ثالث أعلى درجة في الصداقة اسمها باللغة العربية "الأَنيسُ"، وهو المُطمَئِنُّ، الذي يدخل السعادة والطمأنينة على قلب رفيقه ويذهب عنه الوحشة والخوف..

"‏من المفترض أن يكون شريكك هو مكانك الآمن ، وليس معركة أخرى في حياتك."

تأسرُ قلبِي رقّةُ التّعبير في قوله تَعالى على لسان سيّدنا إبراهيم مُخاطِبًا أباه: ﴿قَالَ سَلَامٌ عَلَيْكَ ۖ سَأَسْتَغْفِرُ لَكَ رَبِّي ۖ إِنَّهُ كَانَ بِي حَفِيًّا﴾.

- حَفيًّا: مُبالِغًا في البرِّ واللُّطفِ بي والاعتِناء بشأنِي.

الحمد لله الذي أعطاني ما تمنيت وإن كنت أنسى فضله حين يشتد الثقل عليّ.

الحمد لله الذي أعطاني ما أظن نفسي لا تسعه ولكنه يمر بفضله وكرمه.

الحمد لله الذي قدر الخير كله ظاهره وباطنه.

الحمد لله أنه الله ربنا.

السلام عليكم ورحمة الله وبركاته
عندنا ديون علاجات لناس م مقتدرين يدفعوها وعايزين نحاول نسددها ليهم ... ربنا يقدرنا ويقدركم...ايدكم معانا
( من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة)
ربنا يشف كل مريض وربنا يعظم الآجر وفي ميزان حسناتكم ❤️
المبلغ 100 الف
رقم الحساب: 3574274
لدن عبد الله عمر
الرجاء ارسال الاشعار ع الرقم
0908460202
لازم وضروري الاشعار
500 جنيه بتفرق مع مريض بالله عليكم اعملوا شير لاصحابكم اهلكم كل ناسكم ❤️
للاستفسار : 0908460202
رقم الحساب: 3574274
لدن عبد الله عمر

تحويل رصيد :0118308863
الرجاء ارسال الاشعار ع الرقم
0908460202
لازم وضروري الاشعار
عندك خت م عندك شير❤️
للاستفسار : 0908460202

لا أحبُّ العداواتِ، ولا أسمحُ لنفسي أن أكونَ طرفًا في مُشاحنةٍ.
هذا ليس لأنِّي حمامةُ سلامٍ، ولكنِّي أحاولُ الحِفاظَ على قلبي

البغضاءُ تشغلُ القلبَ عن حلو الحياه
و الحبُّ أولى،
و مَن نحبُّ أحقُّ،
و العمرُ أقصرُ مِن أن نقضيَه في سجالٍ بين الأذى و ردِّه.

والعاقل يختارُ معاركَه،
و يتخيَّرُ خصمَه،
و أنا أجدُ في نفسي عِزَةً لا ترفعُ أحدًا ليكونَ خصمي،
و أجدُ في قلبي اتساعًا يكفي العالمَ ويفيضُ.

واقفة من الصباح داخلة مارقة اعمل في العصيدة بي جاي والملاح بي جاي، وشغالة في حر والجمر يبرد ازيد الفحم واقعد اهبب في النار
نزلتَ حلة الملاح ورفعت العصيدة، جا هوا وشكلو دخل تراب في حلة الملاح وأنا ما انتبهت ليو

خلصتَا وغرفت الأكل بي آخر نَفَس لَي من التعب
وقعدنا في الصينية
التراب كان يضرِس
للأسف من أول لقمتين وقفنا أكل وقُمنا خليناو في محلو!

الحسرة والحزن الدخلو فيني ما أقول ليكم بس
إحساس من متين واقفة بعمل فيو، والتعب؟ كلو راح ساي!

الموقف ده ذكرني يوم القيامة بس!
تخيّل تتعب في الدنيا دي صلاة وصيام في عز الحر والكهربا القاطعة
تقوم وتقع عمرك كلو في العبادات
تجي بي تصرف واحد منك تنسِف كل عملك ده كأنه ما كان

تعمل حاجة سمحة لي زول، وتقعد تمِن عليو إنك عملتا
الطنطنة بتاعت كل يوم دي
غسلتا ليكم العدة
سوّيت ليكم داك
اديتك داك
وعملتا ليك وعملتا ليك
ده اسمو مَن، وأذى، وأخير كلو كلو ما تعمل الحاجة بدل تعملا وتتبِعا بي الكعب!
تعمل الحاجة السمحة، وتتبعها بي الكلام الشين
حرفيًا ياهو زي الملاح الاتكشح فيو تراب
ما نافع!!

