..... #نزله#سريعه...#هجري**....
.
.
غصبن عليهم ردت گبتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

ياعلي الهادي مزارك
         غصبن اعليهم رجع
بفتوه من المرجعيه
        شعبك الشيعي فزع
كل بطل طر المنايه
      بصدره للموت وطلع
اعلن ونادى المنادي
       السبي حبله انگطع
.
یوم انتصارك تفرح شيعتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

سيدي عِرگ البطوله
          من یکضه من یطگ
واحنه خالطنه دماکم
        تربه وملوحه وعشگ
طگة الچف چن رصاصه
            عالصدر لمن ندگ
بالحرب عشنه وربینه
           مایخوفنه الرشگ
.
ننطر حفیدك يعلن ثورتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

احسب انفاسي واعدهن
             وانتظر سر فاطمه
لو نهض يوسف زماني
            هذا يوم الحاطمه
بالقحط أگضيها صایم
       آنه معشوگي الظمى
واليمر يم السواتر 
         يغرگ بروج الدمه
.
مشهوده مولاي ضربة يمنتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

المهدي من يعلنها ثوره
           آنه اسل سيف الصبر
ارد احد زنجاره بيدي
          واگطع السان الشمر
اركض الصحن العقيله
          اگطع اگیود الیسر
احتضن نار المخيم
    واطفي چویات الجمر
.
وهالیوم اجیتك امسح دمعتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

افتخر آنه المقاتل
             بالسواتر حوزتي
يفرح المصحف اشوفه
                من ارتل آيتي
گصتي اسمع سمرها
            من تغازل تربتي
دمعتي چن ناعي ینعی
         والي تلطم تفگتي
.
هاي الکرامه سرها بحضرتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

اقسم بدمع السبايه
         واقسم برب المجيد
والله مايشتم عطورك
               لاشمر ولا يزيد
مایرد یوم الزچیه
           لا ولا ذبح الشهید
الا تلگاني اعله بابك
          سابح بدم الوريد
.
كل شيعي بينه يعشگ جنتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

لاتنسوني ووالدي من فضل دعائكم المبارك
.
حسن الموالي الفاطمي
.

.**

وصية الامام الحسن العسكري للامام المهدي........
.............وزن الفجري................
.
.
الك مني وصيه
           گبل یوم المنیه
مواریثك والاسرار
         اخذهن هالمسيه
......يموعود.......يموعود
.
.
امنه الزهره يوليدي
         وأنه عاشر ضواهه
يبني وانته يوسفها
         ويرف بيدك لواهه
عصرها الطاغي بالباب
     وسطر خدها ورماهه
يبني هاذي شيلتها
         عليها انظر دماها
.
اخذها وشم عطرها
        تخبرك عن سترها
منها اخذ الاخبار
        عن ضلع الزچیه
...یموعود.........یموعود
.
.
.
عصة موسى هاي
       وهذا يبني ذو لفقارك
عمامة جدك الهادي
           شكثر بيها انتبارك
الك بالطف چبد ظامي
              ينادي بنتصارك
جدم كافر واثر حافر
      سحگ یالمهدي دارك
.
مواريثك بالضلوع.
        جروح وعبره ودموع
سكينه خدها مصفوع
              وي زينب سبيه
.......یموعود.....یموعود
.
.
.
شلتها بگلبي بنفاسي
                 مواريث النبوه
هاي الجربه الها
         چم طفل گلبه تلوه
أشم من عدها يابويه
             اثر عطر الأخوه
واذكر بيها عباس
         شكثر چیده تچوّه
.
بارز و حمل الجود
          واسگي منه الجنود
شجاعه ارویهم وزود
         وارهب جیش امیه
......یموعود......یموعود
.
.
.
الك سيف والك رايه
           على جروف الشريعه
الك هم يبني انصار
            والك يوليدي شيعه
تنادي يال ثار الظامي
                والامرك مطيعه
اعلن ثوره لحسين
         ونزف منحر رضيعه
.
اطلب ثار الجروح
       تدري بنحره مذبوح
تلگه دمه مسفوح
        على تراب الوطيه
.....یموعود......یموعود
.
.
.
ترك عمك الك درعه
       وبعد هم ريشة الطاس
البسهن ينشمي يبني
             من تبرز ينوماس
خل الدنيا كلها
      اتنادي رد للدنيا عباس
وخل عدونك ابكل ساعه
        بالچف تلمس الراس
.
ترك بالطف الچفوف
         الهن حظر اسیوف
راح بعینك اتشوف
           شجاعه حيدريه
.....یموعود....یموعود
.
.
.
عمرك خمسه يوليدي
           وعشت اعظم رزيه
عشت غربة وفاتي
         يبني وانفاس المنيه
لچن ما جربت
      يابويه هظم الغاضريه
مثل عمرك تعيش
     اهمومه ودموعه رقيه
.
يمك اشهگ انفاس.
          ابوها يمها بس راس
بحوافر صدره ينداس
            على الغبره ورميه
......یموعود.......یموعود
.
.
.
مو بس بالحوافر يبني
                صدر انه ايتوذر
من هدم البقيع
          ومن علاماته تحظر
راح اتشاهد ابعينك
                مراقدنه اتفجر
هجوم الناصبيه
    وطفنه هم يبني ايتكرر
.
الك يوليدي شبان
         مثل خاتم سليمان
بيهم تطوي الاحزان
             بأمر رب البريه.
.
.
ثواب القصيدة الى ارواح
.
#شهداء
#الحشد
#الشعبي
#المقدس
.

