Нисбийлик.

25-май кунидаги ўқитувчилар юзидаги бахт, табассум, қувонч табиийми? Агар табиий бўлса улар нега бунчалик қувонишяпти?
Ўқувчиларчи?🤔
Балки оқ қора бўлиб, қора оқ бўлсачи?
Айтганча, кўз ёшлари қувонч кўз ёшларими?

https://t.me/qishloqlikmuallim

Тахта ёки смарт доска.

Мактабимизда туман миқёсида семинар ташкил этилди.
Энг кучли ўқитувчилар очиқ дарс ўтиб беришди.
3 кун олдин дриктримизга илтимос қилиб мени ҳам рўйхатга қўшиб қўйишни сўраганим учун мени ҳам дарсимга меҳмонлар ташриф буюришди.
(Аслида семинар, очиқ дарсга қизиқиб турган ерим йўқ, фақат кейинги ҳафта устама белгиланади, шунга керак)
Хозир очиқ дарс ўтиш чепуха. "Смарт (ақлли) доска (ёзув тахтаси) да битта видеодарсни намойиш қилинади, ортидан тест дастурини ишга туширилади, ўқувчилар билимларини мустақил баҳолашади. Шу билан тамом.
Аканг
қарағай ўртада 45 минут савлат тўкиб турсам бўлди.
Қисқаси дарс яхши чиқди назаримда.
Дарсдан кейин муҳокамада сўзга чиққан дриктримиз мени илиқ сўзлар билан мақтади. Замонавий педагог, техника воситалари ва интернет билимдони сифатида этироф этди.
Шундан сўнг мактабимизда 40 йил ишлаб пенсияга чиққан Алланазар малим сўз сўради. Ичимдан совуқ тер чиқишни бошлади.
Алланазар малим томоғини қириб сўз бошлади.
- Мендан хафа бўлмайсизлар болаларим. Балки мен замондан орқада қолгандирман. Лекин битта ҳақиқат - бизни давримизда доскалар тахта , ўқитувчилар ақлли эди, энди тескариси бўлибди - доскалар ақлли, ўқитувчи тахта. Ўқитувчи билим бериши, меҳр бериши керак. У роботларга эмас, инсон болаларига билим беради. Менга очиқ дарс умуман ёқмади! Гапим тамом...
Алланазар малимнинг бу гапларидан кейин секин атрофимга қарадим. Дриктр, завуч, майнавиятчи, районо вакили тахта бўлиб қолишибди.
P.S. Қадрли касбдошлар. Энди семинар қилсангиз Алланазар акаларни таклиф қилманглар.
Ҳақиқий тахталарни сири очилиб қолмасин.

https://t.me/qishloqlikmuallim

9 ой...
Бошланишига кўникиш қийинлиги, уйқусиз кечалар, баъзи тушунмовчиликлар, бош оғриғи, ҳолсизлик, кўнгил айниши, хеч нарсани ёқмаслиги.
Яқинларимнинг, айниқса турмуш ўртоғимнинг ишончи, далдалари, қўллаб қувватлашлари...
Кейин эса ёқимли ҳислар.
Ва ниҳоят 9 ой сабрсизлик билан кутилган кун ва қувончли мужда - 25 - май😆
Уддаладик.
Барчани битирув куни билан табриклайман.

https://t.me/qishloqlikmuallim

Кулгу🤣🤣🤣
5 ёшли бола дадасига айтяпти:
- Дадажон, мен уйланишга қарор қилдим.
- Ажойибку ўғилтой. Кимга уйланмокчисиз?
- Бувимга! Бувим ширин овқат пиширади, мехрибон. У мени яхши кўради, мен хам уни яхши кўраман.
- Ажойибку. Фақат озгина муаммо борда ўғилтой. Бувинг мени ойимку. Мумкин эмас. Сен қандай қилиб мени ойимга уйланасан?
- Нима учун мумкин эмас экан? Ахир ўзингиз мени ойимга уйлангансизку...
https://t.me/qishloqlikmuallim

Менга мактаб керак!

