صدقت هذه النسوية

قلتها واقولها مجددا
كلمة نسوية هي (شتيمة) او (فشورة) او (وصمة عار)
هكذا يجب ان تكون كلمة النسوية في مجتمعنا، بحيث المراة تصير تشتكي ضد من يطلق عليها هذه الصفة وتصير گعدة عشاير..
لان هاي حقيقة النسوية النتنة الي ما ممكن تخفيها زينة..

من جانب اخر اشعر بالشفقة على مثل هالمراهقين وحتى الشباب منهم..

مغرورين بشبابهم وقوتهم وصحتهم وانعدام المسؤوليات والهموم..

بحيث نستغرب من كمية التفاهة والقبح والسوء الي يفتخرون بي بسبب تنشئتهم الرديئة.. سواء البنات او الشباب..

لكن هاي نشوة الوهم ما رح تستمر غير فترة بسيطة..

بعدما يتعرضون لصدمات الحياة , اولها اختيار الشريك, ما رح يحصلون شريك صالح , ثم من يكبرون بالعمر يصيرون وحوش بعدما فقدو كلشي, ومن يموتون محد يذكرهم بخير او ثواب..

الحياة ما رح ترحمهم, ومصيرهم الاخروي خطر جدا...

خسارتهم كبيرة ومخيفة الى درجة لا يمكن تصورها...

( وَمَنْ يُضْلِلِ اللَّهُ فَمَا لَهُ مِنْ هَادٍ )
تخيلو واحد يتخلى عن شعلة الضوء ويدخل الغابة بالظلام، وين ممكن يوصل؟ نعوذ بالله

? كوارث من قانون الاحوال الشخصية الحالي...

المادة ( 40 ) من القانون الموجود حاليا، أعطتْ للقاضي صلاحية التفريق بين الزوجين عند تحقق شروط.!!

والفقهاء جميعاً يفتون ببطلان هذا التفريق إذا لم يكن الحاكم به هو الفقيه العادل ، وبطلان ما يترتب عليه ، فزواج المرأة برجل آخر إعتماداً على هذا التفريق يعدّ باطلاً، اي علاقة غير شرعية، واولادها منه غير شرعيين..!

بل وتحرم هذه المرأة - بحسب الرأي المشهور - على الرجل الثاني حرمة مؤبدة إذا كان قد دخل بها ، بل مطلقاً إذا كان عالماً بالحكم والموضوع ، بحيث لو طلقها زوجها طلاقاً صحيحاً شرعاً فمع ذلك لا يصح لها الزواج من الثاني .

وهذه الحالة تحصل بشكل يومي في المحاكم الموجودة في مختلف محافظات العراق..

https://t.me/Central_campaign

بغض النظر عن سخافة الناشر لكن التعليق هم غلط...

ماكو شي اسمه واحد يشبع ويكعد ويسكت..

مثال يوضح الفكرة:
تصور واحد يوميا ياكل كباب 3 وجبات باليوم... حلو..؟
رح يشبع من الكباب لان تعود عليه, لكن تعزل غريزة الاكل ويصوم..؟؟
لا, رح يشتهي أكلات هواي غير الكباب,
واحتمال يرجع يشتهي البتيته السلك الي كان ميطيقها..!!
وبعد فترة قليلة من قطع الكباب رح يرجع يشتهيه.. ?

هذا مثال يوضح جانب مهم من الفكرة..

-أكو صانعة محتوى -مؤثرة- اسمها هيلي بيلي عدها تقريباً
10 مليون متابع، أثناء حضورها لحفل الـ Met Gala چانت لابسة فستان من وحي أزياء ‏ملكة فرنسا وزوجة الملك لويس السادس عشر ماري أنطوانيت. هيلي بيلي نشرت فيديو تستىهزئ بي من أطفال وأهل غـzـزة والمجاعة اللي تعرضولها، استخدمت بهذا الفيديو عبارة  "let them eat kake- فليأكلوا الكعك" وهي عبارة گالتها الملكة ماري أنطوانيت بيوم إجوها مزارعين فقراء يشكولها حالهم وعدم مقدرتهم على توفير رغيف الخبز، وبوكته الملكة الدمها خفيف ردت عليهم بعبارة "فليأكلوا الخبز"، شلون عبارة إنسانية جميلة.