.
حسن الموالي الفاطمي
.
ا

فتحة عزاء لشهادة الامام الحسن العسكري عليه السلام
...............تجليبه................
.
.
نرثاك........يالعسكري
بدماك......يالعسكري
.
.
اجينه هالمسيه كلنه يم بابك
نواسيك اونخضب دمنه بخضابك
بواچینه تطّفي جمرة اصوابك
نواسي حيدر احنه وفاطمه الزهره
.
.
نواسيك ابهظم وبحسره وابلوعه
على امصابك يواسي الشيعي بدموعه
يلطم عالصدر ويكسر اضلوعه
يذرف دمعته بالحسره والعبره
.
.
ربيع اول هل وهلت الأحزان
عليك وتذكر ادموعك دمه الوليان
من كلمة (وأن)  يتسلب القرآن
من عدها جرت كل دمعه للعتره
.
.
ربيع ابلا ربيع ايمر على الأبرار
تذكر وانت ماظن تنسه يوم الدار
هجمت عالزجيه زمرة الكفار
طبع چفه الخلیفه ابخدهه بالسطره
.
.
ولکن سیدي هالهجمه مدروسه
الوصيه عد علي وبگلبه محروسه
شیطان السقیفه بنته جاسوسه
توصله خبرها وهو ینتظره
.
.
جنود المعتمد من حاوطو دارك
مهمتهم تحيط السلطه بخبارك
عند الباري چنت أمأمن اسرارك
خفه المولد عليهم ربي بالقدره
.
.
عين احزاني تنظر دمعتك تدي
على ابنك من تگله یبني سر عندي
غيب ولا تريد يم داري يالمهدي
الك ثار وزمان وشيعه متحظره
.
.
احلفك بالسحگ حافر علی صدره
احلفك بالحفر سن الرمح ظهره
احلفك بالذبح سيف الشمر نحره
نريد القائم ابهاي السنه انظره
.

.
.
.
حسن الموالي الفاطمي

قصيدة لشهادة رسول الله
(ص و آله)..........قصيدة متعددة الأوزان
.
.
13 عام . يانبينه ..
       چان بالكعبه اختبارك
10 عندك .. بالمدينه...
     واعلن الباري انتصارك
.
نذكر اعوام الولايه
بـ هالبدايه للنهايه
........... يارسول الله الأمين
.
...................
.
تبدي قصة تضحياتك
يالرسول وذكرياتك
بالمغاره ... نزل جبريل الأمين

