لقرب ميلاد الامام الحجه عجل الله فرجه الشريف
،،،،،،،،،،،،،،
يمته  الفرج  للناس ياشبل الحسن
ضاگت تره الانفاس ياشبل الحسن
،،،،،،،،،،،،،،،،،،،،،،،،
يمته الفرج  مولاي  ماعدنه صبر
صار اليحب تدريه قابض علجمر
سنين الظلم يانور طالت والعسر
واحنه بامل ملگاك يامُجلي الفتن
،،،،،،،،،،،،،،،،،،،،،،،،،،،
احنه  بامل  ملگاك  ساعاته   نعد
شنصبر  بعد  والنار  بينه   تنوگد
كل جمعه يلمحبوب تدري  نستعد
طال البعد والناس عاشت بالمحن
،،،،،،،،،،،،،،،،،،،،،،،
طال  البعد  علناس  يمته  رايتك
تظهر  يماي  العين   ننطر  جيتك
انهض  يثار  الله  واعلن   ثورتك
لظهورك  الميمون   ربك  ما  أذن
،،،،،،،،،،،،،،،،،،،،،،،،
لظهورك   الميمون  ونواره   نريد
يمحقق  الامال   والراي   السديد
سادة علينه  اليوم  ظلام  وعبيد
سل سيفك البتار يامحيي السنن
،،،،،،،،،،،،،،،،،،
سل  سيفك  البتار   اعلن   للعدل
صارت شتات الناس لملم   للشمل
يا آية   الرحمن    عنك   ما    نزل
شاهد  علينه  الله  المسير المزن
،،،،،،،،،،،،،،،،،،،،،،،،
شاهد علينه الله  والمُهدي  فَدك
للبضعه والمعروف  المخالف هلك
لمبايَعك  ربحان  ويسجله  المَلك
ماتبقه عنده اذنوب اقسم ينمحن
،،،،،،،،،،،،،،،،،،،،
ماتبقه عنده اذنوب يلمهدي  تزول
بلمحشر    ايتانيه  حيدر   والبتول
والحمزه والعباس والهادي الرسول
بالجنه يلمحجوب  جيرانه   ظُمَن
،،،،،،،،،،،،،،،،،،،
لخادم خدمة الحسين ع
ابو عمار الدراجيhttps://t.me/adoamar

ليلة  فرح  وسرور  بالخامس عشر
طشوا الورد ياناس بالخامس عشر

طشوا الورد ياناس سروا  فاطمه
نور  الارض  هليوم  ضوه   للسمه
أمبارك الف علخير ياحامي الحمه
الحجه انولد مولاي والنور انتشر

الحجه انولد وفراح صارت بلعُله
بسامره هب  قداح واصل  كربله
لشارك حفلنه اليوم يحظه بمنزله
عد فاطمه  وميخاف للجنه عبر

يم  فاطمه  مكتوب  واله  للولي
يوم الحشر مامون يحضرله علي
ايفوز النشر الافراح باكرم منزلي
ليلة سعاده الحور نثرت للدرر

ليلة فرح وسرور  عمت عالارض
ناجي الذي والاه خاب المعترض
حبك على الثقلين يلمهدي فرض
بيه النبي المختار  والباري  أُمر

بيه  النبي المختار  بشر  أمته
باخر  زمن  علكون تظهر رايته
ثاني عشرمعصوم ننطر طلعته
نوره ظلام الليل يجلي لو ظهر

نوره ظلام الليل يجلي المنحجب
عدل  وأمن  بالكون  كله  يستتب
احمل ظلم  الايام  اصبر  يلمحب
وادعي الفرج للغاب بظهوره تُسر

عجل  يلاه  الكون للمهدي الفرج
بجاه  الذي ناجاك  بالليل  وعِرج
يمته الوعد مولاي ما عدنه  مهج
تحمل قهر والجورعلوسعه انتشر

لخادم خدمة الحسين ع
ابو عمار الدراجيhttps://t.me/adoamar

**مهدينه  مهدينه   عـجــل يـاربـي طـلـعـتــه 
تدرينه    تدرينه   انـتــانـي يـلاهـي رايـتــه
مهدينه  مهدينه   عـجــل يـاربـي طـلـعـتــه

