‏رائحتك تسرَّبت
‏من تصدّعات الليل
‏وأحاطتني

ترسم
راحة لاجن أنت مامرتاح

تالي ذيچ العشرة تگضي ؟
وهيچ زيناتي الـ مَتنعَد أنمحن ؟
ما أعَاتب
هنَ الگلوب اليغدرن بـ اليحبهن لو تلبسهِن عِبي ما يستحن ..

بعدني أتهَزهَز لطاريك من كُل صوب
وچذاب اليگلك بيه شي بارد

حِلم بعيون چتال ، مو سهل ملگاك
وحِلم تلگاني نفس الشوگ من ترِد

مكتوب دَوم إلها الحِزن
هيَ دموع بلا وَعي
تنزِل تنام بخَدها !
شَنسوي قِسمتها بَعد
چا همه گالوها قَبل كِل حِلوة حَظ مَا عِدها

-رُسل فَهد.

بعد لو شفتك أتحَذر
انتَ المو ثقة وما ينگعد جواك ، مثل الچام المفطَر

رِد وشوف
كُل ونّه بحنايا الرُوح
تتبدلّك بغنوة .. يسُمعة خلافك شنسوة؟
نِذر لو بس گلت رديت
أحظرلّك هلاهل
كون ما صارت بعرس أخوة

تكرهني صَاير مِن صدك عود؟
تضحَك يگلبي وگلبي مّمرود ؟

من گالولي عَنك طبعه مِثل الهيل
إلتهيت بريحتَك ما گلت گلبه أسود ..