عيدكم مبارك أصدقائي تقبل الله منا و منكم صالح الأعمال ?

خلاص رمضان و جاء العيد ? ?،، يا رب رمضان القادم نلقاكم كامل في تخصصات و جامعات أحلامكم ?
استغلو فرحة و أجواء العيد ? ، زوروا أقاربكم ، كولو الحلويات ، اخرجو مع أصدقاءكم … استغلو كل ثانية في العيد لأنها رح ترجع ذكريات بزاف حلوة ??.
ماعرفتش نعبر مليح بصح صدقوني العيد عام الباكالوريا غييير ???

مادة العلوم الفيزيائية ☢️:

*⚠️ -حاليا حذاري حذاري حذاري حذاري من إهمال النقائص و الأخطاء لي وقعتو فيها خلال الفصلين السابقين ، يالوكان قريت وحدتين فقط ?*‼️.
( سواء كنت ماتعرفش نكتب معادلة التفاعل حمض أساس ، ماتعرفش تكتب المعادلة التفاضلية للسقوط الحر ، ماتعرفش تحسب زمن سقوط القذيفة ، ماتعرفش تدير معادلة انحفاظ الطاقة … ) الخ ، واش راك تستنى … أعتقد ماكانش حاجة تمنعك أو تعرقلك طريقك .**

- بما أنو لقيت بزاف منكم مازال حاصل مع الميكانيك ، رح نشارككم هذه اليلية خطة التربص المغلق في المادة ، 7 أيام تكون مخلص هذه الوحدة ، و تبدا تحل في الأفكار الجديدة .
- شوفو : أي واحد يلقى صعوبة أو نقائص كبيييرة في الوحدة يروح يقرا الوحدة لي بعد هذه الوحدة ،، مثلا لقيت الميكانيك صعيبة بزاف ؟ اقرا الكهرباء عادي ، مثلا راك حابس في الاحماض و الأسس ، ادخل للنووي عادي بشرط في نفس الوقت لازم تقرا الميكانيك أو الأحماض و الاسس … الخ و هذه حاجة مش مستحيلة و مش رح تتخلط بإذن الله ،، مادام راكم طلاب الجامعة المستقبليين ( بإذن الله ) لازم تبداو تعودو أنفسكم كيفاش تقراو أكثر من حاجة في وقت وجيز ✅.

⭐️- بالنسبة للجزء الأول سهل جدّا عبارة عن دروس العلوم لي موالفين بيها ،، تسما تحتاج فهم قليل و حفظ كثير ، باش تعرفو تبنو النصوص العلمية على أكمل وجه ( غالبا في هذا الجزء تكون فيه بزاف تمارين حول استرجاع المعارف و المكتسبات )
?- أما الجزء الثاني يحتاج فهم من الدرجة الأولى و تنظيم من الدرجة الثانية لانو رح تحسو بلي كاين بزاف معلومات و الحالة مخلطة ،، تسما لازم تفرزو رواحكم بالعقل و كل ما تخلصو عنوان تديرو نص علمي خاص بيه ، باش تراجعوه و تدخل المعلومات في راسكم بسهولة ( بِمعنى أنو الحفظ يكون ساهل )

- المرحلة الكيموضوئية : ارسموا جميع الرسومات الممكنة باش تدخل المعلومات لراسكم بسهولة و ماتشناوهمش لانو كاين معلومات بزاااااااف ?.
- المرحلة الكيموحيوية تحتاج منكم الصبر ثم الصبر : حاولو ترسمو حلقة كالفن اكثر من مرة باش تحفظوها
- في المرحلة الكيموحيوية ننصحكم تراجعوها عن طريق الكتابة ( طريقتي هذا العام في مادة biochimie ) ،، لانو صدقوني اذا تخلطتو في حاجة راح كلش .

