*İmam Rza (əleyhissəlam) buyurub:

O (İmam Məhdi(ə.f)), Bətulun (Fatimənin (s.ə)) pak nəslindəndir. Onun nəsli şəcərəsində heç bir qüsur yoxdur. O (ə.f), Allah rəsulunun (s.a.a) Əhli-Beytindəndir (ə.s). O, Allah-Təala tərəfindən razı olunmuş və bəyəniləndir. Allahın əmrini qoruyan, canlı tutan və Allahın dinini müdafiə edən şəxsdir. Şərəflilərin ən şərəflisidir".

📓"Səhifətur-Rza (ə)", səh.77*
•t.me/Nurulenvar

*İmam Baqir (əleyhissəlam) buyurub:

Fatimə (salavatullahi və sələmuhu əleyha) Cəhənnəmin qapısında dayanacaq. Qiyamət günü olduqda hər bir şəxsin alnında mömin və ya kafir yazılacaq. Əhli-beyti (ə) sevən (amma) və günahları çox olana Cəhənnəmə getmək əmr olunacaq. Fatimə (s.ə) onun alnında (Əhli-beyti) sevən yazıldığını oxuyacaq və deyəcək: İlahim və Seyyidim! Məni Fatimə adlandırdın. Məni və mənim zurriyəmdən olanlarla dost olanları mənim vasitəm ilə Cəhənnəm odundan ayırdın. Və Sənin vədin haqqdır və verdiyin vədə xilaf çıxmazsan.

Allah deyəcək: Ey Fatimə, düz dedin. Mən səni Fatimə adlandırdım. Və səni sevəni, sənə dost olanı, sənin zürriyəni sevəni və onlara dost olanı sənin vasitən ilə Cəhənnəm atəşindən ayırdım (onları Cəhənnəmə aparmayacam).

📓"İləluş şərai", c.1, səh.179*•t.me/Nurulenvar

*İmam Sadiq (əleyhissəlam) buyurub:

Ey Yunus! "Cəddim Rəsulullah (s.a.a) dedi ki: "Qızım Fatiməyə (s.ə) zülm edən, haqqını qəsb edən və onu öldürən məlundur, məlundur (lənətlənmişdir)."¹

İmam Sadiq (əleyhissəlam) "Onlar cəhənnəm oduna necə də səbrlidirlər" (Bəqərə, 175) ayəsi ilə əlaqədar belə buyurmuşdur: "Özlərini oda sürükləyəcəyini bildikləri hərəkət etməkdə nə qədər səbrlidirlər".²

📓:
¹"Kənzul-Fəvaid", c. 1, səh. 149-150
²"əl-Kafi", c.5, səh.84, hədis 2404*
•t.me/Nurulenvar

Umarə nəql edir: "İmam Sadiqdən (əleyhissəlam) soruşdum ki: "Fatiməni (səlamullahi əleyha) nə üçün "Zəhra" (parlaq) adlandırıblar? Buyurdu: "Çünki o, mehrabda dayananda onun nuru səma əhlinə, ulduzların yerdə olanlar üçün saçması kimi saçırdı".¹

*İmam Sadiq (əleyhissəlam) buyurub :

"Fatimənin (səlamullahi əleyha) Allah yanında doqquz adı var: Fatimə,Siddiqə, Mübarəkə,Tahirə, Zəkiyyə, Rəziyyə, Mərziyyə, Mühəddisə, Zəhra".²

📓:
¹Şeyx Səduq, "Məani əl-Əxbar", səh.64, hədis 15
²Şeyx Səduq, "Əmali", səh.474, hədis 18*
•t.me/Nurulenvar

*Muhəmməd Peyğəmbər (sallallahu əleyhi və alih) buyurub :

"Kim qızım Fatiməni sevərsə, məni sevmişdir. Fatiməni razı salan məni razı salmışdır. Fatiməni qəzəbləndirən məni qəzəbləndirmişdir".

Əhli Xilaf (sünni) mənbəsinə əsasən:

📓"Səhihi-Buxari", fəsil: Xumsun fəziləti.
📓"Əs-Səvaiqul-muhriqə", səh.9.*
•t.me/Nurulenvar

*Xanım Fatimətuz-Zəhra (salavatullahi və sələmuhu əleyha) buyurub:

"Bizim şiələrimiz, həmçinin bizi və övliyalarımızı sevənlər, düşmənlərimizlə düşmənçilik edənlər, habelə dili və qəlbilə bizə təslim olanlar Cənnətin ən üstün şəxsləridirlər".

📓"Biharul-ənvar", c.68, səh.155*
•t.me/Nurulenvar

*İmam Həsən Əskəri (əleyhissəlam) buyurub:

"Biz imamlar (ə) Allahın sizin üzərinizdəki höccətləriyik. Bizim höccətimiz isə anamız Fatimədir (s.ə).

📓"Təfsirul ətyəbil bəyan", c.13, səh.226*

*Xanım Fatimətuz-Zəhra (səlamullahi əleyha (Ümmü Sələməyə) buyurdu:

"And olsun Allaha, onun (İmam Əlinin (ə)) hörmət pərdəsini yırtdılar. Amma, bilirəm ki, bunlar Bədrin kinləri, Ühüdün intiqamlarıdır, intiqam münafiqlərin ürəklərində gizlincə qalmışdı".

📓İbn Şəhri Aşub, "Mənaqib", c.2, səh.225*
•t.me/Nurulenvar

*Xanım Fatimətuz-Zəhra (səlamullahi əleyha) buyurub:

"Nə zaman İslama qarşı müharibə alovunu yandırdılarsa, Allah həmin odu söndürdü. Nə vaxt şeytanın buynuzu görünsəydi (fitnə qalxsaydı), müşriklərin fitnələri ağızlarını açsaydı, atam (s) öz qardaşı Əlini (ə) onların üzərinə göndərər və onun vasitəsilə başlarını əzərdi. Əli (ə) bu xətərli ezamiyyətlərdən həmişə düşmənin başını əzdikdən, burunlarını yerə sürtdükdən sonra qayıdardı".

📓Xanım Fatimənin (s.ə) "Fədək" xütbəsindən; Şeyx Təbərsi, "Əl-İhticac", c.1*
•t.me/Nurulenvar

*İmam Sadiq (əleyhissəlam) göz yaşı axıdaraq buyurdu:

"Səqifə günü Əmirəl-mumininin, Həsənin, Hüseynin, Fatimənin, Zeynəbin, Ümmü Gülsümün (ə), Fizzənin evinin qapısının yandırılmağı və Əlinin (ə) balası Mühsinin (ə) təpik ilə öldürülməsi, Kərbəlada baş verən müsibətli hadisədən daha müsibətli və acınacağlıdır. Biz bu zamanda nə böyük müsibətə və qəmə düçar olduq.

📓"Ənsabun-nəvasib", səh 35*
•t.me/Nurulenvar