Мұсылман көркем ғибадат қылса, жақсы ойда бол!

Бір кісінің рукуғ пен сәждеге барған сайын жылағанын көріп, рия қылып жатқан шығар деп ойладым. Кейін сол ойым үшін бір жыл бойы көзімнен жас шықпай қойды.

Мәкхул (Алла рахым етсін)

Хилия. 5/184

Осы уаққа дейін діни мәтіндерде ең абзал амал немесе ең абзал құлшылық деген кезде бір ғана амалды шектемей әртүрлі нәрсенің айтылу хикметін ойландым. Мүмкін амалдың жақсы жаманы жоқ, бастысы шариғатқа сай болып, құдай үшін орындалса болғаны.

Құлдың құлдырауы

Бұл – тәуекелдің жоқтығы немесе тура жолдан таюдан болады. Осы екі нәрсе бір жерге жиналса, сонда нағыз толық иман болады.

Ибн Қайим (Алла рахым етсін)

Мәдәрижу Сәликин. 2/128

Кез келген нәрсеге махаббат қою мақсатпен болады. Мақсат жоғалса, махаббатта аяқталады.

Жунейд әл-Бағдади (Алла рахым етсін)

Сол үшін ғибадатты тозақтан қорыққаны үшін немесе жәннатты қалағаны үшін орындау дұрыс емес дейді құдайды таныған әулиелер. Иманымыздың дәрежесі ол екеуі болмаса да біз құлшылық ете алатындай болуы керек екен.

Бүгінгі жұма уағызы әділдік турасында болды. Өзімнің бар-жиғанымды ортаға салып, жамағатқа әділдік туралы ауыз көпіртіп уағыз айттым. Намаз аяқталған соң, бір атамыз келіп насихат жасады. Әділдік дұрыс қой. Бірақ тек әділдік зұлымдықты жеңе алмайды. Ар-ұждан, талап болмаса, адам тек әділдікті ту етсе, робот сияқты болады. Сол үшін Шәкәрім атамыздың "Ар түзейтін бір ғылым табылмаса,
Зұлымдықты жалғанда әділ жеңбес", деген сөзін ұғып алғайсың деді. Абай мен Шәкәрім еңбектеріндегі ар-ұждан мәселесін зерттеп оқы! Имамсың ғой халыққа соны жеткіз деді. Көкемізге қарап, әлі бар екен ғой қазақтың дуалы ауыз ақсақалдары дедім іштей.

Ғайбат сөзбен жасаған амалдарымыздың күлін көкке ұшырып алмайық ағайын.
Жұма қабыл болсын!

Кейбір ғалымдар Шағбан айы – салауат айту айы деген. Себебі Ахзаб сүресінің 56-аяты, яғни салауат айтуға бұйрық етілген аят Шағбан айында түсірілген.

Имам Әл-Қасталәни (Алла рахым етсін)
Әл-Мәуәһиб.

Бір бәдәуи (дала) арабынан дүниені қалай көретіндігі (дүние туралы ойы) сұралыпты.

Сонда ол:
"Оған қарап, сипаттап айтатындай сол дүниеден қолым босап жатқан жоқ", –деген екен.

Мұсылман бауырың қателессе, түзет! Жығылғанға жұдырық болып, шайтанға көмекші болма!

«Уа адам баласы! Расында, сен күндерден тұрасың. Әрбір күн өтумен сенің бір бөлігің кетіп жатыр.

Хасан әл-Басри (Алла рахым етсін)