گلك اقرأ يامحمد
يارسول اللّه المسدد
هالعباره ....بسم رب العالمين

أنت مرسل للبرايه
رتل آيات الولايه
والبشاره ..الك من حق اليقين
.
ماتنولي .. لا يالولي
               دومك تظل غالب
ذاخر الك .. حمزه وعلي
                وعمك ابو طالب
.
يفتدونك ..كل عمرهم
منهجك عدهم هويه
همه منك .. وانت منهم
خدمتك حد المنيه
.
دخلوا  ابحور المنايه
بـ هالبدايه للنهايه
................يارسول الله الأمين
.
...............................................
.
عشت لوعات ومصايب .
عبره وآلآم ونوايب
أنت ثائر ...... بيدك اكتاب المجيد

نادى بالكعبه الاسيره
الوليد ابن المغيره
گال ساحر ..... كاهن ودينك جديد

يسمع احروف الهدايه
رتلتهن آيه آيه
نادى شاعر ....هالامر ثابت اكيد
.
ابو لهب ... وام الحطب
تمشي ويضربونك
هند وصخر... وابو جهل
همهم يذبحونك
.
وانت صابر .. عالرزيه
تنظر الأول شهيده
هذا ياسر ...وي سميه
دمهم ايرتل عقيده
.
تحملوا اهل  الغوايه
بـ هالبدايه للنهايه
................يارسول الله الأمين
.
............................................
.
شاهدوا موتت بنينك
ماتزلزلت ويقينك
ماتأثر ...... ولا بالاحزان ارتمه

يستغل هاي المسائل
عنك العاص ابن وائل
نادى ابتر .. وانت صبرك يلجمه

العلي نادى يطه
سورتك هاي وتباهى
عندي كوثر ...أم ابوها فاطمه
.
أم الحسن .. جنة عدن
هم طاهره وحره
نِعم النسب .. اول سبب
للعصمه والعتره
.
يلوعوها... يعذبوها
من بعد عينك يطه
كلها صاحت ... مات ابوها
بعدك وتنزفت دماهه
.
وينفتح باب السبايه
بـ هالبدايه للنهايه
.................. يارسول اللّه الأمين
.
.........................................
.
عن ديارك يبعدونك
قرروا ويحاصرونك
جند الاوثان ...... ياصبر احمل صبر

عمك الچنت ابثنيته
تنظر اعيونك منيته
يلبس اكفان .... مابعد عندك ذخر

ذبلت البسمه البهيجه
يالنبي ماتت خديجه
عامك احزان ... شباقي عندك تنتظر
.
يعني استعد .. حان السفر
من فاطمه تنعى
لا تنخسف ... ارض ابسمه
لو شهگت الدمعه
.
حل يتمها .. ماتت امها
والزمن عالخد صفعها
من زغرها .. ينتظرها
يخلي بسمار ابضلعها
.
عاشت آهات الرزايه
بـ هالبدايه للنهايه
................ يارسول اللّه الأمين
.
........................................
.
قررت ها يانبينه
تهاجر الارض المدينه
بالسلامه ... حيدره دونك يموت

يفتدي عمره الحياتك
هو أول معجزاتك
لاحمامه ...... ولاخيوط العنكبوت

الي وياك ابمغارك
تمنى بدماك ايتشارك
بنتقامه .... بس خنس ماعنده صوت
.
بهاي الأرض ... احيي الفرض
يالنورت دارك
حانت بدر ... گوم انتصر
رد واخذ ثارك
.
لا تأمّن .. من غدرهم
تآمرو بعض الصحابه
لو وريدك .. لو عضيدك
لو نحر حمزه وخضابه
.
من أُحُد تبدي الضحايه
بـ هالبدايه للنهايه
.................. يارسول اللّه الأمين
.
..............................................
.
خلصت البعثه الشريفه
دگو اوتاد السقيفه
للرزيه ...... يمك اصحاب البلاء

يالرسول ابهالمسيه
أنت بفراش المنيه
والزچيه ........ استعدت للدماء

من ينادي.. مات ابوها
يالله فاطم طلعوها
بهالبليه ..... ينفتح طف كربلاء
.
يذبح دمع .. يكسر ضلع
ذاك الرفس بابك
يسطر بعد .. خد الطهر
من يسحگ اعتابك
.
عظم الله .. بيك اجرنه
اليوم يالهادي بغيابك
يانبينه ... يا ولينه
يا عظم ندبة مصابك
.
يل قريتك آنه آيه
بـ هالبدايه للنهايه
يارسول اللّه الأمين
.
.
انتهت نسألكم الدعاء
لا تنسوني ووالدي من فضل دعائكم المبارك
.
حسن الموالي الفاطمي
.
الاوزان: شيعتي تام + وزن موشح منفصل
+وزن المنسجم
.

