Бўшашма! Баракалла, отангга раҳмат, Абдуқодир

Фарғонада бўладиган Ўзбекистон Кубоги финали олдидан қизиқиш юқорилигини барча кўриб турибди. Ҳар йили аввалгисига қараганда қизиқиш кучайиб бораётгандек, назаримда. Лекин, бу йилгиси бошқача, ўйиндан 3 кун аввал чипталар сотилиб бўлгани, Фарғона водийси дербисида, "Истиқлол" стадионида Наманган ва Андижон клубларининг ўйнаши — барчаси интригага бой.

Бизда ҳам хориждаги каби мухлисларнинг юзига байроқ ёки бирор логони чизиш маданияти шаклланиб қолди. Буни, айниқса, футзалда кўрдик. Кеча Қашқадарёда ҳам шу нарса бўлаётганини кўриб хурсанд бўлди одам. Фарғонада ҳам кўп эҳтимол шундай манзараларга гувоҳ бўлсак керак.

Ҳа, яна бир гап. Фарғонада финал муҳити қандай? Шаҳар бироз бўлса-да футбол билан яшаяптими? Ўтган йили Қаршидаги финалолди бу нарсани шахсан ўзи сезмагандим. Балки бу сафар бундай эмасдир. Умид қиламанки, бирор нашрда бу ҳақдаги материал ёки фотожамланма (видео бўлса янада яхши) кўрамиз/ўқиймиз.

Бориш керак бу мундиалга! Мухлис сифатида, албатта!

Шома!

Кроос — бир карьерист ҳавас қилиши мумкин бўлган ютуқларга эришди. Ва ўз вақтида кетишни биляпти. Бемалол яна 6-7 йил юрса бўларди, Саудия ёки Америкада. Ҳали бу формаси билан ТОП клубларда ҳам ўйнай оларди. Бироқ, у чўққида кетмоқда. Энди ЕЧЛ ва Европа кубогини ҳам ютадиган бўлса, йил якунида "Олтин тўп" бериб юбориш керак :)