يهنياله الگصد صحنه. وزاره
والخادم اليوم وزر. وزاره
تره لا طب ينفعك. لا. وزاره
(لابو طلبه اعتني بوكت الرزيه)

تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq

قصيده جنوبيه +مربعه لامام الكاضم ع

عراضه اليــــــوم للمسموم سويهه
لليگضي الكلافه الــطمه شديـــــهه

عراضه. اليوم.ســــــون لاسد. بغداد
گلله العـــــــزه كل عام ينـــــعـــاد
من كل صوب اجت مولاي وفــــــاد
لاجلك سيدي هل روح نفديهــــــه
ــــــــــــــــــــــــــــــــــــــــــــــــــــــــــ
زوارك اجـــــــت مولاي عنــــــايـه
بيمنتهم ترفرف سيــــــــدي الرايه
بجاه ام الخدر والراحــن اسبــــــايه
كل حاجــــــه محب هليله تگضيهه
ــــــــــــــــــــــــــــــــــــــــــــــــــــ
كل مهمــــــوم اجاك بدمهه هماله
تغير حاجته وتغيـــــر احوالـــــــه
من. شر الزمان وضيمه واهوالـــه
نريـــــــد اولادنه مولاي تحميهه
ــــــــــــــــــــــــــــــــــــــــــــ
تحفظ كل ولدنه نريد يالكاضم
وانت بالوكت ياسيدي عالــــــم
ياالينخاك عمره مايـــــــرد نادم
تگضي طلبته والحاجه تنطيـــــهه
ـــــــــــــــــــــــــــــــــــــــــــــــــــ
تنطي حاجتـــــــه وتبشر الجـــــاي
ياخذ كل طلبـــــته الجاي مشاي
كريــــــــم وماترد مولايتــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq عنـــــــاي
ياعون المـــــــحب والفزعه راعيهه

قصيده الامام الكاظم ع

للكاظم دمعنه والعـــــزه اليــــله
ياالگلبج حزين المجلس امشيله

بيد الگاظم بهل ليــله ذبيـــــهه
الحاجه وبالچ تأ يسين يگضيهه
گضاي الشدد والمرضه يشفيهه
گليله اجيتك سيدي ادخيــــله
💔ـــــــــــــــــــــــــــــــــــــــــــ💔
گليله اجيتك والدمـــــــــع هالي
احلفك بالبنت وادري الضنه غالي
بمعصومه وغلاهه تنظر الحالي
بالياذي الگلب وهمومج احجيله
💔ــــــــــــــــــــــــــــــــــــــــــــ💔
وانت تعرف حاجتي والشاغل البال
احلفك بالجفن من عگبـــــه الدلال
تگضي حاجتــــــي وتغير الحــــال
يگضيهـــــه الي وانذور اوفيــــــله
💔ــــــــــــــــــــــــــــــــــــــــــــ💔
يگضيهه اليــه وانـذر انـــــذور
صواني من شمع والياس والخور
واليلطم عليــــــك انكلــــــه ماجور
ومگضيــه طلبتــــــچ يالي رحتيله
💔ــــــــــــــــــــــــــــــــــــــــــــــــ💔
اسد بغداد ميـــــــرد الاجالـــــــه
الابدمعه وگلـــــب صافي شگاله
وحگ ضيم السجن والامه واهواله
الگاضم بالشدد بس جربي واچفيله

تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq

هوسات جنوبيه لام البنين عليها السلام

يشيال النعش الطاهره بله توانــــــه
بلكت يجيهه احسين وعباس وخوانه
ويشوفوهه من الهجر وفراگهم نحلانه

مريود الولـــد //يـــوم الوادعيه

ليش اولادهه تعطلو باالجيـــه
مريود الولــــد
ياناس اليموت ايريد اهاليــــه
مريود الولــــد
تريد احسين ابنهه الماشرب ميه.
مريود الولــــد
(وتريد احسين المهيوبـــه)
ـــــــــــــــــــــــــــــــــــــــــــــ
تريد احسين ابنهه ام الوفه اليله
يزتهه للگبر ويون وترابهه يهيله
ويشوفهه من الهجر وفراگه عليله

ياريت الولــد/// زت النعش بيده

هاي الوالده وحگ الربه تريده
ياريت الولــد
واليبجي عليهه دمعته اتفيده
ياريت الولــد
بجاه ام عون والعباس وعضيده

(خدام. احسين اتقبلينه)

تــــمت بعون الله تعالى
بقــــ✍?لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq

قصيده لام البنين عليها السلام
....................

