Тўғри айтишган экан «Ўзбекистонда яшасанг циркка бориш шартмас» деб.
Атайлаб билет сотиб оласан, болаларга олдинроқ айтиб хурсандчилик билан куттирасан.
Циркка келсанг томоша пайти свет ўчиб қолади.

📱 https://t.me/blueskyuz

Бишкек марказида оммавий тартибсизликлар

Маълум бўлишича, 13 май куни Бишкек шаҳридаги Мустафо деган кафеда маҳаллий аҳоли вакиллари билан бошқа давлатдан бўлган фуқаролар ўртасида жанжал-муштлашув келиб чиқади. Хорижликлар бир неча маҳаллий йигитларни калтаклашгани хабар қилиняпти. Милиция баёнотида айтилишича, уруш кафе яқинидаги хостелда яшовчилар ва маҳаллий аҳоли вакиллари ўртасида бўлиб ўтган.

17 май куни кечки вақтда хостел атрофида 100 га яқин одам йиғилишни бошлаган. Улар 13 майда бўлиб ўтган воқеадан норозиликларини билдиришган.

Натижада милиция уч нафар хорижликни ҳибсга олган ва Бишкек шаҳри ИИББ вақтинчалик сақлаш изоляторига олиб борган. Қўлга олинганларга «безорилик» моддаси бўйича айблов қўйилган ва улар бўлиб ўтган иш учун узр сўрашган.

Бироқ, айбдорларни қўлга олингани ҳам тўпланганларни тинчлантира олмаган. Норозилик ошиб борган ва маҳаллий аҳоли вакиллари йўлни тўсиб қўйишган. Милиция йўлни тўсганларни ҳайдашни бошлаган, ашаддий қаршилик кўрсатганларни ушлашган. Дастлаб 10-15 нафар ашаддий норозилар ушлангани хабар қилинган.

Норозилик билдириб милиция билан тўқнашувга борганлар қонуний талабларга бўйсунишмайди. Дастлабки версияга кўра улар милиция кучлари сафини ёриб ўтишга уринишган. Норози оломон шаҳар кўчаларидан бирига сиқиб борилган.

Шунга қарамасдан, норозилик билдириб чиққанларга келиб қўшилганлар сони ортиб борган. 300 га яқин одам хостелда яшаётганлардан ўч олиш мақсадида келишганини айтишган.

Шаҳар ИИБ барча шахсий таркибни жалб қилишга буйруқ берган, улар тревога билан кўтарилган. Шундан сўнг оломон тарқалгани айтилган эди, бироқ улар шаҳарнинг шарқий қисмида тўпланишган.

Норозиларнинг 50 га яқини қўлга олинган. Милиция улар билан тушунтириш ишлари ва суҳбатдан кейин қўйиб юборган.

Тунги соат 01:00 да милиция хорижликлар яшаётган хостел атрофини қуршаб олишга мажбур бўлган.

Хабар қилинишича, айрим ётоқхоналар бинолари зарар кўрган. Тинч аҳоли ойналар синдирилган, ётоқхона олдидаги хорижликларга тегишли мопедлар олиб қочилган. Мародёрлик ва бузғунчилик ҳолатлари кузатилган.

Норозиликлар кучайган кўчаларга махсус ҳарбий бўлинма кучлари ва махсус техника жалб қилинган. Норозиликлар Қирғизистон Халқаро университети ёнида ҳам бўлиб ўтган.

Соат 02:00 да норози аҳоли тарқалиш ўрнига аксинча 500 нафарга етгани ОАВ томонидан хабар қилиняпти.

ОАВ хабарида воқеа жойига Қирғизистон Миллий хавфсизлик қўмитаси раиси ўринбосари Т.Шабданбеков, ИИВ вазири ўринбосари О.Урмамбетов ва Бишкек шаҳри ИИББ бошлиғи А.Токтоналиевлар етиб боришган.

📱 https://t.me/blueskyuz

Қозоғистон Ўзбекистондан ўрнак оляптими?

Қозоғистонда TikTok ижтимоий тармоғини блоклаш ёки платформадан фойдаланишни чеклаб қўйиш масаласи муҳокама қилиняпти.
20,1 млн. аҳолиси бор бўлган қўшниларимизда бу иловадан 14 млн. киши фойдаланаркан ва мамлакатдаги энг машҳур ижтимоий тармоқлардан бири ҳисобланади.
Шундай бўлса-да, Мирас университети ректори парламент депутатларига TikTok’ни блоклаш таклифини берган. Унинг айтишича, бунга сабаб у ердаги контентда эмас, балки фойдаланувчиларни манипуляция қилиш мумкин бўлган хавфда.
«Хитойнинг ўзида TikTok болалар учун чекланган имкониятлар билан ишлайди, бошқа давлатларда эса бундай эмас. Нима учун Хитойда платформа таълим, ўқув контентлари билан ишлайди, бошқаларда эса мазмуни ахлатдан фарқи йўқ, хатто порнография ҳам жойлаштирилади? Уни тўлиқ блоклаш керак ёки болалар учун тақиқлаш лозим», - деган Н.Халикберган.

