والله يجماعة السفر أرزاق بشكل لا تتخيلوه

اعرف ناس كانت مخلصة الUSMLE و بعدين جات كورونا و اجراءات امريكا كانت صعبة فاضطروا يغيروا التراك تماما لبريطانيا و بالفعل استقروا هناك خلاص إرادة ربنا

اعرف ناس بقالهم سنتين واكتر بيقدموا علي Jobs في الUK و عاملين CV قوي و لحد دلوقتي مجاتش ليهم وظائف ومسافروش ولسا قاعدين في مصر لحد دلوقتي ربنا يرزقهم يارب و ناس خلصت امتحانات و سافرت علطول أرزاق

اعرف ناس مكانتش لاقية تاكل حرفيا جه علي حظهم و موضوع السفر للمالديفز فتح وكانت الشروط بسيطة في الاول و جابوا فلوس المعادلات في سنة و سافروا بينما دلوقتي المالديفز عايزة خبرة 5 سنين 😅 بس الله اعلم ايه الدولة الجديدة الي ممكن تفتح ؟

اعرف ناس قاعدين في مصر و بيروحوا UK اسبوع في الشهر locum يجيبوا مصاريفهم لان المعيشة كعائلة في UK غالية جدا ومعهمش فلوس الجنسيات أو الجامعات أو البيت و مستقرين في مصر و عايشين زي الفل دخل بالباوند و مصاريف بالجنيه ❤️

اعرف ناس خلصت كل الUSMLE و قدموا علي مستشفيات بالعبيط و متوافقش عليهم في ولا انترفيو و ناس تانية قدموا علي مستشفيات أقل و مجالهمش غير انترفيو واحد أو اتنين بالكتير و اتقبلوا عادي مافيش قاعدة

اعرف ناس ستاف جامعة تخصص Tropical medicine و للأسف مسمي الشهادة بتاعتهم مش معترف بيه في السعودية فاضطروا يسافروا تحت مسمي باطنة عامة دي كانت قلة معرفة صراحة ومشكلة في مصر

اعرف ناس سافرت و الدولار كان لسا ب15 جنيه و العملة كانت مرطرطة في كل حتة ومكنش فيه مشكلة و ناس خسرت مدخراتها بسبب التعويم لأنها كانت بالجنيه و ضاع حلم السفر وفيه الي كان محوش بالدولار و تجاوز كل الأزمات و لا همه

اعرف ناس سافرت الخليج علي اسوء عقود و اسوء اماكن و كانوا عايشين جحيم عالارض و بيقولوا ياريتنا ما سافرنا و دلوقتي ماشاء الله في مستشفيات محترمة جدا و عيشة كويسة محدش بياخد كل حاجة من الاول خش جوا الSystem بس ده هدفك التنقل بعد كدا اسهل

اعرف ناس سافرت بريطانيا بمجرد شهادة الماستر بتاعته اول ايام العجز ما كان شديد دلوقتي انتا بتتنطط علشان تلاقي Service job حتي بس محدش عارف المستقبل

اعرف ناس بقي سافروا قطر اخدوا نيابة ثم USMLE و سافروا امريكا ثم رجعوا عالسعودية و بيقولوا عايزين يرجعوا مصر في الاخر حرفيا قفلوا اللعبة وعايزين الBoss 😂

الشاهد من كل ده أن محدش كان عنده تصور واضح الخطة هتمشي ازاي بس الاكيد أن الناس كانت مستعدة ماديا و عندها خبرة عملية أو مذاكرة العلم كويس و اول ما جات قدامهم فرصة ربنا وفقهم و اغتنموها

الله اعلم بالفرص الي ممكن تفتح في المستقبل يس علي اي حال خليك مستعد و ثق في ربنا أنه لن يضيعك ابدا وأنه سيرزقك الخير حيث كان و يرضيك به

