#ҲАҚ_ҲАҚ_билан_юксалади

Шиа мусулмонлар билан ҳақиқий бирлик ва самимий иттифоққа ҳеч бир мўмин қарши чиқишга ҳаққи йўқ.

Масала шундаки, ақийдаси ва тарихи ғайридиндан кўра кўпроқ Ислом аҳлига зарар бериш, мўминга нафрат, кин ва адоват билан тўлган, қўллари доим мўмин қонига беланган бир тоифанинг сиёсий иродаси томонидан бугун амалга оширилаётган «қаҳрамонликлар» ҳақ, Ислом ва Қуддуснинг самимий мудофасими ёки яна Ислом аҳли учун қўйилаётган сиёсий тузоқми?!

Бу тоифанинг тарихи ва ботил ақийдасини эслатиш орқали оддий бир шиа мусулмонга қарши нафрат ва кин уруғини экиш эмас, Эрон ва унинг сиёсий сафавий лойиҳаларидан мўминларни огоҳ этишдир.

Ҳиссиёт тузоғига балки илм аҳли тушмас, бироқ авом халқ соҳта қаҳрамонликларга мойил ва ақийдасини бундай қаҳрамонликларга фидо қилишга доим ҳозиру нозир бўлади…

Қайта айтаман БИРЛИК ғоя эмас василадир. Ғоянинг булғанишига олиб келадиган бирлик Исломга зиддир.

Ислом ва Қуддус Аллоҳнинг пок ва ҳақ даъвосидир. Бу покиза ва ҳақ даъво кирли тоифалар ва ботил аҳли мудофаасига асло ва асло ва асло муҳтож эмасдир. Бу қуруқ гап эмас, ақийда ва инончдир.

Шайх Шаъровий роҳматуллоҳи алайҳ бир пайтлар Исломни ва пок этиқодни ботил идеалогияларга алмашган, мотиватциясини иймондан эмас, фрондаги артистларнинг ашулаларию рақсларидан олган Миср, Сурия ва бошқа араб давлатларининг қўшинлари Исроил армияси олдида эзилиб янчилганида Аллоҳга ҳамд айтиб шукур саждаси қилган эканлар… Нега дейсиз?!
Бунда ақл эгалари учун ибрат ва ҳикмат бор!

Икки нарсани айтиб қўяй:

1) Бу ерда асосан Эрон давлати ва шиаларнинг сиёсий ва ҳарбий ҳаракатларига шубҳа билан қарашга ундаш бор, оддий шия мусулмонни ҳадаф таҳтасига қўйиш кўзланмаган.

2)«Сен кимсан, Ғазза аҳли Эроннинг ишидан шод ва байрам қилмоқда» деманг, зеро Фаластиннинг, Қуддуснинг ва ҳатто Ғаззанинг вайрон кўчаларида Кока Кола ва Ариел ҳозиргача истеъмол қилиниб келинган ва имкон бўлди дегунча яна истеъмол қилинмоқда…

Бизлар Аллоҳнинг китоби ва Росулуллоҳнинг суннат ва сийратларига иймон келтирдик, йўлимиз, таҳлилимиз ва қарорларимиз манашу уч нарсанинг мейзонидан оғишмасин!

Қубо олдига қурилган Зирор масжиди «Ҳа энди нима бўлса ҳам масжидку …» дейилмади ва дарҳол бузиб ёқиб юборилишга Аллоҳ Росули соллаллоҳу алайҳи васаллам амр қилинди ва масжид бузиб ташланди ва ўрни ахлатхонага айлантирилди… Чунки Қубо масжидини қурганлар ҳақиқий иймон ва қилган ишларида самимият ва ҳақ аҳли, Зирорни қурганлар эса иккиюзламачи, мунофиқ ва сиёсий фитна режа қилган ботил аҳли эди…

Эрон дейилганида, пойитахти Теҳронда ўнлаб яҳудий сенагоклари ва ўнлаб насроний канисалари бўлишига қарамай сунний мусулмонлар учун бир дона ҳам масжид бўлмаган ва бундай масжид қурилиши қонунан ман этилган бир давлат ҳақида гаплашябмиз…

Аҳли байт севгиси деганда Росулуллоҳ соллаллоҳу алайҳи васалламнинг бутун зурриёдларини эмас, Ҳусайн розияллоҳу анҳунинг фақатгина форс завжалари Кисро қизи Шаҳр Бонудан тарқаган авлодларинигина улуғлашга ружуъ қўйган бир севги ҳақида гап кетмоқда…
Тушунябсизми?!

Билмадим, қачонгача ҳиссиёт билан соҳта қаҳрамонликларга мойил бўламиз.

Аллоҳ Ғазза халқига ва Ислом оламидаги барча мусибатларга фараж берсин!

https://youtu.be/kEFMzYpDNLQ?si=KechyYKu3uOQA1UQ

@Abdulqodir_Azhariy

"Муқаддас босқинчилик" ҳужжатли фильми яҳудийларнинг ҳеч ким билмас жиноятлари ҳақида. Бу жиноятлардан жаҳон афкор оммаси умуман бехабар. Кўрсатув эфирга чиққач сионистлар медиаси саросимага тушиб қолди.

