**صبحكم الله بالخير والعافية

Neonatal hypoglycemia :-

- Term → < 40 mg/dl

- Preterm < 50 mg/dl

Management :-

a 2 mL/kg to 3 mL/kg intravenous bolus of 10% dextrose is given
ننطيها وريدي مباشر
مثلاً طفل وزنه 3 كيلوات
ننطي 9 سيسي بالسرنجة مباشر بالكانيولا

وراها المينتنس
followed by a continuous infusion. Initial glucose infusion rates generally used for full-term infants are 4 to 6 mg/kg/min, while rates for premature infants may be 6 to 8 mg/kg/min

1cc = 1000mg = 1g
يعني هذا إلي وزنه 3 كيلوات
رح نضرب 3 في 6
هاي
18mg/min.
يعني تقريباً ربع سيسي بالدقيقة يمشي إنفيوشن بطيء

موفقين**

**لنفترض إنه إجاك وره الفت
post-ictal
شتسويله؟

١- تسويله ABC و تحطه عالأوكسجين أو شوف بحسب SPO2.

٢- أخذ هستري و فحصه شوف السبب.

٣- أيضاً أبحث عن السبب بعد و دزه التحاليل الفوگ ، والتحاليل مرات مامطلوبة كلها إذا الكيس معروفة.

٤- تحاول تمنع أي فت جديدة مثلاً أبو ال febrile convulsion (عادة بين ٦شهور-٦سنوات) تنزله الحرارة وتسويلها چارت وتراقبها وماتخليها تصعد وتبحث عن سببها وتعالجه..

الجو بده يكسر والأمراض حتزيد والحرارة حتصعد عند الجهال بالأخص فديربالكم طلابا وأطباءا..

وموفقين جميعاً ❤️**

حياكم الله جميعاً 👋**
اليوم نسولف أطفال شوية حسب طلبات بعض الزملاء...

Fit الشمرة أو
يعتبر من أهم المواضيع بروتة الأطفال.

وهاي الحالة تثير الرعب والفزع عند أهل الطفل ، تجي الأم تدگ وتلطم والأبو مرعوب ...
إنت لا تنخبص وياهم وخليك مركز و حاول أن تخلي بذهنك ٣ خطوات لا يروحن من بالك :-

١- سوي ال ABC.
٢- وگف النوبة.
٣- إبحث عن السبب .

المريض يجيك بإحدى الحالتين أما ((مشمور بالبيت وهسه واگفه))
أو ((مستمرة وتشوفها گدامك))

هسه خل نفرض أن المريض إجاك بحالة الإختلاج ودا ينشمر يمك، هاي معناها عالأغلب أنه من البيت لحد ما وصلوا للمستشفى هو ينشمر معناها موخوش :-

١- تركض وياه ، تصيح الممرضين، تخليه left lateral position تسويله suction للسكريشن و تحطله O2 وتخليه عالي ، إذا أكو pulse oximetry أو monitor خليه عليه ، مرات هايبوكسيا قوية تحتاج intubation.

٢- بهاي الأثناء لازم يلگوله وريد ويشكلون كانيولا بأسرع مايمكن ويسحبوله دم للتحاليل ، التحاليل الأهم هي RBS , CBC , serum Electrolytes , B.urea.

٣- تنطيه ڤاليوم Diazepam بجرعة 1/4cc لكل 5 كغم ، وتنتظر الفت توگف لو لا ، وره خمس دقايق ماوگفت عيدله الجرعة ، ووره 5 دقايق عيدله الجرعة (حدك ٣ مرات) ، إذا كلش ما كدرتوا تحصلون كانيولا ، انطيه الديازبام بالسرنجة rectally والجرعة تخليها ١/٢سيسي لكل ٥ كغم .

٤- ما وگف إنطيه لومنال phenobarbital بجرعة٢٠ملغم/كغم خلال ٢٠ دقيقة، اللودنگ دوز ، أمبولة اللومنال بيها ٢٠٠ ملغم وحجمها ١ سيسي، إذا طلعت الجرعة أقل من ٢٠٠ تسحبها بسرنجة الإنسولين أحسن وهنا راح تصير كل وحدة بسرنجة الأنسولين يقابلها ٢ ملغم لومنال، الجرعة العلمية الصحيحة هي لازم يتخفف بفلود (مي مقطر أو NS أو GW أو حتى رنگر) حجم الفلود بقدر وزن المريض (يعني مريضك وزنه ١٥ تخفف اللومنال ب١٥ سيسي فلود، وهكذا) بس هاي الشغلة عملياً صعبة جداً لان إحنا نريد اللومنال يمشي ب٢٠ دقيقة وصعبة تسيطر على ١٥ سيسي ب٢٠ دقيقة، فخلي اللومنال ب١٠٠ سيسي حتى يمشي بصورة أسهل ، إذا الفت ماوگفت عيد اللودنگ وره ربع ساعة ، وره نص ساعة مشي المؤنتننس دوز ٥ملغم /كغم ،هاي الأدوية المتوفرة بطوارئ الأطفال بالعراق . إذا ما وگفت تنطي خبر لعمك البيرمننت أو الأخصائي ، مرات يحولونه عالRCU يحتاج general anesthesia.