Ректорнинг таклифини айрим депутатлар ва фаоллар қўллаб чиқишган.

TikTok Қоғоғистондаги расмий вакиллари эса фойдаланувчиларнинг, айниқса болалар ва ёшларнинг хавфсизлиги улар учун компания сиёсатининг муҳим қисми эканини таъкидлашмоқда. Ижтимоий тармоқ фойдаланиш қоидалари ва қонунчиликка зид бўлган контентни ўчириш бўйича катта ҳажмдаги ишни қилаётганини айтишган. 2023 йилда Қозоғистон қонунчилигига зид 4 млн.дан ошиқ видеороликлар ўчирилганини маълум қилишган. Шунингдек, компания вакиллари тўғридан-тўғри Қозоғистон ИИВ, Маданият ва ахборот вазирликлари, ҳукумат органлари билан ҳамкорликда ишлашларини айтишган.

2024 йил 16 апрелда Роскомнадзорга (Россия) TikTok’ни блоклаш бўйича мурожаат келиб тушган.
2024 йил 18 апрелда TikTok’дан фойдаланиш Қирғизистонда блокланган. Расмий сабаб – болаларни соғлиғига зарар келтирадиган ахборотлардан ҳимоя қилиш.
2024 йил 24 апрелда АҚШ президенти Байден TikTok’нинг хитойлик эгасини платформани америкалик субъектга сотишни талаб қиладиган қонунни имзолади. Акс ҳолда 2025 йил 19 январдан бошлаб АҚШда TikTok тақиқланади.

📱 https://t.me/blueskyuz

2023 йилда Марказий Осиё давлатларидан хаж зиёратига борганлар

Тожикистонга оид маълумотларда ноаниқликлар бор. Сабаби, айримларида 5000 киши дейилса, бошқасида 6000 мингдан ошиқ одам 2023 йилда зиёрат қилган дейилади. Бундан ташқари, яқинда Эмомали Рахмоннинг Тожикистонда 2023 йилда 63 минг киши хаж/умра зиёрати қилгани ҳақидаги гаплари ҳам уларни сонини аниқ айтишда чалкаштириши мумкин.

📱 https://t.me/blueskyuz

Тошкентдаги мактаблардан бирида ишлайдиган ўқитувчи Касаба уюшмасига бадал пули тўлашдан бош тортди.
Давлат ва ҳуқуқ асослари фанидан дарс ўтадиган ўқитувчи Касаба уюшмасига аъзо бўлиш қонун бўйича ихтиёрий эканини келтириб ўтган. Узоқ йиллик меҳнат фаолияти давомида Касаба уюшмасидан ҳеч қандай манфаат кўрмаганини таъкидлаб, ҳар ой маошдан ушланиб қолинадиган аъзолик пулини ўтказишларига норозилигини билдирган.
Бир томондан ойлик маошдан 1% унчалик ҳам катта сумма бўлиб кўринмаслиги мумкин. Бошқа томондан эса мамлакат бўйлаб ўқитувчилар сони 600 мингдан ошиқ. Бундан ташқари мактабда ишлайдиган бошқа ходимлар ҳам бир неча юз мингни ташкил қилишади. Ойликларидан ушлаб қолинадиган 1% йиғилса катта сумма пул бўлади.
Шу ўринда Касаба уюшмаларига келиб тушган маблағлар нималарга сарф бўлаётгани ҳақида савол туғилган.
Бу борада очиқ ҳисобот беришлари, ҳар йили қанча маблағ йиғилиши ва нималарга сарф этилиши тўғрисида маълумот беришса мақсадга мувофиқ бўларди. Пул тўлаётганлар ўз маблағлари нималарга сарфланаётганини билишга ҳақли.
Сизлар Касаба уюшмасига пул тўлайсизларми? Касаба уюшмалари томонидан қандай кўринишда қайтариляпти бу пулларингиз? Иш берувчи билан баҳсли вазиятларда ҳимоя қилиш, дам олиш зоналари, болалар оромгоҳига йўлланма, иш шароитини яхшилаш ва яна қандай ишларда намоён бўлади Касаба уюшма фаолияти?
(Facebook гуруҳидан)

