ابو حميدة الشويلي
لنشر القصائد الحسينيه
رابط القناة @Mohammed_Hassan
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 5 hours ago
السلام على عش آل محمد عليهم السلام#فاطمة_المعصومة
معصومة .. اسمها تـارسـنـي فضل
معصومة .. لزمتـني ماخلــتني ازل
معصومة .. مشتـني بدروب العدل
ممنون الها كل عمري وحياتي
وممنون الفضلها
عاصي. واعرف ابحبها نجاتي
ومشكوره اگلها
حاشه اترد عبـد نادم
يـا قوتـة بني هـاشم
فضلها تـارس الوادم .. جنها امها الزجيه
مــاردت بـشـر خالي
حبها غـيـر احــوالي
قيمه ورفعه سوالي .. وانطاني هويه
بنت الكاظم اطلب بس رضاها
نـعمه وخـادم سوانــي هــواها
--------------------
معصومة .. كــريـمـة ال الـمـرتـضى
معصومة .. هيبه وجلاله امن الرضا
معصومة .. هنـيـالـه البـحبها حضه
هنياله الــذي طــاف بصحهنا
وبمرقدها گــاعـد
نـور الجنه كله انـصـاغ مـنها
وخير العدها زايد
هــنـيـالـه الــذي زارج
واصبح گلبه خـطارج
يـالماتـنطـفي انـوارج .. يــا عــش المحّنه
شوگج ماطفه بروحي
يمته اتزورج اجروحي
واگـعـد يـمـج ابنوحي .. والونه اعله ونه
بنت الكاظم مـاعندي سواها
نعمه وخـادم سـواني هواها
--------------------
معصومة .. عـش المـحـنه والـعطـف
معصومة .. رحـمتـها ابـد مـاتنوصف
معصومة .. ســرها صـعب ما ينعرف
شحجي ابمـنزلتهـا وهيه ايه
والسلطان اخوها
وگال الكاظم ابنص الروايه
يفداها ابوها
عـمـة تـاسـع الـعـتره
الـزارج زايــر الزهره
هيبه ومنزله وقدره .. مـولاتـي الـكـريمه
ليزورج اله الجنه
وينازح القهر عنه
القـم ليليه يتعنه .. گلبي ويحجي ضيمه
بنت الكاظم يمته اشتم ثراها
نـعمه وخـادم سـوانـي هواها
--------------------
معصومة .. اسـمــهـا لــلـخــادم مــدد
معصومة .. تقـضي الـحوائج والشدد
معصومة .. شحجي عن افضالج بعد
من جفها اشكثر صبت عليه
ماخلتني حاير
هـايـم گـلبي بيـها ومو بديه
غذتني مشاعر
جفج شـطلب انطـانـي
وعـطفج غـيـره غذاني
بعشگج يكـمل ايـمـاني .. وحاشه انسه وگفتج
يـا مــولاتــي اعــذريني
واذا انسه انتي ذكريني
عــنـج احـجـي خلـيني .. وخليني ابخدمتج
بنت الكاظم مولاتي بحماها
نعمه وخـادم سـواني هواها
--------------------
معصومة .. هيبه ومقام ومنزله
معصومة .. اسمـها گـلبي يـرتله
معصومة .. باب الدموع الكربله
كل دمعه التصب من خير اديها
ودمعة كل مواسي
بـالازغيره وبالاجبيره اعتنيها
وجفوفي اعله راسي
بزودج احجي مولاتي
ومـنــج اخـــذ اهـاتي
بسـمـج تجري دمعاتي .. لحسين ومصابه
وديني لشكـو اقرايه
خلي اعيوني همايه
على الراحن بلا رايه .. وباتن بالخرابه
بنت الكاظم حزن الطف گضاها
نـعمـه وخـادم سـوانـي هـواها
---------------------------------------
**ابو حميدة الشويلي
اللهم عجل لوليك المنتقم الفرج**
اول ظلـم مـنـا بـده .. بس غمض اعيونه الرسول
التمو على بابه العده .. وحـرگـوه عله بنته البتول
اعليها احترگ باب الجذع
وخــلت اديـها اعله الضلع
والــزهره عالـعتبه انرمت
وطاحن سوه الدم والدمع
الباب المُـقــدس
من نذل تاليهه يـُرفـس
حـاقد وعالعتبه هـوس .. ااااه
اعظم جساره
ينركل باب الطهاره
والضلع دم ايتجاره .. اااه
كسـرو ضلعهه وانرمت فـوگ التراب
باب الله فاطم وانـدفع فوگـاهه باب
اللهم العن قاتلي فاطمة
.........................
