Мияси майда-чуйда орзуларга тўла одамлар билан узоқ суҳбат қурманг. Улар сизнинг катта орзу-мақсадларингизни чўктиради.

Ҳаётдан аламзада ва норози инсонлар билан мулоқот қилманг. Ундайлар сизнинг ҳаётга бўлган қизиқишингизни, умидингизни сўндиради.

Жуда ҳам эҳтиёткор ва қўрқоқларни фикрларига қулоқ солманг. Улар туфайли таваккалга қўл уролмайсиз.

Дангаса, ишёқмаслар билан дўстлашманг. Акс ҳолда сизнинг миянгиз ҳам уларникига ўхшаб ҳаётда ўсиш учун имкониятлар эмас, кўпроқ ухлаш учун сабаблар излай бошлайди.

Катта орзулар қилинг, мақсадлар қўйинг. Унга етиш режасини тузинг ва бу йўлда сиз билан елкама-елка муаммоларингизни ҳал қилувчи, қувончингизга шерик бўлувчи дўстлар орттиринг!

Тафаккур килинг!

@Tafakkur3

#ибрат

ОЛТИН БИЛАН ЁЗИЛГАН СЎЗЛАР

— Охири ширин аччиқлик қайси?
— Сабр.
— Охири аччиқ ширинлик қайси?
— Шошқалоқлик.
— Асло эскирмайдиган кийим қайси?
— Яхши ном.
— Қайси душман барча дўстлардан азиз туюлади?
— Нафс.
— Одамлар қайси касалликка даво тополмайдилар?
— Аблаҳлик.
— Одамлар қайси балодан қочиб қутулолмайдилар?
— Ишқ.
— Қайси баландлик барча тубанликлардан ҳам тубанроқ?
— Кибру ҳаво.
— Қайси фазилат аёлу эркак учун зийнат саналади?
— Тўғрилик ва поклик.
— Уйқу нима?
— Енгил ўлим.
— Ўлим нима?
— Оғир уйқу.
— Кишига завқ ва шодлик бағишлайдиган нарса нима?
— Буюклик сўзи.
— Қайси йўлнинг охири яхшиликка олиб бормайди?
— Фақиру фуқароларга зулм ўтказиш.

Ko‘p xafa bo‘lma!
Shuni yaxshi bilki, qancha yig‘lasang shuncha kulasan...
Hamma narsani tugadi deb ham o‘ylama!
Qancha sevsang shuncha sevilasan...

