صَباحُ الخَيرِ؛

"لا تَقنَطَنَّ مِنَ النَجاحِ لِعَثرَةٍ
ما لا ينالُ اليَومَ يُدرَكُ في غَدِ"

استشهد هنية، واستشهد العاروري، واستشهد رائد العطار، واستشهد أحمد ياسين.. عُدّوا ولن تُحصوا.
أجلٌ مكتوب، هكذا عرفنا الحياة؛ يموت الناس لآجالهم، ويُستشهد السادةُ لآجالهم.

بعد ياسين ألف ياسين، ويخلُف إسماعيل ألف إسماعيل، المعنى قائم، والروح واحدة، والقالب ثابت، فلتتعاقب الأسماء والوجوه كيف شاء الله لها أن تتعاقب، متى كان النصر بوجهٍ أو باسم!

لكن صديقي، أين أنت من المشهد؟ انظر موطئ قدمك. من شاء فليهِن، ومن شاء فليقعد، لكن الذي قام وقاوم هو لا غيره إرثُ إسماعيل! رحم الله هنية، وبث فينا روحه!

{والله متم نوره ولو كره الكافرون}
{ويأبى الله إلا أن يتم نوره ولو كره الكافرون}
{والله غالبٌ على أمره ولكن أكثر الناس لا يعلمون}.

ازاي نستعد لتالتة ثانوي صح؟?*?***

بما إن اغلبنا بدأ او هيبدأ دروس قريب دي شوية نصايح حابة افكركم و أفكر نفسي بيها

● لا إفراط و لا تفريط ⚖
سنة مهمة و كل حاجة بس متستحقش تاخد من صحتكم و توتر و تعب أعصاب من بدري كده
كنا بناخد نفس المواد ف أولي و تانية عادي جدا مفيش جديد اعملوا الي عليكم منغير ضغط و متبدأوش جامد من بدري عشان متخلصوش طاقتكم بدري.
و فنفس الوقت ميبقاش تفريط و أكبر دماغي
او ابقي معتمد اني هلم نفسي فالاخر بلاش الزنقة دي
و مبقاش معتمد إني هغش مثلا اتقوا الله ولا إني داخل كلية خاصة ف مش فارق المجموع {و قل اعملوا فسيري الله عملكم} {إنّا لا نضيع أجر من أحسن عملاً}

● هات ورقة و قلم ?
اكتب اهدافك من السنة دي و عايزين توصلوا لايه من خلال السنة؟ بتذاكروا ليه؟ و اكتبوا نوايا و حاجات تشجعكم، كل ما تتعبوا ارجعوا للورقة دي

● تظبيط النوم ?
هنيجي ف فترة الامتحانات نبقي محتاجين ان مخنا يكون شغال الصبح بدري، ف ليه نزنق نفسنا قبل الامتحان بأسبوع و لا اروح مطبق و ده غلط
نبدأ من اول السنة نظبط نومنا بالتدريج و نعمله اسلوب حياة
البركة كلها بتبقي فالصبح اصلا و هتنجز حاجات كتير

● اعمل نظام لمذاكرتك ?
جربوا طرق مختلفة للمذاكرة و حطوا روتين
و شوفوا مثلا هتراجعوا كل اسبوع ولا كل شهر ولا كل ما تخلصوا باب عشان المنهج طويل لازم يتراجع باستمرار و هكذا

هنا هتلاقي ازاي تستعمل الجداول و الروتين في تنظيم وقتك

و هنا طرق تلخيص الدروس

● المدرس الي مترتاحش معاه سيبه
متضغطوش علي نفسكم تكملوا ف درس لمجرد إن كل الناس بتاخد معاه لأن الناس آرائها مختلفة
لو انت مش فاهم منه كويس او المكان مش مريح هتبقي بتضيع وقتك و تضر نفسك بس
شوف مدرسين غيره او جرب الاونلاين لحد ما تلاقي احسن حد بيديك الاستفادة المطلوبة

● خصصوا يوم فالاسبوع للراحة ?‍♀
علي الاقل فأول كام شهر يوم واحد متذاكروش فيه و انزلوا اعملوا رياضة عشان تحسنوا مزاجكم، اخرجوا مع اصحابكم او اقعدوا مع عيلتكم.. اعملوا اى حاجة بتحبوها تخليكم جاهزين لأسبوع جديد

