🌞Ramazon tuhfasi🌞

БИЗНИ ТАШЛАБ КЕТМА, РАМАЗОН

Бисмиллоҳ... сўзимиз тилдами, дилда,
Ҳақни ёд этдикми ойдами, йилда?
Билмаймиз йўлимиз ўнгдами, сўлда...
Сен келдинг пок диллар бўлди чароғон,
Бизни ташлаб кетма, нажот Рамазон!

Либосимиз кибр, кўнгил ва тан кир,
Ёримиз шайтону коримиз жабр.
Аллоҳ йўлида ҳам жам бўлмадик бир...
Ёлвораман Ҳаққа ҳолимиз вайрон,
Бизни ташлаб кетма, нажот Рамазон!

Бозорлар тўла зар неъматлар — садаф,
Лекин ким бол тотар, ким эса алаф.
Ношукр бандалар қумурсқадай саф...
Нафсимиз сабрга ўргатдинг бир он,
Бизни ташлаб кетма, нажот Рамазон!

Бугун орамизда бинокор ҳам кўп,
Бегуноҳ гўдак ва гуноҳкор ҳам кўп.
Соқол қўйган ''така'' — зинокор ҳам кўп...
Мўминлик ҳаёси қилади исён,
Бизни ташлаб кетма, нажот Рамазон!

Ойдан тўкилмайди оҳлар дуосиз,
Дилдан тўкилмайди доғлар дуосиз.
Қалби тирилмайди соғлар дуосиз,
Кафтлардан тўкилган тилаклар уммон,
Бизни ташлаб кетма, нажот Рамазон!

Мўминга муборак тонглар бериб кет,
Нодон йиққан хато тошин териб кет.
Қалбда тошдек қот-у, ёғдай эриб кет,
Янаги йил сенга етайлик омон,
Биздан рози кетгил, нажот Рамазон!

✍️Лочин ЭЛМУҲАММАД
🌞💐🌞💐🌞💐🌞💐🌞💐🌞

🌞Ramazon tuhfasi🌞

BIZNI TASHLAB KETMA, RAMAZON

Bismilloh... soʻzimiz tildami, dilda,
Haqni yod etdikmi oydami, yilda?
Bilmaymiz yoʻlimiz oʻngdami, soʻlda...
Sen kelding pok dillar boʻldi charogʻon,
Bizni tashlab ketma, najot Ramazon!

Libosimiz kibr, koʻngil va tan kir,
Yorimiz shaytonu korimiz jabr.
Alloh yoʻlida ham jam boʻlmadik bir...
Yolvoraman Haqqa holimiz vayron,
Bizni tashlab ketma, najot Ramazon!

Bozorlar toʻla zar neʼmatlar — sadaf,
Lekin kim bol totar, kim esa alaf.
Noshukr bandalar qumursqaday saf...
Nafsimiz sabrga oʻrgatding bir on,
Bizni tashlab ketma, najot Ramazon!

Bugun oramizda binokor ham koʻp,
Begunoh goʻdak va gunohkor ham koʻp.
Soqol qoʻygan ''taka'' — zinokor ham koʻp...
Moʻminlik hayosi qiladi isyon,
Bizni tashlab ketma, najot Ramazon!

Oydan toʻkilmaydi ohlar duosiz,
Dildan toʻkilmaydi dogʻlar duosiz.
Qalbi tirilmaydi sogʻlar duosiz,
Kaftlardan toʻkilgan tilaklar ummon,
Bizni tashlab ketma, najot Ramazon!

Moʻminga muborak tonglar berib ket,
Nodon yiqqan xato toshin terib ket.
Qalbda toshdek qot-u, yogʻday erib ket,
Yanagi yil senga yetaylik omon,
Bizdan rozi ketgil, najot Ramazon!

✍️Lochin ELMUHAMMAD
🌞💐🌞💐🌞💐🌞💐🌞💐🌞
https://t.me/Lochin_ELMUHAMMAD_ijodi

Mohi Ramazon tuhfasi ...DADAMGA AYTING... Biz umid qilmasakda, xalq xizmatida paytimiz odamlar sanʼatimizdan minnatdorlik sifatida koʻngil tuhfasi oʻrnida kimdir gul, kimdir nimadir hadya etishardi... Lekin shunday kunlarning birida jajji bolakay kaftidek…

**Mohi Ramazon tuhfasi

...DADAMGA AYTING...

Biz umid qilmasakda, xalq xizmatida paytimiz odamlar sanʼatimizdan minnatdorlik sifatida koʻngil tuhfasi oʻrnida kimdir gul, kimdir nimadir hadya etishardi... Lekin shunday kunlarning birida jajji bolakay kaftidek qogʻozdagi eng katta “hadya”ni qoʻlimga tutdi. Qogʻozda bor-yoʻgʻi toʻrttagina soʻz yozilgan edi: “Uyimizga qaytsin, dadamga ayting!”
Bolakayning soʻzlaridan toʻlqinlanib ketdim-u koʻzyoshlarim ila qalamimni qoʻlga oldim. Ramazon tuhfasi sifatida bolakayning nomidan bitilgan satrlarimni uyidan ketib qolgan otalarga ilindim.**
Bir parcha qogʻozga tilagim yozdim,
Yoʻq, maktub yozmadim, yuragim yozdim.
Jajji bir armonim — ertagim yozdim,
Iltimosim, oʻqing, olamga ayting,
Uyimizga qaytsin, dadamga ayting!

