بنات حسين يم الخيمه طاحن
ركضن محد الكال استراحن
افا ونسوان هاشم هاجه بجول
واني من البجي عويناتي راحن

الم روحي لم بيجن الم بحسين المطشر
حرت والله شسوي اني بذيال العبايه اعثر
عجوز وشيباني التل وحك عباس ماكدر

اريدن حل ماندل
اروحن وين محتاره
اريدن حل كتلني التل
عن عباس وخباره
-----------
اجاجن ليل عمه وماكو خيمه
زغار ولاذن بحدري هضيمه
زغار وخايفات وجلجل اليل .
مو نسون زلمه تخوف الهيمه

يخوفجن ضلام الطف الحكو زغاركم خافن
حكهن من يخافن حيل مذبوح الزلم شافن
بعباتي الايحتهه النار التمن كلهن ولا ذن

حرت بيهن وحامين
عن ذباح والدهن
حرت بيهن يبجيهن
ومايقبل يساعدهن
-----------
وين حسين باكوهه التراجي
ثوب رقيه ناكع بل بواجي
رقيه عليك تنشد كلش هواي
يعمه امشي لبوي حسين حاجي

ايسن مايرد حسين ابوجن سابح بدمه
ينشدني عليك هواي وكلهن مايرد عمه
اكعد لارقيه تموت راح من البجي تعمه

ذباحك يهد بلسيف
وشايل صوط بجفوفه
ذباحك يهد ياحيف
وطفله بطفله مجتوفه
--------------
ضلمه وهيمه بل طف ركضوهن
اجه الذباح شايل راس ابوهن
شافن راس ابوهن يبجين عليه
ازغار بيا ذنب وليه ولوهن

لابوجن ولا عباس ولا لاكبر عدل يمجن
وايام الادلال تروح وبعد محد يدللجن
وحده بوحده مشدوده ركضن محد يلمجن

والتوكع تره تنداس
خيل هواي بل عاشر
والتوكع تره ياناس
تصبح حصت الحافر
---------------
بنات الساده يبجن والبجي هواي
العطش بين عليهن رادن الماي
الاعمجن يرد لا جود عباس
يم الكافل امشن كومن وياي

كومن يابنات حسين يم عباس خل نمشي
جا بلكت يفز عباس بكلت يوعهه من نحجي
بعيده المشرعه عليجن يبجن واني كمت ابجي

مناشغ صار مايسمع
تكسر خاطر اطفالك
مناشغ صار مايرجع
يهد كل ساع جتالك

صباح جهاد ✍️

القصيدة: درب العشگ
الرادود: محمد الجنامي
الشاعر: كرار حسين الكربلائي ~~~~~~~
أكتب اسامينه~~ يدرب العشگ
بالعشرة نبصم الك ما نفترگ

بهذا الزمن دورنه كل البشر
ما شفنه غير حسين صاحب صدگ ~~~~~~~
للنّاس معشوگ~~ عنوان للشوگ
محبوب للروح بالخيل مسحوگ

منو شايف منو سامع ميت عايش بكل زمن
و اسهامه شافنه صدره بي مضيف الحسن
للضايع للخايف صارت كربلاء الوطن

دگ باب الحسين و يروح التعب
مـحد يقيم الذهب غير الذهب
دورنه صاحب ما يخون الملح
ما شفنه غير حسين صاحب صدگ ~~~~~~~
حبيت انسان ي~~نقاس قران
عطشان لحسين و حسين عطشان

سالفته من احجيها تبجيله السمه و النجم
عاهدته ما اعوفه حسين انطيته كلمة زلم
للوادم ما أهتم هوه الوحده عندي المهم

لو اعمه اندل بابه وأصل اله
رجليه كبلي اتروحله لكربله
آنه و عيوني الما يشوفن بشر
ما شفنه غير حسين صاحب صدگ ~~~~~~~
خدام لثنين ل~~حسين و حسين
لچفوف عبّاس رايات ماشين

علوهن راياته جف ايوصي جف بالدرب
نوصله و انزوره هاي الدنيه لو تنكلب
شافونه و عرفونه يسهل يمنه كلشي صعب