● اخيرا متنسوش الحل الكتير ?
مش فترة الامتحانات بس، ثانوية عامة حل كتير ف متنسوش تحلوا كل تدريبات الدروس و الاختبارات و متراكموهاش

#raneemdiary ❤️

والمراد هاهنا أن الجمع بين العلم الشرعي والثقافة المعاصرة عملة نادرة، وأهل هذا الجمع هم المؤهلون للتأثير العميق في هذا العصر بعد توفيق الله، وهم المؤهلون لتحقيق مراد الله بتحكيم الشريعة في مسائل المعرفة والعلوم المعاصرة، وتحرير مسائل العلوم الحديثة في ضوء الوحي، ويجب أن نعترف أنها مهمة شاقة وتحتاج لملكات خاصة من أهمها سرعة الإدراك، وهي أخص من مطلق الفهم، وتأمل سرعة الإدراك فيما يرويه ابن عبد الهادي عن شيخه ابن تيمية : (وقرأ أياما في العربية على ابن عبد القوى ثم فهمها و أخذ يتأمل كتاب سيبويه حتي فهمه).

#بين_دفتى_كتاب
مسلكيات ?

فوائد من لقاء مشكلة الفتيات و الاجازة الصيفية
د. عبدالرحمن ذاكر الهاشمي

الأنثي إذا فرغت تبدأ عندها الذاكرة الانفعالية
ف تريد ان تنغمس مع المشاعر و بالتالي تتجه للموسيقى، الأفلام الي آخره
و تنشط مراكز اللغة بالتالي الشات و مواقع التواصل

الإشكال أن كل هذا لا يبني شخصية قوية بل أنثي حالمة.
المسلمة القوية التي يريدها الله أن تكون أمة له لا لشهوة ولا علامات تجارية..
تنتظر الإجازة الصيفية لأنها لديها حفظا تريد إتمامه، دورة تدريبية تريد حضورها، كتب تريد قرأتها، رياضة تمارسها...
المؤمنة هي التي تعلم أن الأصل في أغلب أوقاتها النفع.

من العوائق الي تعيق الفتيات أن تكون هكذا
• أنها لم تعتد أن يقول لها احد أن الحياة جد و أن الجد لا يعني النكد
• لم تعتد علي قضية من أنا و لم أنا

الحل:
• التعود أن هناك أعمال من أقل القليل
الصلاة علي وقتها، ورد قرآن، ورد قراءة..
• ثم النوادي و إن لم توجد أماكن آمنة:
تتجمع العائلات و تمارس الفتيات أنشطة مختلفة.
• وجود أهداف واضحة للاجازة:
تحديد كتاب للقراءة، سورة للحفظ، هواية للممارسة، دورة للالتحاق بها، زيارة الأقارب

●يجب تقييد استخدام الهاتف بوقت و محتوى مناسب
● اشتراك الأهالي مع الأبناء في نشاط معين ولو مرة فالاسبوع
و الصبر علي رفض الأبناء و التحبب لهم

من أسئلة اللقاء:

☆ كيف ننفذ هذا مع الأبناء و قد تعودوا علي الهواتف؟
= بسحب الهاتف بالتدريج و إشغالهم

☆ ابنتي ترفض الاشتراك فالنادي ماذا أفعل؟
= الصبر و تحبيب الأمر لها و ربما إيجاد صديقات تشجعنها
و إن رفضت عدم الوصول للشجار و لكن اسحبي الهاتف و قولي لها أن تدبر نفسها و أنها يجب أن تفعل شيئا مفيدا فالحياة.

☆ ما علاقة الهاتف بالهشاشة الاجتماعية ؟
أنه عالم وهم، بحث سريع و رد سريع
فيسرع رتم الحياة و تصبح غير قادر ع الانتظار او التعامل مع بطء الأشخاص

☆ كتب تنصح بها؟
= ادخلوا علي قناة مكاني و ابحثوا عن #كتاب

☆ انا فتاة جامعية مشتتة لا أعرف من أين ابدأ
= راجعي محاضرة تسديد الهدف او مجالس كيف أعقل

https://www.youtube.com/live/H7mLpilPd-w?si=j9k0rJ2fLaF40HRp
#raneemdiary ❤️

فالحكمة ليست أن تسعى بشكل أعمى ودؤوب لتحقيق كل إمكاناتك أياً كانت، ليست أن تجتهد لتكون كل الذي يمكنك أن تكونه في الحياة، فالاحتمالات لا نهائية والخيارات ممكنة، إنما الحكمة أن تتوقف وتحدد عن بينة وبصيرة ووعي ما هي الجوانب التي تستحق أن تعمل على بلوغها وتحقيقها من إمكاناتك تلك".
أم خالد_ مراجعة وتعليق: تسنيم راجح✨
اعترافات نسوية سابقة ?****

اللهم ارزقنا الحكمة ?

