Biror xayrsizlikka duch kelmoqning ham bir xayri bordir...

Xonqizi

Quchoqlash insonning o'zi kabi qadimiydir va u shunchaki ikki jismning bir-biriga teginishi emas. Seni quchyapmanmi, demak, sendan menga xavf yo'q, juda ham yaqinlashishingga monelik qilmayman. Demak, o'zimni uydagidek xotirjam, yaxshi va himoyalangan sezaman. Chunki meni tushunadigan inson yonimda. Aytishlaricha, har bir chin ko'ngildan samimiy quchoqlashish umrni bir kunga uzaytirar ekan.

Nasib etmaydiganini Alloh na dilingga, na tilingga va na duoyingga tushiradi... Sen umidingni har kun yangila!

Xonqizi

9 май - Хотира ва Қадрлаш байрами олдидан

Хотираларга лиммо-лим Умр

Аёлнинг саккиз боласи бор эди. Катта ўғиллари урушда. Турмуш ўртоғи ҳам етти ой бўлди, фронтга кетган.

Ўзининг ҳам ой куни яқин. Шу ҳолида ҳали далага югуради, ҳали ишга. Баҳорнинг иккинчи ойи охирига бориб боқаётган ипак қуртлари ҳам охирги даҳаси кириб қолган. Тинмай тут барги ташлаб турилмаса, пиллани чиройли ўрамайди, оғир босмай қолади.

Энахон охурдаги қўйларига ем бериб келар экан қизи Ойниса қачон ўқишдан қайтаркин деб кўча қараб қўйди. Шу топда қорнига қаттиқ санчиқ кирди. "Ухх" деди аёл. Тезда доя Сарвини айтиб келиши керак. Назарида эрталабки санчиқлар бироз тезлашгандай бўлди. Аввалдан тайёрлаб қўйган нарсаларини олиб дояникига жўнади. Етар-етмас оғриқ баттар кучая борди.

"Қуртларга барг кесиш керак эдия. Хамир ҳам тиниб қолган бўлса нон ёпиб олишим керак. Болаларга йовғон солиб қўймадимда. Томорқадаги экинларни ўт босибди, тозалаш керак". Хаёлида минг хил ўй билан Сарви аяни уйини тақиллатди. Ҳайтугур уйда экан, у бирров жувонга назар ташладида,
"уйинггача етиб бороласанми" деди.

Изма-из ортга қайтдилар. Энахон амаллаб уйга етиб келдию, оғриқ зўридан додлаб юборди.

Ҳеч қанча ўтмай ичкаридан чақалоқ "инга"си эшитила бошлади. Сарви ая она ва бола саломат эканлигига амин бўлиб уйига жўнади. Уни ҳам бир қанча иш кутиб турарди.

Энахон ширингина тамшаниб турган ўғилчасини авайлаб бағрига олди. Бироз термулдида хаёлига уни кутиб турган шунча юмуш келди. Белини кўтариб қуртларга қаради. Тонгда ташланган барглар аллақачон тугаб, қаттиқ новдалари қолган холос.

Болани секин ётқизиб ўзи туришга ҳаракат қилди. Белини маҳкам боғлади. Турмаса бўлмайди. Қўлига чопқини олиб ҳовли ўртасидаги баҳайбат тут дарахтига қараб юрди. Пастки қисми каллаклангани сабабли юқорига чиқиши керак. Бир сакраб тут дарахтига тирмашди ва қўлига илинган шоҳларни бор кучи билан чопа бошлади.

Девор дармиён қўшни Турди хола узоқдан бақира бошлади. "Энахон, туш, туш деймана, болангга зарар етмасин, туш пастга"!

"Хола бола уйда, ярим соат бўлди туғилганига". " Ҳай қиз тушмагура", деб югуриб келди Турди хола. Энахонни амаллаб тушириб, койий бошлади. "Туққан хотин ҳам дарахтга чиқадими, тушмагур. Мени айтсанг, Собирни чиқараманку қиз қургур" дея набирасига барг кестирди.

Энахон бир иши енгиллаганига хурсанд бўларкан, бир ёқда кўпчиган хамири, бир томонда қувалашган фарзандлари, яна бир томонда сабр-тоқатга лиммо-лим адоқсиз Умри турарди.

П/с. *Бу воқеани Энахон бувимиз 100 ёшга кирганларида ҳам кечагина бўлгандай айтиб берардилар. Биз ҳам ҳар гал эшитганда қайта ва қайта ҳис ҳаяжонга тушар эдик. Ўн бир фарзандни вояга етказиб, бир дунё набиралар қўйнида ардоқ кўрган бувимиз 103 ёшида вафот этдилар.

Ўтмишнинг азобли кунлари, машаққатли меҳнати, уруш даврларининг чексиз матонати уларда мужассам эди. Эр йигитлар фронтда ғалаба учун, ватан учун курашган бўлсалар, оналаримиз, бувиларимиз ҳам фронт ортида мардонавор хизмат қилганлар.

