[💔إفتتاح أوختام مجلس للكاظم ع💔]

وويلي على المسموم
وويلي على المسموم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

كل شيعي يصيح اليوم

الكاظم گضى مسموم

دلالي صبح مهموم

يبچیله دمع ودموم

للمهدي قلب مالوم

بالكاظم صبح ملچوم

‌‌وينادي آيا مظلوم

وين اللي يصيح اليوم

كل عام ويردد ‌ دوم

تبچي الزهره و تنادي

جاوبها النبي الهادي

وليدي سمه الظالم

مات بغربته الكاظم

ومن الماي هم محروم

واويلي على المسموم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

🏴جهاد البصيراوي🏴

[[💔وداعية للتشييع الرمزي للإمام الكاظم ع💔]]
أوقصيدة ختام مجلس
مع ترديد الشطر الاول بعد كل شطر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وداعة الله يا ولينه ●●● نعشك إحنه الشايلينه

وداعة الله يا ولينه ●●● نعشك إحنه الشايلينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

سيدي دنيانه صارت مظلمه بعدك حزينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

أظلم الكون برحيلك بعد يا خير اليجينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

موسى يالمكتول بالسم ياهو اليخبر المدينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

سيدي ما يكفي نصرخ نلطم الراس بإيدينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

سيدي أرواح نفدي وما نوفي شگد فدينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

اعليك ما يخلص حزنه والدمع مهما جرينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عظم الله فاطمه اجرچ عظم الله اجرك علينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

المهدي بالتشییع يحضر سيدي و الله اليعينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

واحنه ويه المهدي نحضر عن شماله وعن يمينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

نگله یالمحجوب یمته طالت الغيبه علينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تاخذ الثارات يمته وانت قائدنا وولينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

الشيعه كلها اليوم تندب سيدي يمته تجينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

سيدي المعبود يمتى يآمرك وتهل علينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تاخذ بثارات جدك تمحي هالزمره اللعينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وتحضر ويانا وتنادي هلله هلله حسين وينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تسكّت الگالو غريب ونعشه مايبقى رهينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تجمع الناس و تنادي يلا خنشيع ولينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هذا ابن الطيب اصله شجرة الهادي الرصينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وداعة الله يبن جعفر صادق العتره الأمينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

[جهاد ألبصيراوي]

[[💔موشح للإمام الكاظم الغريب 💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خالتجرد هاشم سيوف الحرب

وتاخذ بثار الي سموه بالغرب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تفزع لكاظمها و بحر الظهر

ختشيل جنازته الفوك الجسر

لايروح الدم لبن جعفر هدر

وبيهم امثال الحرايب تنضرب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تشوف منهو الي كتل منهو الرضا

ياهو الينادي إمام الرافضه

تشيل ابن الطاهره والمرتضى

وعلى شيال النعش تگطع درب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تصيح يامن بالتعمد تجهله

موسى هذا وحجة الله اعله المله

عنده يم الباري اعظم منزله

بالوجاهه و بالفضيله وبالقرب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يالتنادي إنچانك ماتعرفه!!!؟؟

هذا بن مكة ومنا وبن الصفا

موسى بن جعفر حفيد المصطفى

وجده حيدر ذاكه قتال العرب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تالي ابن الطيب تنادي بفخر

سيدي يابو الجوادين ألأغر

سيدي عذرآ يبن فارس مضر

نعشك مسلسل غريب اعله الترب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هذا الأنفاسه كأنفاس النبي

هذا إبن الصادق الحر ألابي

هذا موسى العلوي الطالبي

البسجوده أدخل عليكم رعب

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بقلم:
جهاد البصيراوي

(?بين الخيال ولسان الحال?)

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

كأني بأم الحسين المفجعوعه هذه المره بغصنها السابع وشريانها الدامع ?

أتت في أواخر ليلة تلك الجمعة الأليمة لسجن السندي اللعين لتعيش مع ولدها الكاظم
آخر لحظاته?

اقول ربما وضعت رأسه الشريف في حجرها الطاهر
وقالت ودموعها تتهادى
على وجهه الذي لم ينل السم من نوره المشرق بنور الإمامه وسيماء الصلاح

وبينما هي مختنقة بلوعه المصاب والم الفقد
وبحروفٍ يتختلجها الحزن المعتم ?

تتمتم بكلماتٍ قد إبتلت بدموع الأم الثاكله
تقول لولدها:

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مالي حيل ..!!?

بس إجيتك بالعجل والدنيه ليل

مالي حيل ..!!?

تدري بالبسمار يسعر والصواب البالدليل !

تنزف جروحي أئمه و الضوه منها يسيل !

مالي حيل ....!!?

الدنيا ضدّي وآنه وحدي والدليل؟

منين ما ميلن ييمه بالرزايا اهيه تميل!

سمعت ناعي الموت يصرخ بالعويل

موسى مات .... موسى مات

وضجت املاك الجليل !!

صحت يا سباح گلبي?

موسى .. موسى وأبچي حيل !!

واعتنيتك و نطوى الدرب الطويل !

راسك بحضني ييمه لا تميل ...لاتميل

يابعد حيلي ولو ما ضلي حيل.....!!

مالي حيل ..!!?

اي ثجيل ...ادري بمصابك ثجيل
ذاب گلبي من سمعت وكت الرحيل

ورغم كل جروحي اجيت اباب سجنك كالدخيل

بيده أفك قيود أيدك يا نحيل?

شما أگلك تبقى صعبه ..
يبقى ما يشفى الغليل

ما اريد الچم صوابك ولا عليه اقصد قليل?