الاحكام ربـي معطله  جهال  ســادة علملــه 
كل يوم فتوه نازلــه   مولاي  صرنه   مهزلـه
والراد طـاح بمعظله  مـن ناس تعلم باطأله
بغيابه  بغيابه   ليل الفتن  غشاهه
لحبابه لحبابه   جمر البعد  چواهه
عشاگه عشاگه  اتاني هلاله وهلته
مهدينه مهدينه   عـجـل يـاربـي طـلـعـتــه 

طــول يـاربـي غيابه  ونـار الـبـعــد لهـابـه 
بـيدك نعرف اسبابه  صرنـه نعيش ابغابـه
هاي الخلگ مرتابــه  تنطر ظهوره احبابـه
ياساعه   ياساعه   تظهر يلاهي الرايه
والشيعه والشيعه   تگصد  اله  مشايه 
بنواره    بنواره   تكحل اعيون الحبته
مهدينه  مهدينه   عـجـل يـاربـي طـلـعـتــه   
 
مرت سنين بخوفــه  محجوب يمته نشوفه 
يخلص بدرنه خسوفه ونسمع طلع بل كوفـه
چف الله فوگ چفوفه جبريل صف صفوفـه
للبيعه     للبيعـه   املاك  ورسل  عنايه
وطيعه وطيعــه   ترضي الجليل الغايه
ونشوفه  ونشوفه   جن وانس طاعته
مهدينه  مهدينه  عـجـل يـاربـي  طـلـعـتــه
* 
صـك الفـرج بيمينه  اموقـع علـيـه بـارينـه
للجنـه بـي يهدينـه  شيعــة علـي امسمينـه
من الحاطمه ينجينه ومـن كـوثـره يسگينـه
يبنيهه  يبنيهـه   دولـة عـدل دستـوره
يهديهه يهديهه   كل الخلـك  بظهـوره
والينـه  والينـه   كلـنـه نتـانـي دولتـه
مهدينه  مهدينه   عـجـل يـاربـي طـلـعـتــه 

بجاه النبي والعتره  وسبطه قـتـيـل العـبـره
فاطم عليك الزهره  وحـيـدر يــرب الـقـدره
وجاه اليالي العشره  مهديـنـه يـسـر أمــره
مابينه  مابينه  نصبر   بعد   لغيابه
ماذينه ماذينه  سهم الزمان اصوابه
ياعالي ياعالي  يسر ولـيـك نهـظـتـه
مهدينه  مهدينه   عـجـل يـاربـي طـلـعـتــه