Хажвия

Якшанба. Бозордан келяпман.
Қишлоғимиз бизнесмени То Жи тирриқнинг уйи олдида жанжални устидан чиқдим. Мактабимизга фаоллар зали қуриш бўйича опенбюджетга овоз тўплайман деб хонадонма-хонадон юрган муаллимлар Давлат ва Мамлакатларни То Жи тирриқнинг хотини адабини берган - "Сенлар уйма-уй юргунча болаларни ўқитсаларинг ўласанларми? Хукумат сенларга жарақ-жарақ маош бераётган бўлса!"
Шуни устига То Жи тирриқни супрақоқдиси бўрибосар итини занжирдан қўйиб юборибди. Шундай қилиб бечора малимлар балога қолишибди.
То Жи тирриқ шаҳарлик кимгадир телефон қилди. Дам олиш кунида оилавий ҳордиқ олаётганини бузган малимларга чора кўришни тайинлади. 5 дақиқада директоримиз етиб келди. То Жи тирриққа таъзим қилиб ялинишни бошлади. Бу ўзбошимчаларга чора кўришини эслатди.
Кейин малимларни олдига солиб асирларни хайдагандек мактабга қараб йўл олди.
P.S. Аслида Мамлакатда ҳам, Давлатда ҳам айб йўқ. Улар яхши бўлсин деб харакат қилишяпти.
Айб ўзимизда. Биз англамаяпмиз.
Шу жойда битта конкрет таклифим бор. Мактаб энг муқаддас маскан. Мактабларни опенбюджетга қўйилмаса. Режа асосида қуриб берилса. Кейин биз ҳам олаётган жарақ-жарақ маошимизни оқлармидик...

https://t.me/qishloqlikmuallim

Дўст топилади лекин ёғ...

Дўстнинг дўст эканлигин,
Ишинг тушса биларсан!
Опенбюджет - дўстларни саралаш вақти келди.
Лекин бозорда битта овозга бир баклажка ёғ беряпти. Қадрлиларим, жон дўстларим, қўшнижонлар. Мендан хафа бўлмай туринглар. Шу опенбюджет ўтиб олсин, қадрдонлигимиз яна давом этади. Менга ёғ керак.
P.S. Ўзим, хотиним, ота-онам, ака-укаларим, хотинимнинг қариндошлари, жаъми 27 баклажка ёғ оламан. Бир йил чўмичимиз ёғдада. 🤣🤣🤣
https://t.me/qishloqlikmuallim

Ф о н о г р а м м а...
Гапнинг ўғил боласини айтайми?
Устозларга интернетда турли откриткалар, табриклар, смслар жўнатаетган дўстларим. Интернетга устозларингизнинг 10 фоизи хам кирмайди. Шунинг учун хозироқ қўлингиздаги телефондан устозингизнинг номерини теринг ва юракдаги бор мехрингизни жонли айтинг!
"Сизни яхши кўраман"-дейиш эсдан чиқмасин!
Мабодо гапим мақул бўлган бўлса бошқа фонограммачиларга хам поделиться  қилиб қўярсиз.

https://t.me/qishloqlikmuallim

А й т м а г а н л а р и м...
Биламан, Сиз бошқаларга ўхшамайсиз. Сиз энг меҳрибон, самимий, камтарин инсонсиз.
Биз оила қурдик, фарзандли бўлдик. Уй жойимиз, машинамиз бор. Мансаб, мартаба, шон-шухрат, бойлик топдик.
Том маънода бизни шу даражага етишишимизнинг асосий сабабчиси бўлган Сиз - азиз устозимизни яхши кўрамиз, соғинамиз.
Ўзимиздан ортиб Сиздан хабар олмаётган, баъзан телефон қилишга ҳам имкон топа олмаётган бўлсакда ҳар доим ёдимиздасиз. Дуоларимизда Сизнинг исмингиз.
Сизга шогирдликнинг ўзи биз учун шараф!
Борингизга шукур.
https://t.me/qishloqlikmuallim

Ўқитувчи нон ейди, чой ичади,  кулади, дам олади, хато қилади ва касал ҳам бўлади...
https://t.me/qishloqlikmuallim

Бир йил муқаддам мактабимиздаги муаллималар иштирокида «Аёллар нимани исташади?”, деган сўровнома бошлагандик. Натижалар ҳали тайёр эмас. Биринчи аёл ҳамон гапиряпти.
P.S. Постларимдаги барча ўхшашликлар тасодифий.😊

https://t.me/qishloqlikmuallim