شوفو ياشباب انا من قبل كنت عاصي لبي
وكان يصيح فوقي لما كنت اتعقد منه
كان يصيح فوقي وينصحني لمصلحتي
علاشان اوقع رجال !
بس انا كنت سربوت ماكنتش داري بقيمة كلامه

شختصر لكم المجبر مشتيش اطول عليكم
"
قبل شويه خرج ابي من الحمام ودخلت بعده
دخلت الحمام وقد قاعته ملان طرش عزكم الله
وانا افتجعت قلت هذا ابي شكله تاعب
المهم نظفت الحمام وخرجت ابسر ابي
خرجت وهو بيصلي فوق السجاده، كمل يصلي وقلت له مالك يابه من ايش تاعب؟😓

قال: انا تاعب ياولدي المهم لاتوكلت على الله
طيع امك وخواتك واوقع رجال، انا بين احاكيك صدق ياولدي

وانا اكتبدت من كلامه وعادنا مكبود للان!
ابي تاعب ياخبره
محتاج دعواتكم بالشفاء العاجل للوالد😔💔

هيااااا صلينا ع النبي يا جماعه
وجو كذيه احكي لكم مرة ما فعلنا

قلوا مره في رمضان احنا في الشارع
بعدين ذيك اليوم ماخلونا لا نقرح ولا نلعب كره
والضبح جاء لنا

بعدين فجأه ما ابسرنا إلا واحد من الخبره
سار يلبس العبايه وجاء لاعندنا قال يشتي
يفعل مقالب للناس على اساس انو بنت
وزد هو يقدر يقلد صوت بنت قوووي
قلنا له تمام !
اهم شي بدأها بصاحب الدكان
سار قله أشتيك تديني يا اخ لو سمحت
انا مستاجره جديده عندكم بالحاره
وجي للزلط العشي للبيت
قلها تمام ماتشتي ؟
قله مشمع بفك عدنان ولينا وكرتون سندباد
وواحده فينتو للعيد، وبميتين زعقه
وتونه وزبادي للعيال للصبح واربع كيك
وحليب بقري للجهال للصبح

المهم قرشنا السله الغذائيه لوما شبعنا😁
وبعدها كان أي واحد يخطى من الحاره
يسير يخطى جنبه ويقله بصوت بنت
يارجال خطيني معك لاهاناك
والرجال قله انا ماناش من الحاره
معرفش الطريق انا غر بين ادور بيت للايجار
وهو يقله خلاص جي ندور لي ولك
ونعيش فيه الاثنين
وهذاك يقله ماينفعش انا معي المره والجهال
شااطلعهم من البلاد يسكنوا معي
وهي تقل ماعليك خليهم هاناك وشاكون
اطبخ لك انا وازيد اكوي لك الثوب
الرجال ابسر لاعند ارجله وان النقع باين افتجع وهرب قصده انها ام الصبيان​​​​​​​ههههههههههههههههههههههههههههههههههههههههه

وبعضهم يقلهم لو سمحت ممكن تخطيني
لاعند البيت وينبع يمسك يده
اللي كان يفتجع ويهرب، واللي كان يصيح
واحنا جالسين متخبيين بنبسر ونضحك

المهم وصل صاحبنا لاعند واحد مخدر
بيدور حتى يحجف كمبه وشكل مرته حانقه
قله يارجال لو سمحت ممكن تخطيني معك
لانهاية الشارع لأني بين افتجع من الظلمي
المهم خطي معه وصل لانص الطريق
وصاحبنا مسك يده والدنيا ظلمي
واحنا بنراقب سكته
وزد قله انت داري اننا بين احبك
والرجال ذيك ندع لصاحبنا حجفه
وبيقله وانا والكل بين احبش وحاجف له

واحنا بنضحك ما ابسرنا الا ارجل صاحبنا وقدهن مدندلات في الهواء وهو بالصندل الكعب
وبيتحركين ساع أرجل الدجاجه حن يذبحوها
ون الرجال قدو حاجفه ورافع وبيصيح
وانا بين احبش !
وصاحبنا قدو مفتجع كان يصيح
فلتني انا محمد، فلتني يا ابن الزنوه
وذيك حاجف له وبيقله محمد محمد
والله اني بين احبش
​​​​​​​ههههههههههههههههههههههههههههههههههههههههههه
المهم احنا قد احنا متراجمين من الضحكه والمشكله صاحبنا كان يصيح بصوت بنت
فلتني ياغااارتاه، مش احنا داريين ان الصوت عنده علق من الفجيعه .. وكل ما يصيح صاحبنا
كان المخدر يزيد الحماس عنده ويحجفه بكل قوته ويرفعه، كان عيقرح أضلاعه
وصاحبنا فلتني يا ابن الكلب ويصيح لنا
جو افرعوا يا زنوااات🤣