اتلث مـيه مابيهم شهم .. هجمو عله بيت العفاف
بلنار واسياط وحطب .وگفو عله الباب استطفاف
هــدو عله الزهـره بحطب
لاغــيـره عدهم لاكــو رب
كسرو ضـلعهه بــالهجــوم
وخد فاطمه ويلي انضرب
حرگووه عليهه
الباب.. واتعاله بجيهه
وانجوت بالنار اديهه .. اااااه
اااه ياحزنهه
فـاطـمـه ذبـحـو ابـنهه
محسن الدمه بحضنهه .. ااااه
مذبوح ابنها وصارت اتگوم وتـطيح
رادت تشـيله بس ضلع عدهه جريح
اللهم العن قاتلي فاطمة
...................
كــســـرو ضـلـعـهــه والـورد .. ذب لونه يم باب الحجاب
اليرضه الله من ترضه صفت .. تبجي وتون فوگ التراب
من عصرة الثاني النذل
بحشاها ماضـل الحمل
وهيه المصيبه عالامير
من بيته ماخوذ بحبل
اااالله اكبر
ينجتف ياوسفه حيدر
الناصي عل عالي تكبر .. اااه
اااه يالصميده
شافت احبال اعله ايده
طلعـت وصاحت اريده ... ااااه
طلعت وراهم والگلب من حزنه شاط
اتـريـد الصـميده وردو اعليهه بسياط
اللهم العن قاتلي فاطمة
...................
وزينب تشوف اللي جره .. وتتحمل اهموم الزمن
وبـاجـر تـضيع ابـكربـله .. هيه وبنات ام الحسن
من هالمصيبه اللي جرت
زينب بـعـدهـا اتيـســرت
باب الزجيه امن احترگ
اخـيـام العقيـله وجــرت
من طاحت امهه
وابتـدت قـصة هـظمهه
وباجر اتماشي خصمهه .. اااااه
ايذبحون اخوهه
وبني هاشم مـــا يجوهه
وتنسبي برفجة عدوههه .. ااااه
مـن انـكسر بـالـعصره ضـلع امهه البتول
انكسرن ضُلوع احسين اخوهه بالخيول
**ابو حميدة الشويلي
اللهم عجل لوليك المنتقم الفرج**
وبدئت مصائب مولاتنا زينب عليها السلام
طفله وعــمري خمس اسنين
وشـفـت الـزهـره بــيــن النار
مـنــا امــي جـــاي اتــمــوت
ومـنــــا غـربـه ويــن انـــدار
من شفت الحرگ عالباب
گلت باجر يشب صيوان
ومن داسو حدود البيت
گلت بـاجـر اطـب ديوان
ويلاه .. بـخامس اسنـينـي اتعذبت
ويلاه .. اتطـيح امـي گدامي شفت
ويلاه .. وجهلو قــدر بـنـت الرسول
عالباب .. اتلث ميه اجوها بالحطب
عالباب .. وخـد امي گدامي انضرب
عالباب .. وكـسرو ضلع من البتول
بخامس سنه .. وحيلي انهدم
اشحـالــي اذا. .. تــوگع خـيم
..............................
كـل لــيـله امــي گـدامـي
تـتـلوه و الـمها ايــزيـد
ومن تدعي بصلاة الليل
مــا تگـدر تـشيل الايــد
امي وهــايــه حــالـتـهــه
حگي امن ابجي ما انلام
تون مـن لــوعــة البـسمار
مــا خـلاهــا حـتـه اتــنـام
مكسور .. خـاطـرهـا مــن كـلمـة وإن
مكسور .. ضـلــع امـي والـدنيه حزن
مكسور .. گلبي عليهه وگـمت اصــيــح
شيفيد .. جرح امـي ماضـنه يطيب
شيفيد .. وحيدر علي اگبالي غريب
شيفيد .. من يمشي كل خطوه يطيح
اسمع ابوي ..ااهنــا حـجه
يـا فاطـمة .. صـاح وبجه
...............................
