#tips

Oʻzi nima tiktirish mijoz uchun foydaliroq ekani boʻyicha maslahatlar:

Uyga kiyiladigan koʻylak-lozimlarni individual tiktirish bozordagidan qimmatroq tushadi. Toʻgʻri, sifatliroq va oʻzingizga mos boʻladi, lekin sal qimmatroq.

✅ Biznes uslubdagi pidjak, shim, yubkalar
✅ Oqshom koʻylaklari, ayniqsa murakkab bichimlilari
✅ Kelin koʻylaklar
✅ Maktab formalari

Shu toifa liboslar individual tikilsa ham doʻkondagidan karrasiga arzon tushadi va sifati ancha yuqoriroq boʻladi.

Masalan, yaqinda tikilgan qora-kulrang oqshom koʻylagi doʻkondagidan sal kam 2 baravar arzon tushgan. Hozir bitta kelin koʻylak ustida ishlayapmiz. Bitganda narxini yozamiz, u ham hatto salondagi koʻylak ijarasidan ham arzonroq chiqyapti, adashmasam.

Buyurtmalar va bozordagi narxlarni taqqoslab, tahlil qilgach, shunaqa xulosaga keldim:

Qimmat, murakkab fasonli liboslarni tiktirish mijoz uchun manfaatliroq ekan. Ham $200-$300 lik narsani 2-4 baravar arzonroq oladi, ham oʻlchami 100% oʻziga mos boʻladi, ham oʻzi istagan oʻzgarishlarni kiritish imkoni bor, ham sifatliroq mato tanlashi mumkin boʻladi.

#tips

Sifatli mato tanlash sirlari (davomi)

4️⃣ Rang

Mato yoki libos tanlashda teringiz rangini ochadiganidan tanlang. Va albatta ob-havoni ham hisobga oling. Masalan, qora va to'q ranglar issiq tortadi, och ranglar esa aksincha nurlarni qaytarish evaziga kamroq tanangizni qizitadi.

Istalgan rangni o'zingizga mos tusini (ottenok) topish mumkin. "Senga binafsharang yarashmaydi!" deyishsa, ishonib ketavermang. To'q binafsharang yarashmas, lekin ochrog'i, yorqinrog'i va boshqa tuslarini sinab ko'ring.

5️⃣ Naqshlar

Mato naqshlari 3 xil bo'ladi: mato to'qilishida turli rangli toladan qo'shib tikilgani, bir tusli matoga rang bilan tushirilgan naqsh va mato ustiga applikatsiya qilingan naqsh (tayyor kiyimlardagi rasm va yozuvlar).

Eng chidamli va sifatlisi, tabiiyki, matoga qo'shib to'qilgan naqshlar. Yuvganda rangi o'chmaydi yoki yulinib, to'kilib tushmaydi.

Matoni yana katta gulli/naqshli va mayda gulli/naqshli ekaniga qarab ham e'tibor bering. Masalan, kichik jussali kishilarga yirik gulli mato unchalik yarashmasligi mumkin.

*6️⃣ Mato teksturasi*

Bu juda muhim omil. Shaklini tutib, hurpayib turishi kerak bo'lgan libosga tashlanib turadigan yumshoq mato olish xato bo'ladi. Libosingiz qanday turishi kerakligini tasavvur qilib, keyin unga mos mato tanlang.

7️⃣ To'qish zichligi

To'qish zichligi qancha yuqori bo'lsa, mato shuncha sifatli bo'ladi. Kiyganda yoki quyoshga tutganda orti ko'rinadigan matolarda to'qish zichligi juda past. Sifatli matodan tikilgan kiyimning ichi ko'rinmaydi.

Shu bois ham nomi bir xil matoning narxi har xil bo'ladi: zich to'qilgan, qalin lyon bilan dokasimon, xilviragan lyonning farqi bor. Tayyor kiyim olishda ham shunga e'tibor bering.

Foydali postlarni yaqinlaringizga ulashishni unutmang?

#tips

Sifatli mato tanlash sirlari

Quyidagi maslahatlarimiz libos uchun mato tanlashda uning sifatli yoki sifatsiz ekanini aniqlashga yordam beradi. Keyingi postlarda tayyor kiyimning sifatini chamalashni o'rgatamiz.

1️⃣ Mato turi

Matolar 3 xil bo'ladi:
?tabiiy (paxtali, lyon, denim yoki jinsi, charm va shoyi)
?sintetik (poliyester, spandeks, akril, neylon va hkz)
*?tabiiy va sintetik* tolalar aralashmasidan ishlangan matolar

Libos kiyiladigan maqsadga qarab, tabiiy yoki sintetik mato yoxud qorishmasini tanlash mumkin. Masalan, oqshom liboslari uchun ko'pincha sintetik mato tanlashga to'g'ri keladi.

2️⃣ Rang chiqishi

Istalgan matoni olishda uning rangi chiqish-chiqmasligini va rangi chiqadigan nozik matoni qoidalariga amal qilib yuvishga tayyor-tayyormasligingizni tekshiring. Masalan, adras va atlas matolarimiz ko'zni quvnatgani bilan yuvganda rangi chiqadi. Shu sabab ular alohida parvarishni talab qiladi: sovuq suvda, qo'lda ishqamasdan yuvish va hkz.