احنا جينا نفرع كودن فك له الرجال وهرب
وزد صاحبنا هرب مبسرناه إلا حن رفع البالطو
لاعند صدره وبكل ما ادى له الله من قووه
بيهرب واحنا هربنا بعده وبنضحك
والناس كلهم بيبسروه ويستغربوا
ما احلا شكله وهو بيهرب بالكعب
وزد فلتت عليه فردة كعب ساع سندريلا
وهو بيطير وفلتها وماعد كنش حتى يلفت
والبرقع ذيك بيطير في الهواء

المهم لوما وصلنا وقدو ممدد باب بيتهم
وقدو بيعرق وينهل واذانه قد خرجين من البرقع
وبيقل ادوا لي ماء وقدو مصفر وملبب، وبيقلنا
امانه اني ابسرت الموت ماحد يصافط المخدرين
وبعدا مدري مال جسمه حامي نار ابن الذينا
امانه تقل فرن فرن
​​​​​​​ههههههههههههههههههههههههههههههههههههههههه
المهم المخدر ذيه خرج لصاحبنا الحليب والكيك
من نخره، وانتقم لصاحب البقاله
وللي بيدور بيت للإيجار ..!!

جالس مخزن في الشقين تخزينة بروحها
ومعي في الضجنة اليسار حبة شباب
ودخلت نبع الحنان عليا جلست تتبسر لي شويه
وقالت لي هيا ذكرني غطوه اشتري لك سنتيان
احااا ليش يمااه ؟
قالت عشان تستتر وتغطي البز هذا اللي بوجهك
هيا قم اذبل ذبلوا بطنك ..!!

اليوم سرت انا وأبي المطعم نشتري دجاج
طبعاً الوالد كان مراعي لي عند البوابه
حق المطعم !

المهم
دخلت المطعم شليت دجاجه .. وخرجت
مادريت الا وقد جات لعندي واحده شحاته مزه

قالت لي : اتصدق يا أخي الله يحاجي عليك

قلت : الله يدي لش يا أختي

قالت : حتى مية ريال الله يرزقك

قلت لها : لو انتي ميه ل ابزش

وهي نثرتها وقالت : اديلي ميه وبزني🫢😹

وانا تللت وقشننت من كلامها
بس تذكرت ان أبي جنبي ونزلين بطوني
من الهديمه

اصغر حركه مني لها .. او ابتسامه "عيقتلني

بسرت صلا أبي .. وهو بيبسر لعندي بنص عين
رجعت فعلت نفسي هذاك المحترم وقلت لها
عيب احنا ماندخلش في هذه الحاجات

وأبي قلي : اجزع اجزع، قدك فارح يا زنوه !

فضحكت الشحاته وقالت الله يسعدكم ضحكتموني .. امانه كونو جو للمطعم
ضحكوني وانا احاسبكم

هههههههههههههههههه رجعنا احنا الشحاتين
"
عموووماً ايش نستفيد من القصه :
نستفيد انو اذا جات لعندك واحده شحاته
ومابش معك زلط تدي لها .. حاول تسعدها
بقدر استطاعتك .. حتى لو انت سامج ..!!

زمان كان معي رقم وهمي
اجلس اخترف به العيال
لايوم وصل لايدي واحد من الخبره بين اقوله
وينك ياحبيبي ، قال شق البقاله
قلت او ياربي في نفسي اخرج اجعل ومقدرش
قال مابنفسش ؟!
قلت له بفك
قال ششتري
قلت الزنوه عيشتري صدق او مع ؟!

قمت خرجت لاطرف البقاله ون الغالي اشترى وبياكل دخلت الشات ونو بيقل بناكل ياعمري
قلت له بنفسي شكلاته بريك
قال الان بشتري وباكلها لنيتش
واشترى ابن السوق وانا اشتي اقرح ضحك

تعبت مجابر فصلتها !!
قلت له فيني بول ومقدرتش اقوم قوم شخ بدلي
وقام يشخ وانا افتطرت ضحكه وقلت له
لو تقلك قوم ارتكب ماعتفعل ..!
"
رجع دري انو انا ووقع لي زبط وخفع
من عيال الحاره كلهم ..!!

