Ытыктабыллаах Ньурба улууһун олохтоохторо! Күндү биир дойдулаахтарым!
Сарсыҥҥыттан, балаҕан ыйын 8 күнүттэн, 3 күннээх улахан быыбар саҕаланар. СӨ Ил Дарханын, Ил Түмэн уонна Ньурба улууһун Сүбэтин дьокутааттарын талыахпыт. Итини сэргэ Хаҥалас уонна Чуукаар нэһилиэктэрин олохтоохторо нэһилиэктэрин баһылыгын талыахтара.

Улууһум олохтоохторун бу буолаары турар быыбардарга көхтөөхтүк кыттан, бэйэҕит гражданскай позицияҕытын биллэрэргитигэр ыҥырабын!

Дойдубут Бэрэсидьиэнэ Владимир Владимирович Путин салайааччылаах «Биир ньыгыл Арассыыйа» бэлитиичэскэй баартыйа кэнники 20-тэн тахса сыл устата Арассыыйа олоҕо-дьаһаҕа чөллөөх буоларын, дьон-норуот олоҕо тупсарын туһугар улахан эппиэтинэс ылынан үлэлээн-хамсаан кэллэ. Биллэн турар, кыаллыбатах кыһалҕалар суох буолбатахтар, бааллар. Ол эрээри дойдубут салалтата, «Биир ньыгыл Арассыыйа» баартыйа дьону-норуоту сомоҕолоон, инники олохпут эрэллээх буоларыгар туһуламмыт үгүс үлэни-хамнаһы ыыталлар. Атын ханнык даҕаны баартыйа бэрэстэбиитэллэрэ сылы-сыллаан дьокутаат буолан былааска олорбуттарын даҕаны иһин, дьон-сэргэ олоҕун тупсарар туһугар дьиҥнээх эппиэтинэһи сүкпэттэр, арай дьон санаатын бутуйаллар. Оттон хайдыһыы, өйдөспөт буолуу биһиги дойдубут инники кэскилин-көҥүлүн туһугар Анал байыаннай эпэрээссийэ кэмигэр, бүгүҥҥү уустук уонна тыҥаан турар усулуобуйаҕа дойду кыаҕа-күүһэ мөлтүүрүгэр эрэ тиэрдиэн сөп. Онон биһиги күүспүт – сомоҕолоһууга эрэ.

Айсен Николаев федеральнай киин иннигэр өрөспүүбүүлүкэбит интэриэһин күүскэ туруорсар аптарытыаттаах салайааччы быһыытынан биллэр. Айсен Сергеевич салалтатынан кэнники сылларга улахан үлэ барбытын билэ-көрө сылдьабыт. Ол иһигэр биһиги улууспутугар даҕаны үчүгэй өттүгэр уларыйыылар таҕыстылар. Иннибитигэр эмиэ улахан үлэ күүтэр. 2027 с. Ньурбаҕа СӨ норуоттарын IX Спортивнай оонньууларын көрсө күүстээх бэлэмнэнии үлэтэ ыытыллар. Спорт эбийиэктэрэ эрэ буолбакка, үөрэх, доруобуйа харыстабылын, култуура, ОДьКХ эйгэтин, суол хаһаайыстыбатын эбийиэктэрэ тутуллан киириэхтэрэ. Биһиги улууспут инники сайдыытын өрөспүүбүлүкэ салалтатын кытта биир ситимнээх үлэни кытта сибээстиибит.

Оттон биһиги биир дойдулаахтарбыт Владимир Прокопьев уонна Георгий Балакшин бэйэлэрин үлэлэринэн-хамнастарынан дьон-норуот убаастабылын-сыанабылын ылбыт ытыктыыр дьоммут буолаллар. Бу быыбарга дьон-сэргэ итэҕэлин ылан былаас ханнык баҕарар таһымыгар кимтэн да иҥнэн-толлон турбакка, төрөөбүт улуустарын интэриэһин туруулаһан үлэлиэхтэрэ диэн эркин курдук эрэнэбин. Улуус сүбэтигэр Ньурбатааҕы олохтоох "Биир Ньыгыл" партия туруорбут, бэйэлэрин үлэлэринэн көрдөрбүт, дакаастаабыт дьоммутун өйүөҕүҥ!
Улуус Сүбэтин бэрэссэдээтэлэ Сергей Иванович ЕВСЕЕВ.

? Нюрбинская многопрофильная гимназия им. Степана Васильева за Айсена Николаева, за Единую Россию, за Владимира Прокопьева, за Георгия Балакшина!

✅ Подписывайтесь на наш телеграм-канал: @za_balakshina

? Предвыборная программа кандидата в народные депутаты Ил Тумэн Георгия Балакшина.

#ЗаБалакшина
#ЗаЕдинуюРоссию

✅ Подписывайтесь на наш телеграм-канал: @za_balakshina