Այսօր Սբ. Աստվածածնի ծննդյան տոնն է.
Աղաչենք Սբ. Կույսին, որ առաջնորդի մեզ փրկության ճանապարհով և իբրև մեր Տիրոջ՝ Հիսուս Քրիստոսի մայր, Նրա առաջ բարեխոսի մեր ազգի, եկեղեցու, մեր բանակի և թշնամու բանտերում տառապող մեր գերիների ու պատանդների համար:

«Անտարեսը» պարզաբանում ա, որ Մայրենիի 3-րդ դասարանի դասագրքի կազմի վրա ՀՀ դրոշը միտումնավոր չի այրվում, այլ տեխնիկական սխալ ա եղել տպագրության ժամանակ։ Հետևի մասում պատկերված կրակը միամիտ տպագրվել ա դիմացի դրոշի վրա։
Նման պարզաբանում լսելուց հետո ցանկացած բանական մարդու մոտ երեք հարց ա
առաջանում՝
1. Եթե տպագրական սխալը ընդունում եք, ինչու հետ չեք կանչել տպաքանակը և ուղղել՞: Ինչու եք նման տեսքով դասագիրք փոխանցել գրախանութներ՞:
2. Մայրենիի կազմի ետնամասում կրակ եք պատկերել, որ ինչ՞: Ինչ խորը էսթետիկ և իմաստային լուծում ա դա դասագրքի դիզայնի մեջ՞:
3. Դուք տպագրությունը ու դիզայնը տապալել եք, մեր վրա որպես ինչ եք մունաթ գալիս՞: Էդ պարզաբանումը անողի կադրից դուրս ձայնը նենց ա, ոնց որ մենք իրան ինչ-որ բան ենք պարտք բոլոր դպրոցականների ծնողներով։ Ընկերուհի, մի հատ տոնդ փոխի, LAV JAN? Anzhela Elibegova

Փաշինյանական ստերի ու մանիպուլյացիաների մասին կարելի է հատորյակներ գրել, դրանում համոզվել ենք մի քանի հարյուր անգամ, երբ նա փորձում է իր սուտն անցկացնել բացարձակ ճշմարտության փոխարեն։ Լինելով գեբելսյան դպրոցի դասական ներկայացուցիչ՝ Նիկոլն ամեն ինչ անում է, որ առաջին հերթին ինքը հավատա իր ստին, որպեսզի դիմացինին համոզելն ավելի դյուրին լինի։ Ի դեպ, նա դա անում է ինքնամոռաց ոգևորությամբ ու մի առանձին էնտուզիազմով։ Այս շարքում իր առանցքային դերն ունի Արցախի հետ կապված նրա հազրավոր «կռուտիտները», որտեղ նա Արցախի հանձնման հարցում մեղավորներ է նշանակում, այնինչ, աներկբա ու անքննելի է, որ այս հարցում թիվ մեկ պատասխանատուն ու մեղավորը հենց Նիկոլն է։
Օրերս հարցազրույցներից մեկում Արցախի ԱԺ նախկին նախագահ Աշոտ Ղուլյանը նշել է․ «ովքեր խոսում են Արցախի հանձնման մասին, շատ փայլուն տեղյակ են, որ վերջին շրջանում, եղել են մի շարք քննարկումներ, որոնց ես նույնպես մասնակցել եմ ու վստահ եմ, որ այն ինչ ձեռնարկվել է Արցախի գործող իշխանությունների կողմից՝ մասնավորապես Արայիկ Հարությունյանի կողմից, ամբողջությամբ ՀՀ իշխանությունները և առաջին հերթին Փաշինյանը, տեղյակ են եղել, որովհետև հարաբերությունների մակարդակը այդ ժամանակշրջանում եղել էր այնպիսին, որ ոչ մի բան առանց ՀՀ իշխանությունների չէր կատարվում»։
Ղուլյանի հնչեցրած մտքից պարզ է դառնում, որ, այն, ինչ տեղի ունեցավ Արցախում 2023-ի սեպտեմբերին, նախապես գծած ու մշակած ծրագիր էր․ Նիկոլ Փաշինյանն ու Արայիկ Հարությունյանը, հասկանալով, որ այլևս անհնար է որևէ կերպ հարցը լուծել, փորձել են այն «գցել» ընդդիմության գրպանը, որպեսզի հետագայում Փաշինյանն ԱԺ ամբիոնից կոկորդ պատռի ու մատ թափ տա, թե՝ «դե պահող էիք պահե՞իք, ոչ թե փախնեիք Ղարաբաղից» կամ «որ պալատական հեղաշրջում տեղի ունեցավ ՀՀ հայտնի շրջանակների կողմից, բոլորդ ոգևորված ծափ էիք տալիս»։ Ստացվում է, որ Նիկոլի քավորությամբ է Արայիկը հրաժարական տավել, դե իսկ թե ինչ տեղի ունեցավ հետո, տեսանք բոլորս։
Հայտնի խոսք կա չէ, որ 40 օրվա մեջ, ամեն ինչ ջրի երես է դուրս գալիս․ էդ 40-օրյակն, իհարկե պայմանական ժամկետ է, բուն տրամաբանությունն այն է, որ ուշ թե շուտ ամեն ինչ ջրի երես է դուրս գալու ու զտվելու, թե ո՞վ, ի՞նչ է արել, ի՞նչ կեցվածք ընդունել, էնպես որ, էս մի ֆեյք օրակարգդ էլ գմփաց։ Armen Hovasapyan

