كانت النهاية من العَدم
لم نحظَ بها حتى ،
لم نعرِف الوداع مُطلقاً
بقِيَت علامة استفهامٍ مندهِشة
لكن الشيء الوحيد الذي أعرفه
أنني سـ أسألُ نفسي دائماً
وفي كلّ يوم .."لِمـاذا؟".

#سـدرة_حـموي ✨.

لا أحِبّ أن أرى إنساناً
وحيداً ، خائفاً ، مضطراً ، ضعيفاً
أُحِب أن أرى
الرّحمة ، الحُب ، الحنان ، الرّقة
في قلب كُل إنسان
وعلى إنعكاسِ وَجهه ♥️.

#سـدرة_حـموي ✨.

••
- جميع النصوص التي يوجد أسفلها #سـدرة_حـموي هي نصوصي ، ولا أحلّل نشر أي نصّ بدون ذِكر الحقوق .

- لُطفاً حفظ حقوق الكاتِب?.

••
"مين سِدرة"؟

- شو حابِب تعرف عني؟
بكتُب ، وبعيش أجوائي بين سطوري
كتابتي بتتمَحوَر بين الفُصحى والعاميّة
وغالباً العامية بتكون مكركَبة وفوضويّة
لهيك بحتفِظ فيها لَـ حالي
بلجَأ للكتابة كَ مهرب
بسنُد حالي بِ حالي ، بداوي جروحي
وبدعَس ع قَلبي لما اضطَر ..
بغنّي ، صوتي بيهرُب مني وبِسابِق الرّيح
بتأسِرني الوَسامة العقليّة
بحِب البَذخ بالمشاعر ، بحب الحُب والدّفا
دايماً عندي أمَل كبير ،
بضَل اركض بهالطريق تَ أوصل
للمَطرح اللي بتمنّاه ، تَ أوصَل لحلمي
وكون فخورة بحالي وبإنجازاتي
الصغيرة قَبل الكبيرة ،
يمكِن أحلامي صَعب تتحقّق
بس مِش مُستحيل!
بحب الورد بكل أنواعو ، حتى الصبّار!
النّسمات الخفيفة بالليل ، النجوم والمَطر ،
و"الفراشات"
بكتير أوقات بكون ضايعة ومشوّشة
كل يوم بحارِب شي جوّاتي
ولازم انتِصر ، لازم كون قوية واتحمّل
بحب أترك أثَر بكل مكان بلِمسو
مليانة تناقُض وأحلام كبيرة
كنت بحب كون راقِصة باليه
بفضّل شهِر تشرين ، فيه نجوم كتير
وديسمبر شهري ، فيه حُب وحنين
لمين؟ أنت بتعرف؟
طب وهلأ ..

عرفت مين سِدرة؟
أنا مكعّب أسرار .

#سـدرة_حـموي ✨.