قصيدة لشهادة رسول الله
(ص و آله)..........قصيدة متعددة الأوزان
.
.
13 عام . يانبينه ..
       چان بالكعبه اختبارك
10 عندك .. بالمدينه...
     واعلن الباري انتصارك
.
نذكر اعوام الولايه
من البدايه للنهايه
........... يارسول الله الأمين
.
...................
.
تبدي قصة تضحياتك
يالرسول وذكرياتك
بالمغاره ... نزل جبريل الأمين

گلك اقرأ يامحمد
يارسول اللّه المسدد
هالعباره ....بسم رب العالمين

أنت مرسل للبرايه
رتل آيات الولايه
والبشاره ..الك من حق اليقين
.
ماتنولي .. لا يالولي
               دومك تظل غالب
ذاخر الك .. حمزه وعلي
                وعمك ابو طالب
.
يفتدونك ..كل عمرهم
منهجك عدهم هويه
همه منك .. وانت منهم
خدمتك حد المنيه
.
دخلوا  ابحور المنايه
من البدايه للنهايه
................يارسول الله الأمين
.
...............................................
.
عشت لوعات ومصايب .
عبره وآلآم ونوايب
أنت ثائر ...... بيدك اكتاب المجيد

نادى بالكعبه الاسيره
الوليد ابن المغيره
گال ساحر ..... كاهن ودينك جديد

يسمع احروف الهدايه
رتلتهن آيه آيه
نادى شاعر ....هالامر ثابت اكيد
.
ابو لهب ... وام الحطب
تمشي ويضربونك
هند وصخر... وابو جهل
همهم يذبحونك
.
وانت صابر .. عالرزيه
تنظر الأول شهيده
هذا ياسر ...وي سميه
دمهم ايرتل عقيده
.
تحملوا اهل  الغوايه
من البدايه للنهايه
................يارسول الله الأمين
.
............................................
.
شاهدوا موتت بنينك
ماتزلزلت ويقينك
ماتأثر ...... ولا بالاحزان ارتمه

يستغل هاي المسائل
عنك العاص ابن وائل
نادى ابتر .. وانت صبرك يلجمه

العلي نادى يطه
سورتك هاي وتباهى
عندي كوثر ...أم ابوها فاطمه
.
أم الحسن .. جنة عدن
هم طاهره وحره
نِعم النسب .. اول سبب
للعصمه والعتره
.
يلوعوها... يعذبوها
من بعد عينك يطه
كلها صاحت ... مات ابوها
بعدك وتنزفت دماهه
.
وينفتح باب السبايه
من البدايه للنهايه
.................. يارسول اللّه الأمين
.
.........................................
.
عن ديارك يبعدونك
قرروا ويحاصرونك
جند الاوثان ...... ياصبر احمل صبر

عمك الچنت ابثنيته
تنظر اعيونك منيته
يلبس اكفان .... مابعد عندك ذخر

ذبلت البسمه البهيجه
يالنبي ماتت خديجه
عامك احزان ... شباقي عندك تنتظر
.
يعني استعد .. حان السفر
من فاطمه تنعى
لا تنخسف ... ارض ابسمه
لو شهگت الدمعه
.
حل يتمها .. ماتت امها
والزمن عالخد صفعها
من زغرها .. ينتظرها
يخلي بسمار ابضلعها
.
عاشت آهات الرزايه
من البدايه للنهايه
................ يارسول اللّه الأمين
.
........................................
.
قررت ها يانبينه
تهاجر الارض المدينه
بالسلامه ... حيدره دونك يموت