هاي المواكب رزق من فاطمه
وابكيف الحسين الأرض والسمه
ابذاك الزمن كربله صاحت هله
ما شفنه غير حسين صاحب صدگ ~~~~~~~
يا ناس هيهات~~ عبّاس ما مات
ابكل گاع تلكون لحسين خيمات

خيماته ما طاحت وانشوف المواكب خيم
و الزاير ما يتعب ما دام الدرب بي خدم
من يطلب يتدلل كلها اتكله صار و نعم

شيبة بخت منحزم ابموكبه
من حلگه حلوه اليا هله و مرحبه
و اينادي هاي الدنيه كلها جذب
ما شفنه غير حسين صاحب صدگ ~~~~~~~
شهرين وياك و~~ للموت وياك
ايام و اسنين مذبوح نلكاك

مو عشره لا عشره حبك للبشر معجزه
ايظل دائم للقائم لا ما ينكطع هالعزه
يا زينب لو صحنه حته الميت انفززه

باچر يجي المهدي و يموت الظلم
و انصاره اهل الدمعه و اهل الطلم
و انكله يبن الحسن اي و الحسن
ما شفنه غير حسين صاحب صدگ ~~~~~~~~~

فَ تراهُم بين مَن يَشحذُ لِـ حرب النِصال
او يهزُّ الليل ذِكراً او صلاةً وإبتهال
او رِجالاً تَنثرُ الامنَ علىٰ قلب العِيال
قَبل ان تَغدو دِمائاً ترتوي مِنها الرِمال
والعايلة مِتأمّنة واجفانهم نَامت رغد
وعبّاس حارِسهم غِدة لصيوانهم واگف عَمد
وحسين يِفتر عَ الخيم ويِوزّع اعليهم مَدد
لاچن إذا طَرّ الصُبح ما يبقىٰ للعيلة احَد
حَتّىٰ طِفلهم يِنذبح وعُگبه يِضل خالي المَهد
وزينب تِضل وحّدها والسلّابة ما إلهم عَدد
هذا لِيل وباچر ليل وشَتّان بين اللِيلَيّن
ليل العاشر بِيه حِسين وليل الوَحشة بِلايه حسين
وزينب بين الراس وبين جِسمه تِقسّم عين وعين
انِعم جَواباً يا حُسين امَا ترىٰ؟
شِمر الخَنا بالسوطِ الّم اضلُعي !!!!!!!!!
فَ اجابها مِن فَوقِ شاهِقة القَنا
قُضِيَ القَضاءُ بِما جَرىٰ فَ إسترجعي
وتَكفّلي حال اليتامىٰ وانظري
ما كُنت اصنعُ في حِماهم فَ اصنعي
انا بعيني لَـ اباريلك عِيالك
وبرُوحي لَـ اسجّتلك اطَفالك
يخوية المُوت لو يِرضى ببدّالك
چا رِحنه يابو اليِمّة فِدالك
ــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــ
? القصيدة: قُصّة ليلة العَاشِر
? أداء:محمد باقر الخاقاني
? كلمات:ميرزا عَادِل الاشكناني
ــــــــــــــــــــــــــــــــــــــــــــــــــــــــ
گلبي بلوعته مِعاشر.. قُصّة ليلة العَاشِر
عايش غُصّة.. واصعب قُصّة
قُصّة ليلة العَاشِر
يا لِيل شثگلك عَليَّ.. يا ليل.. يا ليل
يا حِيل يشيل الرِزيّة.. يا حيل.. يا حيل؟
يا وِيلي شمكتوب إليّه.. يا ويل.. يا ويل
زينب تحاچي الليل بِ آهات وونين
كِل المُخيّم صاح آمين آمين
بهونك يَليلي بهُون لأم عُون رِدتك عُون
ردتك سَكن لِسكينة
سَهرانة بيك عيون باچر هَلي يشيلون
يا ليل طَوّل اعلينه
يا لِيل طَوّل ساعاتك?.
يا لِيل اَحَمِل آهاتك
لو وَدّعت الوِليان.. تِتولّاني العِدوان ..............
في مِثلِ هَـٰذه الليلة خَرج الحُسين-عليه السلام-الىٰ اصَحابه وامَرهُم أن يُقرّبوا الخِيام بعضها الىٰ بعض، فَ فعلوا ذلك، وقد جَلس-عليه السلام-في خَيمته واخَذ يُصلح سَيفه وهُوَ يَقول:
...........
يا دَهرُ اُفٍّ لَكَ مِن خَليلِ
كَم لك بالإشراقِ والاصيلِ
مِن طالبٍ بحقهِ قَتيلِ
والدَهرُ لا يَقنعُ بالبديلِ
وكُلُّ حَيٍّ سَالِكٌ سَبيلِ
ما اقَرب الوعد مِن الرحيلِ
وإنما الامرُ إلىٰ الجَليل
إطلعت زينب گاصِدة بليلٍ مَخوف
تِشوف اخوها حسين لاچنّها شتشوف؟
بِ ايده سيفه يِعالجه وينادي اُوف!!
مِنّك يا دَهر
وجهه لله وعايف الدِنيا وراه
وصُوت هَضمه وغُربته باقي صَداه
