتـاد
حســـــين مولاي
___
يگرب شـهرنه والگلـب يلـبس حـزن
تگرب مصايب غربه وصيـاط المتن
واذْكِـر جـرح حافر سحگ لـمن تـون
لو ذكـرت الحـافر انـعه جـرح العاشر
خلـي حـزنك كـل الـحـياة
مـذبـوحــي يـاحــبـيــب أجــروحـي
مـالـي غيـر عيونك صلاة
يـا رسـمـك الـيـحــبـه يـفــهـمـك
يا سفينه جرحي ونجاة
حســـــين مولاي
____
أول مراسيم الجرح نية الكلب
يالحبك بماي ويطلعلي درب
متحزم ابجي للمصايب ونصلب
طخ خدي خل دمعتي تبدي
ولعيون الزهراء اموت
هد حيلي من نهاري ال ليلي
وخلني دمعه للعزاء افوت
بح صوتي وانشغ لحد موتي
حجّي كلبي شنفع السكوت
حسين مولاي
___
مولاي كون بلا نعي دمعي يهل
كون انته جوه الحافر شعدي عدل
مو اله ناعي وانفجع وادري الهزل
يا ناعي ال يفزغ اوجاعي
وزينب اعله الهزل تنام
افجعني بلا نعاوي افجعني
واليحب يبجي بلا كلام
جر عيني وخلي دم بعيني
ليش اشوف بصدرك سهام
حسين مولاي
__
راوي انام وانته ضامي عالترب
كلبيش انه مولاي ما عدي كلب
مولاي اجرحني حرامات انغلب
يا ضامي كون تطفى ايامي
اشلون انام وادري بضماك
يا تاجي العمر منه اشباجي
خاطر انسه وما شم هواك
بعيونك خل اضل بعيونك
موتي من تنطيني كفاك
حسين مولاي
__
عـلـــي الـطـائـي✍️
حـسـن الـدراجـي✍️
فـيهُ الصـفاتِ تـكتـمل
عـنـهٌ الـكلامُ لا يـقـل
عـباس سَـبع القنطره
في الحربِ لايهوه السهل
ريشته براسه…لزينب احساسه
خيم بانفاسـه…جيدوم الحرب
العالم بحيره…ماكو تفسيره
سـيد الغيره…عباس الصعب
شيخ الحومه
ترهـب اعـلوم
واحد بس عسكر
رايـته أبـيده
والزلم صيده
حـيدر مـن حـيدر
يــا قـمـر الله…
______
نـوراً عـلى نورْ القمرْ
فـيِ كـفهِ يروى النَهر
ساقي عطاشى كربلاء
مـن سيفهِ أيـن الـمـفر
الحومه راعيه…لو يصد ليه
دم يـخـليـه…طـلاب الـدمه
علي تربيته…ياهـلا بصيته
لفه خاچيته…وشايل صارمه
الـزلـم فـرت
بيده انجرت
شـامخ بالحومه
والنـهر مايـه
ذلـه بحچايه
يا دخيل اعلومه
يــا قـمـر الله…
______
في جيشِ بن سعداً عبسٰ
ضـاقَــ عـلـيـهُـمْ الـنـفـسْ
الغيره في عينِ الـقـمـر
من حيدرا الحربٌ درسْ
حيله ابحيدر…طبه يتبختر
بالحرب كبر…عباس الكافل
شرد القاده…هيبة الساده
حلو بعناده…كامل متكامل
موت ابسيفه
يكتـل ابكيفه
سيفه ملچ الموته
أجـمـل قائد
ذكره متوارد
الشافه رد بسكوته
يــا قـمـر الله…
______
لا يرهبَ الموتٌ ابد
في عينهِ قـل العدد
الكلٌ يرهبْ محضره
الشبلُ من ذاكَ الأسد
العلگمي ومايه…من سمع جايه
اتعنه مـشـايه…رايـح للخـيم
شهم لو طبه…الـحومه يـگلبه
زلـم ركـضـه…والعسكر ردم
معـنى القوه
ظـهر الخـوه
ولحسـينه الظهر
الشارد وينه
ابخزرة عينه
يـصـطاد الگـمـر
يــا قـمـر الله…
______
شُيَخ آلَحومهّ|| ✍️علــي الـطائي
ما أدري انه شحـصلت مـن دنيتي هاي
عمري خلص بس بالوهم وما انعه مولاي
هسه انه جاي ابكل ندم وارد اعتذر جاي
رايـدلي كـلب گـد الـمـشاعـر
وحرام المو الك كل الخـواطر
عرفتك سيدي بس ماهمت بيك
راح ابدي الحزن وأبچي الحوافر
چنـت بـوهـم
وابـكـل نـدم…جاي اعتذر
هسه اعرفت
مذنب چنت…كــل الـعـمر
كـون احـترگ
واحزن صدگ…حيل انكسر
العفو ياسيدي …
______
غالطان انه بحقك صدگ ومقصر وياك
هسه اعرفت انته العمر يامحله ممشاك
قربني يم جـرحك بعـد خـليني أحـذاك
صدگ ضايع چـنت هسـه اعترفلك
وصدگ شنهي العمر لـو مـا ندبتك
انـه الغلـطان انـه بحـقـك يـضـامـي
وترس عيني الضوه من صرت يمك
رايـد كسـر
كافي اعتذر…واغلط بعد
اسمي وهم
دونك عدم…جرحي برد
بيـوم الـذي
مـحــد الـي…انته السند
العفو ياسيدي …