يفتدي عمره الحياتك
هو يعرف معجزاتك
لاحمامه ...... ولاخيوط العنكبوت

الي وياك ابمغارك
تمنى بدماك ايتشارك
بنتقامه .... بس خنس ماعنده صوت
.
بهاي الأرض ... احيي الفرض
يالنورت دارك
حانت بدر ... گوم انتصر
رد واخذ ثارك
.
لا تأمّن .. من غدرهم
تآمرو بعض الصحابه
لو وريدك .. لو عضيدك
لو نحر حمزه وخضابه
.
من أُحُد تبدي الضحايه
من البدايه للنهايه
.................. يارسول اللّه الأمين
.
..............................................
.
خلصت البعثه الشريفه
دگو اوتاد السقيفه
للرزيه ...... يمك اصحاب البلاء

يالرسول ابهالمسيه
أنت بفراش المنيه
والزچيه ........ استعدت للدماء

من ينادي.. مات ابوها
يالله فاطم طلعوها
بهالبليه ..... ينفتح طف كربلاء
.
يذبح دمع .. يكسر ضلع
ذاك الرفس بابك
يسطر بعد .. خد الطهر
من يسحگ اعتابك
.
عظم الله .. بيك اجرنه
اليوم يالهادي بغيابك
يانبينه ... يا ولينه
يا عظم ندبة مصابك
.
يل قريتك آنه آيه .... من البدايه للنهايه
يارسول اللّه الأمين
.
.
انتهت نسألكم الدعاء
لا تنسوني ووالدي من فضل دعائكم المبارك
.
حسن الموالي الفاطمي
.
الاوزان: شيعتي تام + وزن موشح منفصل
+وزن المنسجم
.

قصيدة على طريقة قصيدة
(سور البنيته طايح لگيته)
.
قصة نبينه.. توصف وينينه
.
.
عاش النبي بلوعه وهظم
واه وحزن ودموع
كلما يصد الفاطمه ينظر
كلب مفجوع
يدريها من بعده تردله
والوجه مصفوع
محني ظهرها من الرفس
منها النفس مگطوع

الدمعه الحزينه.. توصف وينينه
.
.
.
حيدر حبيبه علمه
كل علمه والاسرار
وصا وصيه شماحصل
لاترفع البتار
لوشاهدت نار الغدر
تاكل غدت بالدار
لو ينلطم خد فاطمه
ومنها الوجه يندار
.
غربة علينه .. توصف وينينه
.
.
.
يقبل الحسن من شفّته
ويكله اريد انعاك
يوليدي سم الغادره
لابد يمر بشفاك
بترابي لاماتندفن
ويمانعون اعداك
نعشك يضربونه ابسهام
ويجري نزف ادماك
.
لوعة سنينه.. توصف وينينه
.
.
.
وي زينب الحره
يعيش الفاجعه والنوح
ويكلها عمرج يالحبيبه
بس دمع مسفوح
برض المدامع موعدج
وي كل نحر مذبوح
والنايبه بدرب السبي
للغربه بيچ اتروح
.
بنوح الحنينه.. توصف وينينه
.
.
.
وحسين اذا ينظرله ينظر
نايبه واهات
نحره اليشمه يدري راح
توذره الطعنات
وصدره تطشره عالتراب
بكربله السحكات
ويتامه تركض بالبراري
بحركة الخيمات
.
عبرة بنينه.. توصف وينينة.
.
.
.
هذا النبي وهذا مصابه
وجرحه والاحساس
يدري بوفاته عتبته
تسحگها جدم ارجاس
بسم الغدر وي الذبح
بعده تغيب انفاس
يهظم يتيماته السبي
ويمشن بلا حراس
.
بهظم المدينه.. توصف وينينه.
.
.
.
حسن الموالي الفاطمي