1️⃣- المصدر المعتمد :

‼️ | الاستاذ كتفي شريف زينة - الاستاذ كتفي شريف زينة - الاستاذ كتفي شريف زينة - الاستاذ كتفي شريف زينة - الاستاذ كتفي شريف زينة
( اكثر وحدة تستاهل تشوفو فيديوهاتها صدقوني صدقوني صدقوني مستحيل تخرج من الوحدة بدون فهم ، شرحها بزااااااف هايل ،، لانو في فيديوهاتها مشات بوحد الطريقة مانقدرش نوصفها جدّ منظمة ، استغلال منهجي للوثائق ، شرح افكار التمارين المتنوعة ، شرح وثائق الكتاب غير المفهومة .
و في الاخير حطتلنا مجموعة من الوثائق لي شرحت بيهم ( دوك نحطلكم كلش )

2️⃣ - التمارين قلتلكم مادرتش بزاف تسما ماعنديش مصدر بصح رح نشارككم مصادر خارجية تاع العام لي فات ( عقبة بن نافع )

وحدة التركيب الضوئي ?:
- بدون مقدمات بدون أي حاجة ( سبق و حكيتلكم تجربتي معها ) ،، اذا خلصتو الوحدات الخمسة من المجال الأول اجرو تقراو هذه الوحدة لانو حرفيا تحتاج جهد و تركيز و خلايا عصبية مصحصحة ، و فيها بزااف معلومات و أفكار و حفظ .
- اكبر خطأ تديره أنك تخلي هذه الوحدات للأسابيع الاخيرة قبل الباكالوريا حذاااااري ⚠️ .

اولا نقدرو نقسمو الوحدة الى قسمين :
*1️⃣ قسم كل ما يتعلق بالخلية النباتية ( cytologie ) :
- شدة التركيب الضوئي
- مقر التركيب الضوئي
*2️⃣- قسم كل ما يتعلق بالتفاعلات التي تحدث في الصانعة الخضراء ( biochimie )
- مراحل التركيب الضوئي ( المرحلة الكيمو ضوئية - كيموحيوية )
- العلاقة بين مرحلتي التركيب الضوئي**

لذلك رح نفتحلكم المجال باش تسقسوني في ‼️ المواد الأساسية فقط ‼️( علوم ، رياضيات ، فيزياء ) ⬇️
??- واش هي الحاجات لي تلقاو صعوبة فيها أثناء حل التمارين ؟ .
?? اكتبولي الاجابة بشكل دقيق ( مثلاً عوض ما تقولي راني نواجه صعوبة في حلّ تمارين وحدة الانزيمات ،، ??- واش يجيك صعيب بالضبط ،، كتابة الاستنتاج ؟ تأثير pH ؟ الطفرات ؟ كيفاش تصيغ الاجابة ) و بإذن الله مساء اليوم نحكمو كل وحدة و نشرحلكم كيفاش تتعاملو معها .

⚠️- ( من فضلكم سقسوني حول التمارين ،، ماشي حول الدروس ، لأنو الوحدات سبق و شرحت كيفاش تقراوها، المصادر ، الكتب … رح نفتح المجال لمدة 20 دقيقة ⏰ )

بما انو جميعكم بديتو تحلو التمارين بشكل مكثف في مختلف المواد العلمية و بديتو تطلو على المواضيع ،، هذا هو الوقت المناسب باش نشارككم " سلسلة التفوق ".
?? لي رح تتضمن نصائح في كل مادة و بالأخص طريقة التعامل مع الأسئلة و التمارين بشكل جدّ مفصل ، باش تضمنو اكبر عدد من النقاط بإذن الله ✅*? .*

لهذا دايما نصحتي الذهبية ليكم ? ، يا تلاميذ يا طلاب الجامعة المستقبلين ، يا أصدقاء ، يا رفقاء ، يا محمد و أحمد و إبراهيم و عبد الودود و حنان و إبتهال و مريم و فؤاد و إسلام و عبد الكريم و نور و أيمن ، و إلياس ، و ضياء و إيناس و أسماء …
⚠️- اجتنبو المشتتات قدر المستطاع ،، صاحبك يشتت عليك ؟ الانستجرام ؟ الفيسبوك ؟ التيكتوك ؟ قناتي على التيليجرام ؟ … أي حاجة تشتتك اجتنبها و صدقني أنت الرابح في النهاية ⛔️.

*2️⃣ - عطلة الفصل الأول ?? :
الفصل لي فات حذرتكم من هذه الاخطاء على رأسها الاهتمام بالدروس الخصوصية و اهمال الدراسة في البيت ،، و في الاخير لما سقسيتكم كيفاش استغليتو العطلة بزاف منكم ما تقدموش في الدروس و ماراجعوش مليح المواد لي كانو ناقصين فيها ،، مابداوش الفلسفة ، ما حفظوش الاجتماعيات … الخ
- المفروض راكم تعلمتو الدرس ، و ان شاء الله ما تزيدوش تغلطو نفس الاغلاط و كي تخلاص العطلة تبداو تندمو ، راني وصيتكم ✍?!*