?هذا الفيديو أحدث ضجة على مواقع التواصل الإجتماعي وصارت حملة عالمية تحت شعار #blockout2024 تدعو لمقاطعة وإلغاء متابعة وحظر كل المشاهير اللي ما تفاعلوا وي القضية الفلـsـطيـNـية، وكل البراندات اللي يروجولها وكل شركات الانتاج والازياء و و الخ اللي إلهم إرتباط بيهم. وعينكم وما تشوف تسابق المشاهير على دعم القضية الفلـsـطيـNـية لغرض إرضاء الجمهور اللي صنعهم. وصل صدى الحملة للوطن العربي وصارت حملة تحت شعار #مقاطعة_المشاهير. قاطعوهم، قاطعوا اللي صعدناهم على أكتافنا، قاطعوا اللي ما عدهم ذرة ضمير ولا رأفة ولا رحمة، قاطعوهم ترى حياتنا ما واگفه عليهم. صدگوني المسألة مسألة كرامة، وإلا ما معقولة إنسان عنده كرامه، وبالمقابل يصعدون على كتافه هالصـxـعاليك. #قاطعوهم

منقول

حفل تكليف يقيمه المجمّع الإسلامي في مونتريال \ كندا...

الاسلام الحقيقي ينتشر بقوة في كل يوم وفي كل دقيقة في جميع انحاء العالم..

رابط المنشور

من أنماط غسل عقول الأطفال
فيلم سينمائي امريكي يتضمن شخصيات كرتونية شاذة كضحايا إرهاب في أحداث ال11 من سبتمبر لاظهار التعاطف والتضامن معهم

#Real_kids
#الواقع_360

ليش الفن العراقي عبارة عن ذكر سلبيات المجتمع واهمال ايجابياته, وخاصة مجتمع الجنوب..؟!
يابه ليش..؟ يكلك حته يعالجون المشاكل..!
لكن هم بالواقع يزيدون الطين بلّة..!
شلون.؟
- لان هم ديعرض المشاكل الشاذة مو الشائعة, ويصوروهه على انها شائعة, وهذا اكبر غلط..

- وما يعالجون المشكلة بل يعرضوهه فقط ويسلموهه للتعليقات يحلوهه,

- وحته من يعالجون المشكلة يذلون صاحب المشكلة ويطلعونه حيوان بهيئة بشر ويخلون الناس كلهه تغلط عليه , بحيث يعاند وصعب يغير فكرته..

- هالاعمال تصنع عقل جمعي بالمجتمع بحيث يشوفون المجتمع كله متخلف ومريض, ويفقد الروح الايجابية ويفقد احترامه لنفسه, فكيف تريد تحترمه باقي المجتمعات..؟

-هاي من غير المشاكل الي همه يصنعوهه بالمجتمع مثل الاستهزاء بالزواج وتصوير المرأة على انها ادوات اغراء واثارة ج\نسية , والرجل الشرقي همّه الج\نس والنسوان والعركَـ, وتشجيع عالتنمر, والمتدين معقد ومتناقض, ويصور هالمشاكل بشكل كوميدي محبب بحيث تترسخ بذهن المشاهد البسيط ويتبناهه لا اراديا ويقتنع بيهه..

*عمي تره الفن مثل تأليف كتاب يحتاج شخص واعي ومثقف ويشعر بالمسؤولية بحيث يدرس فكرته وتأثيراته الايجابية والسلبية القريبة والبعيدة قبلما ينشره..

تره الفن مو عبارة عن نشر السلبيات..!! ومو فقط عبارة عن تمثيل واخراج وتصوير..!!
-الفن ممكن يبث الايجابية ويدعم محاسن المجتمع ويشجع عليهه مثل الغيرة, الكرم, والاخوة, ويدعم تطور المجتمع..
-الفن ممكن يعزز الروح الوطنية ويعرف بالتاريخ والشخصيات المناضلة والمؤثرة العدنا, حته ما نحتقر ونجلد بأنفسنا دائما..
معقولة ماعدنه شي نفتخر بي..؟!

شوف ايران واعمالهم بخصوص الثورة الاسلامية والتاريخ, شوف تركيا ومسلسلات مثل ارطغرل وعثمان الي تزيد فخرهم بتاريخهم وتدعمهم الحكومة, ويتابعهه العرب والاتراك وتصنع فكرة قوية عن الاتراك بحيث تكبر تركيا بعيون الاخرين..
محد كال ماعدهم افلام تتناول سلبيات المجتمع بس اكو توازن معقول..!

