ЭЪТИБОР БЕРИНГ:
Тадқиқот: Саратонни янги усулда даволаш йўли топилди

Швециялик олимлар саратон ҳужайраларини қайта дастурлаш усулини ишлаб чиқди. Шу аснода хавфли ҳужайраларни онкологик ўсмалар атрофидаги ҳимоя тўсиғини бузишга қодир бўлган cDC1 турига мансуб махсус иммун ҳужайраларига айлантириш усули кашф қилинди.
Тадқиқотчилар организмдаги касаллик ўчоғига PU.1, IRF8 ва BATF3 деб номланган учта оқсилни етказишда аденовируслардан фойдаланди.

Шу аснода қайта дастурлаштирилган ҳужайралар зарарли хусусиятларини йўқотиш баробарида, иммунитет тизимидаги Т-лимфоцитларни фаоллаштириш орқали ўсимта билан жадал кураша бошлади.
Маълумки, саратоннинг кўплаб турлари иммун тизими ишлашига ҳалақит берувчи ҳимоя механизмларини ҳосил қилиш хусусиятига эга. Швед олимлари таклиф этаётган усул ана шу тўсиқларни ичкаридан бартараф этиб, ўсимта ҳужайраларини ўз-ўзини йўқ қилиш қуролига айлантиради.
Мазкур даволаш технологияси мавжуд иммунотерапия муолажалари билан биргаликда юқори самара бериши айтилмоқда.

Қайта дастурлаштирилган ҳужайралар сичқонлар организмига киритилгач, кемирувчиларда ўсимта ривожланиши жараёни сезиларли даражада секинлашгани кузатилди.
Янги усул иммунотерапия билан бирга қўлланилгач, ўсимта ўсишини бутунлай тўхтатишга эришилди. Ўз навбатида, тажриба ҳайвонларида неоплазмаларнинг қайталанишига қарши узоқ муддатли иммунитет ҳосил бўлди.
Инсон ҳужайраларида ўтказилган тажрибалар ҳам янги даволаш технологиясининг самарадорлигини тасдиқлади. Энди бу хулоса клиник синовларда ҳам ўз тасдиғини топиши керак. Мазкур тадқиқот натижалари АҚШнинг “Science” илмий журналида чоп этилди.

#Билиб_олинг
Ҳуқуқни муҳофаза қилишга оид фаолият билан шуғулланувчи ташкилотлар ишонч рақамлари:

➖ 1198 – Солиқ қўмитаси
➖ 1108 – Божхона қўмитаси
➖ 1007 – Бош прокуратура
➖ 1008 – Адлия вазирлиги
➖ 1107 – Мажбурий ижро бюроси
➖ 1102 – Ички ишлар вазирлиги
➖ 1050/101 – Қутқарув хизмати (ФВВ)
➖ 1000 – Президент виртуал қабулхонаси
➖ 1101 – Фавқулодда вазиятлар вазирлиги
➖ 1253 – Коррупцияга қарши курашиш агентлиги
➖ 1096 – Инсон ҳуқуқлари бўйича Вакил (Омбудсман)

❕Шунингдек, барча билиши зарур бўлган ишонч рақамлари:

➖ 101 – ўт ўчириш хизмати
➖ 102 – милиция
➖ 103 – тез тиббий ёрдам хизмати
➖ 104 – газ хизмати
➖ 1050 – қутқарув хизмати
➖ 1157 – табиатга зарар етказиш ҳолатлари ҳақида хабар бериш учун.
➖ 1159 – Истеъмолчилар ҳуқуқини ҳимоя қилиш агентлиги Call-маркази.
➖ 1001 – об-ҳавони билиш учун алоқа хизмати.
➖ 1004 – аниқ вақтни билиш учун алоқа хизмати.
➖ 1054 – “Сувсоз” ДУК авария хизмати.
➖ 1069 (78)140-19-19 – дорихона ва дори-дармонларни топиш учун алоқа хизмати.
➖ 1347 – иссиқлик ва иссиқ сув таъминотидаги муаммолар бўйича мурожаат қилиш учун.
➖ 1009 – барча ташкилотлар манзили, телефон рақами, томошалар намойиши, кўргазмалар иш жадвали, халқаро ва шаҳарлараро телефон кодлари, шаҳарлар индекслари ва бошқа маълумотларни тақдим этувчи алоқа хизмати.

⚡️ Kanalga ulanish uchun ???                                              @salomatlikgazetasi

КЎНГИЛ...

