👈لما تنضفى #السمك لبسى طبق كيس ونضفى السمك وافتحي بطنه ولما تخلصى لمى الكيس وارميه فى الباسكت كده الحوض مش هيتسد من قشور السمك

👈لما تيجي تسلقي #الفرخه ابشري بصله وحطي عليها ملح وفلفل اسود وادعكي بيهم الفرخه من بره وجوه وبعدين حطيها تتسلق هتلاقي طعمها تحفه ومفيهاش ريحة زفارة

👈لما تيجي تقلي #بطاطس لو عايزاها مقرمشه انقعيها في ميه وملح وخل قبل ما تعمليها بساعتين علي الاقل هتطلع مقرمشة وجميله

👈الرز عشان يبقي مفلفل وميعجنش قلبيه في #السمنه او الزيت كتير يتشوح افضلي قلبي فيه لحد ما كل حبة رز تتغلف بالمادة الدهنيه وبعدين ضيفي الميه والملح

👈وانتي بتغسلي وشك #الصبح شوية صابون في ايدك وسلك مخصص للحمام ونضفي الحوض ورشي مطهر ع الارض وشوية ميه وشديه بالمساحه هيبقي فله

👈متركنيش #الغسيل خالص اغسلي حتي كل يومين مش هتزهقي وهتخلصي بسرعه

👈بعد ما تخلصي #المواعين هاتي الفوط اللي بتمسكي بيها الحلل واغسليها بصابون وعلقيها هتبقي نضيفه لما تيجي تستخدميها تاني

نبص لنفسنا شوية بقي 😃👄

👒قبل ماتنامي ادهني وشك #زيت_زيتون وبعدين اشطفيه بماء فاتر وحطي ماء ورد هتلاقي وشك منووور 😘

👒لو مبتعرفيش تلفي شعرك طقيه زي حالاتي هاتيه كله علي قدام كحكه سبيه كده ساعه اتنين تلاته انا بسيبه وقت طويل علي ما اخلص اللي ورايا وبعدين فكيه وسرحيه هتلاقيه مفرود وجميل👌

👒عايزة زيت الشعر يجيب نتيجه دلكيه علي فروة الراس

👒متاخريش صلاتك ابدااا اول ماتسمعي الاذان صلي علي طول ده ربنا بينادي علينا يبقي نسيب اللي في ايدينا ونروحله

👒ياريت يبقي جنبك مصحف وكل ما تصلي اقراي 5 ايات

#ناريمان_السيد_narimanelsayed

كرواسون مورق جدا وطعمه خطير واحلي من المولتو الجاهز 🥐🥐🧉
كوبايتين من الدقيق .رشه ملح . معلقتين من السكر .معلقه خميره.معلقتين من الحليب البودر لو هتعجني بمايه انما لو هتعجني بلبن مش هتحتاجيهم .بيضه.فانيليا
هنقلب كل المكونات الجافه مع بعضها ونضيف الحليب وهنعجنه كويس جدا ونعجن حوالي عشر دقائق وفي الاخر هنضيف مكعبين من الزبده احد ما ملمش العجينه يكون طري
والعجينه دي تعمل ٨ كرواسون حجم متوسط وسبتها تخمر حوالي ساعه ولقيت الحجم اتضاعف وهنبتدي نشكلها علي شكل مستطيل وبعد كده نعملها شرائح وكل شريحه اتنين بالعكس عشان تديني شكل المثلث وهنرولها وهنحطها علي ورقه زبده علي لما نقليه ينزل بسهوله لو عاوزه تخبزيه براحتك
وهنقليه في الزيت يدوب نسخن الزيت ونبدا نحط الكرواسون ونسحب ورقه الزبدة وهنقلبه لحد ما توصلي للون المطلوب وبعد ما يبرد هنحشيه بالشكولاته وبحد مورق جدااا وتحفه بجد ولو عاوزه تشوفي الوصفه كامله هتلاقيها في الفيديو دا https://www.facebook.com/share/r/1Bn3xB8BPa/

#بسكويت اليانسون☕اللي كلنا بنعشقه😋

#المقادير

• 3 كوب دقيق
• كوب زيت
• كوب سكر
• 4 بيضات
• ملعقة كبيرة يانسون مطحون ناعم
• رشة ملح
• ملعقة صغيرة فانيليا
• ملعقة كبيرة بكينج بودر

#الطريقة

انخلى الدقيق وحطى عليه اليانسون و رشة الملح والبيكنج بودر
وأضربي البيض والسكر والفانليا في الخلاط مع بعض
واضيقي ليهم الزيت اضربي لحدي ما يبقا البيض يبقي لونه فاتح

** وانزلى بالخليط ده ع الدقيق وقلبي تندمج المقادير مع بعضها لحد ما تبقا معاكى عجينة البسكويت بقوام تقيل اكتر من قوام الكيكة