الطب بيعلمك التواضع

مهما كنت الاستاذ الدكتور الاستشاري الي درست برا و جوا و جدار عيادتك مليان شهادات من المؤتمرات و الزمالات برضو هتجيلك حالة قد لا تعلم عنها شيئا لأن بحر الطب واسع و هتجيلك حالة ملهاش حل في الطب المعاصر و اخرك بتعالج الأعراض و المضاعفات و هتجيلك حالة هتبذل معاها قصاري جهدك و علمك و هتموت غصب عنك وكل علمك وشهاداتك وخبرتك دي ممكن متكونش كفاية عادي بل و هتضر مريض و هتكتشف غلطتك و تأثيرها بعدين و هتتعايش مع هذا الذنب غصب عنك بل ده الي هيدفعك للمزيد من تطوير نفسك ليه بقي ؟

لان دور الطبيب و حتي توصيفه في القانون هو "بذل عناية" للمريض وليس "الشفاء" اصل الشفاء مش بايدك ده بايد ربنا هو الشافي وما أنت إلا أداة هتبذل قصاري جهدك بس ده ملهوش علاقة بأي نجاح أو فشل هو فضل و إرادة الله اولا و اخيرا

فتواضع

مساء الخير يا شباب طبعا كلنا بنسمع من ناس كتير قد ايه تعلم الClinical Research مهم جدا لكل دكتور و أنك تنشر ابحاث ده بيقوي الCV بيساعدك تسافر بعد كدا في منح أو في أي معادلة

علشان كدا إن شاء الله هيبقي عندنا free online Orientation Session مع د.محمود بسيوني هيكلمنا فيها عن المجال ككل وازاي تدخل فيه وهيشارك تجربته الشخصية معانا و هيبقي فيه مساحة للاسئلة في الاخر

دكتور محمود هو Research Instructor لأكتر من 5 سنين، تخرج من كلية طب ب 16 international publications معظمهم عبارة عن Primary Research مش Secondary، وبيعمل حاليا fellowship في التعليم الطبي من UK.

شارك في كتابة 3 Chapters في Texts و حصل علي 2 international research awards

المعاد بتاع السيشن : يوم الجمعة القادم الساعة 8 مساءا

علشان تحضروا السيشن لازم تدخلوا تشانيل التيليجرام دي https://t.me/+vw-IrZtJk0owZjlk

شيروها مع اصحابكم وإن شاء الله بعدها هنكون مجموعة بحثية و هيكون فيه شغل عملي

لو انتا طالب في كلية طبية و حابب تتعلم و تشتغل في مجال الماركتنج فالإعلان ده ليك 🔻🔻

مطلوب طلبة أو امتياز أو خريجين للعمل في شركة ماركتنج تعمل بالمجال الطبي بالمواصفات دي :

- مش لازم يكون عندك خبرة احنا هنعلمك كل حاجة طالما عندك الاستعداد تتعلم

- لازم تعرف تشتغل في Team work احنا أسرة مع بعضينا

- الشغل اونلاين / فيزيكال / الاتنين مع بعض

- المرتب مجزي جدا و هيتحدد بعد الInterview و بيكون فيه bonus و ترقيات حسب الأداء بتاعك

لو مهتم تقدم علي الوظيفة ياريت تملأ الفورم دي
https://forms.gle/Z2TSDSwnS1RabsXUA
و هيتم التواصل معاك لتحديد معاد الاونلاين انترفيو

و شير المسدج مع أي حد محتاجها و ربنا يجعلنا باب رزق حلال يارب

بجد والله مش عارف ليه الناس مبتفكرش في الزمالة البريطانية للطوارئ MRCEM وليه محدش بيتكلم عنها ؟

- أرخص من الPLAB بألف باوند كاملة
- أسهل من الMRCP و مواعيدها متوافرة
- مطلوبة وفرص شغلها أكتر من الMRCS

يعني خيار ممتاز للسفر بسرعة و علي بوزيشن كويس
إن شاء الله هكتب ليكم بوست عن كل التفاصيل وهنستضيف استاذنا الدكتور Ahmed El Hadidy في أورينتشن كامل عنها

التفاصيل هتنزل في تشانيل تشانيل التيليجرام
https://t.me/+azlGENUE2LExODQ0

يجدعان حوار أن السنة الأولي في الامتياز مش هاخد فيها مرتب دي إشاعة و المفروض المرتب 2800 كمان