Бугунги тўкин-сочинлик, тинчлик хотиржамлик, фаровон ҳаётимизга фақат ва фақат шукрона айтмоғимиз лозим.

Хоҳланг илм йўлида хоҳланг тадбиркорлик, бизнес, спорт, ҳар қандай соҳада чексиз имкониятлар бисёр. Қай бир соҳада бўлманг муваффақиятлар эшигини очиш учун энг зўр шароитлар яратилган.

Фан-техника, тиббиёт, иқтисод йўналишларида дунё тан олгувчи ихтороларга эҳтиёжимиз бор. Бизларга ёрқин келажак қолдириш йўлида машаққат чеккан, Қаҳрамонлик кўрсатган аждодларимиз олдида чексиз қарздормиз.

Шундай экан сизу биздан талаб этиладигани фақат ва фақат олға интилиш, аждодлар руҳини шод айлаш, Ватан олдидаги муқаддас бурчимизни адо этишдир.*
Мохигул СИДДИҚОВА.

? Каналга обуна бўлинг @andijonnomapress

​​Nashrdan chiqqan oxirgi tarjimam – Sara Joning "Londondan muhabbat ila"si bilan qiziq voqealar koʻp boʻldi. Shulardan birini aytsam, tunov kuni bir qiz yozib qoldi. Shu paytgacha oʻqigan hech bir kitobiga bunchalik mehr qoʻymaganini, kitob oʻzgacha taʼsir qilganini, hatto asliyatda oʻqisa ham bunchalik mehr qoʻymasligi mumkinligini aytdi. Va kitobdagi qahramonlar bilan qanday bogʻlanish mumkinligini soʻradi. Muallif bilan aloqaga chiqdingizmi, asardagi qahramonlar hayotda mavjudmi kabi savollarga koʻmib tashladi. Kitob real voqealarga asoslanmaganiga, muallifning xayoloti mahsuli ekanligiga ishontirishim qiyin boʻldi.

Shunchaki ishongisi kelmadi. Ishongandan keyin esa umidsizlikka tushdi. "Men xayolparast qiz emasman. Kitob oʻqiyotganimda doim uning toʻqimaligi xayolimda turardi, biroq shu safar qahramonlarni hayotda bor deb tasavvur qildim, shunday boʻlishini xohladim. Men aynan ular bilan uchrashish uchun Londonga bormoqchi edim. Sizdan savolimga javob olib xato qildim. Soʻramasam, ularni bor deb oʻylagan holda yashashda davom etsam yaxshiydi" dedi u qiz.

Yupanch sifatida aytishim mumkinki, hatto oʻzga sayyoralardagi hayot haqida yozilgan kitobda ham bizning hayotimiz aks etadi. Kitobdagi Edvard hayotda boʻlmasligi mumkin. Lekin xuddi u kabi insonlar albatta bor. Kitobda bir sevgi qissasini oʻqir ekansiz, xuddi shunday hol kimlar bilandir sodir boʻlganiga hech shubhasiz ishonavering. Turfa taqdirlar shu qadar koʻpki, siz xohlagan bir kitobni oʻqir ekansiz, hatto u mutlaqo fantastikadan iborat boʻlsa ham, albatta, real mavjud boʻlgan kimningdir hayotini oʻqiyotgan boʻlasiz.

"Kitob oʻqiganlar hayotdan uzilib qoladi, real hayot kitobdan koʻra koʻp narsani oʻrgatadi" deb hisoblovchilar xato qiladigan nuqta ham aynan shu. Barcha kitoblar hayotni tasvirlaydi. Siz kitob oʻqimasangiz faqat oʻzingizning va umringiz davomida sizga yaqin boʻlgan bir nechta kishining hayotinigina kuzata olasiz. Va bu shunchaki yuzaki kuzatuv boʻladi. Kitoblar orqali esa oʻnlab, yuzlab, minglab insonlarga taqdirdosh boʻlasiz. Ularning hayotlari, xatolari, shodliklari, qaygʻulari, tajribalari sizga hayotni chuqur va koʻlamli tarzda oʻrgatadi.

Inson oʻz umrining nihoyasiga yaqin donolasha boradi. Hayotini toʻlaqonli yasholmagan, kerakli xulosalarni chiqarolmaganlarga shu ham nasib qilmaydi. Eskirdi degani esi kirdi degani emas. Kitoblar esa sizga yuzlab hayotlarni yashab oʻtish imkonini beradi. Yaxshi bir kitobni tugatgach bir muddat xuddi oʻz umringizni yashab oʻtib boʻlganday boʻshliqqa tushib qolasiz. Mutolaani tugatganda endi siz mutolaa boshidagi odam emassiz. Har bir yaxshi kitob sizni yetuklashtira boradi. Endi oʻzingizni ham, odamlarni ham, hayotni ham kechagidan yaxshiroq tushunasiz.

