وأغــص بــريحتــك ماگمت اغص بالزاد
المــفارك النــسمة العــابرة تــغرگه

مطر والليل
ذكرني بتفاصيلك
أشو من غبشة
صاير يبدي أثر ليلك
شبَعد وأترك مكاتيبك
وأجبرة الشوك
مايلفيني وأبجيلك

انا بخصر السنابل چم حلم ضميت
وطعم شبگت المنجل من رحت ضگته

صاير ماتحن كلش هل أيام
وحيل تغيرت بيك المودّه
رِد كلمن يجيك جناحه مكسور
بس مكسور خاطر ﻻترده
حبيبي وداعتك تتلاگه الوجوه
وعلى كلشي نتحاسَب وحده وحده
أجرحَك بالعتب ماجرحك بسيف
ﻻن جرح العتب محد يضمده
وكتلك تراهه الدنيا دوﻻب
واذا فرّت عكس حبلَك تهده
باچر من تضوگ الدمعه والآه
تجي تدور مُحب وتريد وده

‏كُون كل شارع اشوَفك
چا كَضيت لُعمر امشي
وكون اكَابل مَرة وجَهك
إله أعميهن أذا ينطبك
رمشِي مو مجَرد صدفهَ
انتَ ولا مَحطة ويمها اكعد
وستراح انتَ كُلشي"

جبار رشيد

لاح السهر عينك
والجفن سكران
وارموشك عرايس والكحل زافوف

إفتهمني
صير مو مثل البقية وإفتهمني
ردتك إنتَ
وما ردت غيرك يحبني
ضُمني گطرة ماي
بيدك لا تذبني
شيل هَمي
صير ضَحكة بيوم حِزني
صير عاقل
خاف مو عاقل تحسَني .

واني ادري صعب نرجع
وايديك تحضن ايديني
واشوفن وجهك بكلشي
صباحي ومغربي وليلي

التقينا والقلق والغيرة والوهواس
وصوتي ورجفة ايدي وعگدة لساني
ونزعة ساعتي لمن گعدت وياك
ومن ابسط سؤال اصفنله تلگاني
هذن كلهن احبك بس كتلني الخوف
ردت انطيك گلبي وگلبي ما انطاني

البارحه مگابل حنيني وماعرفته ! شگد كٌبر
اني والشباج نگعد نحچي بيك
ويگعد ويانه مطر
تدري اذكرك وابچي واركض
حتى احط راسي اعلا چتفك بالصور