٥- إذا عرفت أنه عنده سكر أو شكيت بيه أقل شك أن سكره هابط أو حتى بلايه شك، إنطي GW 10% bolus 5cc/kg , إذا مامتوفر إنطي هايبرتونك 2cc/kg وخففه شويه بمي مقطر أو تكدر تنطيه مخفف بكم سيسي GW5% ، الگلوكوز تكدر تنطيه عمياوي بلا شك و إذا تخليه من ضمن أسلوبك الروتيني بعلاج الفت فهذا أفضل .

٦- إنطي وياك كالسيوم 2cc/kg لايطلع الكالسيوم نازل ، تنطي هنا لمن تشك بيه يعني تلكهاه متشنج وعضلاته مثل البيهن tetanus، وتكدر تخليه ضمن منهجك الروتيني.

٧- بينما الممرض ينطي العلاج ، إستغل الوقت أخذ هستري وإسأل بدربك عن عمره وهاي اول مرة لو لا ؟ وقبل لايوگع ولحد ما جابوه تقيأ صار عنده شي؟ شجان يسوي قبل الوگعة؟شوكت وگع وشكد إستمرت النوبة؟ إسألهم عنده سكر أمراض منا منا ؟ أصلاً عنده صرع وياخذ علاج؟ باوع للمريض شنو وضعه ؟ مصخن ؟ عنده آثار ضربة براسه شي؟ خلي سماعتك على صدره واسمع تنفسه زين أكو air entry (مرات foreign body يسوي هايبوكسيا إلي بالتالي تسوي فت!) ، حاول تسويله نظرة عامة من راسه لرجليه وتكتشف شنو السبب الظاهر ، مرات السبب معروف طفل عنده صرع وكل فترة يخربط بالعلاج وينشمر ، هاي مو شرط تسوي كل التحاليل ، وعينك ميزانك قيم الوضع وشوف.
٧-إذا حرارته عالية خليله كمادات أو رشه بالمي ، و إنطيه براسيتول أمبول 15mg/kg .

٨ - هسه من يصير عندك متسع من الوقت والفت راحت يبقى عالأوكسجين والفلود ، إبدي أبحث عن السبب بصورة أكثر ، شوف الpupils ،إذا جان مصخن إبدي أبحث عن سببها شوف الneck stiffness ، ال tonsils , شوف اذاناته بيهن جراحة دم شي ، عيدله الاسكلتيشن واسمع الچيست ، مد إيدك على بطنه و إسأل عن الإسهال والتقيؤ و ألم البطن، حرگة الإدرار ولونه ، ألم الخاصرة، مفاصله ، دزه GUE ، إنطيه empirical AB حسب الإنفكشن التشك بيه، ماكو شي؟ دقق بالهستري و إنتظر التحاليل ، ولا تنسى أن تنطي لعمك خبر .

٩- علاج السبب راح يكون بحسب فحصك و التحاليل وغالبا مايكون علاجه مويمك ، ممكن يطلع meningitis أو encephalitis أو برين تيومر ويدزونه CT وكذا ، إذا عنده صرع وياخذ علاج بس گاطعه فتحوله عالأخصائي يرتبله العلاج ، ممكن ميتابولك كوز ، أو أي سبب ممكن .**

زملائي...أجوبتكم حلوة صراحة
بس ناقصها شي مهم
شندزه لهالبيشنت بالطوارئ وهو جاينه بالبتيشن؟؟؟ وشنتوقع يطلع عنده؟؟

شلون نقره أشعة الصدر CXR؟؟ هنا رح أسولفلكم النورمال وحيكون منطوق السؤال هو Describe what you see? بكل بساطة نتبع التالي :- ((((∆ أول شي∆)))) لازم أعرف نوع الصورة هل هيه صورة أكس ري،، مفراس CT لو رنين MRI لو هاي صورة سونار Ultrasound ونبدي بهاي…

**زملائي الورود
بما أنه هاي چيست أكس ري وكمن ومهمة كلش وتعتبر من
ال
life threatening conditions in emergency room

وآني گاييللكم بالسؤال
Describe what you see
Not Describe or what the abnormalities

فنحتاج نرتب الجواب مثل ما وضحتلكم أعلاه وكذلك بالملف...حتى ما يفوتنا شي**