** صبي الخليط في صينية مدهونة زبدة أو زيت ودخلي الصينية ع فرن ساخن مسبقا ع حرارة 180

** بعد 15 دقيقة تقريبا هيكون استوى خرجيه واتركيه يبرد تماما

** قطعيه بالسكين إلى قطع طولية ورجعيه الفرن تاني عشان ينشف وياخد لون دهبي

وبألف صحة وهنا حبايبى 😘😘
صلوا على الحبيب المصطفى ❤️🥰👍

?اسرار مطبخيه ⭐

? وانتى جايبة كمية بطاطس وخايفة تبوظ منك
حطى رأس توم هتساعد من أنها تفضل فترة طويلة من غير ما تبوظ جربى يا سكره

? وانتى بتخزنى البامية ماتنسيش تضيفى عصير ليمون
عليها بكده هتحتافظ على لونها وخضارها

?لما تيجى تعصجى اللحمة وانتى بتحطى المادة الدهنية تشوحى معاها فصين مستكة وقبل ما تطفى عليها تحطى كمان معلقة صويا صوص جربي يا قمريه

?وانتى بتعملى الحواوشى ضيفي معلقة طحينة أو معلقة دقيق التكة دى بتخلى اللحمة متنزلش سوايل على العيش ومتبوشهوش خصوصا في عجينة الحواوشى الاسكندراني.جربى يا عسل

? وانتى بتعملى الكفتة تضيفى في الخلطة بتاعتها معلقة نشا ومعلقة بيكنج بودر وبياض بيضه بالطريقة دى عمرها ما هتفك ولا تكش منك ابدا

? لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى
هيبقى سهل معاكى جدا وانتى بتستخدميه يا جميله

? وانتى بتعملى الكيك ضيفى معلقة خل
هتفرق جدا فى لون وهشاشة الكيك يا سكر

? أوعية تنسي وانتي بتخزني توم ضعي معلقة الخل لما تيجى تفرمى التوم علشان تخزنيه ده بيخلى لون التوم فاتح لآخرلحد ما يخلص يا عسل ده طبعا غير رشة الملح والزيت

?وانتي بتنضفى ضهر الطاسات اللى مليانة دهون بالصنفرة الخشنة بجد رهيبة ونتايجها روعة يلا ياأشطر شطورة

شوية نصائح عالسريع كدة عالماشي?✅✅??
???
?سلقتي لحمه او اى طيور لازم تشيلي شوية شوربه في كيس بالفريزر بعد ماتصفيها طبعا ضروري هتحتاجيه في اي وقت ?

?وانتي بتعملي الاكل لو مثلا بتعملي خلطة محشي او تسبيكة مكرونة أو بتعصجي لحمه مفرومه اعملي زياده شويه وشيلي في الفريزر اي اكله ينفع تزودي وتشيلي منها جاهزه هينفعوكي جدا وقت زنقه ?

?اول ماتلاقي الطماطم رخيصه اعملي كميه تسبيكة للطبيخ وللمكرونه وللمحشي جاهزه علي الطبخ علي طول بتنفع جدا وبتوفر وقت ومجهود من أهم التفريزات ?

?اي خضار في الموسم بتاعه هاتي وفرزي علي طول بينفع بدل ماتشتريه غالي ?

?بتشتري بانيه هاتي نص زياده اغسليه وتبليه وشيليه بالفريزر جاهز علي القلي بينفع وقت زنقه ?

?لما تسلقى فراخ او اى طيور نشيلها من الشوربه بعد سلقها اما بالنسبه للحمه يفضل ان احنا منخرجهاش من الشوربه الا عند الاستخدام عشان متنشفش?

?لو بتعملى مكرونه بالصلصة شيلي شوية من مية السلق زودي بيها الصلصه بتبقي جميله جدا ?

?لما تعصجي اللحمه المفرومه بيكون مقدار البصل نفس مقدار اللحمه المفرومه ?

?لما تعملى اللحمه المفرومه كفته كيلو اللحمه المفرومه الصافي عليه ربع كيلو دهون ?

?لما تعملي كفته اللحمه بنحط تفل البصل بس بنصفيه كويس من الميه بتاعته ومترميهاش تبليها وبلي ايديكي منها وانتي بتصبعي الكفته ?
?وانتي بتقلي السمك حطي قشر الليمون في الزيت مش هيخلي ريحه زفاره ولا دخان?

?وانتي بتعملي اي اكل يدوب يغلي غلوتين وتهدي النار علي طول التسويه علي نار هاديه بتخلي الاكل احلي وميتهريش معاكي ?

?وانتي بتحمري البفتيك حطي معلقه زبده مع الزيت هيبقي زي بتاع المطاعم ?

?قبل ما تسوي اي حاجه في الفرن سخنيه الأول جيدا عشان الاكل مينشفش ?

?ضيفي على الرز دايما مياه مغليه مش بارده علشان ميعجنش?

?وانتي بتسلقي اللحمه لو حبتي تزودي ميا زوده ميا بتغلي بلاش بارده عشان اللحمه متشدش معاكي ?

?وانتي بتقوري البتنجان ادعكي ايديكي بالليمون عشان متسودش وقبل ماتقشري الكوسه ادهني ايديكي زيت عشان الصمغ هيبهدل ايديكي?

