تنكُسر مثل الحِزن
مثل المحَطات البعيدة
تنسي دمعة بجَريدة
مالك أحَد
مَوتوك وعاشوا برُوحك قصيدة
كُل أغاني الناس
ما يبسَت حِنتك
الكول والگهوة غُفت
وأنتَ بصفنتك
عايش المن؟
رايحين وما ترجعهُم دَمعتك لشوكت حِزنك
غُربتك لشوكت
تعلگ شمعهُم
لشوكت تبچي دمعهُم
لشوكت حَدر المخدة يبات حِلمك .

لا اگدر اعِوفك ولأ أگدر أضِل
وياك
لا أنتَ العفتنِي ولارضيَت
أنساك
ماريدكَ
واريدكَ
حَرت واحتاريت
العِفتني والبقًيت ثنَينهن
بلوة .

إنتِ جري الكُحلة وُعيونچ تجر الزَلم .

اشو صاير بخور بسوگ يّاهو يعامل
يشمَك؟

وبعَد مابية حيل أبچي
أحاچي الصورة من أشتاگ
بس الصورة ما تحچي .

گالوا الحَرمَل يغثك، طَگطگتلك هيل .

هلا بكل اليجن و الما يجن منك
يبعد الما يرمشن من يشوفنك

خايَف تروحين واذبل
والعَطش يترس مُكاني
وخايف اشرب روحتچ
واخذلي ليَل وما أتاني
هاي اليه سَنين بارد مَحد
بملكه چواني
شلون ما طكتِ عشب بيه الثواني
ويخلص الليل ويخضَر ليل ثاني
بيَه واهس كافر وربّج هداني
الليل شبَعني سَفر واني بمكاني .

مره
شفت الدنيا مطرت
رحت ضميت  الرسايل
خاف يتبلل حچينه .

كِرهتَك
والكِره كُلش
عُبر حَده
وحّاچيت
الگَلب
مَالك بَعد رَده
عِفتك لأنَ
مَا تستاهَل
أبقىٰ وِيَاك
ياهوَ اليجي
يشِمَك
أدري
بَشر لو وَرده .