امــي اگــبـالي اشـوفـنـهـه
تغـطي بجفـهه جي محروگ
مـعـنـاهـا انـا هــم بـــاجــر
اضــم بجـفوفي فوگ النوگ
بـعدني بـخامـس اسنـينـي
وشفت السطره فوگ العين
گـلت ياروحي شيضل بيج
لـو صـار الـعــمر خمسين
لو صار .. يـا روحـي خـمسـين العمر
لو صار .. جدمي يدوس اعله الجمر
لو صار .. عـاشور جا شيضل عليــج
ياروح .. مـوتـي قـبل لا تـنسبـين
ياروح .. باجر تره يطيح الحُسين
ياروح .. ويلـتـف حبلهم فوگ اديج
بداري اهون .. او لااا بالفله
بـاجـر اضــيع .. ابــكـربــله
............................
ضليــت اعـلـه هـذا الـحــال
لـيـلـيه ابـجـي مـاضـل حـيل
كـبـرت بـدمعــتي وهــظـمي
وشفت ابن امي جوه الخيل
وكـبـرت دمـعــتي بـعيـنــي
وكـبر بـيه الهظم والنوح
الـربـيت اويـا وعشـت اويـا
شـفـتـه ابـكربـله مذبوح
مذبوح .. الجبت العمر ويا سوه
مذبوح .. من الگفه بطف نينوه
مذبوح .. بـصف النـهـر مـيت ضمه
ناديت .. يـا فاطمـه يــمـه اشبعد
ناديت .. لا ضل اخو ولا ضل ولد
ناديت ..لـحـگـيلـي يــمـه فـاطـمــه
شوفي اشعمل .. بينه الزمن
ضــيع بـنـات .. ام الحــسن
**ابو حميدة الشويلي
اللهم عجل لوليك المنتقم الفرج**
هوى المشايه هب وانه
تعب گلبي امن المتانه .. اعله حر من جمر گلبي يتاني
اگل الگلبي شد حيــلك
وامشي وصيح ادخيلك .. دخيلك ياحُسين الدللاني
يگلبي امشينه خل نتلگه ضعنه
ودربه انخـلصه بالونه اعله ونه
شيــل ايــدك ونادي يابـوفاضل
بتـسيـارك يـخو زينـب طـلعنــه
مانـخلف اوياكـم وعــد
يابــالفضـل هبـنا الـمدد
خليـنه نخـدم من صدگ
كافي امن الاسوالف بعد
................
الرضا وفقني هالمـره
اذاً واجب علي شكره .. دخيلك سيدي جيت بدمعتي
واگــدر عالتـعـب اگـدر
وعندي موسى بن جعفر .. ابو طلبه الولا رجع طلبتي
مــن بــيت الــكــرم ياگــلبي اطلب
ومــن معصومة تاخذ دمـعة الحُب
المشي والخدمة والمجلس والادموع
خــير اجفوفـهم عـالــخادم ايصـب
وام البنين اتــحــزمـــك
الحب والبواجي اتعلمك
گلها انه احب بس الحُسين
وهيه بـاديها اتقــدمك
..................
المن رايـد اجــدامي
اذا ماتمشي للضامي .. وشلي بعافيه وعالگاع جسمه
كل خطوه الي دمعه
وااه ياكربله انعه .. لحد ما اوصل والگاني يمه
اباب القبلة اگابل گبته واللطم
عله المحد بجاله وحاله يهظم
الضل وحده ثلث تيام بالبر
لا اخت البجتله ولابجت ام
اشسوه بعزيز امه السهم
بالحومه كل حيله انهدم
لا هوه ضل فوگا جفن
ولا خلوه اعله اخته خيم
...................
