ښکلي لارښووني:
ــــــــــ
ژباړه: حريث بن قيس وايي: کله چي دي د يوه ښه کار اراده وکړه نو د بلي ورځي لپاره يې مه ځنډه وه، که دي د آخرت لپاره يو کار کوی نو چي څومره دي په وسه ده ويې غځوه، که ددنيا په يو کار کي مصروف وې نو ژر ځان ورڅخه خلاص کړه او که په لمانځه کي وې شيطان درته وويل چي ته ريا کوې نو خپل لمونځ نور هم پسې اوږد کړه.
يعني چي کله دي د ښه کار اراده وکړه دستي يې وکړه د بل وخت او سبا لپاره يې مه ځنډه وه چي درڅخه پاته نسي، که د آخرت په يوکار باندي مصروف وې نو هغه کار نور هم پسې وغځوه او اوږد يې کړه تر څو ثواب او مزدوري دي نوره هم پسې ډېره سي، که د دنيا په کار باندي بوخت وې نو ژر ځان ورڅخه خلاص کړه تر څو د آخرت کار ته خلاص سې او د دنيا په کار کي مړ نسې او که پر لمانځه ولاړ وې شيطان وسوسه درواچول چي ته خو په لمانځه کي ريا کوې نو هيڅ د شيطان په قيصه کي مه کيږه بلکي د شيطان پر ضد خپل لمونځ نور هم پسې اوږد کړه تر څو شيطان وشرميږي بل ځل بيا تاته داسي وسوسه وانچوي.
عَنِ الْحُرَيْثِ بْنِ قَيْسٍ قَالَ : إِذَا أَرَدْتَ أَمْرًا مِنَ الْخَيْرِ فَلاَ تُؤَخِّرْهُ لِغَدٍ ، وَإِذَا كُنْتَ فِي أَمْرِ الْآخِرَةِ فَامْكُثْ مَا اسْتَطَعْتَ ، وَإِذَا كُنْتَ فِي أَمْرِ الدُّنْيَا فَتَوَحَّ ، وَإِذَا كُنْتَ فِي الصَّلاَةِ فَقَالَ لَكَ الشَّيْطَانُ : إِنَّكَ تُرَائِي ، فَزِدْهَا طُولاً.[الزهد لإبن مبارک35]