ادري بالغربه گضيت ونعشك يتاني اليشيل !!

لاچن الاعظم ييمه
الضامي و بالطف قتيل?

وخيل تسحگ فوگ صدرك؟؟

مستحيل....مستحيل!!

وما يضل جسمك سليب لا مناحه ولا عويل!!

الغريب الضل رميه جسمه و سهام التهيل ?

والغريبه بنص معاره حارت بحمل الثجيل

ضلت اتنادي حسين ...حسين ?
الخيمه شبت عالعليل ....!!!!

والبنات مطشرات وعالخيم همجت الخيل !!

والاطفال ذعر ماتو نار وأصوات الصهيل !!

وانا وحدي لا معين و لا كفيل

مالي حيل ......... مالي حيل ?

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جهاد البصيراوي

[[?قصيدة للكاظم ع?]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

شهالجنازه  أعله الجسر  بحبالها

لا  أهلها     ولا    غريب  الشالها

يا موسى أبن جعفر ...... يا موسى أبن جعفر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

شهالجنازه    الي     تغير   لونها

وبس  حماميل  اربعه  يشيلونها

لا عشيرة   التحضر    يشيعونها

ولا صريخ   ولا   بچي   بذيالها

يا موسى أبن جعفر ...... يا موسى أبن جعفر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

شهالجنازه   الباقية   بحر  الظهر

هالغريب  منين   خلوه   عالجسر

يصيح  كلمن  بالنعش  لمن   يمر

ليش     محد   هالجنازه   بحالها

يا موسى أبن جعفر ...... يا موسى أبن جعفر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وين  أخوته  أوينهم   ناسه   وهله

ليش      محد    شاله  محد غسله

ياهو   بيكم   خبر   موته   يوصله

للعشيرة       و  تعتنيه       رجالها

يا موسى أبن جعفر ...... يا موسى أبن جعفر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وينه من   يرگه  السبوگ و  ینتفض

يرشد  بنيتة   بعجل  يطوي  ألارض

ینادي   یا  أهل  الوجاهه   والفرض

نعش  ابنكم      عالجسر    يبطالها

يا موسى أبن جعفر ...... يا موسى أبن جعفر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

نعش بس  بالهيبة  ما   يشبه   نعش

يشبه      القرأن      عالگاع    نفرش

بس هظيمة  أوسفه  سابع  الأ ثنعش

ينادي     باطل    جثتك       حمالها

يا موسى أبن جعفر ...... يا موسى أبن جعفر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لمن سليمان   أجه    وفض   الجمع

الطيب أبن   الطيب   ينادي   بدمع

ويلي  عالأخته    بقت  بين   الفزِع

وجثته  طشرت   الخيل    أوصالها

يا موسى أبن جعفر ...... يا موسى أبن جعفر

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

✨️مُحب الحُسين و الكاظم✨️
✨️عليهما السلام✨️

جهاد البصيراوي

[[?موشح للإمام موسى بن جعفر ع?]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لجوار  الله  إرتقى  الكاظم  شهيد

مات مسموم    بسجون  أللارشيد

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مات  مسموم  و بچت ليه  السماء

وكلشي ضج  اعليه بدموع   وبكاء

الكاظميه   هاي    مدري     كربلاء

ولو  أدريهن   جرح   واحد   أكيد

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مات   مسموم  و  سلاسل بالأ دين

موسى هذا    مدري  زين  العابدين

إنحنى جسر  الرصافه  من  الونين

بيوم شاف  جنازته  يلفها   الحديد

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مات مسموم  و   بعيد  اعله   الديار

وعالجواد  گليبه بي   مستعره    نار

چن أسمعه ينادي  يا  مهدي   البدار

يبني   ثار   حسين   محزوز  الوريد

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مات  مسموم   و دمع  تجري   العيون

صوب أهله و  يدري  بيهم ما   يجون

بحسرته غمض   أبو    گلب   الحنون

وطارش   يخبر   بني   هاشم    يريد

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مات مسموم  و بقى   نعشه    غريب

بس على روحه  فلا   ذاكه   النحیب

یبچي لحسين  البقى  بالطف سليب

ينادي إلعن   ربي  هارون   و   يزيد

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مات   مسموم   و  دمع  عينه  يهيل

وغصه مثل النار   و   بنص   الدليل

عالسبوها وحارت   إخلاف  الكفيل

ألبقى إعله   المشرعه  نايم  وحيد

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

✨️تنويه✨️

يهدى ثوآب هذه الكلمات الى روح خادمة الحسين
الأخت (أم محمود) والى كافة المؤمنين
?مع الفاتحه والصلوات?

جهاد البصيراوي

عظم الله لك الأجر يارسول الله?

َقَالَ رَسُولُ اللَّهِ (صلى الله عليه وآله):

الْعَيْنُ تَدْمَعُ وَ الْقَلْبُ يَحْزَنُ وَ لَا نَقُولُ‏ إِلَّا مَا يَرْضَى‏ رَبُّنَا وَ إِنَّا لِفِرَاقِكَ يَا إِبْرَاهِيمُ لَمَحْزُونُون‏
مسكن الفؤاد عند فقد الأحبة و الأولاد ؛ ؛ ص102

عظم الله اجورنا واجوركم بذكرى وفاة ابراهيم بن رسول الله (صلى الله عليه وآله)

نرفـع احـر التعازي الى مقام حضرة النبي الاكـرم وآلــه الطـاهـريـن وبقيـة الله في الارضين ليلة ١٨ رجب وفاة ابراهيم بن رسول الله صلى الله عليه وآله ،