Kitoblardagi qahramonlar, ulardagi muhabbat hayotda yoʻq deb oʻylamang. Biz shunchaki ularni koʻrmay, qadrlamay oʻtib ketamiz, xolos...

@salimov_blogi

​​"Londondan muhabbat ila" Sara Jo

Eng yaxshi kitoblarning o‘zi seni tanlaydi.

Ilk sahifalaridayoq qalbimga muhabbat yog‘ilayotganini his qildim. Faqatgina yuragida sevgi limmo-lim insongina ushbu kitobni yoza oladi va shunday hisli insongina mehr bilan tarjimani maromiga yetkazadi. So‘nggi varoqlariga kelib esa bu kitobni men topmaganimni, balki uning o‘zi meni tanlaganini tushundim.

Tasavvur qiling, Londondagi ajoyib uch qavatli bino. Bunda yorqin ranglar bilan bezatilgan, dunyodagi eng ajoyib kutubxonalardan biri joylashgan. Va bu yer o‘n ikki yoshingizda tashlab ketgan onangizdan meros bo‘lib qoldi. U sizsiz o‘tgan yillarida bor mehrini bag‘ishlagan ushbu makonga birinchi marta tashrif buyuryapsiz. Lekin endi uning o‘zi yo‘q. Faqat sirli o‘yinlari orqali yuborayotgan maktublargina mavjud.

Asar bosh qahramonlaridan biri bo‘lgan Valentina xuddi shu ahvolda edi. Tug‘ilganidan beri kitoblar bilan ulg‘aygan, kutubxonachilik bo‘yicha o‘qigan, ancha yillik tajribaga ega insonga bu mo‘jaz dargoh qanday rohat bag‘ishlashi mumkinligini tushunyapsizmi? Ammo u hayotidagi eng og‘ir kunlarida va onasni qayta topmasdanoq ayrilgan holda, "qalb shifoxonasi"ni saqlab qolish uchun kurashishga majbur.

Rostdan ham asar biroz muhabbat, biroz qayg‘u, biroz umid va biroz jumboqdan iborat. Muallifning kitoblarni qanday ardoqlashi, haqiqiy adabiyot shaydosi ekani, eng nozik hislar bilan so‘z tanlay olishi diqqatga sazovor. U hech qanday jimjimadorlik ham qilmagan, birorta oshirib yuborish yo‘q. Bari tabiiy va ko‘ngillarga juda yaqin tasvirlangan.

Eloiza – bosh qahramonlardan, balki asardagi asosiy o‘rinni ham egallasa kerak. Ammo u haqida ko‘p gapirishni istamayman. Men uni o‘z orzusi uchun hammasidan voz kechgan ayol deb hisoblab kelyotgandim. Afsuski, uni hayot o‘yinlari ham baxtga, ham tuganmas azobga uloqtirib yuborgan ekan. Faqat muhabbati orqaligina oxirida yaqinlarining yuragida qolishga erishish, nima desam ekan, buni anglatolmasam kerak.

Yana kitobda ona va farzandning sevimli asari "So‘nggi qish kunlari" degan kitob va uning qahramoni Sezanna tilga olinadi. Men bu nomni ilk bor o‘qigan bo‘lsam ham, hayratlanarli tarzda o‘zimga yaqin kechinmalarni tuydim. Afsuski, bu to‘qima ekanini aytishdi. Ammo uni tushimda yoki qayerdadir uchratganim aniq.

Shu safar hissiyotlarga berilib yozayotganim sezilayotgandir. Kitob 380 bet.
379-betga kelganimda ichimdan nimadir to‘lib kelganini, keyin ko‘zim orqali yuzlarimga oqqanini va bir kun kelib bu satrlarni qayta o‘qishim aniqligi angladim. Balki tez-tez murojaat qilinadigan seviklimga aylanar.

Mutolaa juda silliq ketadi. Sifat, dizayn, tarjima, tahrir, shirift yaxshiligi uchun kitob juda o‘qilishli chiqibdi. Nashriyot: Zabarjad media.
Boshqa so‘z demayman. O‘zingiz his qilishingiz, kitobni hidlashingiz, barmoqlaringiz varoqlarni shitirlatishi, Londondan kelgan muhabbatni tuyushingiz lozim.
https://telegra.ph/Londondan-muhabbat-ila-10-18

@quyoshtaraflarda

Telegraph

Londondan muhabbat ila

Yoshligini sog‘inmagan kim bor? Qani, yana hammasi boshidan boshlansa…
Bugun hamma har tarafga tarqalgan, bugun hammada ming bir tashvish, bugun hammada masofa bor, afsuski…
Men ayniqsa, onamni, akamlarni ösha mehrini sog‘indim…

Rassom, Sizga rahmat, shunday tirik asarlar uchun!

@NodiraNazar

Bizni insoniyatga bog'lagan Alloh qachondir ulardan uzib O'ziga bog'laydi