ဒီလိုပဲ ၊ မေလတစ်လ ကုန်ဆုံးသွားပြန်တယ် ။
သေချာပေါက် ခေါ်သွားရမဲ့အရာ
တွေရှိသလို ဆူံးရှူံးစရာတွေလည်း ရှိခဲ့တယ် ။
ဒီလောက်ပါပဲ။ ဒီအတိုင်း အမှတ်တရ
တွေအဖြစ် သိမ်းဆည်း ဖြစ်သွားတယ်ပေါ့ ။

- ခက်နှောင်

အချစ်ရေ အပြင်မှာ မိုးတွေ စွေနေတယ်။
ရုပ်ထုတွေရဲ့ စုံလုံးကန်းနေတဲ့ မျက်လုံးတွေပေါ်ကို
အပ်ချွန်တွေလို မိုးစက်တွေတပေါက်ပေါက်ကျနေတယ်။

ရန်ကုန်မှာမိုးတွေရွာနေတယ် အချစ်

- အောင်ခင်မြင့်

ဒေါင်လိုက်ကူးကူး
အလျားလိုက်ကူးကူး
အချိန်ရဲ့မြစ်ဟာ စီးဆင်းနေမှာပဲ။

လှန်းထားတဲ့အဝတ်အစားတွေ
မိုးရွာလို့မခြောက်ဘူး။

မထင်ထားတာတွေဖြစ်ပြီး
မဖြစ်ခဲ့တာတွေ စိတ်ထဲထင်လာတယ်။

"သိပ်သိပ်ချစ်ရတဲ့နွဲ့တင်ရယ်"
ဆိုတဲ့နေရာရောက်ရင်
အသံဟာ အလိုလိုတိမ်ဝင်သွားပါတယ်။

-ဆပ်ရိပ်

ဟန်ဆောင်မှုအများကြီးထဲမှ
ချစ်ချင်ယောင်ဆောင်မှာ အကြောက်ဆုံးပဲ။
ကိုယ်က အချစ်ခံရပြီအထင်နဲ့ ငြိတွယ်မယ်။
သူက လိမ်ညာမှုနဲ့ အချစ်ဆိုပြီးခေါင်းစဥ်တပ်မယ်။
အဲ့မှာ ကမ္ဘာပျက်ခြင်းက စတင်တော့တာပဲ။

-ဘယ်လာခင်
(24 May,2023)

အကြိမ်ကြိမ် ခွင့်လွှတ်တတ်တဲ့လူတွေ
စွန့်လွှတ်တတ်သွားတဲ့အချိန်မှာ
မင်းဘာမှရှာတွေ့မှာ မဟုတ်တော့ဘူး အချစ်ရဲ့
အရမ်းကြောက်စရာကောင်းတယ်။

-ရပ်ငြိမ်

ပြောစရာစကားတွေ ရှားပါးသွားရင်
တစ်ယောက်နဲ့တစ်ယောက် ဝေမျှချင်စိတ်တွေ နည်းပါးသွားရင်
နှစ်ယောက်ကြားမှာ စိတ်အားထက်သန်မှုတွေတိတ်ဆိတ်ခြောက်ကပ်သွားရင်
ပြီးတော့ အချင်းချင်းကြားက တိုးတိတ်သံတွေ ကျယ်လောင်လာခဲ့ရင်
အဲဒါ အကုန်ပြီးသွားတော့တာပဲ၊ အဆုံးသတ်ပဲ သိလား။

ပြောခဲ့သလို ဒီကမ္ဘာမှာ မမြဲတာတစ်ခုကပဲ မြဲတာ၊ ကျန်တာ အားလုံး ယာယီပါ။

-အိခိုင်မွန်

ငါလည်း မင်းလိုနှလုံးသားနဲ့ချစ်ကြည့်ချင်တယ်
ပြောစရာစကားမရှိတဲ့ တိတ်ဆိတ်မှုမျိုးနဲ့ ချစ်ကြည့်ချင်တယ်
မျက်စိတမှိတ်အတွင်း ဖောက်ပြန်တတ်တဲ့ စောက်ကျင့်မျိုးနဲ့ ချစ်ကြည့်ချင်တယ်
မသိကျိုးနွံဆိုသလို ပစ်ထားတတ်တဲ့အတိုင်း ချစ်ကြည့်ချင်တယ်
ဘယ်တော့မှ မဆက်သွယ်ကြသည့်အတိုင်း ပြတ်သားမှုမျိုးနဲ့ချစ်ကြည့်ချင်တယ်
ငါလည်း မင်းလိုနှလုံးသားနဲ့ချစ်ကြည့်ချင်တယ်
မင်း ငါ့ကိုချစ်ခဲ့သလို ပုံစံမျိုးနဲ့ချစ်ကြည့်ချင်တယ်။

-ဘယ်လာခင်

-ခင်ခင်ပျိုရေစောင့်ခဲ့တယ်
------------------------------------------
၁။ ခင်ခင်ပျိုရေ

ဝိသေသနပုဒ်က ဒီအတိုင်း
စာသားက ဒီအတိုင်း
တရားက တရားအတိုင်း
အမှားက အမှားအတိုင်း ။
ခင်ခင်ပျိုရေ
ငါ စောင့်ခဲ့တယ် ။

မိုးတစ်ပေါက်တင်ပြီး
စိန်လိုလက်နေတဲ့ ဇီဇဝါပန်းများ မွှေးခဲ့လို့
ငါ့စိတ် ထိန်းနိုင်ခဲ့
မိုးတဖြောက်ဖြောက် နေ့တွေ ကုန်လွန်နိုင်ခဲ့ ။
ခင်ခင်ပျိုရေ
ငါ စောင့်ခဲ့တယ် ။

မဖြောင့်ဖြူးခြင်း အချစ်စစ်ကို
အနှစ်တစ်ရာ သစ္စာဖွဲ့
ငါ စောင့်ခဲ့တယ် ။
ခင်ခင်ပျိုရေ ၊ စောင့်ခဲ့တယ် ။       ။
.
အောင်ချိမ့်

ချစ်ခြင်းမေတ္တာအပေါ်မှာလည်း
ကိုယ်ချင်းစာစိတ်ထားလိုက်ပါ သူငယ်ချင်းရာ
ငါတို့ချစ်တဲ့လူတွေကလဲ
သူတို့ချစ်တဲ့လူနဲ့ နေချင်ကြမှာပဲလေ ။

-ဖားစည်ရည်ကျော်

အန္တရာယ် ကင်းစေချင်တယ်
ဆံပင်တွေ လှစေချင်တယ်

မမရေ
ရပ်ကွက်လူမိုက်တွေ ချစ်တတ်လာတဲ့အခါ
၂၄ပစ္စည်း စကျက်ပါတယ်
ကျစ်စမြီးကျစ်နည်း စသင်ပါတယ်။

-သူရဇ္ဇနီ