Тирикман-у, яшамаяпман,
Сен йўқдайсан, йиллаб кутганим.
Фақат менинг ўзимга аён
Қачонлардир ўлиб кетганим.

Тирикман-у, яшамаяпман,
Мени боғлаб қўйган қандай куч?
Ёниб, қақшаб югурган билан
Ўликларга келавердим дуч.

Бақирмоқчи бўламан, аммо
Овозини чиқармай ўлган.
Атрофдан ҳам эшитилмайди
"Мен тирикман!" – деган бир овоз.

Одамларга термуламан жим,
Умид, ишонч, орзуси сўлган:
Манов одам армонга чўкиб,
Овозини чиқармай ўлган.

Анависи тирикчиликнинг
Қучоғида чириган, йитган,
Ҳув, анави новча йигитнинг
Нозиктаъб қиз бошига етган.

Йўл оламан майхона тараф,
(Ўликларга термулмоқ нечун?)
Май ичаман ўзимни сўкиб,
Тирикларнинг соғлиғи учун.

Чори Аваз

https://t.me/dilgamaktublar

#diqqat

Бугун соат 20 : 30 да "Madaniyat va maʼrifat" телеканалида "Qaqnus"нинг ҳассос шоир Чори Авазга бағишланган сони эфирга узатилади. Унда камина шоирингиз ҳам Чори Аваз ҳақидаги фикрлари билан иштирок этган. Барчангизни асл шоир ёд этилган кўрсатувни бирга кўришга таклиф этаман.

👉 @xayol_soyasi

БАХТИНИСО номидаги аёл-қизлар адабий мукофоти

(қабул бошланди)

Мазкур адабий танлов Мустақил ижодкор ёшлар ташаббуси билан ўтказилмоқда. Ташаббускорлар ижодкор аёл-қизларнинг асарларини кенгроқ аудиторияга етказиш, уларни маънавий ва моддий қўллаб-қувватлаш, ижодий ва интеллектуал соҳаларда кучли эканлигини намоён этишни ўз олдига мақсад қилган.

Танловга қатнашиш учун аёл-қизларнинг ёши, миллати, касби, тажрибаси аҳамиятга эга эмас. Танлов ўзбек тилида уч йўналиш бўйича бўлиб ўтади:

НАЗМ

НАСР

ТАРЖИМА.

Танлов мавзуси эркин. Ҳикоя ва шеърлар бадиий жиҳатдан пухта бўлиши, унда муаллиф ғояси акс этиши, имло қоидаларига риоя қилиниши лозим. Таржималар эса аслияти билан бирга жўнатилади.

Танлов қоидалари

Ҳикоялар учун:

Матн 4000 белги(ҳарф)дан 18 минг белги(ҳарф)гача бўлиши лозим.

Шеърлар учун:

Хажми 4 қатордан кам бўлмаган, 24 қатордан ошмаган 3-5 та шеър бўлиши керак.

Муҳим! Ижодий ишлар аввал ҳеч қаерда эълон қилинмаган бўлиши шарт.

Ижодий ишларни қуйидаги электрон манзилга юборишингиз мумкин: [email protected]

Ижодий ишлар Microsoft Word файлда жўнатилиши лозим. Ҳикоя ёки шеър ёзилган матннинг охирида қуйидаги маълумотлар кўрсатилиши шарт:

Исм-фамилия (тахаллус),
Туғилган йил,
Яшаш жойи,
Алоқа учун телефон рақами.

Ижодий ишларни танлов ҳакамлари қабул қилади ва баҳолайди.

Танловга қабул 2025 йил 1 январдан бошланади ва 20 февралда якунига етади.

Танлов ишчи гуруҳи ва ҳакамлари

Ёзувчи, шоир ва таржимонлар: Гулноз Мўминова, Нодира Иброҳимова, Рухсора Нур, Тилланисо, Мирзоҳид Музаффар, Алишер Файзуллаев, Мунира Норова, Нурали Қаҳрамон, Гули Нигор, Рахшона Аҳмедова, Моҳира.

Тақдирлаш

Ҳар бир йўналиш бўйича биттадан ғолиб аниқланади. Ғолиблар 8-март – Хотин-қизлар кунида маълум қилинади.

Уч нафар ғолибнинг ҳар бири пул мукофоти, китоблар тўплами, диплом билан тақдирланади. Шунингдек, уларнинг ижодий ишлари инглиз тилига таржима қилиниб, миллий ва халқаро нашрларга тавсия этилади.

Эътиборингиз учун раҳмат!