لو فيه استقطاعات أو تأمين اصلا ده غير قانوني لانك غير مؤمن عليك في الامتياز

والمفروض اي جامعة بتدي الامتياز أقل من كدا المفروض يتعمل فيها محاضر اثبات حالة و شكاوي في المجلس الاعلي للجامعات و رئاسة الوزراء و وزارة المالية و ممكن حتي قضية في النيابة الإدارية

ده حقكم يا جدعان و الساكت عن الوضع هو المتنازل عن حقه ببساطة

الحاجات دي بتتحل بالضغط

بصراحة الاقبال الغير طبيعي من الامتياز علي ال MRCS ملهوش لازمة بل هيكون ليه نتائج بالغة السلبية في المستقبل القريب كمان

اولا : الناس الي داخلة التراك ده مش هيعرفوا يسافروا بيها لوحدها لازم portfolio كويس وده مش هيحصل غير لما تكون بالفعل اشتغلت جراحة في بلدك وعندك خبرة وغير كدا المنافسة علي الجراحة العامة في بريطانيا و امريكا صعبة جدا و الاسبيشالات تكاد تكون مستحيلة و في الخليج ملهاش لازمة بدون سنتين خبرة بعدها

ثانيا : اغلب الناس الي داخلة منبهرة بفكرة الجراحة بس عندهم تصورات مغلوطة عن المجال او حتي مش هيحبوه لانه Life style متعب و stressful جدا و الماديات بتاعته متأخرة انسي تشتغل برايفت قبل ما تبقي اخصائي و وقتها لسا هتكون بتكون اسم و سمعة و مافيش غيان بيجيلك دايركت فانت عايش علي الreferrals و المنافسة في البرايفت كبيرة صراحة مش قليلة و مش عارف البنات الي بتفكر في جراحة ناوية تعمل حياتها الاسرية ازاي ؟

ثالثا : اغلب الناس عايزة اسبيشالات الجراحة مش الجراحة العامة وده اصعب لانه بيتاخد برا بعد ما تخلص الجراحة العامة يعني عمر طويل اوي و الMRCS اخرها هتشيل ليك الفيرست بتاع الماستر مش اكتر من كدا

رابعا : الPass rate بتاع الامتحان لما بيعلي بسبب كتر الاقبال و الكورسات الامتحانات بتبقي أصعب و أغلي و بتفقد فكرة انك مميز مقارنة بالاخرين فهيبقي الموضوع عادي ولازم تعمل حاجات اكبر علشان تثبت تميزك

خامسا : فكرة ان الMRCS تمخليك اخصائي جراحة في مصر مضحكة جدا لانها شهادة في مبادئ التفكير والمعلومات الجراحية لكنها لا تتطلب اي خبرة عملية ولا امتحانك بيكون انك تعمل عملية مثلا فهتكون النتيجة اغراق السوق المصري بعدد كبير من الاخصائيين بدون تدريب فعلي يعني اسعار البرايفت هتنزل و الاخطاء هتكتر و غالبا بعد ما ده يحصل والمجال يبوظ النقابة هتسحب الاعتراف بالMRCS الي كان بيساعد نواب شطار كتير يتخطوا مشاكل الماستر و الزمالة

انا مدرك انك عايز تستغل الوقت في امتيازك والMRCS هي الارخص والاسرع والاسهل في الMRC بس متاخدش قرارات بسبب ان الناس حواليك كلها بتاخد نفس القرار تثبت اولا انك عاوز تخصص الجراحة و عارف تراكه و صعوباته و لو اتأكدت فمصر أحسن اوبشن ليك تتعلم و تترقي بسرعة صدقني و السفر برا و جراحة و بدري وعايز traning ده طمع و ربما يكون ضرب من ضروب الخيال كمان

الكلام ده كان هيكون منطقي لو MRCEM و عايز تسافر علي طوارئ و تاخد تريننج منها كدا تمشي انما الي بيحصل دلوقتي ده زي ما كنت في سنة اولي و تانية اشتركت في كورس USMLE و جبت الكتب و بعدين في نص الطريق اكتشفت انك معكش الماديات و الموضوع مش مناسب ليك مجرد تريند يعني و انت مشيت فيه واتضحك عليك خد بالك بقي لان الخازوق المرة دي اكثر اغراءاً وأكثر سلبية علي وقتك و مستقبلك