MINDFUL LIVING ?‍♀
ازاي تعيش حياة هادية بسيطة و سعيدة!

☆ بكل بساطة فكرة ال MINDFULNESS او اليقظة
إنك تستدعي شوية بطء و استمتاع و وعي لحياتك
و تقدر تعمل ده بشوية عادات و أفكار بسيطة:

☆ من أول ما تصحي ?:
● ادي نفسك وقت تصحي بهدوء و تاخد نفس عميق
● متمسكش الموبايل أول ما تصحي، اعمل روتينك الأول
● افتح الستاير عشان تدخل شمس و ابتسم
● و انت بتمارس روتينك الصباحي متستعجلش
استوعب كل حركة انت بتعملها و قدّر نعمتها

☆ اثناء الأكل ?:
● اعمل الأكل بهدوء اتفرج علي الألوان و استمتع بالروايح
● امضغ ببطء و حس بطعم الأكل

● مارسوا الامتنان
اكتبوا كل يوم حاجة ممتنين لوجودها فحياتكم و احمدوا ربنا

● اقعدوا مع أهلكم و أصحابكم بجد
اسمعوهم بتركيز.. اعملوا حاجة بتحبوها سوا
و اقضوا quality time

☆ أثناء الشغل/المذاكرة...?‍?:
● قدروا نعمة إن عندكم شغل أو إنكم قادرين تتعلموا.. فيه ناس مش قادرة تدخل مدارس ولا لاقية شغل
● اعملوا مهمة واحدة بتركيز بلاش تعدد المهام
● كل فترة خدوا بريك حقيقي يشحن طاقتكم:
ممكن تعملوا رياضة بسيطة/ تاكلوا وجبة خفيفة/ تعملوا تمرين تنفس عميق او بس تقعدوا تلاحظوا مشاعركم

● خصصوا وقت لنفسكم تعملوا فيه حاجة بتحبوها
• خدوا دش رايق منغير استعجال و تفكير
• مارسوا هواية بمزاج
• اقرأوا كتاب بهدوء
• اشربوا مشروب بتحبوه منغير دوشة حواليكم

☆ في أخر اليوم:
● التدوين
اكتبوا مشاعركم فى اخر اليوم، ايه أبرز احداث اليوم، ناويين تعملوا ايه بكرة.
● اعملوا روتين هادئ لما قبل النوم?:
• عناية بسيطة بالبشرة
• تظبيط درجة حرارة الأوضة
• قفل الأنوار
• تنفس عميق يساعد علي الدخول فالنوم

#raneemdiary ❤️

ازاي تطلع من حالة الركود؟ أو بالأصح زون المرقعة!

• أحيانا بنبقي متحمسين و خططنا ماشية زي ما رسمناها و مودنا مظبوط، بس أحيانا تانية بنحس ان معندناش طاقة نعمل حاجة و دايما ف حالة كسل و ملل.
و أنا زيكم كل فترة بحس ان مليش نفس اعمل حاجة بس بعدين ببدأ استرجع نفسي بالطرق الي هقولها لكم دي?:

1_ بلاش جلد ذات ?‍?
الدنيا مش علي وتيرة واحدة و انت مش روبوت
أحيانا بيبقي فعلا كل الي محتاج تعمله هو الراحة
ارتاح يوم يومين و متعملش أى حاجة بس أهم حاجة متضحكش علي نفسك و تاخد علي الراحة دي
و ترجع لما تحس إن كفاية كده

2_ متحطش توقعات مثالية و خطط مبالغ فيها
أحيانا أهدافنا هي الي بتعطلنا بسبب إنها مش متناسبة مع قدرتنا الحقيقية و ظروفنا