الآه مِنّه بكل گلب خَلّفت آه
ليوم المُنتظر ...........
رُوي عَن علي إبن الحُسين-عَليهما السلام-انّهُ قال:
وجَعل ابي يُردّد هذهِ الابيّات فَ حفِظتُها وخَنقتني العَبرة ولَزِمت السكوت امّا عمّتي زينب فَلمّا سَمعت بذلك إستعبرت وبَكت فَـ بان عليها الحُزن والجَزع فَ اقبلت تَجرُّ اذيالها إلىٰ الحُسين-إسمع شعبّر الشاعر عَنها-:
..........
زِينب لِفت يَم حسين..لاچن گابعة بِ الهم!!
تِگلّه يا ضِوا عيوني.. عَليمن هَـ الفزع مِلتم؟
تِگلي الكاتِبك يَحسين مِن هالناس چا وينه؟
يگلّلها يماي العين كِلها انگلبت اعلينا
تِگله حَمّل ضعونك وسَدّر للوطن بِينا
يگلها ما يِخلّوني !!!!!!.. اسدّر بعد بضعوني
نِيّتهم يچتلوني..لا بُد ما تِشوفيني
وشيبي يِقطر مِن الدَم .........
وعِندما سَمعت العقيلة كَلام اخيها الحُسين
قالت: "يا اخي هذا كَلام مَن ايقن بالقتل؟ "
  فقال-عَليه السلام-: "نعم يا اُختاه"
فَقالت زينب: "واثكلاه لَيت المَوت اعدمني الحَياة، اليوم مات جَدّي رسولُ الله، اليوم مَاتت اُمّي فاطِمة، اليوم مَات ابي امير المُؤمنين، اليوم مَات اخي الحَسن، فَصبّرها الحُسين وقال:
..........
يا اُختاه تَعزّي بِ عزاء الله
يا اُختاه هَذا عهدٌ عَهِدناه
اهلُ الارضِ يَموتون.. اهل السَماء لا يَبقون
لا يبقىٰ إلّا وجهُ الله وإليه تَرجعون
مِسح بِ ايده علىٰ گلب العقيلة
وضَل يِدعي يا ربّي
يِصبّرها علىٰ الرِحلة الطويلة
حَتّىٰ تِكمّل دَربي
گَعد عِدها يِودّعها ويسلّيها
ونَار الحِزن تِلهب
يِوصّيها ويِسلّم اطفاله بِ ايديها
والخِدر المرتّب
الله ش مُصيبة.. مَحبوب وحبيبه
مِن تتحمّس بنار الرِزيّة
بين الفاطِمي والفاطمية ........
فَ استرجعت العَقيلةُ زينب-عليها السلام-ثُمَّ قالت: يَا اخي هَل استعلمت مِن اصحابك نِيّاتهم؟ فَ إني اخشىٰ ان يُسلّموك عِند الوَثبة !!
فَقال لها: واللهِ لَقد بلوتهم فَما وجدتُ فيهم إلّا الاشوس الاقعس، يَستأنسون بِ المَنيّة دُوني إستئناس الطِفل الىٰ مَحالب اُمّه
.........
انا المَطلوب لا غَيري ليسَ عليكم مِن ذِمام
جُزيتم عَنّي بالخيرِ فَ إغتنموا هذا الظَلام
هَذا المِسة إتخّذوا جَمل
گِلتلهم ومحدّ قِبل
وگفوا جِبل سُور ويِحامي خِيامي
يَحسين طَلّگنا الاهل.. ويّاك احلىٰ مِن العسل
طَعن الاجل.. والكِل وگع جِدّامي
قَومٌ إذا نُودوا لِدفع مُلمّةٍ
والخيلُ بين مُدعّس ومُكردسِ
لَبِسوا القلوب علىٰ الدروع واقَبلوا
يَتنافسون علىٰ ذِهابِ الانفُسِ
وفِزعوا إله فَرد فرد.. فَزعة السيف مِن الغُمد
وكِلمن كِشف غَرامه.. بكلامه بعقيدة وإستقامة
يا عُذر لله نِقدّمه.. وشنگول لأُمّك فاطمة؟
بين العِدا نشوفك.. ونعوفك لا والله ما نعوفك !!
إذا بالهيمة اجَساد نِتطشّر
نصير رِماد ويّ الرِيح نِنذّر
نرد نِحيا ونرد ردود نُنشر
الف مَرّة نگل للموت حَيّاك
حَيّ الموت حَيّ عاشگ ومعشوگ
علينا وبس علينا المَرجلة تلوگ
مَا دام الدِمه يجري بالعروگ
امّن وإحنا سيف ب طوع يَمّك
........
وبات الحُسين-عليه السلام- واصَحابُه ولهم دَويٌّ كَـ دويِّ النَحل ما بين رَاكعٍ وساجِد وقائمٍ وقَاعِد، وقِيل كذلك حال إسوة الصبيان واهلُ البيت كُلهم يَدعون ويُوادع بعضهم البعض
...........
هَدوة وسكون الليل حَل.. وإلهم دَويَّ مِثل النَحل
وباچر إسود إلهم زئير
جِمعوا الحُب ويّ العمل.. والراد وَيّاهم مَحل
كُون اعله منهجهم يِسِّير