______
بذنوبي أجيتك سيدي ورايد رضاك
والـناس ملـتنـي بـعد مـالي سـواك
أنه ارد اعوفنه البشر وامشي بوراك
مـن هـذا الـگلب اعـلـن قـراري
أعتذاري السيد الحب اعتذاري
العفو رايد فقـط منـك يمـولاي
وقـار الحـزن راح ألبـس وقاري
راح انـفـجـع
وأبدي الدمع…وي الـذبح
مـا جـربـت
مره وضگت…طعم الجرح
جيت ابحزن
جـرحـي أون…ذاك الصبح
العفو ياسيدي …
______
أبحـسره اجيت وكـل ندم رايد احاچيـك
مـاخذني ذاك المـستحه وأشلـون الاگيـك
عـيني أسده وأحتـرگ چـي ما بـچت ليك
اعـيوني الما بچن لابد يموتن
مـو لحـسين چا ألمـن يـنوحن
عيوني الما بچلك باچر اهناك
لابــد بـالگـبـر مـولـاي يـعـمّـن
خصم لحچي
رايـد بــچــي…رايـد عفو
اقبلني عبد
يـمـك اصد…وانته الكفو
ياهـو القبل
ذنـبـي مـثل…غيركـ مـنو
العفو ياسيدي …
______
الـعـَفـٌوُ||✍️علــي الـطائي
وصل ليلك يعاشر چن وصل موتي
وسـفه أنه الـعقيله وينسمع صوتي
بـاچـر نـاس غـربه اتشـيل تـابوتي
{غـربه ضلينه…مشت خواني كله}
------ ------- -------
يوم أمن الحوافر جسمك اموذر
يعت بيه الوجع يحسين واتعثر
اميره وبت علي بين الزلم تفتر
{بيـن خيالـه… أنـه امدافع وصـلتك}
------ ------- -------
لاچف لاگمر من طاحت الخيمه
أم الـشـيمه هـسـه أدور الشـيمه
صـاحو بت علـي فـروه بالهيمـه
{غربه تحدينه…عگب چف أبو فاضل}
------ ------- -------
گوم احسين خويه فزعت الغاره
وحـيده بكـربله وبـالراي محتاره
يـانـار الگـلب مـاتطفه ابـد نـاره
{هـسـه مـحتـاره…أم الـراي زينـب}
------ ------- -------
ليـل العـاشر|| علــي الـطائي
تم بفضل الله وبفضل مولاي علي الرضا ع قصائد محرم ١٤٤٥هـ ٢٠٢٣??
الشكر الى مولاتي فاطمة الزهراء(ص)
والى مولاي صاحب العصر والزمان (ع)وال محمد جميعا نسأل الله التوفيق لي وللجميع في خدمة مولاي الحسين(ص)
✍️علــي الـطائي
https://t.me/fffesali
آلَلَهّمً عٌجّلَ لَوٌلَيَکْ آلَفُرجّ
للأستفسار @ALI_al_Taayi
بين الخيول صدر الحسين
وسط الخـيم طش الـونيـن
أولـ جــرح كـــل الـســنـيـن
حسين حسين حسين
يالجـسمك تـغَـذه ارمـاح
صفت وجناته بس جراح
الا مـن ناصـر الهـم صـاح
حسين حسين حسين
مـاكو زلمـه يأنـبه ضـميره
يـهـد للـمـاعـنـده عـشـيـره
والله وسـفه بـين الشـماته
كشـخة الله تلمه الحصيره
صلى الله على الحسين
وسـفه جـمـال الله انسـلب
ذبلـت رسومه امـن التـعب
حسيـن العجـيب المعتجب
حسين حسين حسين
حـار وضـاع بيـده الـراي
ماي ويعطش أمـن الـمـاي
وحـيـد ومــا الـه ســگـاي
حسين حسين حسين
لاكو{قاسـط}لاكـو{جـناده}
ربـعـه نـامــوا الـمـن يـنـاده
صدره صاير مسـكن رماحه
بصَـحره بـاقي زايـد فـؤاده
صلى الله على الحسين
العـاشر جـرح ماينحمل
زاد الألـم فــوگ الـهـزل
أبيـوم الحمل زاد الحمل
حسين حسين حسين
بحسين الحچي شيگول
قـرأن الـصـدگ مـكتـول
بالشـام الـفـرح وأطـبول
حسين حسين حسين
صـدره ضايـع گـد السهـامه
وسفـه طايـح شيـخ الأمامه
طـايح وزادت كـل جـروحه
وعيـنـه تنـضر نـار بـخيـامـه
صلى الله على الحسين
ضـاگ الهـوه بطـف كـربله
صوت العـطش ذاك اعتـله
والـحـومـه تـشـرح مـقتـله
حسين حسين حسين
تـگـول الـحومه ذاك الـليـل
حسين أدوس فوگه الخيل
ضـامي يـدور أعـله الحـيل
حسين حسين حسين
لا خـيامـه وكـلشـي تفـرهد
ماكـو واحـد يفـزعلـه محـد
الكله چانت تحچي بعضمته
هـسـه طـايح مـاعنـده أحـد
صلى الله على الحسين
أوٌلَ جّرحً|| ✍️علـي الطائــي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 1 month ago
Last updated 1 month, 1 week ago