Obodonlashtirish boshqarmasi boshlig’i chiqindini belgilanmagan joyga joylashtirgan xodimini lavozimidan ozod etdi

Ijtimoiy tarmoqlarda “Chiqindi poligoniga yetib bormadimi yoki erindimi?”, mazmunidagi xabar boʼyicha Toshkent viloyati Ekologiya boshqarmasi Oʼrta Chirchiq tumani boʼlimi inspektorlari tomonidan joyiga chiqib oʼrganildi.

Oʼrganish davomida Oʼrta Chirchiq tumani Obodonlashtirish boʼlimi haydovchisi X.А. ish jarayonida hosil boʼlgan chiqindilarni tumanning Doʼstlik MFY hududiga oʼziga biriktirilgan avtotransport vositasida belgilanmagan joyga olib borib toʼkkanligi aniqlandi. Mazkur holat boʼyicha inspektorlar tomonidan Obodonlashtirish boʼlimi haydovchisi X.А. va tashkilot masʼullari oʻrtasida tushuntirish ishlari oʼtkazildi.

Oʼz vazifasiga masʼuliyatsizlik bilan qaragan va atrof-muhitga salbiy harakati bilan zarar yetkazgan haydovchi bilan tuzilgan mehnat shartnomasi viloyat Obodonlashtirish boshqarmasi boshlig’ining tashabbusi bilan joriy yilning 27-may kunidan Oʼzbekiston Respublikasi Mehnat Kodeksining tegishli moddalariga ko’ra bekor qilindi. Shu bilan birga unga nisbatan MJtKning 91-prim 1-modda 1-qismi bilan maʼmuriy bayonnoma rasmiylashtirildi va jarima chorasi qoʼllanildi.

Oʼz oʼrnida aholiga eslatib oʼtmoqchimiz! Belgilanmagan joylarga chiqindi tashlash va uni yoqqanlarga qonunda tegishli tartibda chora koʼrilishini unutmang.

✍️Toshkent viloyati Ekologiya boshqarmasi Matbuot xizmati

Korrupsiyani oldini olish mumkinmi
Korrupsiya-iqtisodiyotning xavf-xatar manbai boʼlib, ayniqsa mamlakatda pul oqimini izdan chiqaradi. Maʼlumki, iqtisodiy va moliyaviy xavfsizlik davlat byudjetining defitsitsiz boʼlishini taqozo etadi. Korrupsiya yoʼli bilan topilgan daromad ochiq ishlatilmaydi. Korrupsionerlar harom yoʼl bilan topilgan noqonuniy daromadlarini javohirotga aylantiradi yoki boʼlmasa oʼz sohibi ishlab topgan daromadning poraga aylangan qismi yashirin ravishda jamgʼariladi. Bugungi kunda korrupsiya muammosining dolzarbligini anglash mamlakatimizda korrupsiyaga qarshi kurashish davlat siyosatining eng ustuvor yoʼnalishlaridan biriga aylandi.

Korrupsiya bilan hech qachon maqsadimizga erisha olmasligimizni idrok etish masalasi kun tartibiga qoʼyildi.
“Korrupsiyani oldini olish mumkinmi?” MАVZUSIDА Quyichirchiq ixtisoslashgan davlat oʼrmon xoʼjaligi xodimlari ishtirokida davra suhbati oʼtkazildi. Tadbirda boshqarmaning Korrupsiyaga qarshi kurash boʼlimi bosh mutaxassisi F.Savridinov soʼzga chiqib, Korrupsiyani oldini olish va uni keltirib chiqarmaslik masalasida fikrlarini bildirdi.

Tadbir yakunida mutaxassis xodimlarning savollariga yetarlicha javoblarni berdi.

✍️Toshkent viloyati Ekologiya boshqarmasi Matbuot xizmati