فارق كبير جدا ما بين الاسرائليين و القسام

الاسرائليين ناس بالنسبة ليهم الانضمام للجيش مجرد وظيفة فيها مهمات معينة و بتاخد في مقابلها مرتب و بيشتغل "علي قد فلوسهم" و بالنسباله الحرب هي وسوء سيناريو و بيحاول يتفلت من العمل قدر ما يستطيع لانه عاوز يرتاح و مش مستعد يخسر حياته من اجل مجرد وظيفة فتلاقيه خايف و بيترعب من ظله

القسام بقي بالنسبة ليهم الجهاد الموضوع عقيدة و دين و اختيار شخصي هو مقتنع بيه تماما و طريقة حياة بيستمد قيمته في الكون من القتال في سبيل الله ممكن يعمل ده بدون اي مقابل مادي و يتحمل اسوء الظروف ولا يهمه و بالنسبة ليه الحرب فرصة كي يحقق نصر في سبيل الله او استشهاد و يدخل الجنة فمش فارقة معاه تشوفه اسد كدا بيجري علي الدبابة المليانة سلاح و دفاعات علشان يحط عليها القنبلة او يقتحم معسكر للعدو و الرصاص بيتضرب عليه من كل حتة ولا فارق معاه

ده الفرق بين الشخص المؤدلج المدفوع بعقيدة و بين الشخص الي بالنسبة ليه الموضوع مجرد شغل

كل مسلم في هذه الحياة له دور ربنا اراد ان دورنا يكون في المجال الطبي ده بالنسبة لينا جهاد انك تشتغل في اسوء الامكانيات و اسوء الظروف و تعمل قدر المستطاع ده جهاد انك تذاكر و تجتهد انك تتعلم و ترزق بالحلال و تتجنب الحرام ده جهاد ان تصبر علي اذي الناس و تتحمل المشاق في سبيل اعمار الارض و القيام بدورك في المجتمع الي هو فرض كفاية ده من أعظم الجهاد

فالجهاد هو استفراغ الوسع في تحقيق مراد الله لأجل مرضاة الله

كل ده بدون افراط و تفريط و في قدر المستطاع بس كل ده محتاج رجالة فعلا لا تمل ولا تكل و تقاسي المتاعب في سبيل الله عايزين نبقي رجالة بجد زي الرجالة في فلسطين

ربنا يفتح عليهم من ابواب الخير و يسدد رميهم اللهم امين

Follow the khaled Khater Channel channel on WhatsApp: https://whatsapp.com/channel/0029Va64fvd3rZZisda2Vb30

شباب ان شاء الله هيكون فيه Online live interactive session مع دكتور شريف الهواري

الدكتور هيشرح ويحل فيها معاكم MCQs و Cases مهمة جدا علي الباطنة

و المهم طبعا في حل اي MCQ هو طريقة التفكير في السؤال و المعلومة الي ورا السؤال و لو حاجة اختلفت في السؤال هتفكر فيها ازاي

المعاد : يوم الاحد 5 نوفمبر ( بكرا ) الساعة 6 مساءا

لو حابب تحضر سجل علي اللينك ده
https://cob-eg-org.zoom.us/webinar/register/WN_9cUUbxh2QyW4_0P8j5_SdA

ابعتوا المسدج لأكبر عدد من اصحابكم علشان يستفيدوا و يحضروا ومتنسوش تدخلوا تشانيل التيليجرام بتاعة دكتور شريف علشان تتابعوا كل جديد
https://t.me/internal_medicine_Dr_Elhawary

Zoom

Video Conferencing, Web Conferencing, Webinars, Screen Sharing

Zoom is the leader in modern enterprise video communications, with an easy, reliable cloud platform for video and audio conferencing, chat, and webinars across mobile, desktop, and room systems. Zoom Rooms is the original software-based conference room solution…