قبل يومين كنت واقف في جولة الحباري
مراعي لواحد ، شويه ماسمعت الا صياح نسوان اجي ابسر وبه ثلاث شحاتات مسكينات بيضربين شحاته متعصبات عليها ، وبعدا شلين حجار ويشتين يتراجمين

انا افتجعت لايكسرين الفريم حق السيارة
وقلت انزل اسد بينهن .. ونزلت وبه واحد
عسكري من حق النجدة بيفرع بينهن !!

وهاذيك اللي كانين بيضربينها هربت لعند واحد جالس مخزن في راس الشارع

قلت لواحده منهن مالكن عليها
حرام مايسبرش هكذا
قال العسكري دعمم لك منهن ياخي
هن هكذا كل يوم

رجعت واحده منهن جات لعندي وقالت لي :
شوف ياخي احنا هذولا الثلاث
وتيك اللي كنا بنضربها، متزوجات
هذاك الرجال الذي هربت لعنده
قلت لها طيب ، قالت : هو عادو تزوجها
قبل سته شهور ، واحنا الثلاث كل واحده مننا ماسكه شارع مع عيالها اول ماتغلق الجوله
ننزل الشارع نبسر لنا ماكتب الله

وبعد ماتزوج هاذيك الرابعه شرط علينا
انو اكثر واحده عتكون تدي له زلط خيرات
عيكون يرقد معاها

قلت لها تمام ، قالت هاذيك هي عادي شباب
وبتجمع زلط خيرات وقد له ثلاثه شهور
بيرقد معاها .. واحنا ماشي !
واحنا الصدق ايحين ماجت لنا الفرصه
بنقوم نضربها مقهورات منها

رجعت قلت لها خيرة الله ورجعت فوق السيارة

شويه وجات في راسي فكره
وبعدا صيحت لهن قلت لهن
معي لكن خطه ضخمه !
قالين ماهيه ؟!
قلت كونين انتين الثلاث جمعين الزلط حقكن حق اليوم كله لعند واحده وهي تسير تمكنه
وعيطلع مبلغ اكثر من حق البنت وعيرقد معاها وبعدا كل يوم تمكنين الزلط لواحده، وهكذا

وهن فرحين وقالين الا صح فكره حاليه !
"
المهم اليوم مشيت من نفس الجوله
ووقفت لوما يفتح لنا المرور
وبعدا جات واحده شحاته لعندي وبتقول :
الله يوفقك ، الله يحفظك ، الله يحاجي عليك
سترك .. رزقك

قلت لها مابش معي الله يدي لش يا اختي
قالت مشتيش زلط .. قلت كان ماتشتي ؟
قالت او قد نسيتني ؟!
احنا الذي تضاربنا قبل يومين وانت جيت
اديت لنا الفكره الضخمه هاذيك
قلت وكيف الامور ، قالت سير الله يفتح عليك ويرزقك من حيث لاتحتسب😅

قالت واذا وقفك المرور كلمني هو صاحبي
شاخليه يفلت لك ، او اذا احد كان يغثيك هانا
كلمتني عنقوم معك كلهم خبرتنا🤣🤣
"
المهم اذا واحد منكم حنب في جولة الحباري يحاكيني قد معي معاريف هاناك ..!!

أمس قطعوا علينا النت حق البيت
رغم انوه مليان رصيد ...!
قلت مش مشكلة .. أنا شابسر ايش الخبر
طلعت الجباء وكل شي تمام
طفيت المودم وولعته
نفخته .. ضرّبته .. هزهزته .. فرمته
عطفت الدقلات .. حبحبتهن
وجهتهن باتجاة القبلة

لكن ولااااا .. مابش فايدة !!

مابلا قمت أتصلت بالشركة .. من تلفوني الموبايل جاوبني واحد مبحشم في الحالين
وشرحت له المشكلة
قال : طيب كم رقم الخط ؟!
قلت : كذا كذا كذا
قال: اسكه اتأكد هل به حرارة في الخط
والا مابش؟
قلت : ليش او ماتقدرش تطلعها من عندك ؟!
قال : ماشي .. مابلا ابسرها أنت من عندك

قلت طيب !
وفي هذه الحالة احتجت إلى تلفون ثابت
لإن ماعدبش معانا
مابلا سرت شليت حق واحد صاحبي
وصلت شبكته وابسرت وان الحرارة موجودة
رجعت اتصلت بالشركة مجدداً
جاوبوني !
قلت لهم الحرارة جاهزة وكل شي على مايرام
قالوا : خلاص في هذه الحالة ضروري ماتطلع تراجع مكتب خدمة المشتركين
قلت أمري إلى الله .. وغلقت

المهم .. بكرت اليوم الصباح لاعندهم
لا مكتب خدمة المشتركين
او بمعنى أدق مكتب خدمة الغلبانين !

