‏من عرفتك صرت أعرف أبرك مجاهيم الليالي
‏ليل ٍ يجيبك على بالي  .. هو الليل المبارك .

‏أنت حاكم خافقي وأنت المفوّض
‏لو غدت كبدك على وصلي غليظه

‏أنت فرصة فالعمر ما هي تعوّض
‏في حياة اللي عسى ربّي يعيضه .

عسىٰ الله يـجيـب الـخيـر ويحقّـق الأمال
مـدام النفس بـحكـمة رضاه . . ملـحوقه .

لك أيام مانت الأوّلي ياخدين الروح
عسى شاغلك عنّي مهو بأمر تعسّيري

لو إني ماعرف المنكتب في سطور اللوح
أعرف الشعور اللي شغل فيك تفكيري

تفاصيل صدّك مالها خاطرٍ مشروح
ولا وافقت عذرك ولا قدّرت خيري

تمادى غلاك بصدري وقلت له مسموح
يجور الوله .. وآقول هذي مشاويري

غرقت بْبحرك ولا طلبتك سفينة نوح
أبي لحظةٍ ترضي بعيني معاذيري

عطيت السنين حكايتي والشعور يفوح
ولا آشوف أثر فيك لو ربع تأثيري

يامملوح لا تجبرني آصد يامملوح
لا روّحت .. ما والله يردّني سيري

إذا ماقنعك الشعر في صوتي المبحوح
ولا حبكة جروحك من أبداع تصويري

عليك السلام ولا علي العتب مسفوح
تركت السما وبراحتك هدّ يا طيري

لو إنّك مناي السالفه ماعليها مزوح
أنا واحدٍ .. صعب أتقارن مع غيري .

مثل القصيدة مزاجية حضور وغياب
‏ماهي تجي غصبّ لو ما جات من كيفها .

‏(يا آخر العنقود ) أنا كلي مشاعر
ودي اوظفك في فكرة جديدة

ضني أمك شاعرة و أبوك شاعر
وأنت يبغونك تجي ( قفلة قصيدة ) .

‏سموّ الأخلاق يجعل منك صاحب سمو
الناس تملك قلوب الناس .. بـ أخلاقها .

‏طبعي كذا من فضل ربّ العالمين
قناعتي تفـرض عليّ حقوقها

لو أرسم البسمة على وجه الحزين
كنّـي ملكت الأرض و اللي فوقها .

‏إن رضيـت بشي مـا أرضى مخافـه
ما اقبل أنصاف الرضا في كل أموري

وإن رفض قلبي و عاف الدرب عافه
ما أجيـه بنـص خطـوة من عبـوري

الوداعـه و السـماحـه و اللـطافـه
هذي أصـدق مازرعته خلف سوري .

صباح الخير يا أجمل صباحاتي على الإطلاق
جميل الصبح لكنه غدا مع ضحكتك أجمل .