**المتعوده اعله حضن  حسين هاي الليله مسبيه
نامـت عالتـرب ونـار    واويـلـي  عـلى ارقـيـه

اديها مورمه من السوط والرجلين مـــحروكه 
مـن الطـف وركض الشوك والدخان مخنوكه
مـامرت بكل الــناس طفله إتــــنام مشبــوكه
شلون تنــــام بيــــن الخيل البالعباس محميه

عطشانـــــه وتهم بحسين ما نامت العطشانه
مــــنتظره يرد ليها أبيــــن الـــــخيل سهرانه
تنـــــشد زينب بـحركه شـــو عـباس مــا جانه 
شفت بـــركضتي عمه رايـــة عمي مـــــرميه

علي ويـــــاج يا زينب كومي انروح للحومه
اروح الـــــوحدي ما اكدر كل الطرق ملزومه
اريد اتباصر وي حسين وكله الخيم مهجومه
واريدلي مـــجان ارتاح يبـــويه مورمه رجليه

خيــــل ونار والــــــفرسان تفتر عالخيم فره
اسحك جمره وصرخ اخ وعثرلي بالف جمره
بين السيف بين السوط مـا ميز من السطره
من عندي اشـيـريد  الجيش كله داير اعليه

زغير اعله الحبل جفي أمايرهم علي ينشد
ليش بيا ذنب يا ناس أنه اعله السبايه انعد
حـارس جان الي عباس وهسه ما إليه أحد
كبل لا شوف هذا الحال ريت عيوني معميه

نسألكم الدعاء 
         جـليـل البـديري**

شنــــــهو فرق اليله عــــن البارحه

الــــــــبارحه العباس واكف بالخيام
الـــــــيله شـو خيمتج زينب طايحه

البارحه امأمنه الطفال وماكو خوف
الـــــيله شـــــو نسمـــع ابيتج نايحه

الــــــبارحه القران يمج يحجي جان
الـــــيله هـــــل قران يــاهو الذابحه

الـــــبارحه عدكم عرس زفت شباب
الـــــيله شو عــــدكم يزينب فــاتحه

الــــبارحه ادلال الكرم جانـــت تفور
وبـــــيد الكبر دلـــــت الــــعز فايحه

الــبارحه شدت ورد جنت انه اشوف
ومـــــن حبيب اسمع سوالف مالحه

الـــــــــــبارحه التايه تدلونه الطريق
الــــيله كـــــــل التــــاه بطل صايحه

الــبارحه يخجل هوا الله ايمر عليج
اليــــله متنج بـــــاله يــاهو الجارحه

ارد اسالج ودري بـــــي خله السؤال
انــــتي بـــــاجر ويـــــن زينب رايحه

صــــدك ترحيــن اليزيد وهاي ليش
بـــت علي انــــتي وهذا ربج فاضحه

وصدك كدامج يطك راس الحسين
وانـــــتي من الغضب روحج طافحه

انـــــــــــه اسف خاف زيدت الهموم
بــــــــــس سؤال ابالي كلش شابحه

شنـــــــهو فرق اليله عــــــن البارحه

خادمكم جليل البديري

شيخ الهواشم عباس طب بيده شايل رايه
لم العساكر صوبين طك راس هاي ابهايه
دك ثايه وسرفن ذرعانه
*'' '' ''
من الحرب حطت وزرهـا وناخت
الجانت اشيوخ بكربله مـا شاخت
خلاها كلها اتصيح عبـاس ادخيل
والـزلم ضلــت تلبد بسد الـــخيل
من شال سيفه بجفينه.
والزود طالع مــن عينه
حياك يـــــا عم اسكينه
ذل الطف هوه وفرسانه**

هــــد والانصار وياه هدو كلفيــن
كالو فــداك انروح وبشر يحسين
للحومه مــن طبو حبيب وعباس
ضاكت الدنيا بيومها بعين الناس**

ردو الطالع عـــن طوره.
والسيف ضل ياخذ دوره
على روح كتبو مـــنذوره.
لحسين مرخصين ادمانه
*'*
عبـــاس والأكبر وجـاسم والــجيش
مــن صــارو ابنصه انثر مثل الريش
طحن الرحه ايطحنون بالقاده بزود
ولـــــد الهواشم خلو الروس شهود

عبـــــــاس داس الخياله.
مــــــــأجور جاسم كلاله
مـــــــعروف طك العياله.
غيره ودم تجري بشريانه

جن ليل صارت ونحبس شوف العين
مــن طبو الحومه ابو فاضل وحسين
مــن الخيم للحومه ضلت بس روس
والسلم مـــــنهم بالحوافر مـــديوس**

عبــــاس وحسين الهيبه.
والــــــجيش كلبو ترتيبه
فدوات روحي لهل شيبه.
وحسيـــن اتباها بخوانه
شـــــدو حزمهم ونتخو بــــــالكرار
وسيـــوفهم تشمر على العسكر نار
صـار الـذبح بــالعسكر ثنيــن ثنين
والسلم مــن عباس يوكع بـحسين
ما صار ولله الطف يومه
عبــاس هوس بالحومه
وللناس صارت معلومـه
عباس الموت بجفينــــه