Tekshirish uchun oq dokani ozgina namlab, matoning bir burchagiga ishqab ko'ring. Dokaga rang o'tsa, demak, mato yuvilganda rang chiqaradi va bir necha yuvishdan keyin rangi o'chadi.

3️⃣ Suvga kirishishi

Ba'zi matolar suvga kirgach kichrayadi. Ayniqsa buni paxtali poplinlarda kuzatish mumkin. Tizzadan pastda turgan ko'ylak bir yuvilgach tunikaga aylanib qoladi.

Bunday suvga kirishadigan matolarni ortiqcha zaxira bilan olib, tikishdan avval yuvish zarur. Va albatta tikayotganda ham keyingi yuvilishda yana oz-moz kichrayishini hisobga olib, sal kengroq tikish kerak bo'ladi.

Bozordan/Do'kondan arzonroq narsa olganim yaxshimasmi?

Yuqoridagi chegirmalardan maqsad "nakrutka" emas. Minglab odamlarga eng arzon martolardan, sifati "sotilsa bo'ldi" mahsulot chiqarishni istamaymiz. Yuqori sifat, individual xizmat va qulaylikni qadrlovchi hamfikr mijozlar hamjamiyati yaralishi biz uchun muhimroq.

Mahsulotlarni bozordagisi bilan solishtirganda birinchi o'rinda mato sifati va libos egningizda qanday turishini hisobga oling. Bozorga chiqariladigan mahsulotning sotuvi va foydasini maksimallashtirish uchun imkon qadar arzon matolar va arzonroq ish kuchi yordamida tikiladi. Natijada kiyimning choklari doim ham tekis bo'lmaydi, mato bir-ikki yuvilgandan keyin rangi va shaklini yo'qotadi.

Chindan sifatli matodan tikilgan buyumlar esa bir necha baravar qimmatiga sotiladi. Aytaylik, do'konda "bu italyanskiy/tureckiy/koreyskiy" deb, 1 millionga taklif qilingan narsani ancha arzonroqqa tiktirish mumkin. Matosini aytaylik 200 mingga olasiz, 200 mingga tiktirasiz. Ham arzonroq, ham chiroyliroq libosni qo'lga kiritasiz, chunki:

Mass-market mahsulotlar standart qomatga moslab tikiladi. Shu sababli ham Zaradan olingan ko'ylak sizning egningizda boshqacha, Ispaniya qirolichasining egnida boshqacha turadi. Ha, Ispaniya qirolichasi chindan ham Zara ko'ylaklarini kiyib turadi.

Qirolicha va boshqa mashhurlarning siri shunchaki olingan tayyor mahsulotni o'z qomatiga moslashida. Shunday ekan vaqt va kuchingizni ko'ylak izlashga sarflamasdan, o'zingizga mos sifatli narsani tiktirib, uzoq muddat kiyganingiz foydaliroq emasmi?

#discounts

Sizdan ugina, bizdan bugina

Endi qamrovni kengaytirish kerak va bunda sizning yordamingiz zarur. Bepulga emas, albatta❤️

Studiomizni o'z kanal va guruhlarida tavsiya qilganlarga chegirmali narxda xizmat ko'rsatiladi. Kanal yoki guruh a'zolarining soniga qarab quyidagi chegirmalarga ega bo'lasiz:

A'zolar soni:
50 kishidan ortiq - 10%
100 kishidan ortiq - 15%
200 kishidan ortiq - 20%
400 kishidan ortiq - 25%
500 kishidan ortiq - 30%
1000 kishidan ortiq - 40%

Chegirma tayyor mahsulotni sotib olish yoki tikish xizmatiga amal qiladi. Chegirmalar keyingi 1 oyda chiqariladigan barcha modellarga qo'llanadi. Ya'ni hozir kanalni tavsiya qilib, keyingi 1 oy ichida o'zingizga yoqqan 1 ta tayyor mahsulot yoki buyurtmani chegirmali narxda olasiz.

Bundan tashqari, 1 tadan ortiq buyurtma berilganda ham xizmat narxiga qarab, muayyan chegirmalar taqdim etiladi. Masalan, o'zingiz uchun oddiy kundalik ko'ylak, dugonangiz uchun yubka tiktirishga buyurtma bersangiz, ikkingiz ham muayyan chegirmani qo'lga kiritasiz. Bu hozir ishlab chiqilayotgan Loyalty (sadoqat) dasturimizning bir qismi.

#tayyor_mahsulotlar

Yaqinda bir talaba mijozimiz yungli matodan uzun yubka tiktirdi. Hijobli ekan, futbolka ustidan keng ko'ylak (rubashka) kiygandi, yubka biram chiroyli turdi. "Geeky student" (botan) obrazi chiqdi.

Matoni ko'proq olgandik. Qolganini ham o'sha uslubda yubka qilib qo'ya qoldik. Odatda ortiqcha matolarni tashlab yubormaymiz. Eng oxirgi qoldiqdan 9-10 yoshli qizaloqlarga mos yubka chiqdi.

Katta yubka narxi: 120 ming soʻm
Yungli mato (шерсть) tikilgan.
Bel qismi rezinkali.
Oʻlcham: 46-48
Uzunligi: 110 cm

Kichik yubka narxi: 50 ming soʻm
Uzunligi: 58 cm
Oʻlcham: 9-10 yoshga mos keladi

Mahsulotlarni Yandeks kuryer orqali yetkazib berishimiz mumkin.
Buyurtma uchun: +998990883763