ماني على تبرير الأحداث مجبور
و ما عاد عندي للتخاطب وسيله

رحلت .. و دنياك الدنيه تبي تدور
و تقول ليت الأرض تنبت مثيله

بـ تفقد اللي يفقدك بين الحضور
و تبحث عن شعوره بـ قصة بديله

فقد الحبايب ما تعيشه على الفور
باكر تفوق و تجنى أردى حصيله

يا عشاق استبيحو ضيقة الخاطر عشان تروح
خواطركم هشاش ادنى ما يحزنها ويفرحها

تناسو لذة الحب القديم ووجهه المملوح
لا تبدون المشاعر و العرب تبدي مصالحها

يمينً ما تمد الا معاناه وهجر وجروح
ترا ماهوب عيب اللي ما تقواها تصافحها

سلام الله على اللي كفها يوم الوداع يلوح
احس انها تماري بالوداع الله يسامحها

نستني وتركتني بين ذكراها وبين البوح
عسى ربي يمسيها ب ذكراي و يصبحها

امازح دمعتي وانا احسب الموضوع مزوح
وشفت ان دمعتي تبغى المطيح وقلت اطيحها

على اخر منعطف معاد لي حيله ولا مصلوح
رميت الذكريات خلاف صالحها وطالحها

وبعدها شحت يدين الحزن واقفى حمام الدوح
وانا ما غير امهد سكة الفرقى وابرحها

سليت وفز قلبي واسترد العافيه والروح
تغيرت اكثر من اول ولا ادري كيف اصارحها

بديت انسى ملامحها و نبرة صوتها المبحوح
وانا ما ودي انسى صوتها وانسى ملامحها

ابشرها رجعت انسان لا جارح ولا مجروح
وابشرها لو اجرح غيرها مانيب جارحها

‏اللي خلق في مشاعرنا من البعد خوف
‏خلق لنا نعمة النسيان في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوة وطال الوقوف
‏هي نفسها الليلة اللي شرها خيرها

‏جيت ومعي قلب يحب ويحن ويروف
‏ورحت ومعي قلبٍ أقسى من معاذيرها

#صدقوني حتى لو كنت طبيب في اللحظه الي تشوف فيها ابوك ولا امك ولا حد عزيز على قلبك تعبان باتعجز عن كل شي?

#دعوه لـ أمي بلشفاء لعلكم اقرب الى الله مني?

‏ #قال رسول اللهﷺ :
‏"إن خير أيامكم يوم الجمعة
‏ فأكثروا علي من الصلاة فيه"

اللهمُ صل وسلِم على نبيّنا مُحمد♥️

هذه الدنيا موحشة
اينما وجهتُ نظري أجد إنساناً يتألم
نسألك الرأفة بقلوبنا يارب

الذين ءامنوا وتطمئن قلوبهم بذكر
الله أَلَا بذكر الله تطمئن القلوب

*‏الكذب ما هو إلا قتل الحقيقة وتصديق الوهم …!

"ما أقسى من الجرح إلا الجرح لو جالك من
قلب ضيعت عمرك تمسح جروحه"