Բաքվի բանտերում գտնվող Արցախի նախկին ռազմաքաղաքական ղեկավարների նկատմամբ փաշինյանական ատելությունն իր պատճառներն ունի:

Նախ բանտում գտնվողների հետևից այլանդակ բառապաշար բաց թողողն ինքնին իր ներքին վախերի և չմարդու տեսակի էությունն է բացահայտում` լավ իմանալով, որ այդ մարդիկ իրեն արձագանքելու հնարավորություն չունեն:

Երկրորդ, պետականության պաշտպանության դիրքերից հանդես եկած կամ եկող ցանկացած մարդ` ակտիվ քաղաքացուց, զինվորականից մինչև պետական գործիչ, փաշինյանական իշխանության համար թշնամի է:

Մեր բոլոր գերիների, ռազմագերիների` Բաքվի բանտերում գտնվելու առաջին մեղավորն ու պատասխանատուն անձամբ Փաշինյանն է, ում բանակցային տապալումների հետևանքով ոչ միայն Արցախը հանձնվեց, ՀՀ առանցքային տարածքները հայտնվեցին ադրբեջանական օկուպացիայի տակ, այլ հազարավոր մարդիկ զոհվեցին, վիրավորվեցին, իսկ շատերն էլ տևական ժամանակ բանտային դժոխային կյանքով անցան:

Փաշինյանի իրական Հայաստանի կոնցեպտը` ծնկի եկած, հանձնված և հպատակված Հայաստանն է:
Տիգրան Աբրահամյան

*‼ Արցախից բռնի տեղահանված Երվանդ Աղաբալյանը կալանավորվեց մեկ ամիս ժամկետով. փաստաբան*
Աղաբալյանը հունիսի 12-ին դատարկ պլաստմասե շիշ նետելու պատճառով մեղադրվում է խուլիգանության մեջ։

Երվանդը երկու մանկահասակ (1 և 4 տարեկան) երեխաների հայր է, արցախյան վերջին 3 պատերազմների ակտիվ մասնակից։

«ՀՀ ազգային անվտանգության ծառայությունը առավել ակտիվ արցախցիներին հրավիրում է ծառայության շենք և տեղում հորդորում, իսկ ոմանց՝ նաև պահանջում ընդհանրապես չմասնակցել Հայաստանում կազմակերպվող հավաքներին»,- այս մասին հայտնում է արցախցի փաստաբան Ռոման Երիցյանը:

Ընդ որում, ինչպես նշել է փաստաբանը, նախապես կանչի նպատակը չեն պարզաբանում, խնդրում են ներկայանալ առանց փաստաբանի, տեղում պահանջում հանձնել հեռախոսները, իսկ խոսակցությունն էլ պահել գաղտնի։

Հաթերքի գյուղապետին գցել են գետնին, երեք երեխաներին թողել մեքենայի մեջ ու տարել. Ռուբեն Մելիքյան

2024-ի մայիսի 31-ի դրությամբ կենսաթոշակ է ստանում Արցախից բռնի տեղահանված ավելի քան 26 հազար անձ
2023 թվականի հոկտեմբերից Արցախից բռնի տեղահանվածների համար սահմանվեց կենսաթոշակների և նպաստների նշանակման պարզեցված կարգ:

Ըստ այդմ՝ 2024 թվականի մայիսի 31-ի դրությամբ հաշվառվել և կենսաթոշակ են ստանում ավելի քան 26 հազար կենսաթոշակառուներ, իսկ 2023 թվականի դեկտեմբերի վերջի դրությամբ վճարված կենսաթոշակների հանրագումարը կազմել է 2,5 մլրդ դրամ: Ներկայումս կենսաթոշակների գծով ամսական միջին բյուջետային ծախսը կազմում է 2 մլրդ դրամ: Այդ մասին Ազգային ժողովում ՀՀ պետական բյուջեի կատարման տարեկան հաշվետվության քննարկման ժամանակ ասաց ՀՀ փոխվարչապետ Տիգրան Խաչատրյանը:

Փոխվարչապետը ներկայացրեց նաև մեկ տվյալ, որն ուղղակիորեն կապված չէ 2023 թվականի պետբյուջեի կատարման հետ, բայց, կարծում է, արժանի է հիշատակման: Դա վերաբերում է ԼՂ-ից բռնի տեղահանված մեր հայրենակիցների՝ Հայաստանում աշխատանք գտածների վիճակագրությունը:

«ՊԵԿ-ի տվյալներով՝ 2024-ի մայիսի 31-ի դրությամբ գործատուների մոտ աշխատանք գտած մեր հայրենակիցների թիվը կազմում է մոտ 17 հազար մարդ, իսկ հաշվառված անհատ ձեռնարկատերերի քանակը գերազանցում է 1000-ը»,- ասաց նա:

Այսօր ծնվել է ձերբակալված Մեսրոպ Եսայանի երրորդ բալիկը, իսկ Քննչական կոմիտեն միջնորդել է նրան կալանավորել։

Իմ խորին համոզմամբ՝ հանրային բարոկայանությունն օրենքից բարձր է։

Իրավապաշտպան Ռուբեն Մելիքյան