قسم الهدف لخطوات واضحة و صغيرة عشان متكسلش تبدأ
و اعمل روتين مناسب ليك و لأهدافك

3_ دور علي الإلهام ?
أحيانا فعلا مبيبقاش عندنا دافع او أفكار، مفيش مشكلة ندور عليهم علي بنترست مثلا
او نتفرج علي ناس بتنزل روتينها او فيديوهات تخطيط أو ازاي نحقق الهدف الي فدماغنا ف نتشجع

4_ اعمل تغيير ملحوظ في محيطك ?
نضف الأوضة، ارمي الكراكيب، رتب أدواتك بشكل مختلف
امسح الحاجات الي مش مهمة في تليفونك
و امسحوا أى حد علي السوشيال ميديا مش بيضيف لكم جديد

5_ ابعدوا عن التليفون شوية
اطفوا النت و امسكوا ورقة و قلم، راجعوا اهدافكم ايه اتحقق ايه لسه محتاج شغل؟ ممكن تعمل ايه عشان تكمل؟.. حاسس بايه و إزاى ممكن تطلع من حالة اللاشئ دي

6_ ارجع اعمل حاجة بتحبها و بتديك طاقة?
الرياضة.. الكلام مع حد بتحبه.. أكلة بتحبها
هواية بتظبط مزاجك.. التنفس العميق.. النوم كويس...

8_ اكتب مهامك من بليل عشان تصحي عارف هتعمل ايه و بس أبدأ!
استعمل قاعدة الخمس ثواني: 1 2 3 4 5 و هقوم!
مجرد ما تبدأ بتحس ان الحاجات بتجيب بعضها
و هتغوص ف المهمة و تخلصها منغير ما تحس

و بس كده شير ولايك للبوست
#raneemdiary ❤️

المرونة النفسية تنمو تدريجياً:

ظهرت الهشاشة النفسية بين جيل المراهقين لأسباب كثيرة، من أهمها: عدم تحمل هذا الجيل للمسوؤليات منذ صغره، حتى في أبسط الأمور، وتعوده الدائم على الاعتماد على غيره في إنجاز أهدافه، أو مذاكرة دروسه، أو إنهاء مشاغله.

وهذا الانفكاك الكامل بين خبرة الشاب أو الفتاة وبين الحياة الحقيقية تجعله أكثر دلالًا، وأكثر انهزامًا أمام الضغوط!

ولذا يقول نسیم طالب: (كما أن قضاء شهر كامل في السَّرير يؤدي إلى الضمور العضلي، فكذلك الأنظمة المعقدة تضعف، وأحيانًا تموت بالكامل عندما تخلو من الضغوطات، هذه هي مأساة الحداثة، كما هي مأساة الآباء المفرطين في الدلال، أولئك الذين يحاولون مساعدتنا هم أكثر الناس في الغالب الذين يؤذوننا!).

#بين_دفتى_كتاب
الهشاشة النفسية ❄️?

بعد العيد جه خلاص و زمانك مش عارف تلم المنهج منين ولا منين?

احب افكرك بأبسط طريقة و الي بعملها انا ف تجهيز جدول المراجعة:

● اعمل لستة بكل المواد الي عليك
● شوف كل مادة فيها كام باب (وحدة او فصل..)
● شوف فاضلك كام علي الامتحانات و عايز تراجع مرة و لا مرتين حسب الوقت و المحتوي

● مثلا لو مجموع الأبواب في منهجك 20
و قدامك 20 يوم علي الامتحانات يبقي بسيطة كل يوم باب و كل يوم مادة مختلفة

او قدامك 10 ايام كل يوم باب من مادة و باب من مادة تانية و يفضل يبقوا مادتين مختلفتين مش نفس الفرع عشان متزهقش او تتلخبط

● هتقعد بقي لو فيه محاضرة مراجعة هتسمعها
بعدين تقرأ الدروس و تحفظ الي فيها
● اعمل خريطة ذهنية او ملخص لكل درس فيه أهم القوانين/ القواعد/ النقاط الي بتنساها
عشان تبقي مرجع لك ليلة الامتحان
● عدي علي اسئلة الدرس "الي المفروض محلولة من بدري"
شوف الأسئلة الي كنت غلطان فيها و حلها تاني
● و ابتدي حل شامل من بدري و متسيبش نموذج
" بالذات الثانوية الحل أهم من أى حاجة تانية"

● و متنساش تظبط نومك عشان ده هيفرق ف تركيزك

#العودة_للمدارس
#raneemdiary ❤️