اسم القصيده:اتعنيت بظلام
اداء:سيد سلام الحسيني
كلمات:احمد اللامي

بعي**وني بوجودك الدنيه كلها حسين
وبس صورتك بلعين
خلوني اعلمودك اركض عله الصوبين
وي روحي اسولف وين
معقوله ياروحي ضيعتي ابو اجروحي....وجسمه التريب
معقوله جدامي خطوه على خيامي....ويصبح غريب
طالعه.....ظلمه وادور طالعه
ضايعه....وامضيعه اخوي ضايعه
حسين مايصلح اتركه عاري وبحر الهجير
الخيل من يمعه كلبه ماتعرف امير
انه بلا خيم والعلرمل امام

اتعنيتك واخبرك ليل ودمع ما اشوف
ارجف قهر مو خوف
انه اختك وادورك سويلي هالمعروف
والأيدي مد اجفوف
من شفته هد حيلي حاجيته ياليلي.... كافي ظلام
يمي الوكع ضامي واتضيعه اجدامي..... والله حرام
صايحه...عنك خذتني صايحه
جارحه...ركضت بناتك جارحه
ما اعوفك لو بناتك ظلن بظل الخيم
غير من طحت احتركنه وطاح بيتك وانهدم
حركولي عش حمام والعل رمل امام

هب** عطرك واشمك يفوح بكسرته الهيل
كلت انت حدر الخيل
من خدرك وحشمك ليل وطلعت بليل
اشما عدله طولي يميل
ياهو اليدليني غير انته يحسيني.... يمك اجيت
ماتفتح عيونك واللون مو لونك..... سكته بجيت
غايره...عيونك اصدهن غايره
صايره...عدمن غربتك صايره
من شفت وجهك كلتله ضامي ياليل اهدعش
وعكب ماتمت غربته استفرد حسين العطش
اتعنيتك بظلام والعل رمل امام

راو**يتك اديه مابيها كطرة ماي
ولاجبته عذري وياي
حنيتك علي بعده الفجر ماجاي
ودعني خويه هواي
متغيره اوصافك. شو مايك وعافك... هذا العذاب
متسلبه اهدومك ويلجمك بنومك..... ملح التراب
وينها ....وين امي عنك وينها
حسينها...ظل عالتراب حسينها
تذكر اشتميته صدرك هيج وصتني البتول
ليش خويه اوصيت امي اتصير معبر للخيول
اتظلله السهام والعل رمل امام