قصيدة لشهادة رسول الله
(ص وآله)
.............مجزوء الرمل........
.
وامحمداه. وامحمداه
وامحمداه . وامحمداه
.
.
ذابَ عـرشُ اللهِ حُـزناً ..
وأرتدى ثوبَ السـواد
وعَلـت في اللـوحِ رآيه
أعلنت يـــومَ الحـداد
أيُ خطـبٍ مــــا تُراهُ
زلزل السبـعَ الشِـداد
قد أتى صوتُ المنادي
ناعياً خيرَ العـــــباد
.
وامحمداه .. وامحمداه
وامحمداه .. وامحمداه
.
.
أمـةُ الأحقـادِ عـــادت
في رُبىَ الدارِ تصول
عجلهم أمسى خلــيفه
يــزدري تلك العــقول
سيــدي و الســامريُ
عَــذبَ قَلــبَ البتـــول
ذلكَ الصُعـلوكُ نادى
أحرِقوا بيـت الرسول
.
وامحمداه..وامحمداه
وامحمداه .. وامحمداه
.
.
سَيدي مَن قَــالَ تَهجُر
أعلنَ يــــومَ البــلاء
ساق أهـلُ الجـــاهليه
نَحو بيـــتِ الأنبــياء
خلف بابِ الدارِ ويلي
هشـّموا قلبَ السماء
سحقوا ضـِـلعَ النـبوه
عَـبّــدوا دربَ الـــدماء
.
وامحمداه ...وامحمداه
وامحمداه.. وامحمداه
.
.
بنتُ عِجلَ القـــومِ نــالت
كُـلَ ميـــراثِ الإمين
والبتــــولُ ويـــحُ قلــبي
إرثُـها صِفــرا اليدين
عُد الى الزهـراءِ وانظر
خـــدُها والمُقلتـــــين
وأستمع جُــرحَ الدمـــاءِ
ناعــياً أم الحُــسين
.
وامحمداه .وامحمداه
وامحمداه .. وامحمداه
.
.
إن تسل عن روحِ قلبك
إرثُها نَــزفُ الــدمــــوع
سطـرةً في الخدِ تـروي
سيدي كَسـرا الضلوع
فاطــمٌ أمســـت غريــبه
بيـن هــاتيك الجموع
في ظــلامِ الليلِ تنــدُب
سيـدي حتى الطلـوع
.
وامحمداه . وامحمداه
وامحمداه .. وامحمداه
.
.
ثَغرُ مَن قَبلـــتَ ثَــغره
أرتـوى سُــمَ الحتوف
نَحرُ مَن قَبلــتَ نَحره
قطــــعوهُ بالســـيـوف
سيدي لو كُنتَ حاضـر
إذ ترى يـومَ الطفوف
بيتُك أضـــحى ذبيــحاً
والعدى فـــيهِ تطوف
.
وامحمداه . وامحمداه
وامحمداه .. وامحمداه
.
.
لاتنسوني ووالدي من فضل دعائكم المبارك

حسن الموالي الفاطمي

.

.

#ختمة #عزاء.
.
ختمة عزاء
گطعو يمين العباس يافاطمه الحزينه

بالنوح زيـنب رددت
هـل صوت للـمـدينه
.
عيــني يـيـمه اعله النـهر
انظــر يـرد ولينه
.
ناديـت يـاليـث الفله
ارجـــع يخــويه ليـنه
.
يـــاخــويه خل ماي النهر
من دمعتك روينه
.
گام الرضيع ابنظرته
ينشدني عمي وينه
.
يــاخـويه تأبى شيمتك
أنـّــادي مــا تجـينه
.
يـاخويه حاطتــنه العـده
خـيل وزلم علينه
.
يـــاخـويه افـــزع يانـفل
سبو علي ونبينه
.
وحـســين هـالراح ورجع
بلكت خبر يجينه
.
انظـرله راجــع منحـني
طـر الخيم ونينه
.
حلفـتـه خويــه بغربتــك
أنشد كفيلي وينه
.
طـب خـيمـتي وشـال العمد
يازينب انولينه
.
الــدم نهــر وســط النهر
من يسرته ويمينه

والجربه صابوها ابسهم
بس لا تخبري اسكينه
.
اوالهامه مصـيوب بعـمد
سال الدمه بجبينه
.
يالحره صـــاباه النبـل
والأمضــه نبــلة عينه
.
.
گطعو يمين العباس يافاطمه الحزينه
.
حسن الموالي الفاطمي
.