📱 https://t.me/blueskyuz

🗳 Турли йилларда МДҲ давлатларидаги президентлик сайловларидаги натижалар рейтинги (қайта овоз беришларсиз)

99,50% Сапармурат Ниязов (Туркманистон, 1992)
98,73% Хайдар Алиев (Озарбайжон, 1993)
97,75% Нурсултон Назарбоев (Қозоғистон, 2015)
97,69% Гурбангули Бердимухамедов (Туркманистон, 2017)
97,60% Эмомали Рахмон (Тожикистон, 1999)
97,14% Гурбангули Бердимухамедов (Туркманистон, 2012)
95,55% Нурсултон Назарбоев (Қозоғистон, 2011)
92,12% Илхом Алиев (Озарбайжон, 2024)
91,95% Ислом Каримов (Ўзбекистон, 2000)
91,15% Нурсултон Назарбоев (Қозоғистон, 2005)
90,92% Эмомали Рахмон (Тожикистон, 2020)
90,76% Ислом Каримов (Ўзбекистон, 2007)
90,39% Ислом Каримов (Ўзбекистон, 2015)
89,23% Гурбангули Бердимухамедов (Туркманистон, 2007)
88,73% Илхом Алиев (Озарбайжон, 2008)
88,72% Курманбек Бакиев (Қирғизистон, 2005)
88,61% Шавкат Мирзиёев (Ўзбекистон, 2016)
??? 87,38% Владимир Путин (Россия, 2024)
87,10% Ислом Каримов (Ўзбекистон, 1991)
87,05% Шавкат Мирзиёев (Ўзбекистон, 2023)
86,22% Илхом Алиев (Озарбайжон, 2018)
84,54% Илхом Алиев (Озарбайжон, 2013)
83,92% Эмомали Рахмон (Тожикистон, 2013)
83,47% Александр Лукашенко (Беларусь, 2015)
82,97% Александр Лукашенко (Беларусь, 2006)
81,31% Қосим-Жомарт Токаев (Қозоғистон, 2022)
80,31% Шавкат Мирзиёев (Ўзбекистон, 2021)
80,10% Александр Лукашенко (Беларусь, 2020)
79,84% Садир Жапаров (Қирғизистон, 2021)
79,78% Нурсултон Назарбоев (Қозоғистон, 1999)
79,65% Александр Лукашенко (Беларусь, 2010)
79,30% Эмомали Рахмон (Тожикистон, 2006)
77,60% Хайдар Алиев (Озарбайжон, 1998)
76,86% Илхом Алиев (Озарбайжон, 2003)
76,69% Владимир Путин (Россия, 2018)
76,12% Курманбек Бакиев (Қирғизистон, 2009)
75,65% Александр Лукашенко (Беларусь, 2001)
74,47% Аскар Акаев (Қирғизистон, 2000)
72,97% Сердар Бердимухамедов (Туркманистон, 2022)
71,59% Аскар Акаев (Қирғизистон, 1995)
71,31% Владимир Путин (Россия, 2004)
70,96% Қосим-Жомарт Токаев (Қозоғистон, 2019)
70,28% Дмитрий Медведев (Россия, 2008)
63,60% Владимир Путин (Россия, 2012)
63,24% Алмазбек Атамбаев (Қирғизистон, 2011)
59,54% Эмомали Рахмон (Тожикистон, 1994)
54,22% Сооронбай Жээнбеков (Қирғизистон, 2017)
52,94% Владимир Путин (Россия, 2000)

📱 https://t.me/blueskyuz

«Ibrat farzandlari»нинг 2000 дан ортиқ контенти жами 27 млн марта кўрилибди.
«Кўк жигули» эса (2 ҳафтада) 49 млн марта.

📱 https://t.me/blueskyuz

Хорижлик руфер блогер қўриқчилар ва хизмат кўрсатиш ходимлари назаридан, ҳимоялардан, кузатув камераларидан ўтиб Тошкент телеминораси тепасига чиқипти.
Томма-том юриш ва ер ости тоннелларига тушадиган (руфер) билан шуғулланадиган блогер ўз шахсий рекордини янглаганини маълум қилди. Жойлаштирган видеосида Тошкентдаги стратегик объект ҳисобланадиган телеминорага қандай чиққани ҳақида батафсил айтиб берган.
Видео ёз ойларида олинган бўлиши мумкин.

📱 https://t.me/blueskyuz