Kimlarning uyida har kun toʻy boʻlar,
Koʻchasidan oʻtsam koʻnglim bir toʻlar...
Kimlarning uyida alamlar kular...
Diydalari qotgan odamga ayting,
Uyimizga qaytsin, dadamga ayting!

Kulishni unutgan ukamning koʻzi,
Qizgʻaldoqdek soʻlar singlimning yuzi.
Toshlarga toʻldiku onamning boʻgʻzi...
Oyoqyalang umr yoʻlimda dayding,
Uyimizga qaytsin, dadamga ayting!

Mehrsiz yashnagan yerni kim koʻrgan,
Otasiz ot mingan erni kim koʻrgan,
Jahonni titratgan sherni kim koʻrgan?!
Lek ulgʻayib qolar goʻdaklik payti...
Uyimizga qaytsin, dadamga ayting!

Rasmiga termilib qarab qolaman,
Onamga bildirmay yigʻlab olaman...
Bolasin yigʻlatmas OTA boʻlaman!
Ota-ona ekan yurakning bayti,
Uyimizga qaytsin, dadamga ayting!

Ot mindirib qoʻydi xudo zoʻrlarga,
Dunyoni talashgan dunyoxoʻrlarga.
Qarang, toʻlib ketdi koʻcha koʻrlarga...
Sinovlarda sinmang, shaytonga “hay” deng,
Uyimizga qaytsin, dadamga ayting!

Lochin aka, sizga savol havola:
Olam kularmikan, kulmasa bola?
Baland togʻ tik tursa soʻlmagay lola...
Haliyam kech emas, siz, “ortga qayt”, deng,
Uyimizga qaytsin, dadamga ayting!

✍️Lochin ELMUHAMMAD
31-mart 2024-yil

🇺🇿👇👇👇👇👇👇
https://t.me/Lochin_ELMUHAMMAD_ijodi

Моҳи Рамазон туҳфаси

...ДАДАМГА АЙТИНГ..

✍️Лочин ЭЛМУҲАММАД
🎤Lochin ELMUHAMMAD

Рамазон туҳфаси сифатида болакайнинг номидан битилган сатрларимни уйидан кетиб қолган оталарга илиндим.
ШЕЪР БИЛАН ИЖОДИЙ КАНАЛИМДА ТАНИШИНГ
🇺🇿☀🎁🤲🤲🤲👇👇👇
https://t.me/Lochin_ELMUHAMMAD_ijodi

Моҳи Рамазон туҳфаси

...ДАДАМГА АЙТИНГ...

  Биз умид қилмасакда, халқ хизматида пайтимиз одамлар санъатимиздан миннатдорлик сифатида кўнгил туҳфаси ўрнида кимдир гул, кимдир пул ҳадя этишарди... Лекин шундай кунларнинг бирида жажжи болакай кафтидек қоғоздаги энг катта “ҳадя”ни қўлимга тутди. Қоғозда бор-йўғи тўрттагина сўз ёзилган эди: “Уйимизга қайтсин, дадамга айтинг!”
Болакайнинг сўзларидан тўлқинланиб кетдим-у  кўзёшларим ила қаламимни қўлга олдим. Рамазон туҳфаси сифатида болакайнинг номидан битилган сатрларимни уйидан кетиб қолган оталарга илиндим.
ШЕЪР БИЛАН ИЖОДИЙ КАНАЛИМДА ТАНИШИНГ
🇺🇿☀🎁🤲🤲🤲👇👇👇
https://t.me/Lochin_ELMUHAMMAD_ijodi

Менинг табригим

ЁШЛАР ТЕЛЕКАНАЛИДА "ЁШЛАР ОВОЗИ" жонли эфирда ҚАШҚАДАРЁЛИК ТАНИҚЛИ ХОНАНДА УМРЗОҚ ҚУВВАТОВ иштирок этмоқда.
1-fevral 2024-yil
Soat 21-30

Саволлар учун https://t.me/yoshlar_tv ёзиб юборинг

https://t.me/Lochin_ELMUHAMMAD_ijodi

Лочинжон шоирни истеъдодини уюшма баҳоламайди, мухлислар баҳолайди. Мингдан ортиқ мухлисингизни биттаси менман. Ҳеч ким аъзолик билетингизни сўрамайди. Ёзганингизни, китобингизни сўрайди. Ҳали уюшмага аъзо бўласиз, худо хохласа. Ижод майдонида ўзини топган шоирсиз! Ўз йўлингиз, ўз услубингиз бор! Лочинбекни катта шоир бўлишига ишонаман!