Барча соясини кўрса ҳам безиллайдиган корхона раҳбари Раънохон Тоҳировна бугун яна авжига чиқди.
Котиба эрта сахардан ҳаммани огоҳлантирган эди:
- "Темир хотин" кечаги келган текширувчилар туфайли яна бошқармадан гап эшитган . Совутларни кийиб тайёр туринг! Бугун ноқулай об-ҳаво шароити кутилмоқда. Кучли ёмғир ёғиб кетидан қорга айланиш хавфи кутилмоқда !"
Котибанинг айтганлари ҳар доимгидек рост чиқди.
Иш бошланишига беш дақиқа қолганда "Темир хотин" корхона дарвозаси кираверишида қоровулдан бошлаб нишини санчиб кела бошлади:
- Кеча текширувчилар келганда нега кутиб олмадингиз ? Соат ўн олти-ю йигирма бешда қаерда эдингиз ?
Қоровул ҳам гап эшитиб, эшитиб "бети қотиб кетган"дек ўзини оғирликка солди :
- Раънохон опа ,- деди у гарчи аёл қизи тенги бўлса ҳам одати бўйича ,- мен кеча ўн олтидан ўн беш дақиқа ўтгандан ўттиз беш дақиқа ўтгунча "по своим делам" билан банд эдим. Қўл- пўлимни чайиб келиш учун кетган вақт ҳам шулар ичида ҳисобланган.
Раънохон Тоҳировнанинг оппоқ юзлари яна гезариб кетди.
Қоровулни сўзини шундоқлигича ташлаб кетгиси келмади :
- Шунинг учун қоровулхонада ўтириб кўк чойни камроқ ичиш, бундоқ атрофни айланиб келган кетганлардан бохабар бўлиб туриш керак эди.
Қоровул ҳозир нима деса ҳам "Темир хотин"га таъсир қилмаслигини билиб ўнг қўлини кўксига қўйди :
- Хўп бўлади !
Раънохон Тоҳировна жаҳл билан оёқ кийими пошналарини қарсиллатиб тақиллатганча ичкарига кириб кетди.
- Азим ота, нимага охиригача гапирмадингиз ?
Қоровул ёнидаги "мастер" йигитга қараб беҳафсала қўл силтади :
- Қўй болам , Раъно ҳам кўнгли бир шикаста аёлда ...
Ота шундай деди - ю , ортиқча гап гапирмай нари кетди.
Азим ота Раънохон билан бир махалладан бўлиб унинг тақдиридан хабардор эди.
Раънохон бир вақтлар суйганига унаштирилган, тўйлари бўлиш арафасида бўлажак куёв автоҳалокатга учраб , оқибатда фалаж ва гапира олмайдиган бўлиб қолган эди.
Ўшанда Раънохоннинг отаси қизининг кўз ёшлари , оҳ-у зорига қарамай бошқасига бериб юборди. Аммо Раънохон янги турмушидан уч ой ўтмай уйига қайтиб келди. Эри гиёҳванд экан. Ота қизини бир йилдан кейин иккинчи бор эрга берди. Раънохоннинг турмуши яна бўлмади, бир ойда қайтиб келди. Аммо нима сабабдан қайтганини кўча - куйдагилардан ҳеч ким ботиниб сўрай олмади.
Шу воқеаларга ҳам ўн беш йил бўлибди. Раънохон пластмасса идишлар ишлаб чиқариш корхонасига дастлаб директор ўринбосари бўлиб ишга келганди. Орадан олти ой ўтиб директор бўлди. У директор бўлгач, корхона тезда оғизга тушиб қолди. Раънохон эса қаттиққўл ва тартибли раҳбар сифатида танилди.
Котиба айтган "ноқулай об-ҳаво" тезда ўзини намоён қилди.
Ярим соат ичида биринчи навбатдагилар мажлисга чақиртирилди. Азим ота ҳам "алоҳида" айтиб келинди
Мажлисда "Темир хотин" ҳеч кимни аяб ўтирмади. Хонадаги вазият бир дона гугурт чақса портлагудек ҳолатга келиб қолганди.
Шу пайт эшик ғийқиллаб очилди. Хонага аввал чоғроққина бир қучоқ гул киргандек бўлди. Сўнгра уни кўтариб олган Маъруф кўринди.
Маъруф уч ой илгари корхона боғига қараб туриш учун боғбонликка ишга олинган эди.
Маъруф ҳеч кимга қарамай оқсоқлана - оқсоқлана Раънохон ўтирган столга яқинлашди.
- Бууу.... Бууу...ббббиииррррииинннчиии оооччииилггааанн дууулллаааррр . Бббууу дддууулллааарррнннии эээгггааашши шшшииижжжшшиижж ..
Маъруф Раънохонга қўлидаги гулдастани тутди.
Мажлисда қатнашаётганларнинг дами ичига тушиб кетганди. Аммо улар кутган нарса бўлмади. "Темир хотин" боғбон йигитни жеркиб ташламади.
Охистагина "Раҳмат" деди ва гулларни юзига босди.
-Барча ишига борсин! Мажлис тугади , - деди ҳорғин овозда Раънохон.
Фақат Азим отагина Раънохон бу гулларни нима учун юзига босганини билар эди. Раънохон атрофдагилар кўзларида ҳалқаланган ёшни кўрмасликлари учун қилган эди бу ишни
Яна
Яна бу гуллар ўн беш йил илгари олган гулдастасини ёдига солганди.
Маъруфи совға қилган гулдастани.