لخادم خدمة الحسين( ع )
ابو عمار الدراجي**https://t.me/adoamar

**للعسكري ابهـل الـليـل    تـمشـي بـلايـــه حـيـــل

تشكي الولي الرحمن   هـــم العـليهـه چـــان

اتـگـلـه يـلـب الـــروح    وينزف صـدر مجــروح

*** 

الزهره والحجه تلاگو  بسر من رائى الفجيعـه

عظم الـلـه اجرك تگله  يمي واجرج يالوديعه

يمه دمعچ هذا اشوفه  لـودمه ابثوب الشفيعه

مـن جرح ظلع التهشم  ابدفعـة الـباب المريعه

احجاب وعبايه الباب  صار ابـوجه الاجناب

بسماره ظلعچ صاب  صوب حصون المنيعه

ومحسن بقه مطروح  وينزف صـدر مجـــروح

**** 

خلي نسمعهه اشتسولف الحجة الباري بصبرهـه

تگله يبني چم مصيبه  روحي ظاگت من دهرهه

بعد ابويه ما دفنته  وظالم اظلوعي كسرهه

نحلتي حرموني منهه  وبابي مستعره بجمرهه

ولاچن وديعـة دين   آنـه وحسـن وحسين

هجمت علي صوبين نكروا القربى وخبرهه

ومنعونـي حتى الـنوح    وينزف صدر مجـروح

** 

مارضوا ابچي الجماعه  خنگوا الدمعه بجفوني

أودعت ولدي وابوهم  غمضت حمره عيوني

لاگبر شاخص الـيه بسكته احبابي ادفنونـي

غصه تبعت يبني غصه بـالمصايب لاحگوني

لوجفني مره الطيف   لشبولي اصد ياحيف

سم يوذبح بالسيف بهامه وچفوف افجعوني

بـالطـف دمـه مسفوح   وينـزف صدر مـجروح

*** 

اگصد بكل ساعه بلده  وگلبي يسبگني ابعويله

اعثر ابهمي واگومن  نـاري وحزاني ثجيله

واسمع الناعي ينادي  ابـنچ امگطـع دلـيله

من سموم اعداه يفاطم العسكري گومي اعتنيله

ولـدج ملـوا لبـلاد   اندفنوا عـليـچ أبعـاد

بالطف وارض بغداد جاوبه دمعي بمسيله

وسامره مــن اتـلـوح   ويـنـزف صدر مجروح

**** 

يلحسن اگعد اجـيتك  جاوب أمك يـاگلبهه

مـابگة دمعه بجفوني  شحمة عيوني الاصبهه

ابيضت أصبيني واكظم  أوني للسبعه شعبهه

يمته راية ثاري تظهر وابني ارض الطف يطبهه

المهدي عليهه اندار   ويگلهـه يمي الـثــار

بـامر الـعلي الجبار  الساعته ادعي بقربهه

أبـعتبچ أنــه مـذبوح   ويـنـزف صدر مجروح

**** 

لخادم خدمة الحسين ع
ابو عمار الدراجي**

**يــارسـول الـلـــه تـنـخـــــاك البـتـــول
كـوم شـوف الصـار متحمله العــقــول

كوم شوف الصار بـظـلـوعـي وجـــره
وبابـي بــعــدك لـيـش نـاره امـوجــره
عـيـني حمـره شلـون خــدي شـغـيـره
مثلي هــم شافـت كـبل بضعة رســـول

مثلـي هـم شـافـت كـبـل بـنـت أنـبـيـاء
لــــوعـليهه الـبـاب دفـعـتهـه أدعـيـاء
ونسلـب حـقـهه الـنـزل بـامـر السـمـاء
وعـاشت بـأحـزان والـهـم مــا يـــزول
*
عــاشـت بــاحـزان والـمـدمـع يـسـيــل
والصـدر مـعـيـوب بـصـواب الـثـجـيـل
لـوجـنـيـن اتـشـاهـده امخضب جـتـيــل
وعـلـوجـن دمـعـات تـحـفـر جـلسيـول

عـالـوجـن دمـعـات تـحـفـر جـالـجـمــر
وحـايـره مـابـيـن مـجـتــول وكــســـــر
بـالـظـلـع وحجـاب بـاب الـهـه وسـتــر
مـن الـعـده ومجتوف صكـار الفحـــول

مـن الـعـده مـجـتـوف والـيـهـه تـصـــد
الـجـفـه جـان الـكـون مـنـه يـرتـعــــــد
تـنـتـهـض بـــــالآه بــالـحسـره تـــــرد
لـلأرض والعـيـن يسـطـرهـه الـجهــول

بويـه هـذا الـصـار مـا صـايــر أظـــــن
الـحـره كـبـلـي ولا يـمـنعـوهــه تــــون
يكظـي ليلـي بـنـوح وبـيـتـــي الـحــزن
والـنـهـار أضـواه لـو مـرنـي خجـــول

الـنـهــار أضــواه لــو أشــرك خــجـــل
منـي جـنـه أيـكـول يـلـبـيـدج مــجـــــل
مـن الـرحى وتسبـيـح مـثـلـج مـاحـمـل
لا نـبـــي لـمـــــلاك لا تـــــل لاسـهــول

فـاطـمـه الايـــام لـيــج اشـخـافــيـــــــه
بـيـن ســم وسـيــف ولـــدج كــاضـيــه
وكـربـلــه ونـحـور بــيـهــه الــدامـيــه
فـــوك صـدر حسـيـن خيـالـه التـجــول

لخادم خدمة الحسين ( ع )
ابو عمار الدراجي**

**يـامـحـجـوب يـمـتـه الـفـرج يـلـفـيـنـه

بــــــــــينه ادور رحى الظلم تدرينـــــه
واهـــل الجــورسهم الجمـــــل ترمينــه
ذاك الصــــــاب كلب الرسـول ودينـــه
منـه انصيــــــح ســـم السهـم ماذينــــه
بــدم شبــــــان ارض العـراق أ روينــه
جـــم عريـــــس التربــة علـي ودينــــه
مـــوبشمــــــوع بـدم الحمــر زفينــــــه
امــــــــس اهنــاه وهـذا المسه جا وينه
وي جســـــــــام حنــه النحـــر جفينـــه
بعالـي الصـــوت صحنه وشهد بارينـــه
الحــب حـســـين فـــدوه العمر وسنينــه
مـــانـنســـــــــاه ويـه الــدمــه يغـذيـنـه

لخادم خدمة الحسين ع
ابو عمار الدراجي**