Bayq

Navoiyda yashaganimda, juda yoshligimda, bizning mahalladoshlar oshiq yoki ma'shuqani "bayq" deb aytishardi.

Masalan, Falonchi qiz kimning bayqi? Bayqing bormi? Bayqi bilan uchrashibdi kabi.

O'zim muhabbat yoshiga yetganimda bu so'z allaqachon eskirgan edi. Iste'molda yo'q edi.

Zamonaviy o'zbek va xorij kinolari, seriallarida qo'llangan shu mazmundagi boshqa so'zlar "bayq"ni siqib chiqargan, shekilli, keyingi davrlarda "yigiti", "qizi" kabi so'zlar qo'llanila boshlandi, ya'ni adabiy tilga integratsiyalashdi shevamiz.

Toshkentga kelganimda xorazmlik kursdoshlardan Xorazmda "kadi" so'zi bizning "bayq"ga sinonim ekanligini bilib olganman. Farqi bizning bayq arxaiklashgan, Xorazm kadisi haliyam iste'molda.

Bugun hammaning bayqini yodiga tushirdim-ov.

@ekolingvist

? Bilasizmi, "Devoni lug'otit turk" asarini yozishga Mahmud Koshg'ariyni bir hadis undagan ekan.

? Muallif o'z asarida bu hadis mazmunini izohlab bergan va turk tilini o'rganishni aql taqazo qiladi deb ta'kidlagan.

?Asosiy mazmun bilan rasmda tanishishingiz mumkin.

@ekolingvist

"Tok bor" - o'zbekchasi yarashib turadigan nomlar ham bor. Hurmatim baland shu nomni qo'llab-quvvatlagan tadbirkorga.

@ekolingvist

Toshkent metropoliteni Toshkent shevasida ish yuritadimi shunda?

@ekolingvist

Eshakning mehnatini qilib, itning joyiga yotish

Hajmli harflar hajmining kattaligi yo kichikligiga qarab narxi har xil bo‘ladi. Internet sahifasida bir donasi 650 000 so'mgacha baholanganini uchratish mumkin. Rasmdagi yozuvlarni tashkil qilish restoranga bir necha millionga tushgani aniq.

Umuman, yozuv g'oyasining tanlangani, maxsus dekordan va ranglardan foydalanilganini qadrlayman. Chunki bu restoranda yurtimizga kelgan barcha xorijliklar kamida bir marta mehmon bo'ladi.

Millionlar sarflangan bu go‘zallikni birgina xato buzib turibdi: [O‘] harfiga tegishli belgining teskari qilib qo‘yilganligi. Bu nimani anglatadi bilasizmi, restoran ma'murlaridan tortib, hajmli harfni o‘rnatadigan xodimlargacha biror kishining 30 yillik alifboni bilmasligini anglatadi.

Sarlavha nima deyapti?

@ekolingvist