هسه يجي واحد يكول شوف الايجابيات بالفن العراقي ليش بس تنتقده..؟!
على عيني بس شنو قيمة عمل فني يضر اكثر مما ينفع..؟! فلسين ميسوة..

النسوية شنو علاقتهه بعيد الام..؟!

◀️نعرف يوم الام او عيد الام انوجد في مطلع القرن العشرين تكريما لدور الامومة وتذكيرا للابناء بفضل امهاتهم وحقهن عليهم بالولادة والتربية والسهر والتعليم..

ولذلك احنه نقدر دور الام ونعتبره من اهم الادوار والوظائف بالمجتمع, وهالدور المهم هو الي رفع من قدر الام وجعل الجنة تحت اقدامها, ولذلك قال رسول الله "ص" (امك ثم امك ثم امك ثم ابوك)

⚠️ زين الي تتبنى النسوية الحديثة ليش تحتفي بدور الام..؟؟

⛔️ مو تعتبر المرأة الي عملها الولادة والتربية آلة تفريخ ما تفرق شي عن باقي الثديات..؟ وهالعمل مشترك مع الجاهلات وعديمات الثقافة..؟ والتربية ممكن يقوم بيها المربية او الحضانة وهي تهتم بامور اهم كالعمل وادارة الشركة والعمل خارج البيت..؟

⛔️ مو دومهه تنتقص من الامومة وتعتبرة شي ثانوي بالحياة, واقتلهه ولا تكلهه صيري ام بيت..؟ معناهه الامومة بحد ذاتها شي ماله قيمة حقيقية..!

⛔️ مو تعتبر وظيفة الامومة اضطهاد ذكوري للمرأة وقتل لطاقاتها, ولازم تطلع من سجن البيت وتشوف حياتها وعملها بعيد عن السجن ذو الاربع حيطان..؟

⛔️ مو قدوة النسويات #نوال_السعداوي تقول في مذكرات طبيبة: (أي فضل لها في أنها ولَدَتْني؟ كانت تمارس في حياتها الطبيعية كأي امرأة، ثم جئتُ أنا بغير إرادتها في لحظةٍ من لحظاتها السعيدة. جئت دون أن تعرفني، ودون أن تختارني، ودون أن أختارها... لقد فُرِضتُ عليها ابنةً، وهي فُرِضَتْ عليَّ أمًّا... أيمكن لإنسان أن يحب مخلوقًا فُرِض عليه؟ وإذا كانت أمي تحبني رغمًا عنها بغريزتها، فأي فضلٍ لها في هذا الحب؟ وهل هي ترتفع كثيرًا عن القطة التي تحب أولادَها حينًا وتأكلهم حينًا آخَر؟ )

⚠️ شنو الي تغير بهذا اليوم ..؟ مو المفروض النسويات بهذا اليوم بدل نفاق الاحتفال بدور الام, لازم يصير هذا اليوم لمواساة الام على الظلم ومضيعة الوقت الي عاشتها ومنعتها من فتح مشروع كبير تديره..

بس بالحقيقة اليحتفلن بعيد الام باقية عدهن شوية صبغة انسانية اسلامية, وقد تفقدهه تماما بمرور الوقت مثل عمة نوال..

............
https://t.me/Moon_clouds

الاعلام بعضه يخاطب وعي المتلقي وكثير منه يغرس في لا وعيه من حيث لا يشعر

هاي الصورة "او مثيلاتهه" هواي تتكرر بطرق كثيرة ومناسبات كثر .. وهي ربط العباءة والنقاب #بالتطرف والارهاب ! وربط السفور والحجاب الذي لا يستوفي شروط الحجاب بالوسطية والتحرر
حتى لو ميحجوهه بس كل الصور دلالتهه تصب بهذا المصب
مثل ما تم ربط الحلال والحرام بالتخلف والصحيح والخطأ بالتحضّر بحيث المتدين الترندي تشوفه يشرد من قول هذا حلال وهذا حرام

قبل يومين شفت فيديو لاعلامية تعتقد نفسهه محجبة جاي تنفخ شفتهه ومكياجهه مال حفلات طبعا .. تكول هذا فلر محجبات ! "ههههههههههه" وترجع تكول انا ما احب الحجاب "الأوفر " لان هي تشوف حجابهه يمثل التوازن والوسطية وعدم التبرج ولبس ما يستر المفاتن يمثل الاوفر والماله داعي ..بمعنى اخر التطرف والمبالغة وهذا المفهوم حصاد متوقع لهذا الغرس المستمر على مدى سنين من الضخ في العقول ..