نسألكم الدعاء
جليل البديري

ياعلي كل امنياتي اندفن يمك اريد 
انه احبنك يحيدر دووم اكررها واعيد 
علي علي.                       علي علي 
ياعلي اقسم عليك بزينب وحب فاطمه 
رايد بحبك يحيدر كون حسن الخاتمه 
البرزخ وذاك العذاب
وكبري وحشه وماله باب
وظلمته وثكل التراب
يمك يصيرن سراب
ياعلي كل أمري بيدك من زمان مسلمه 
الماله اول ماله تالي هنا بدا بيت القصيد

انته تكدر تفر دنيا وطلبتي ادنا واقل 
خادمك رايد اصيرن يالتحل الماله حل 
ياعلي انته مناي
بدونك أصبح مالي رأي
ياضواي ويا هواي
انته يا ارضي وسماي
انته خير العمل وانه عاشك الخير العمل رايدك تحسبني مره عبد كون من العبيد

اقسم بطه وجماله وفاطمه خير النسه
ألهوى المابي محبتك ماريد اتنفسه
وين ما حبك اروح
وحك رب النجا نوح
دووم اضل اعليك انوح
يالي مخلي بروحي روح

هذا اضل من البهيمة الكلبه يمك مارسه
والي عايش ع حبك هذا أقوى من الحديد

ياضمير الدين حيدر وماكو دين بلا ضمير
محد مسويها قبلك بصلاه تنطي الفقير

انته ياروح المجد
بفضلك يحير اليعد
يالي جندلت ابن ود
انته عالم مو فرد
انته ع كوثر الساقي وانته الول والأخير
والعلي ترضى يحيدر بعد من الله شيريد

يا سبيل الخير حيدر يمك يقل السبيل
انته بس الله ورسوله يعرفك وهاي بدليل

بالحديث النبي كال
وصفك بجمال جمال
محد يعرفك محال
بس انه ورب الجلال
انته جار الله وحبيبه وغير دربك ما يفيد

نسألكم الدعاء
جليل البديري

تهدمة والله اركان الهدى

بالحزن جبريل يندب ياعلي
طاح بالمحراب مصيوب الولي
واظلم الكون وخفى الامر الجلي
والملاك تصيح يا حامي الحمى

اه يا جرحه ومصابه أعظم جرح
عسا هذا اليوم لا طر الصبح
كلشي فاهي ايصير لو راح الملح
ننطي الرواح العلي كلها فدى

ياعلي ايتامك بيا حاله تصير
من بعد جفك يبو خير الجبير
علينه كلنا اليتم بين يا أمير
انته للايتام جنت المبتغى

يبو الثام الثامك ايعرفه الفقير
انته تحضر للذي يريد مجير
لا يجي غيرك ولا مثلك يصير
انته يابو حسين مالك مستوى

انته عادل وانته جفك كله زود
انته قطبه ويمك ايدير الوجود
انته ايثار وكرم غيره وصمود
ومحد يشبهك يحيدر بالعطى

يمك ايأمن الخائف والطريد
وأنه احسك ياعلي دم بالوريد
ياحبيب النبي يالرايك سديد
شلون تتخضب لحيتك بالدما

نسألكم الدعاء
جليل البديري

عظم الله لنا ولكم الاجر واحسن الله عزاكم

يا ناعي الحزان قم ونعى للسجين
قل مات عطشان ك جده الحسين
عرج بنا إلى.   مصائب كربلاء