П.С. Танлов ғолибларини тақдирлашга ўз ҳиссасини қўшмоқчи бўлган юртдошларимиз донат қилишлари мумкин. Карта рақами: 9860010102719001

SHOIR CHORIJON MARSIYASI
Har kim ham dunyodan o‘tadi.
U yo shoh, yo gado bo‘lmasin.
Qazoying qalbimni o‘rtadi,
Hech kimning shogirdi o‘lmasin!..
Axir u eng avval insondir.
Qavmiga qadrli bir jondir.
Ustozi orzumand osmondir,
Hech kimning shogirdi o‘lmasin.
Sen o‘ychan yurarding, Chorijon,
O’ylardim - ilhomga yori jon,
Aytmovding, yengibdi dard pinhon,
Hech kimning shogirdi o‘lmasin.
G‘uzorning dashtida olamdek,
Armoning sochda oq tolamdek,
Beg‘ubor eding bir bolamdek,
Hech kimning shogirdi o‘lmasin...
She’riyat, hamrohsan biz ila,
Uyingda yuz berdi zilzila,
Bu ne hol, bahorda zilzila,
Hech kimning shogirdi o‘lmasin.
Shoir xoh yoshdir, xoh qaridir,
Ijodi ajaldan naridir.
Alamdir, bari bir alamdir,
Hech kimning shogirdi o‘lmasin!
1992 Abdulla Oripov

11 декабрь - истеъдодли шоир Чори Аваз туғилган кун.
Агар ҳаёт бўлганларида бугун 67 ёшни қаршилар бўлар эдилар.
Эрта сўнган юлдуз. Аммо бундай дейиш тўғрими? Ахир "Бахтиёрлик шу эмасми?" эссесининг ўзи шоҳ асар бўлса. "Ўлим - ишқ мураббийси", "Изланиш излари", "Руҳиятни покловчи шеърият" каби илмий-таҳлилий мақолалари ҳануз ўқувчилар қалбини ларзага солаётган бўлса, Ватанимиз мустақиллигини, тилимиз озод, элимиз ҳур бўлиши ўтли мисраларда тараннум этилиб, ҳамон юракларни титратаётган бўлса, жаҳон адабиёти дурдоналарини гўёки ўзбек тилида битилган асар сингари моҳирона таржима қилингани туфайли китобхонлар дилига ҳузур бағишлаб турган бўлса бу шоирни эрта сўнган деб атамоқ тўғримикин? Гарчанд жисман орамизда бўлмаса-да ўлмас адабий мероси билан қалбимизни ёритиб турган, ҳали-ҳали ҳузур бағишлаётган оташин сатрларидан мунавварланиб, фараҳланиб турган бўлсак, бу шоирни энди йўқ дейиш тўғри бўлармикин? Йўқ, Чори Аваз қалбимизда, ёнимизда, ёдимизда биз билан ҳамнафас яшаяпти. У ўлмаган!
Жойингиз жаннатда бўлсин, Чори Аваз!
@choriavazijodi

Мазкур адабий танлов Мустақил ижодкор ёшлар ташаббуси билан ўтказилмоқда. Ташаббускорлар ижодкор аёл-қизларнинг асарларини кенгроқ аудиторияга етказиш, уларни маънавий ва моддий қўллаб-қувватлаш, ижодий ва интеллектуал соҳаларда кучли эканлигини намоён этишни ўз олдига мақсад қилган.

Танлов низоми билан танишиш учун босинг!

https://mutolaa.com/book/sherlar-173

Çarı Avaz | Aydınlık Hayaller | Özbek Şair
https://youtube.com/watch?v=UgOa0bdyuMw&si=GAYc2GZqypPmRiZo

БИР ШОИР ЯШАЙДИ ТОШКEНТ ШАҲРИДА

Бир шоир яшайди Тошкент шаҳрида,
Доимо ўзининг устидан кулиб.

Бир шоир яшайди Тошкент шаҳрида,
Ҳар кун минг туғилиб, ҳар кун минг ўлиб.

Бир шоир яшайди Тошкент шаҳрида,
Катта, чиройли ва ёруғ хонаси.

Бир шоир яшайди Тошкент шаҳрида,
Чакки томар уйда яшар онаси.

Бир шоир яшайди Тошкент шаҳрида,
Тушларида кезиб қишлоқ, воҳа, қир.

Бир шоир яшайди Тошкент шаҳрида,
Онаси, қишлоғи, севгилиси - шеър.

© Чори Аваз
https://t.me/Adabiyot_olami