سنه كلها بجي ولهفه
والمشايه مختــلفــه .. وايام التمر بيها عجيبه
امشي ودمعتي اتنادي
بنات الزهره بالوادي .. طلعن للضوه وشافن مصيبه
دمعتي اتگلي حيل ابجيني وانحب
مشــت من دون اخــو للـشام زينب
تعبت مــن حجي الشمات والــويل
وگلبها امـن الهـظم والنــوح شيب
يـاگــلبي لاتــتعب لان
راحن مشي ابنات ام حسن
لاتمشي مــرتاح و امــس
ابــذاك الــدرب ماهودن
**ابو حميدة الشويلي
اللهم عجل لوليك المنتقم الفرج**
احزان الامام السجاد (عليه السلام)
شيبّني الـحزن ماخله بيه اللوان
انه المات ابوي ابكربله عطشان
عشت عمري بمراري -- أون ليـلي ونهـاري
ــــــــــــــــــــــــــــــــــــــــــــــــــــــــــ
مـايخلص حـزن گـلبي -- واجـر حسره بألف حسره
اليـفگد واحد من اهله -- يـشـوغ ويــنـهـدم صـبره
وانه الگدامي كل اهلي -- گـضـو بالـطــف فـرد مـره
ولا واحد بقه منهم -- وحرت بضـعوني بالــصحره
شـنـسـه وكـربـلـه بكل ساعه تتجدد
انفتح بـاب الحزن وبـروحي ماينسد
الخدر ضاع بصحاري -- أون ليلي ونهاري
ــــــــــــــــــــــــــــــــــــــــــــــــــــــــــ
مـن طف كربله لهسه ــ وانـه الدمــعه بــعـيوني
مــن رديــت لديـاري ــ واهـلي بـحـزنـي خلوني
ماحـس لذه بالدنيه ــ وهـظم الـطـف سلـب لوني
وسلب من الجفن نومه ــ واساهر ليلي بضنوني
مـن هظم الشماته ولانمت ليلي
هوه الحيل ابوي ومنذبح حيلي
جسد عالغبره عاري -- اون ونهاري
ــــــــــــــــــــــــــــــــــــــــــــــــــــــــــ
اذكر من طلعنه وجان -- عــشيرة ويــانه مــهيوبه
واجينه الكربله وصارت .. خــيم عــماتي منهوبه
اشـلــون يـعيـش بالـدنيه -- ويمشي براحه بدروبه
الشاف اگباله ابوه مذبوح -- وسلبو محبسه وثوبه
ضامي ابصف فرات و مانطوه گطره
طـايح و الخـيول اتــفـرهـد بصدره
خيم ماتفطه ناري -- أون ليلي ونهاري
ــــــــــــــــــــــــــــــــــــــــــــــــــــــــــ
جـم اه او جــرح بيه ــ وگلـب ماتـبره لجـماته
مــن فجر اهدعش بيَن ــ وطـلعـت الـنه شماته
من صار العدونه اللسان ــ وتجرح گلبي جلماته
شــيضل بيه يــهالـوادم ــ اليجتف بيده عماته
اتمنـه امي ما جابتـني لا صاير
ولا للشام افوت امجتف وحاير
دخلته ابنكساري -- اون ليلي ونهاري
ــــــــــــــــــــــــــــــــــــــــــــــــــــــــــ
مو بالسم خلص عمري ــ الــسم اهـون من الـ آلام
بس موته متت بالطف ــ والف موته اعلباب الشام
ماهــمـيت بــجروحي ــ الحــيـرني بجــي الايتــام
والاكثـر شـده بـالـي ــ الشــماتـه امحزمين احزام
مامعقوله محـد مـحـترگ دمه
ولابيهم غيور وغيرته اتحشمه
الدمع صاير قراري -- أون ليلي ونهاري
ــــــــــــــــــــــــــــــــــــــــــــــــــــــــــ
**ابو حميدة الشويلي
اللهم عجل لوليك المنتقم الفرج**
حديث الدموع
بين عليل كربلاء وعليلة المدينه
مولاي زين العابدين يروي بعض المصائب
لاخته فاطمة العليله (عليهم السلام)
ها يختي
تلگيني اجيتج منكسر مهظوم
و اسمعج خويه سالفتي