محت**اره اجيتك ذاك الخدر مادام
ماعدنه في واخيام
جم غاره اعله بيتك خلتني اخف جدام
وطلع لم ايتام
لاتسأل علينه بكل هيمه طشينه....نطلب حماك
ولو شافوا اطفالك هذه الصفه حالك.... ماتوا وراك
فازعه...لعزاز كلبك فازعه
ناكعه ....هدومي بدمعهم ناكعه
خويه لاتسئل علينه احنه نلتم الصبح
انت شيلمك بديه وكل كتر منك جرح
من زينبك سلام والعل رمل امام

ــــــــــــــــــــــــــــــــــــــــــــــــــــــ
? القصيدة: مَملوك الحُسين
? أداء:مُحمّد بَاقِر الخَاقاني
? كلمات:ميرزا عَادِل اشكناني
ــــــــــــــــــــــــــــــــــــــــــــــــــــ
النَاسُ علىٰ دينِ مُلوكهم
وانا مَملوكُ الحُسين
قلبي وعَقلي للحُسين
ديني ودُنياي الحُسين
ــــــــــــــــــــــــــــــــــــــــــــــــــــ
بگد زبد مَاي البَحر شِفنا البشر ادَيان
كِل مِن ومَاخِذ دَرب بي صاير الرُبّان
واني دِيني اعله القَرأ فوگ الرُمح قُرآن
دِيني علىٰ دين الذَبيح
بي يِشهد النَص الصَريح
حسين الامير المُطاع
لا عَن هوىٰ ولا مشتهىٰ
اقصىٰ الأمر والمُنتهىٰ
بالطاعة الإتبّاع
مِن صِبغة الله السَليمة هِويته
اوّل عرفته بَعدها بچيته
لو مَا اطيعه اضيّع مَشيته
إثر اتباعِ الفَصيلِ اُمّهُ
اتَبعُ آثارَ الحُسين
اُمسكُ حُجزةَ الحُسين
لا ابتغي غَير الحُسين
دِيني ودُنياي الحُسين
ــــــــــــــــــــــــــــــــــــــــــــــــــــــــ
چَن سُليمان النبي بس خَاتَمه مَسلوب
كِل نبي عَرشه ذهب وعرشه بوسط الگلوب
والشَرف كل الشرف بمُلكه صرت محسوب !!
اسَبغ وضوئي بمدمعي
وافرش مُصلّاتي نعي
والقِبلة باب الخِيام
اخشع على ذِكر الخِدر
واركع ركوعه اعله المُهر
رَايد يِجرّ السهام
واسَجد سجود الرِياحي اعله بابه
تايب لأبو اليمّة حين إستتابه
أصعب عَلَيّ مِن جَهنّم عِتابه
أقسى مِن خلودي في جَهنّمِ
عَليه يَعتِبُ الحُسين
إنّي اعوذُ بالحُسين
مِن مَا يُغضِب الحُسين
دِيني ودُنياي الحُسين
ــــــــــــــــــــــــــــــــــــــــــــــــــــــــ
كِل مَلك نعته چذب وهُوَ الصدگ منعوت
تاجه يِترصّع بخت مو لؤلؤ و يَاقوت !
مٕالك وحُكمه نِفذ مِن عَالم اللاهوت
الرٕايد دَرب بي يهتدي
كون ب إمامه يقتدي
شگد مِن خِصاله يحوز
وسَيل العِشگ لَمّن يسيل
كِلمن على گَدّه يشيل
واليغرف أكثر يفوز !
كل الطمع نُوصفه بالمَذمّه
إلّا الطَمع ياهُو أكثر يِخدمه؟
هذا الحَچي رايد الي يِفهمه
فالناسُ لهُم هَمّهُم وانا
هَمّي وغَمّي بالحُسين
إن كُنتُ أحببت الحُسين
فَهل يُحبّني الحُسين؟!..
دِيني ودُنياي الحُسين
ــــــــــــــــــــــــــــــــــــــــــــــــــــــــ

انشرلكم تصاميمي الاستقبال محرم ?