يايمه يحسين
حلــــت ممـــاتي

من رحت لليـــــوم
هاي امنياتي

جانت امنيتي الممات
شلي عگبك بلحياة

يمه يحسين. يمه يحسين
ــــــــــــــــــــــــــــــــــــــــــــــــــ

يبنــي مشتاگتلك انه والگلب صاير رماد

كل عشيه يبني اسجد وندعي الرب العبـــــاد

يعجل اعليه ممــاتي ونلت يايمه المراد

عيوني عگبك ذابلات
شلي عگبك بلحياة

يمه يحسين. يمه يحسين
ـــــــــــــــــــــــــــــــــــــــــــــــــ

عيوني ذبلن من ضواها يمه من گد ما بچـــيت

شكثر تانيتك يغالي اجه الموت ومااجيت

اكعد بعتبت الباب وانتخي بربي ودعيت

بعتبتك كل ليله ابات
شلي عگبك بلحياة

يمه. يحسين. يمه يحسين
ــــــــــــــــــــــــــــــــــــــــــــــــــ

جدمي من گد مااتاني بعتبتك تارك طبع

كل عشيه افراشي امده بلكت وليدي رجع

واجه الموت وانه اجيتك گلبي مايحمل گطع

هاي اغله الامنيات
شلي عگبك بلحياة

يمه يحسين. يمه يحسين
ــــــــــــــــــــــــــــــــــــــــــــــــ

هاي اغله امنياتي تحقق الربي الحمد

جيتك بشوگي وحنيني فگلي حضنك يالولد

وحگ كاف ونون يمه وقل هوه الله احد

والقصص والذاريات
شلي عگبك بلحياة

يمه يحسين. يمه يحسين
ـــــــــــــــــــــــــــــــــــــــــــــ

والعمر يحسين ريته بي نفع بيع وشره

عمري چملته اعله عمرك ياعزيز الطاهره

خاف الاگي الزهره امك ياحبيبي مقصره

ياقتـيل العبـــــرات
شلي عگبك بلحياة

يمه يحسين. يمه يحسين
تــــمت بعون الله تعالى
بقــــ✍?لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq

قصيده للسيده الزهراء ع
بعنوان نعين ام المصائب

گومن ياحبايب نعين ام المصائب
شالت فاطمه ومنهه الگلب ذايب
گـــــــــــومن ياحبايــب

گومن ياحبايب يلا وامشنه
لعند ام الحزن نتشارك الونه
نگلهه امصاب فاطم حيل المنه
نون وياچ گلنه والدمع ساچب
گومــــــن ياحبايب
ـــــــــــــــــــــــــــــــــــــــــــــــ
گومن نگصد الحره ونعازيهه
زينب حايره والدمعه تجريهه
حزناهه الخلگ كلهه وتواسيهه
اخذ منهه الدهر اغله الحبايب
گومــــــن ياحبايب
ــــــــــــــــــــــــــــــــــــــــــــــــ
گومن ياحبايب نعتني ابلوعه
نعين ام الخدر عالزهره مفجوعه
لفگد امهه واخوهه الروح موجوعه
بزغر سنهه وسف شافت عجايب
گومــــــن ياحبايب
ــــــــــــــــــــــــــــــــــــــــــــــــ
بزغر سنهه الدهر حاربهه بثنين
واحد عينهه اواحد ضوه العين
المحسن رادته عـوان لحسين
والطف كربله وذيج الحرايب
گومــــــن ياحبايب
ــــــــــــــــــــــــــــــــــــــــــــ
المحسن رادته لحسين عـوان
بأرض الفاجعه من تغفه الاخوان
وي عمــــه العليل يصير دفــان
لچن مكتوبـــلي اكبر بالنوايـــــب
گومــــــن ياحبايب

تــــمت بعون الله تعالى
بقــــ✍?لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq

فزاعيه السيدة رقية ع

فزت رقيه من الحلم
وتصيح وين حسيني

فزت تون وتنادي
بويه ويروح الهادي
شوف برقيه شسادي
ومربطين ايديني
ـــــــــــــــــــــــــــ
اسكن خرابه مهدمه
مابيهه امان ومضلمه
ضربوني ناس الضالمه
ترضه الشمر يسبيني
ـــــــــــــــــــــــــــــــــــــــــ
ترضاهه اروح ميسره
بويه ويروح الطاهره
من فرگتك متحيره
بين العده مخليني
ــــــــــــــــــــــــــــــــــ
بين الشماته باليسر
يضربني يالغالي الشمر
خلصانه روحي من القهر
وعليك تهمل عيني

تــــمت بعون الله تعالى
بقــــ✍?لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq

قصيده ثگيله السيده رقيه ع

رقيه يارقيه. يارقيه
حلوه من چفح يمولاتي العطيه

شمحله من ايدج انول الي اريده
عليچ امشي اليوم خوله وي حميده
وبالبقت بالنزل مهضومه ووحيده
بالعليه اليوم احلفچ فزعي اليه
رقيه. يارقيه يارقيه
ـــــــــــــــــــــــــــــــــــــــــــــــــــــ
اجيت احلفج بالعليله وگلبي محتار
النادت اخذوني بضعنكم يهلي الاطهار
شلون عفتوني عليله او وحدي بالدار
عليچ امشي اليوم دمع الهاشمه
رقيه. يارقيه. يارقيه
ـــــــــــــــــــــــــــــــــــــــــــــــــ
بچلمت الخيه ارد احلفچ يالاصيله
يمولاتي الدنيا ضاگت البشر مااشتگيله
بابچ المفتوح اگصد بالشده اعتنيله
يضل درب الخدامه بين اديه
رقيه. يارقيه. يارقيه
ـــــــــــــــــــــــــــــــــــــــــــــــــ
يضل درب الخدامه دوم يبرالي
بس درب الحسين وغيره ماابالي
اليحب بدنيته لازم يحب غالي
وانه مجنون بعشگ ابن الزجيه
رقيه يارقيه يارقيه ـــــــــــــــــــــــــــــــــــــــــــــــــ
وانه من زغري اعله دربه شابحه العين
امنيتي خادم لوصرت وخدم للحسين
بخدمت احسين الكرامه والدمع دين
ديمي هاي النعمه اليه يالزگيه
رقيه. يارقيه. يارقيه

تــــمت بعون الله تعالى
بقــــ✍?لم خـادمة االزهراء  عليها  السلام
الشـــاعره اسراء الواسطي
لااجيز حذف الاسم
نسالكم الدعاء
https://t.me/aseryq