منين ابديلج امن النار والصيوان
لــو ابــديلج ابمـقتـل گـمر عدنان
لو ابدي بـ علي الاكبر
الشيّب شعر ابونه من صرخ عطشان
يختي الصار بينه اهواي
بالطف كلشي رايح
ماكو أي شي جاي
لا بس الهزل جتي .. ها يختي
ادري بغربتج واعرف شكو بحالج
مـحد ضـل الـج مـن اهلي يبارلج
واتغربتي بس بالبيت
و ما شاف اجنبي اخيالج
اهناك اخيال عمتي اگبالي اشوفنه
اهناك الموت اتمنه
اگلج جلمه سمعيها
وعلي همزين مارحتي .. ها يختي
ظهر عاشور اجتني زينب الحره
گالت عمه اجتنه الخيل
صحت فرن على الصحره
و اول مـره اشـوفن عمـّتـي تــركـــض
واخيــول اعوجيه بـصدر ابوي اترض
هـذه اعـظـم مـصـاب الما اضنه ايفض
ما انساه ظهر عاشور ما انساه
وابــوي انـذل بـشـر فـوگـاه
هاي الزيدت علتي .. ها يختي
من فجر اهدعش بيّن رحنه لليسر گوه
وابوي اعالترب عفته
عاري ابلا هدم شفته
وهيه التاكل ابگلبي من رديت ادفنــنه
ابحصيره جسمه جمعته
لو انتي بمجاني خويه جا متي .. ها يختي
اشوف اعيونج اتباوع على اجدامي
اي خويه رحت حافي
من طف كربله للشام
واحمول المصايب هدلت اجتافي
اسولفلج بعد هــا يختي لـو كافي
وعلي اتمنيت ما صاير
ولا بـالشام اظـل حاير
يكسرة حال اخوج اهناك لو شفتي .. ها يختي
صعبه ابنادم اليبقه ابسلف وحده
وكل اهل السلف ضده
صح انتي بقيتي الوحدج لكن
ابسلف يعرف اهالينه
ابسلف ناس اللي بي زينه
بس انه
طحت ابين وادم مبغضه الجدنه
واسمع صوت كلها تصيح
هذا المرتضى جده
وعليَ هدو فرد هده
ابد ماتنحجي قصتي .. ها يختي
اخـوج اهـنـاك ابــد ما نام
ومتت جم مره من صاحو
هذاك الشام هذااااك الشام
اه يالشام
الــشـام الناس فرحانه
وجبير اشكبره ديوانه
دخلته انا والنسون
وحجي الشمات اذانه
وجم مره انغمه اعليها
زيـنـب مـن بــواجـيها
واصيحلها
الله يساعدج عمتي .. ها يختي
راح اختم حديثي ابگعدة الخربه
اهناك الكلفه والصعبه
جابو راس ابوي وضجت الاصوات
وحال اختي رقيه اهناك
يبجيله العدل والمات
حضنت راس ابوي وماتت اعله الراس
ومـاتـت اختي بين انذل واحقد ناس
وبجفوفي دفنت اختي .. ها يختي
**ابو حميدة الشويلي
اللهم عجل لوليك المنتقم الفرج**
زينب انه والــلــوعات عشـت اوياهن اسنيني
المصـايب بـيـه من زغري تـاخـذنــي وتوديني
الفرح مشطوب من عمري مامكتوبه الي الراحه
الدهر يوميه يفجعني اشما اسـكت يبجيني
بس نحيب .. والحــزن صــرت انه امه
بس نحيب .. وخدري بالـبر وين اضمه
بس نحيب .. ويــا نهـار اتكـسره ظلمه
وين امشي و اخو ماضل الي
امنيتي اسمع يـخويه ادلـلــي
شـلـون اركض وانـه لبوة علي
......................
كتلني المستحه بالـطف مــامـتــعــوده عالطـلعه
جنت من اطلع بظلمة وعلي يطفي ضوه الشمعه
تـالي مـن الــخـيام اطــلع اهــرول عـالجـمر تالي
واسـمـع من بعـيد احسين حـوافر داست بضلعه
وين اخوي .. اركض وهذا سؤالي
وين اخوي .. سـلـبو مــني دلالي
وين اخوي .. دمعي يم غربه يلالي
يبن امي صحت بين الغرب
مو هينه اعوفك عالترب
وانه اختك يسباح الگلب
.........................