Илтимос вақтингизни аямай кўринг!

@Abdulqodir_Azhariy

Алдаркўсалар кўпайган замонда яшаябмиз!
Аллоҳ фаҳм-фаросат, ҳаё ва иффатдан
асло айирмасин!
Бошини қумга тиққан туяқуш мени ҳеч ким кўрмаябди, билмаябди деб ўйлар экан, ҳолбуки у энкайган ҳолида бутун олам унинг мастур жойларини ҳам мушоҳада қилиб турганини билмайди…

Роббим қабул бўлмайдиган дуодан ва тўймайдиган қалбдан паноҳ берсин!

Гоҳида шунақа алдаркўсаларнинг макрли ва макиажли постларини кўриб - сеними шошмай тур - деб енг шимараманууу, бошқаларга лой сачрашидан қўрқиб тисариламан, аммо қон босимим ошиб, базўр виждонимни бошига урман ва кўрмаганга олиб кетавераман.

Аммо лекин, бу сабрнинг ҳам бир кун паймонаси тўлар…

Мазмун, натижа ва маънога эмс, шов-шувли ва талбисли мазҳарга, сафсата ва тасвилли тасвирга ихлос қўйиш ва шахспарастликка мубтало бўлган миллат ҳар жабҳада алдаркўсаларга мубтало бўлишга мустаҳиқ бўлади.

Моддий ва маънавий қувватлари ҳам, ҳатто диёнатлари ва авлодалари ҳам алдаркўсанинг шахсий пиари, комфорти ва мазахўрак ҳаётига фидо бўлиб кетаётган оламоннинг энг буюк хатоси ихлосни Аҳад ва Сомад бўлган Аллоҳга эмас алдаркўсага қўйишларидир!

Зое бўлаётган энергиялар ва зое бир насл авлод…

Баъзан уларни ИТдаги лентада бирдан зуҳур қилиб марифат фиръавни эканликларини зимдан даъво қилишлари, гоҳо эса этик кийган мушукдек мўлтираган постлар ёзишлари кўнгилни беҳузур қилиб ташлаябди…

Маънавий чиқиндиларнинг ахлат қутиси қайда бор экана?!

@Abdulqodir_Azhariy

Онлайн дарслар бўйича биринчи бепул очиқ дарсимиз бўлиб ўтади. Ушбу каналга уланиб янгиликлардан хабардор бўлинг: https://t.me/+_798osQ_efhlY2Y0

Ўша қонун лойиҳаси умумхалқ муҳокамасига қўйилибди, алҳамдулиллаҳ. Фаол бўлайлик, фарзандларимиз келажагига жавобгармиз.

Аллоҳ таоло айтади:
"Эй мўминлар, сизлар ўзларингизни ва аҳли-оилаларингизни ўтини одамлар ва тошлар бўлган дўзахдан сақлангиз" ("Таҳрим" сураси, 6-оят).

Изоҳдаги ҳаволага кириб, ўз фикр-мулоҳазангизни билдиринг:

@Abdulqodir_Azhariy

#Қадар

«Видеонинг 1 чи қисми эски Туркия, 2 чи қисми эса янги Туркия. Қўрқинчли видео, кино, хабарлар орқали инсонларни, айниқса болаларни ақли ва қалбида руҳий террор эстирсангиз ҳам, динидан қанчалик қўрқитиб, узоқлаштиришга ҳаракат қилсангиз ҳам, динига, Қуръонига, Пайғамбарига с.а.в, ватанига, миллатига содиқ ҳур ва эркин, порлоқ авлодлар барибир ҳам гумбр-гумбр келаверади. Албатта қоронғуликни севувчи кўршапалакларга қуёшнинг чиқиши ёқмайди...»

(Begi Turkiston саҳифасидан олинди)
Туркиядаги сўзда демократия билан амалда демократия даври орасидаги фарқ. Демакки, қардошларимиз билан қадаримиз айни кечмоқда. Гўзла ва порлоқ кунларимиз ҳам айни бўлса шояд.

Инсоннинг фитратига қарши тутумлар барибир узоққа бормайди... Бўлибам, жамиятни жамият, миллатни миллат, давлатни эса тарихда шонли ва шавкатли қилган нарса қадрият экан, барибир қадрият онг ости онгларимизда ва бу миллатнинг томирида ўзини муҳофаза қилиб қолаверади ва бир кун бу қонлар гупиради, миллат мозийдаги каби яна хур ва қудратли тарих ёзади... Қуёш яна балқади ва
кўршапалаклар посланган ғорларига қочади...
Бу ундан асло қочиб бўлмас қадар ва илоҳий кавний қонундир.

«Аллоҳ Ўз ишида ғолибдир , лекин одамларнинг кўплари буни билмайдилар.»
[Юсуф сураси 21-оят]

@Abdulqodir_Azhariy

#Тарбия

«Бир йилнинг ташвишини қилсанг уруғ эк, ўн йилнинг ташвишини қилсанг дарахт эк, агар юз йилнинг ташвишини қилсанг инсон эк!»

(Хитой халқ мақоли)

@Abdulqodir_Azhariy