أبد والله ما ننسه حسيناه
.
يظل محبوبنه وبالذر عشگناه
حبه من حليب امنه رضعناه
شعار بكل زمن بيرغ رفعناه
نشيد واحنه عالفطره نظمناه
شهيد وبالمهد اسمك لفظناه
فوگ اضلوعنه لطمه طبعناه
بالهامات بالطبره كتبناه
عهد للزهره عدنه نگول معناه
كل مصباح وي زينب نعيناه
على خد العليله ادموع شفناه
وي غربة رقيه انصيح بلآه
يتيمه وراس ابوها ابطشت تلگاه
سبيه وبالخرابه اتموت وياه
گبره انزوره والظالم سحگناه
عدمنه الطاغي والمجلس أقمناه
جمرة نوح بالريه شهگناه
نسينه اسمائنه وأسمه حفظناه
درة تاج فوگ الراس شلناه
أبد والله ما ننسه حسيناه
.
.
حسن الموالي الفاطمي
.

يظــل ولائــي حسيــني يظــل ولائـــي
.
.
أمــشي كـل ليلي ونهــــاري
.والـــوصيه أمحـضـــــــره
مـــا أرد عـــــن الــزيــــاره.
دامي لوظــــل عالثـــره
يبني لــوعالگاع جسـمي
.طــــاح جثــــه أمـــوذره
يبني هم لحْســـين أخذني
.حتى أواسي الطـاهـره
.
كـــــربـــلائـــي شعـــاري كـــربــلائي
.
.
.
هـــاي مــــن الله الهــديه
حسيـن صــار بكـــربله
أســــمع الـــــرادود يقـره
.والنـــشــيـد ايــــرتــله
حســـين ريحانة الهـادي
.يعني طــــه بمنـــــزله
هـو للـــزهــــراء دمــــعه
.لجله عالخـــد هامــله
.
في دمائي حبه يسري في دمائي
.
.
.
أســـمَع اللـــطــام يلـطـم.
واللطم صـوت انفجار
طـگه وحـــده مــن يــوحد
.عالصدر يكتــب شعار
منه يحســــين النــواصب.
شافت انجـــوم النهار
عل صــدر نكتــب عقـيده
. إنت درب الانتــــصار
.
كــــل نــدائـي حسينـــــي كــــل ندائي
.
.
.
عـــامــره دوم المــــــواكب
كل مواكبــنه ازدحــام
هـــذا راكـــع هـــذا ساجد
هذا تم يــــوم الصيـام
بيــــن هـــــل زوار خـــادم
يگضي ليله وما ينــام
عمــري يالزاير رخصــــــته
فدوه الك يبن الكــرام
.
بس رجائي ترضا عني بس رجائي
.
.
.
شفــت عالم وحـده واگـف
يرمي عالـــزايــــــر بصـر
عــن يميـــنه وعن شمــاله
ينـــــظر وطـــال النـــظر
گتـــله تسمحلي انشدك
شنهي يعني هـــل أثر
گــــال دم حسيـــــن ثـــوره
وشــــاهد اليوم أنــتصر
.
عن ولائي ما أقــــصر عــــــن ولائي
.
.
.
شفت شايب يمشي وحده
.بهيده وبهـيده المشي
گـــتله أسرع خـل مشــيتك.
حتى تـــوصــل للــولي
گال كـــــل خطـواتي هــايه.
حجه وي طـــــه النبي
وآنه عمــري يبـــني خلص.
فـــدوه لحسين وعلي
.
وبلــوائـي خل أرفـــــرف أبلـوائــي
.
.
.
شفـــت طفـل وبيده بيــرغ.
.بيه يـــامنــصــــور أمت
گتــــله تعــــرف هالعبـــاره.
وأنته هـالبيـــرغ شـلت
گال جنــــدي لأبو صـــــالح
دوم بـيــهــــن رددت
ريت مثـــــل أولاد مســلم
دامي عل غبره طحت
.
في سمائي حسـين كـوكب في سمائي
.
.
.
هـــــذا درب الغـــاضـــــريه
.كعــبه والزايـــــر يطــوف
نمشي بـــدروب المـــنايه
ما تخـــــوفنـه الســيوف
زحف نوصـــل لابو اليــــمه.
والله زحف إعله الچفوف
سنيــــن والـــــذباح يـذبح.
وحنه نمشـــي بالألوف
.
كبـــــريــــائي حسيـــــني كبـــريائي
.

حسن الموالي الفاطمي
.