علي صوتك صيح هذا العلجسر روح النبي

صيح ابن جعفر يعالم كضى بسجن الناصبي

صورت اجنازت الكاظم جنها محمل بسبي

وصيح الرواح الحزينه للعزاء اتقربي

مات ابن جعفر.   من حقيه سليب
نادا المنادى.     . هذا النعش غريب

اما. يازهراء.   لك لكي العزاء

انعى كول الشال نعشه يشبه الساك الضعن

كربله وجسر الرصافه بالحزن يتشاهبهن

حسين ضل حدر الحوافر وموسى ضل بلا وطن 

هل مصايب ع بنادم ابد والله ما جرن 

في العين دمعات  وفي القلب لهيب
لما جرا اه.           من منضرآ رهيب 

لن تكفي دمعات     عيني ولو دماء

المايحب ولد الزجيه هذا عاش بلايه دين

واليحارب صفوت الله بكل زمن يبقى لعين

الناس مختاره اليذلها وعايفه الحر والجين

ماتو العدهم عداله وبقو بس الظالمين 

وتلك الأيام.           نداولها معا 
كم مره ع باب.   حجو كلمت وأن 

مصابهم عظيم    بكت له السماء 

يله ياناعي المصيبه احجي بالنص والدليل

منهو أشد حرمه ع الله الخيم لو نار الخليل

ويا نفسه طمنها ربنا وما يمر عليها ويل

ويا مرا البالدنيا صارت والكمر الها كفيل 

علي نفس الرسول.        وهم كلهم علي 
ومثل الشمس هذا.    الأمر واضح جلي

وخل يسمعو معآ.   الماله. وآله ولاء

الرايد ايذمنا ويحارب هل شعائر والطم 

خلي يحذر ترا المهدي يصيرلها ند وخصم

احنه من نبجي عليهم عن درايه وعن علم

الله خالقنا اعله حبهم يعني بضد ما نهم 

لهم كلشي فدا      همَ خير البشر
نحن لهم خدم.   فمنّ حبهم ضفر

رغم العدى نصيح     ونرفع النداء

نسألكم الدعاء
جليل البديري

اومي ابطرف العبايه المحترك
راح اموت وتصبح الفركه صدك

ارد اسولفلك اهمومي 
وحالتي وهضمي وضماي

فاركتني وراح كلشي
حيلي والشوف ومناي

وكام كل الشاف حالي
يكول لا مو هيه هاي

الوكت كام ايعيل بيه
من الحمل حدب كفاي

وابد مامرت ع بنادم بلوتي 
اشكي بس محد سمع صوتي وشكوتي 

وكلبي بس الكم يبو فاضل يدك

العمر صحره وجزر وكتي
 مايصح بيامي مد

والجروح البيه هيمه
بعيني ماشوف الها حد

مثل شجره الروح ذبلت
والأمل منها انجرد

مات كلشي بروحي أريده
والحزن بيها انولد

خويه فدوه انروح الك انه وعباتي
رايده تحضرلي بساعت مماتي

امنيتي كون بكبر واحد ننطبك 

ويه كل سكرت منيه
اذكر الطف والسبي

ومن اغمض عيني وسكت
تعرض اكبالي العبي

واذكر اجثثكم الضلت
طالبي يم طالبي

يعباس بداعت امك
خويه نفذ مطلبي

ما اريد ابموتتي مايمي غالي
صحتك وماصحت للزهرا تعالي

هب نسيم وفل هواي المختنك

ادري التحضره المنيه
يوصي إخوانه وهله

انه اوصيمن وكلمن
كل اخوتي بكربله

والله يالعباس روحي
اشتاكت الكلمه هله

وذكر شلون انه عدك
جنت حره مدلله

فركة الخوان أصعب من منيتي
شنهو ذنبج ها يروحي اتعذبيتي

موش بس عودي ذبل حتا العرك

كربله هيه أمنياتي
وكون الها بشوك اطب

بلسم الكل عله بيه
من اشم بيها الترب

وفوك كبر حسين انوح
وتنطفي نار الكلب

بغير ملكه الي يحبه
ماقنع مره اليحب

وكون فوك التل وصيحن ها يعباس
لا تخلي اختك وحيده بولية الناس

عليِ لحك خويه يالما. تنسبك

جليل البديري

بعيني الفكدك دمعه ماترجمها الالم
بفراكك اهاتي ما يكتبها القلم
فدوه لعينك ولدي غيرك انه شعندي
حسين حسين. حسين

هوه الفاركاك ايموت كلشي بدنيته أيريده
يحسين الكلب مشتاك الك يالساكن وريده
الدنيا اتعيد كلشي عليك بس الغالي متعيده
الجنت اصابح ابوجها صارت شوفته بعيده
مات وياكم ضني. حك يزايد وني

ياريت بطف الموت عمري وياك نختم

اضلن عايشه بدونك احسن ما الي داعي
واحس هذا الهوى يحسين من اشمه يزيد اوجاعي
بدال اضلوعك الترفه منيتي مكسره اضلاعي
تمنيت من احن وشتاك الك ياخذني الساعي
تدري بكلبي حنين. أثر بيه الونين

نار عليك بروحي تشبه نار الخيم

يحبني الله لان اهواك انته شكد علِي غالي
يمالك روحي ياروحي وكلبي بشوفتك سالي
غيرك ما شغل بالي الول انته وتالي
واذا سألوني عن حالي حسين العذب حوالي
يمته اشوفك عيني يالي محلي سنيني

بكد طعناتك وكثر كلبي عليك الجم

بطف حتا إذا يحسين بعظم شي الك ضحيت
إذا مو عمري الك أنطي احسن يمه ماوفيت
يبيتي وعزتي ومنواي رحت وطاح فوكي البيت
الله الساعد الحوراء من سمعتك من ونيت
كلشي بعمري الك والعافاك شملك

وداعت ذاك الذي ما ساجد للصنم

لو ماخذني يمه وياك جا هل ضيم ما عشته
جا شلت الكمر من طاح يم النهر ما عفته
جنت ما عرف ون اليل وهسه الحزن والفته
نسه كلشي الكلب يحسين وصارت بيك سالفته
متَ الكم مشتاكه. يم امك نتلاكه

وبيدي ارفع جفينه الكافل للحرم

نسألكم الدعاء
جليل البديري