Ытыктабыллаах Сунтаар улууһун олохтоохторо!
Аҕа дойду Улуу сэриитигэр Кыайыыны уһансыбыт бэтэрээннэрбит!

Сунтаар улууһун Ыччат отделын уонна тус бэйэм ааппыттан Улуу Кыайыы 79 сылын туолар өрөгөйдөөх күнүнэн эҕэрдэлиибин!
Ыам ыйын 9 күнэ Россия бары олохтоохторугар дириҥ өйдөбүллээх ытык күнүнэн буолар. Бу күн биһиги кырыктаах сэриинэн саба түспүт өстөөҕү кыайан дойдубутун босхолообут көлүөнэҕэ дириҥ махталбытын биллэрэбит, кинилэргэ булгуруйбат санааларын уонна Ийэ дойдуларыгар тапталларын иһин сүгүрүйэбит, сырдык ааттарын үйэтитэбит. Аан дойдуну аймаабыт кырыктаах сэрии уоттаах кыргыһыыларыгар биир дойдулаахтарбыт хорсуннук сэриилэспиттэрэ, Ийэ сири өстөөхтөн босхолуур туһугар үгүстэр сырдык тыыннарын толук уурбуттара, оттон тыылга хаалбыттар килбиэннээх үлэнэн Кыайыыны уһансыбыттара. Бу алдьархайдаах сэрии, элбэх сүтүктээх история кэрчик кэмэ, өстөөҕү самнарбыт Улуу Кыайыы суолтата хаһан да өлбөөдүйбэккэ, дьон-норуот өйүгэр-санаатыгар ытык өйдөбүл буолан, барыбытын сомоҕолуур суолталаахтар. Биһиги бу Улуу Кыайыыны уһансыбыт дьоммут үтүө ааттарын үйэтитэр, дьоруойдуу быһыыларын холобур оҥостон кэлэр көлүөнэҕэ тириэрдэр ытык иэстээхпит.
Күндү Сунтаар улууһун олохтоохторо, сэрии, тыыл бэтэрээннэрэ!
Эһиэхэ чэгиэн доруобуйаны, уһун үйэни, ыраас эйэлээх халлааны, дьолу-соргуну, этэҥҥэ нус-хас олоҕу баҕарабыт!

Сунтаардааҕы Ыччат отделын салайааччыта Трофим Иванов.✊

День рождения нашего сына 👏

Ытыктабыллаах Сунтаарбыт улууһун олохтоохторо!

Сунтаардааҕы ыччат отделын уонна тус бэйэм ааппыттан Саха Өрөспүүбүлүкэтин күнүнэн итиитик-истиҥник эҕэрдэлиибин!
Муус устар 27 күнүгэр Сахабыт сирин историятыгар улахан, дьоһун суолталаах түгэннэр буолбуттарын билэбит. Ол курдук 1922 сыллаахха Саха АССР тэриллибитэ. Онтон 70 сыл буолан баран бу күн 1992 с. Саха сирин саҥа Төрүт сокуона күүһүгэр киирбитэ.
Бу күн хас биирдиибит сүрэҕэр дойдуга бэриниилээх буолуу, бэйэ омугунан киэн туттуу тыына саҕыллар, сомоҕолоһуу, төрөөбүт тылбытын, үгэстэрбитин, култуурабытын, сиэрбитин-туоммутун, ураты айылҕабытын харыстыырга дьулуһуубут өссө ордук күүһүрэр.
Күндү биир дойдулаахтарбыт!
Бука бары биир сомоҕо буолан салгыы Өрөспүүбүлүкэбит бөҕөргүүрүгэр, сайдарыгар үлэлии-хамныы, айа-тута сылдьыаҕыҥ, омук быһыытынан чөл туруктаах кэлэр кэмҥэ эрэллээхтик хардыылыаҕыҥ!
Кэнчээри ыччаппыт ситиһиилээх, дьулуурдаах, инникигэ эрэллээх буоллун!
Барыгытыгар чэгиэн доруобуйаны, уйгулаах олоҕу, сарсыҥҥы күҥҥэ энчирээбэт эрэли баҕарабыт!

Ытыктабылы кытта Сунтаардааҕы Ыччат отделын коллектива, салайааччы Трофим Иванов.

🇷🇺🇷🇺🇷🇺

🔵Сунтаар улууһун Аҕа баһылыгын бирииһигэр Х төгүлүн ыытыллар үбүлүлүөйнэй “БООТУРДАР ООННЬУУЛАРА” күрэххэ ыҥырабыт!💪🏼 Буолар сирэ: Сунтаар улууһун Устье нэһилиэгэ, «Тёщин язык» сынньанар киин. Бу күн Сунтаар улууһун нэһилиэктэрин эр бэрдэрэ 7 араас тургутуу көрүҥнэригэр күөн көрсүөхтэрэ. 🔹Араас көрүҥҥэ күрэх 🔹Ыараханы көтөҕүү 🔹Хомуур мас тардыһыы 🔹Эр дьоҥҥо аналлаах ыйытыктарга хоруйдааһын 🔹Хомуур хапсаҕай 🔹Канат тардыһыыта 🔹Өһөс торбос. Хамаанданнан күрэх түмүгүнэн кыайыылаахтарга сүрүн бириистэр: • III үрдэл 50 000 солкуобай • II үрдэл 70 000 солкуобай • I үрдэл 80 000 солкуобай Ону таһынан тургутуу көрүҥнэринэн сыаналаах бириистэр туттарыллыахтара. Хамаанданнан күрэх кэнниттэн Муҥутуур кыайыылааҕы быһаарыы 3 көрүҥҥэ буолуоҕа: 🔹Мас тардыһыы 🔹Тутум эргиир 🔹Хапсаҕай. Сүрүн бириис 5 ытар МР-155 саа👍🏻 Сунтаарбыт улууһун олохтоохторун бу бэлиэ күҥҥэ ыҥырабыт! Кэлиң, көрүң, бэйэ5ит нэһилиэккит чиэһин көмүскүүр хоһуун бө5өстөргүтүгэр ыалдьыҥ!