اضــم بــخيالي مــاينــضـم الا برايه لو خيمه
گلبي امـن المصايب ذاب محد يحتمل ضيمه
گلب عندي واشوف الخيل تسحگ بالعشت ويا
وانه اركض واصيح احسين اختك طرت الهيمه
راح اموت .. من حجي الغربه عليه
راح اموت .. امن الخجل افرك بديه
راح اموت .. خويه سموني السبيه
حرمه انه وطلعت بنص زلم
ومو اسمي بعد راح الاسم
صاحولي غـريـبه يــاشهم
........................
ادعي الله يصير الليل حته اگعد والـم ضعني
تعبت من الركض عالشوك وكلام الغربه تعبني
الليل اشوه الصبح جتال بي من ينعكس ظلي
لان مابي ابو فاضل يجيني ابرايته يـضــمنــي
كلشي راح .. وي ابو فاضل كفيلي
كلشي راح .. بعد ياهو اليسطبيلي
كلشي راح .. وضلت الحسره بدليلي
الياخويه بعد ماتـنحــجي
ولخواني انمنع عني البجي
عالناگه امـيــل و انـتجي
**ابو حميدة الشويلي
اللهم عجل لوليك المنتقم الفرج**
الحادي عشر
سبي وآلام .. وضعن فاگد عشيره وراي
سبي وآلام .. وبجي ليل الخرايب جاي
مشينه ابلا بوفاضل
ضـعن للغـربه شايل
وره العاشر اشد غربه
مشينه برفجة الغربه .. وبدينه احبال
فجر يوم اهدعش شفنه
هظم غــير ملامحــنه .. الهظيمه اشكال
بعد ذبح الزلم هدو عله النسوه
وطلعنه امن المخيم للظهر گوه
تلاگينه اويه غربه واحنه نتلوه
نجيب امـنين بله راعي المروه
صحت عباس .. يــمن صـدرك الي دگيت
صحت عباس .. تعال ابنيلي بالطف بيت
كثر حجي العوذال
ضعن للغربه شايل
...............
بجيت ومحــد ابحـالي
وانه الخدري قبل عالي .. نزل عالگاع
يخوتي اتحيرت بامــري
وركاض البر هدم صبري .. صفينه اضياع
عگب ذيج الشوارب غــربه تــوميلي
احترگ صيواني والعاشر هدم حيلي
اجت نوگ الهزل وانـه صحت ويلي
بلا هودج صعب امشي وبله اجفيلي
كلف ممشاي .. بــلاهـودج ولا خـــوان
كلف ممشاي .. وانه زينب عظيمة شان
احترگ فَي المحامل
ضعن للغربه شايل
...................
بلا نــيه رحــت دربــي
وانه جفوفي عله گلبي .. وصحت ماروح
اريدن ادفن ابن امــي
اعوفه بالشمس مرمي .. شگل للروح؟
صحت يالحــادي ريض لاتمــش بينه
اريد اتمرني فد ساعه اعله ابو سكينه
اگـله احـسين خـويـه گــوم ماشيــنه
الـحــادي نــاوي للــكــوفه يــوديـنـه
اعوفه اشلون .. وانه اخته عالترب مطروح
اعوفه اشلون .. يحادي امشو. انه ماروح
اعوفه ودمه سايل
ضعن للغربه شايل
..................
انه المامره مشــيوفــه
مشيت وايدي مجتوفه .. صحت ويلاه
نزلت الكوفه وانه انحب
ولا جني امـس زينــب .. اميره اهنا
ولاجني امس عالكوفه سـلطــانه
اميره امخدره وگدري شعظم شانه
تالي انزل سبيــه وكلـها شمــتانــه
وخـذو كـل الحرم خلوني بس انه
العشاير هاي .. اجت وتطالب ابن ازياد
العشاير هاي .. وبــني هاشم ولا هداد
اجت كل القبايل
ضعن للغربه شايل
.................
