Бұрын бір сөз оқыған едім:

«Ең шебер оқырман – кітап авторының кітапта жазғысы келіп, бірақ жазбай кеткен сөздерін де түсінеді».

Ең шебер тыңдарман да сол. Сөйлеуші айтқысы келіп, бірақ айтпай кеткен сөздерін де түсінеді.

Бұл ғылым – адамды түсіну ғылымы.

Айтылып жатқан сөздерді түсінетіндер көп. Айтып жатқан адамды түсінетіндер аз.

– Қанша уақыттан бері намаз оқып, дұға қылып, жақсы адам болғым келсем де көп ашулана беремін. Не істесем болады?

– Барлық нәрсені руханияттан табу кейде мүмкін емес. Ағзаңа да көңіл бөл. Нутрициолог секілді дәрігерлерге көрін. Бәлкім магний секілді витаминдер жетіспейтін шығар)

Нені күтіп жүрсің?!

Пайғамбарымыздың ‎ﷺ мына бір хадисіне назар аударыңыз:

«Бастарыңа 7 түрлі бәле келмей тұрғанда салиқалы амал-әрекеттеріңді жасауға асығыңдар.

Әлде салиқалы амалдарды ұмыттыратын кедейлікті күтіп жүрсіңдер ме?!

Әлде сендерді азғындыққа итермелейтін байлықты күтіп жүрсіңдер ме?!

Әлде сендердің ағзаларыңды құртатын ауруды күтіп жүрсіңдер ме?!

Әлде қаусаған кәрілікті күтіп жүрсіңдер ме?!

Әлде аяқ-асты келе қалатын өлімді күтіп жүрсіңдер ме?!

Әлде жаманшылықтың бастауы дәжжәлді күтіп жүрсіңдер ме?!

Әлде қиямет сағатын күтіп жүрсіңдер ме?!

Әлбетте, қиямет сағаты одан да ауыр…»

(сунан әт-Термизи)

Бірнәрсе күтпесе өмірінен мән таба алмай кететін адамдар көп. Қазіргі өмірінің басты мәні – келесі айдағы чемпионат, финал, екі боксердің сайысы және т.б.

Келесі айға дейінгі өміріндегі басты мән сол.

– Не істеп жүрсің?

– Сол бір матчты күтіп жүрмін.

Оған дейінгі өміріңде еш мән жоқ па сонда…

Өмір бойы тек тұтынушы болып өтіп кетпе. Жаңа фильм қашан шығады, жаңа сериясын асыға күтіп жүрмін, жаңа киім коллекциясына аз қалды, жаңа тренд қашан шығады екен деп әйтеуір болмашы бірнәрсе күтіп өмірің босқа өтіп кетпесін.

Тек тұтынушы емес, өндіруші болуға да талпын.

Аллаһумма солли уә сәллим уә бәрик ғәлә Мухаммад 🤍

اللهم صل وسلم وبارك على محمد

«Рамазанның бірінші күні рамазан өте ұзақ секілді көрініп, 1 ай оразаны қалайша ұстайтыныңды ойлай бастайсың.

Бірақ рамазанға қазір қарасаң, құдды бір рамазан – 1 сағат ішінде өте шыққандай».

©️ Али әт-Тантауи жазбалары

Рамазанның соңғы күндерін дұға, садақа, құлшылық пен құранға арнайық. Расында, амалдар – соңына қарай бағаланады.

«Әй, бүкіл өмірін босқа өткізіп алған бауырым. Өміріңнің босқа өткен кезеңін қадір түнімен толтыр. Расында, қадір түні – бір ғұмырға тең».

©️Ибн Рәжәб әл-Ханбали (рахимаһулла)

Еркектердің ең жақсысы — ашуы жай келіп, тез тарқайтыны. Ал ең жаманы — ашуы тез келіп, жай тарқайтыны.

📚 Хадис. Суюти.