?اللحمه مبتتغسلش يدوب تتشطف وانتي بتسلقيها بتشيلي اي ريم بيظهر علي الوش عشان لونها يبقي حلو وميبقاش في اي زفاره ?

علي فكرة النظافة ملهاش دعوة بالامكانيات???
تعالوا بسرعة بقي اقولكم شوية نصائح و معلومات النهارده عشان بيتك دايما يكون نضيف وجوزك يحبك اكتر وتتكون واثقة في نفسك اكتر ولو بنت بردو مش متجوزة تعملى بالنصايح العسل دي??✨

? على فكره النضافه ملهاش علاقه بالأمكانيات أو النفسيه بالعكس انتي لما بتنضفي وبتبصي للشقه كده تفسيتك هتبقا احسن حتي لو بيتك بسيط?✨

?مطلوب منك كل يوم هنعمل مثلا دوره غسيل وهنكنس الشقه ونلمع الحتت اللى باينة بمية وبرسيل جيل او داونى او اى حاجة ريحتها نفاذة بس نقطة مش كتير عشان مترغيش وطبعا المواعين وترشى معطر وتشغلى قرآن وتبخرى وتهوى البيت دايما

? نيجى عالحمام بعد ماتخلصى ترويق هتاخدى حتة سلك وتدخلى قبل ماتاخدى شاورك هتخلى كيس برسيل جيل مفتوح دايما ف الحمام وتدعكى الحنفيات والاحواض والتواليت طبعا بفرشتة دايما حطى فيها كلور واريال وبرسيل جيل هتلاقى نفسك كل شوية بتعملى بيها وتحسى بنضافة وتيجى اخر حاجة تنشفى الارض كويس جدا بالشرشوبة وفيها بردو نقطة برسيل او كلور هتلاقى الحمام يوميا بينور

?فرش السرير كل 3 ايام وممكن نجيب ملايه قديمه نقطعها ونحط قطع علي اكياس المخده عشان متتوسخش بسرعه ولو جالك ضيوف ف اي وقت تشيلي الحتت دي تبقا الاكياس بتاعت الملايه قشطه ولازم يختي انتي وهي شعارك ف الحياه اكنس بيتك ورشوه عشان متعرفش مين ها يخشو

?وهقولك علي حاجه تاني حطي دايما حافظه ع السجاده

?ونيجي للدولاب بقي دولابك ومطبخك وجهتك قصاد الناس حاولي اي كراكيب عندك مبتستعملهاش ترميها فورا واي هدوم مش بتتلبس خالص اديها ل حد محتاج كل ما الشقه بتبقا هاديه بتبقا احسن واجمل

?تعالي بقي انتي وهي اخبصلك خبصايه
في وحده تدخل تقولي لو سمحتي انا مش بعمل حاجه في شقتي خالص عشان ايجار وممكن اسيبها فى اي وقت
تعالي بقي لما اقولك انا قولتلها ايه

?قولتلها كل الي ف الشقه دي ملكك يعني تلاجتك غسالتك بوتاجازك فرشك كل ده ملكك انتي ف اي مكان تروحيه هتخديهم معاكي لازم ايدك تبقا فيهم ع طول وتنضفي الدنيا
واللي تقولي اصل نفسيتي تعبانه

?عارفه حمام الكريم بتاع الشعر واللي هتقول حمام كريم ماله ومال النضافه
هتجيبي شويه خل ع قماشه ولمعي الخشب وبعدين تجيبي قماشه نضيفه وحطي فيها حتت حمام كريم وامسحي بيهم الخشب مش هتلاقي نقطه تراب الا بعد اسبوع عشان حمام الكريم ع الخسب بيعمل عازل للتراب
جربي مش هتندمي?

?تعالي هنا رايحة فين صباعي ورم من الكتابه ??

?♥️✨

وتنسوش لايك وشير دعما لي??
https://t.me/koluomwasfa?

تعالى اقولك على دريسنج سريع نضيفه علي طبق السلطة هيخللى طعمه عاالمى وناكله كله هم النم ?

?فى كوباية خارجية ..
هنضيف ٣ معالق كبار زيت زيتون او ذرة عليهم معلقة كبيرة خل وعصير نص ليمونه
وربع معلقة صغيرة كمون ونص معلقة صغيرة بابريكا ولو فى رشة زعتر مايضرش واللى بيحبها سبايسي يضيف معلقة صغيرة شطه والتريكه بقى نص معلقة صغيرة سكر ? ونص معلقة صغيرة فلفل اسود وملح حسب الرغبة ونقلب ده كله مع نص كوباية ميه تقليب سريع شبهه طريقة رب البيض لغاية ما القوام يتجانس ويتقل .. ونضيفه على طبق السلطة الخضراء قبل الفطار بساعة على الأقل ونحطها جوه التلاجة ...
وكلوا وادعولى ?

⭕ ملحوظة ..
ممكن تعملوا منها برطمان حلو كده وتحفظوه فى التلاجة وتاخدوا منه معلقتين تلاته على طبق السلطة كل يوم وتوفروا وقت ومجهود ?
صوما مقبولاً وافطارا شهيا ❤️
#سلاطات_مو