زماني وسوه ليريده
عله الناگه واطر بيده .. درب للشام
اجيت الشام انه وحبلي
ولا واحد اجه من اهلي .. وفزع محتام
بــعـد رااح الـقــــبــل يـتّـبــع اثــــاري
وحجو بسمي القبل مايدري بي جاري
وصار ابـن الـدعـيه يجيـبه بالــطــاري
هلـي مـحــد فـزعـلي وطـالب بـثــاري
اويلي الشام .. ذبح صيتي بوسط ديوان
اويلي الشام .. مصيبه اتشيب الرضعان
خلص حيل الثواكل
ضعن للغربه شايل
**ابو حميدة الشويلي
اللهم عجل لوليك المنتقم الفرج**
**عَظَّمَ اللَّهُ أُجُورَنَا بِمُصَابِنَا بِالْحُسَيْنِ ( عليه السلام ) ، وَ جَعَلَنَا وَ إِيَّاكُمْ مِنَ الطَّالِبِينَ بِثَأْرِهِ مَعَ وَلِيِّهِ الْإِمَامِ الْمَهْدِيِّ مِنْ آلِ مُحَمَّدٍ عليهم السلام
اللهم عجل لوليك المنتقم الفرج**
شهادة مولانا جعفر الصادق عليه السلام
الـك ديــن .. يـزراع بـينه عـاشـوره
والحسين .. بـدُعائك سيدي انزوره
وعزائه اللي يُقام
بـدُعـائـك يا امام
...........................
الـك يـاجـعـفـر الـصـادق ديـن بـرگبـة الخـدام
لان مـنـك تعـلـمنـه نبـجـي ونـحـتـرگ بـخـيام
روايـاتـك غـذاء لـلروح وتشدنه بالعزه اليـنقام
اگولن سيـدي ومولاي شحالك لو ذكرنه الشام
اتگوم وتطيح اعله وجهك شي اكيد
اشـوده عـمتي اتـصيح للشام البعيد
اويلاه .. تصيح وتلطم اعيونك
اويلاه .. و اتـبّـجـي اليزورونك
وصرختك اه يشام
بـدُعـائـك يـا امـام
.........................
الـلـهـــم ارحـم الأوجــه المــغـــيرهـا حــّر الـصـيـف
ابنادم لومشـه لحسين اكيد اتحسبه عندك ضيف
مـو من يمـي جاي احجي ولا هو برايي لو بالكيف
روايـات اشـكـثـر عـدنـه مــامـرن مـــرور الـطـيـف
و ارحـم اللـهـم فـي تـلـكَ الـقــلـوب
الجازعه وبمصاب ابو الاكبر تذوب
واليذوب .. بعزاء اذنوبه نمـحيها
والگلوب .. التـجزع النـا نحـمـيها
اليذوبن بالخيام
بدُعائك يا امـام
..........................
اللهم ارحـم الصرخه گلتها وصحنه واويـلاه
وگـمنه انـدور الدمعه على المحد بجه فوگاه
يلي بـنّـص الروايـه اتـگـول كلمن دمعّت عيناه
المُصاب احسين بالمحشر احنه الراح نتلگاه
وانت گايل من يهل شهر الضمه
الزهره تنشر ثوب ابنها البي دمه
حسيناه .. تـشـهگ لـمـن اتـنــادي
حسيناه .. سليب وغافي بالوادي
عليه من السلام
بدُعـائك يا امام
......................
وانـت اعـله الجزع گايل مـكروه اعـله كل انسان
بـس الـيجـزع اعـله احسين مأجور ورفيع الشان
والـمـالـه دمـع بـالـعـيـن خـل يـتـباكه عالعطشان
واخمش خدك بحـرگه وشگ جيبك على العريان
خل دموعك عالوجن يتسابگن
احنه اهل البيت راحلنه ضعن
ضعن راح .. مصيبة هاشم اجبيره
ضعن راح .. مـن ديـره الـى ديــره
جرح بينه الكلام
بدعائك يا امــام
.....................
دخيلك يا ابو الكاظم حزمنا الـشهـر عــاشــور
خلي اعيونك اعلينه بـدمعنه الجبدك المـفطور
وارزقنا دمـع غـيـره عـلى الضل بالفله منـحور
وارزقنا السنـه مـــولاي نـجيلك للبقـيع انــزور
ويستجاب الله بعظمتك هالطلب
وبالـبقيـع انشوفهـن اربـع قُــبـب
نجي نشوف .. مناير للسمه السبعه
وبالجفوف .. نكض شباجك وننعه
وعلى گبتك حمام
بـدُعائـك يـا امـام
------------------------------
**ابو حميدة الشويلي
اللهم بالصادق عجل لوليك المنتقم الفرج**
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 5 hours ago