Дуоларимни қабул қилувчи фақат Сенсан!
Касал бўлсам шифо берувчи ёлғиз Ўзингсан!
Фақатгина Ўзинг менинг қалбимдаги нарсаларни биласан!
Эй Роббим, заифлигимга раҳим қил!
Қалбимни хотиржам ва масрур қил!
Ғамларимни кетказ!
Мени безовта қиладиган ва покиза ҳаётимни лойқалатадиган нарсаларни мендан буриб юбор!
Хафалигимни ҳурсандчиликка айлантир!

Хотимамизни гўзал қил!

Вафо

Вафо - мўмин-мусулмон кишига ярашиб турадиган энг муҳим жиҳатлардан бири.

Вафо - Қилинган яхшиликнинг турига нисбатига эътибор бермай, унга керагича ёки керагидан ортиқ яхшилик билан жавоб қайтариш.

Вафо - баъзан қилинган ёмонлик олдида ҳам яхшилик ила тура олиш.

Вафо - унутмаслик, унуттирмаслик.

Вафо - севиш, маҳбубининг суйганларига ҳам муҳаббат қўйиш, у хушламайдиган кимсалардан юз ўғириш.

Вафо - бир умр маҳбубининг йўлида юриш.

Вафо - ибодатларни, дарсларни қолдирмасдан ўз вақтида бажариш

​​​​МЎМИН УЧУН ХОТИРЖАМ ҲАЁТ АСОСЛАРИ◾️ Кибрли бўлманг. Камтарин ва мулойим бўлинг.
◾️ Ўзингизга ҳаддан ташқари ишонманг.
◾️ Ҳамма нарсага эришаман деб, ўзингизни қийнаманг.
◾️ Чорасизлик тузоғига тушманг. Ҳар қандай ҳолатда умид чироғи борлиги ёдингизда бўлсин.
◾️ Менда ҳар доим ҳаммаси яхши бўлади, деб ҳаëтингизни чигаллаштириб юборманг.
◾️ Манманлик ва такаббурликка берилиб, атрофингиздагиларга озор етказманг, одамларни ўзингиздан
узоқлаштирманг.
◾️ Одамларга эвазсиз ва тамасиз яхшилик қилинг.
◾️ Инсон ëлғизликда бахт ва ҳаловат топмайди. Атрофингиздагиларни севинтиришга ҳаракат қилинг.
◾️ Ўлимдан қўрқманг, аксинча, унинг ҳақлигини ҳар доим ёдингизда тутинг.
◾️ Одамларга қилган яхшилигингиз ва хайр-саховатингизни унутинг. Уларни миннат қилиб савобингизни гуноҳга айлантирманг.
◾️ Сизга ёмонлик қилганларга ёмонлик билан жавоб берманг, ғазабингизни тийинг.
◾️ Ҳаловатингизни бузадиганлардан узоқ бўлинг. Қайғуга ботманг.
◾️ Ибодатларда собит бўлинг.
◾️ Хеч бир амалингиз қиёматга қадар сирлилигича қолади деб ўйламанг.

«Иймон ва ҳузун» китобидан.

Гўзал муомала
Гўзал хулқнинг ярми..

ИККИ ҚУРБАҚА

Ўтмишда бир подшо тахтда ўтираркан, икки тиззасига иккита қурбақа қўйиб оларкан ва ҳузурига келган доно кишилардан: “Қаранглар-чи, қайси тиззамдаги қурбақа чиройли?” дея сўрар экан. Агар унга: ўнг тиззангиздагиси дейишса ҳам, чап тиззангиздагиси ёки иккиси ҳам дейишса-да ўлимга буюраркан.

Бир куни унинг ҳузурига бечораҳол кишини олиб келишибди.
– Айт-чи, қайси тиззамдаги қурбақа чиройли?– деб сўрабди подшо.
– Подшоҳим, мен олим эмасману, лекин ҳар икки қурбақа ҳам сизнинг тиззаларингизга ярашиб турганини кўраяпман.– дебди ҳалиги киши.

Подшо аёнларига тезда зарбоф тўн ва минг тилла танга келтириб унга совға қилишни буюрибди.

ИБРАТ:
Ҳамма қатори эмас, бошқачароқ фикрлашни, ҳикмат билан гапиришни ўрганайлик.

**Ҳар бир кишига кун давомида энг камида ўн марта ҳаётини ўзгартириш имконияти берилади.
Омад эса ўша имкониятни ишлата олганга кулиб боқади!

Андреа Моруа**