تلقّط في الحسنات حسنة حسنة
وتجي تنسِفها بي قطيعة في فلانة وكلام في عِلّان
زي الملاح الاتكشح فيو تراب
ما نافع!!

تصومي وتصلي وتتحجّبي
وتجي تردي لي أمك الكلمة بي الكلمة كأنها قدرك
زي الملاح الاتكشح فيو تراب
ما نافع!!

الخُلاصة:
الواحد زي ما إنو تِعِب في الدنيا دي عشان يلقى ليو في الآخرة أجر
ما يفسِد عملو السَّمِح ده بي تصرفات بسيطة ما يلقي ليها بال
تنسِف حسناتو ولو كانت جبال!

نختِم بحديث النبي ﷺ لأصحابِهِ حينَ قال:
أتدرون من المفلس؟ قالوا: المُفْلِس فينا من لا دِرهَمَ له ولا مَتَاع، فقال: «إن المفلس من أمتي من يأتي يوم القيامة بصلاة وصيام وزكاة، ويأتي وقد شَتَمَ هذا، وقذف هذا، وأكل مال هذا، وسَفَكَ دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يُقْضَى ما عليه، أخذ من خطاياهم فَطُرِحتْ عليه، ثم طُرِحَ في النار».
وما ننسى ندعي بي دعاء النبي ﷺ: "اللهم اهدِني لأحسن الأخلاق لا يهدي لأحسَنِها إلا أنت واصرف عني سيئها، لا يصرف عني سيئها إلا أنت"!♥️

#صفِيَّة_مُصطفى

هل تستطيع أن تحمد الله بجميع محامد الخلق؟!
نعم !
وكيف ذلك؟!

قال -رسول الله- ﷺ "
""من قال إذا أوى إلى فراشِه:

"الحمدُ لله الذي كفَاني وآواني،
الحمدلله الذي أطعمَني وسقاني،
الحمدُ لله الذي منَّ عليّ وأفضلَ،
اللهم إني أسألُك بعزَّتِك أن تُنَجِّيَني من النارِ؛
فقد حمِدَ الله بجميعِ محامدِ الخَلْقِ كلِّهم".

- صححه الألباني.

‏الأَصل في الدُّنيا أنَّها دار كَبَدٍ وشَوْك!

دورك إنَّك تستعين بالله أَن يوَفِّقك إنَّك تلبس حِذاء علشان تِتعامل مع الشُّوك ده، مش دورك إنَّك تدوَّر علىٰ أَرض لَيْسَ فيها شوك!

هذهِ الأرض هيَ أَرض الجنَّة فقَط.")

-‌ ش. محمد خيري.

الحمدلله الجواد المُنعم وبعد.

{وليستعفف الذين لا يجدون نكاحا حتى يُغنيهم الله من فضله}

الجرسة البتحصل في البوستات دي داخلة في {وليستعفف} برضو ، اي اللهم بارك التايملاين مليّان بالزيّجات البتوتر -ربنا يزيد ويبارك فيها - بس برضو ده ما بيعني إنك تنكشحي بالصورة دي.

من الفطرة السليمة إنك تطلبي الزواج وتكونّي أسرة وتكوني أُم حاجة جميلة جداً ، بس نسأل الله من فضله من سُكات ..

السوشيال ميديا ح تكبّر وتهول الشعور ده بصورة عكسية تماماً ، والشيطان شاطر ح يقنعك يقوليك الناس دي كلها بتعرس الا انتِ!
ح تقعدي كدا بايرة زول جايب خبرك ماف!
ح تتوتري بحق وحقيقة ، وتستعجلي رِزقك اللي هو اصلاً رزقك ومكتوب ليك إنتِ بس ، من قبل ما تتخلقي اصلاً ربنا كاتب فلان لفلانة وفلانة لفلان ، الأمر مُنتهي مافيه نقاش!

أنا زاتي كُنت بتجرس بس استدركت الأمر مُؤخرا ووعيتو ، جدياً استوريهات الجرسة البوستات بتفاقم الوضع ليس إلّا وتحزّ في نفسك الوساوس وتصعب عليك.

ربنا ح يزوجك في الوقت المناسب
بالشخص المناسب
بالطريقة المناسبة

فالناس ترّوق المنقة شوية ، ولا يستعجلنّ أحدكم رِزقه .

نسأل الله من فضله دايما وأبدا ، ديلك عرسو فضل من الله { ذلك فضل الله يُؤتيه من يشاء والله ذو الفضل العظيم }

زي م سهل أمورهم ح يسّهل امرك
والله ذو الفضل العظيم !

#maab_yassir