©Mavlono Rumiy

https://t.me/habibabdunazaar

“ЭҲСОННИНГ АҲАМИЯТИ”
Ҳали ўсмирлик чоғларимда отам билан цирк томошасига кириш учун билетга навбатда турган эдик. Билет сотадиган касса билан бизнинг ўртамизда бир оила ҳам бор эди. Бу оила менга жуда катта таассурот уйғотганди. Оиланинг саф тортиб турган болакайларининг барчаси чамамда 12 ёшдан кичик эди. Болаларнинг кийимларига қараб бу оиланинг пули етар-етмас эканлиги шундоқ сезлиб турарди, аммо болаларнинг кийимлари тоза-озода ва саранжом-саришта эди.
Болалар ота-онасининг ортида жуфт-жуфт бўлиб қўл ушлашиб турар ва ўзларини жуда яхши тутардилар. Болалар ўзлари кўришга муштоқ масхарабозлар, ҳайвонлар, умуман ўша кечқурун ниманики кўрмоқчи бўлишса шулар ҳақида ўзаро хурсанд бўлиб чуғурлашиб турардилар. Уларнинг ҳаяжонидан болалар аввал ҳеч қачон циркда бўлмаганларини тушинса бўларди. Бу уларнинг ҳаётидаги энг қизиқарли воқеа эди. Ота ва она сафнинг бошида ғурур билан туришарди. Она эрининг қўлини маҳкам тутиб: “Сен менинг ярқираб турган кийимлар кийган рицаримсан” деяётгандек эди гўё. Ота ҳам оиласи бахтидан шодон ва масрур эди. Билет сотувчи болалар отасидан нечта билет кераклигини сўради. У ишонч билан:- Мен саккизта болалар ва иккита катталар билетини сотиб олмоқчиман, -деди.
Сотувчи билет нархини айтди.
Хотини эрининг қўлини қўйиб юбориб, боши ғамгин эгилди, эркакнинг эса лаблари титрарди. Кейин бироз эгилиб касса ёнига яқинроқ келиб:-Билет нархини қанча дедингиз?,-деб сўради. Билет сотувчи нархни яна такрорлади. Бу одамнинг бунча пули йўқ эди. Ҳаётида илк бора циркка кириш хурсандчилигидан еру кўкка сиғмаётган болалари томон бурилиб, томошага кириш учун пулим етмайди деб қандай айтади?
Нима воқеа бўлаётганлигини кўрган отам чўнтагига қўл тиқиб 20 долларлик пулни ерга ташлаб юборди. (Биз ҳам бой яшамасдик, тирикчилигимиз зўрға ўтарди). Отам 20 долларлик купюрани ердан олиб, болалар отасининг елкасини секин қоқиб:
-Кечирасиз, сэр, мана бу пул чўнтагингизда тушиб қолди...-деди.
Кичкинтойлар отаси ҳам гап нимадалигини тушинди. У ҳеч кимдан садақа сўрамоқчи эмасди. Аммо инсон қалбини ўртаб юборадиган, ноиложлик ва ноқулай вазиятдаги ёрдамнинг қадрини юрак-юракдан сезганди. У отамнинг кўзига тик қараб икки қўли билан отамнинг қўлларини маҳкам сиқиб, лаблари титраб, кўзида ёш билан: - Раҳмат, раҳмат, сэр. Бу ишингиз мен ва оилам учун жуда катта аҳамиятга эга”,-деди...
Биз отам билан уйга қайтдик. Ўша 20 долларга биз ҳам билет сотиб олмоқчи эдик. Ўша оқшом цирк кўрмаган бўлсакда, ичмизда ҳис қилган қувончимиз цирк томошасиниг қувончидан кўра катта ва ёрқин эди, бу хурсандликни бирор бир цирк томошаси ҳеч қачон бераолмасди... Мен ўша куни иложсиз, мушкул аҳволда қолган инсоннинг мушкулини осон қилиш учун қўйиладиган қадамнинг, қилинадиган ишнинг қадрини англаб етдим – “Бериш” қадриятини! Ва яна бир нарсани даъфатан англаб олдим: “Берган қўл Олган қўлдан Катталигини”
Мабодо сиз ўзлигингиздан ҳам катта инсон бўлишни истасангиз "Бериш"ни ўрганинг.
Хайр-эҳсон ва бошқаларнинг дуоси аҳамиятини баҳолашнинг имкони йўқ. Ҳамиша эҳсон қилиб кимнидир бахтиёр қилишни канада қилманг...
Одри Хепберн, кино актёр
Жалолиддин Сафоев таржимаси
Телеграм каналимизни кузатиб боринг ва дўстларга улашинг:
https://t.me/Safoyev_Fikri

Отам ҳақидаги ушбу эссе " Ишонч" газетасининг бугунги -- 4 май сонида чиқди. Ҳусан Эрматов раҳбарлигидаги таҳририят жамоасига чин дилдан миннатдорлик билдираман.

Дарвешдан сўрадилар:
— Бойлик нимадир?
Дарвеш жавоб қилди:
— Сени севган оиланг, дуогўй ота-онанг, ҳолинг сўрайдиган фарзанд, уч-тўрт қадрдон дўст, бошингни пана қиладиган том, ризқингни топишингга васила бўлаётган ишинг, уйга олиб келадиган нонинг, сиҳату соғлигинг бўлса ҳаммадан бадавлатсан!