وصلت ولقيت واحدة منهمكة فوق الكمبيوتر
قد عيونها حول
قلت : صباح الخير ؟
وهي ساكتة ولانخس

قلت في نفسي والله ان شكلها من أتباع الشيخ محمد الإمام، الذي يعتبروا جملة صباح الخير بدعة .. وكل بدعة ضلالة .. وكل ضلالة في النار

اتخيل تدخل النار عشان قلت لواحد
صباح الخير ؟
هههههههههههههههههههههههه

ناهي ماعلينا .. نرجع لموضوعنا

قلت لها : السلام عليكم ؟
وهي ابسرت لاعندي وقالت : أي خدمات؟
شرحت لها المشكلة بالتفصيل
قالت طيب ممكن تجيب لي الرقم ؟

وانا فرحت .. ظنيتها تشتي رقمي
كنت اتلفت يمين وشمال .. وانا مرتبك
قالت هيا كم ؟

قلت هااه .. كم ماتشتي ياحياتي
اصلا اول مره بنت تقلي كم الرقم !!
هههههههههه لاتصدقوش

قلت سجلي عندش .. ثلاث سبعات
وهي ابسرت لاعندي وقلبت عيونها !!
قالت : ياخي انا اشتي الرقم الأرضي الله يهديك
قلت هاااه .. عفواً .. عفواً

المهم أديته لها .. وهي دخلته في الكمبيوتر
وقالت هذا الرقم مقيد
قلت كيف يعني ؟!
قالت يعني انزل سدده تحت وهم عيحرروه لك
وبعدها عيكون النت جاهز !

قلت طيب .. ونزلت لاتحت
وصلت وانهم يشتوا 8 ألف اشتراكات
متراكمة حق الخط الثابت

مسكت على رأسي وقلت : شلوا دمي والقفاء
لانا شاسدد الثابت بثمانية ألف
ماعدبش معانا تلفون اصلاً !!
قالوا ولو .. ماعيرجع النت الا لما تسدد الثابت
يعني اجباري !
قلت خير .. ووقفت امام شباك التسديد
وانا مقهور وفي هذه اللحظة الحزينة ذكرتكم
يا احلى متابعين .. ذكور واناث

قلت عليه العار من فلتكم
وقمت كشكشت ثمانية ألف ريال
وقلبي عيقرح عليها وسددت الثابت
رغم ان احنا مابنستخدمة بالخالص
لكن خيرة الله .. كله على شانكم

الآن جالس أبحث عن اشخاص معاهم
ارقام أرضي علاسب اتصل اجابرهم
واحلل الرصيد الثابت
قدنا ساع المشتركين حق شركة واي ههههه ..!!

‏عزيزي صاحب القناه مش اي قارح تسمعه
تقوم طوالي تفعل منشور وتسأل ماهو هذا القارح ..؟!
يمكن يكون تاير قاطره
والا واحد قرح عليه الضمار
والا واحد قرحين القات حقه
والا صاروخ قارح صلا هولاك الملاعين ..!!

#وانت_قارح_بروحك_حملت_تنشر

اليوم عاونت عجوز قلت عشان تدعي لي
كملت اعاونها .. قامت تدي لي عشره ريال
صيحت لها عوووو مابش الله يزوجك ؟!
مابش دعوه حاليه ؟!
الشنب هذا بكله مالفت نظرش ياعم الحج

قالت الا ذكرني شنبك بطرف المفرشه حقنا
ههههههه رجعت شليت العشره وسرت احلق ..!!

اقسم بالله ان اخس شعور في العالم لما تروح البيت بدري ويجي في بالك تروح تتم التخزينه في البيت تفتهن ! وتوصل وعمتك ام المرة في الزوه ماسكه الريموت وتبتسم لك على اساس فعلوا لك مفأجاه ماشي يا مره انتي فاهمه المفأجات غلط هذه مفأجعه لو وصلت والبيت بيحرق انو ارحم…