*Xavotir

Meni unuttirar ish qog‘ozlaring,
Uzoqlashtiradi qalam, daftarlar.
“Yodlaringdan o‘chib borayotirman”,
Yuragimda shunday xavfu xatarlar.

Laziz tuyg‘ulardan ayirsa agar,
Unutilib ketsa ishq ovozlari.
Bori tashvishlarga qiron kelsinu,
Yonib ketsin barcha ish qog‘ozlari…

Qisqa qo‘ng‘iroqlar… salom-aliklar,
Sovuq suhbatlarda umr o‘tsa gar.
Sochdan tirnoq qadar muzlab o‘tarman,
Ilohiy hislar-la sevmasang agar…

Azizim, muqaddas rishtalar haqqi,
Uyg‘ot yuragingni g‘aflat xobidan.
Iltimos, sevging-la qutqargil meni,
Unutilib ketish iztirobidan!

Guljamol Asqarova*@SozKimyosi

*Seni
koʻrmoq uchun
telbavor yuribman
koʻngil taraflarda.

Yoʻllaringga
qarab
qovjirab turibman
koʻngil taraflarda.

Tosh dunyolaringdan
sen qachon kelasan
koʻngil taraflarga?

Koʻngilsizim,
hech ishing tushmaydimi
koʻngil taraflarga?*

Usmon AZIM

@SozKimyosi

Yolgʻizlik – bu jimjitlikdagi ovoz, uning ichida oʻzingni topasan yoki yoʻqotasan.@SozKimyosi

*“Uliss” - adabiy inqilob yasagan roman, inson tafakkurining cheksiz imkoniyatlarini aks ettiruvchi oʻziga xos badiiy labirint. Undagi har bir jumlada insoniyat tarixi qayta yozilgan.

~~~~

Tarixning ogʻir yukidan qochishga urinayotgan insonning ichki kurashi:

"History, Stephen said, is a nightmare from which I am trying to awake."

Chamamda, oʻzbekning chin ziyolisi qalbidagi dard*…@SozKimyosi

*Avvaliga koʻp yozardim. Bora-bora oʻzimga talabim ortdi. Qiziqroq uslub izlashga tushdim, yozganlarimdan qoniqmaslik hissi ortib bordi. Oqibat yozmay qoʻydim…

Biror nima oʻqiganda ham uslubga qarardim. Matn shunday boʻlishi kerakki, oʻqimaydigan odamni ham ipsiz bogʻlasin, derdim oʻzimga. Shunday talab bilan oʻqiydigan odamlarim ham sanogʻli qoldi.)

Buni qarangki, Asaxiy booksdan kerakli kitob kelib qoldi. Bu kitob izlaganimni topishimga yordam berishiga ishonyapman va, albatta, mashqlarni ham boshlashga yordamchi.

Yozishni istaydigan, dunyoga aytar gapi bor hamma uchun…
Oʻqimay turib, mundarijaga qarab tavsiya qilishga arzirkan dedim. Iqtiboslar kuting.

Kitob tarjimasi va nashri uchun jamoaga rahmat!*@SozKimyosi

Ura, endi menda ham “Majnun” bor! Anchadan buyon izlab topa olmayotgandim.

Matnazar Abdulhakimchasiga:
“Men “Majnun” vasliga ming dardda yetdim…”

Katta tanaffusdan soʻng yangi hikoya. Havolaga oʻtib, eshitasiz, layklaysiz, izoh qoldirasiz va ulashasiz degan umidda…

Havola: https://youtu.be/tV1Ja1FRvLg?si=Pkl86wa4qh6zQRE2

YouTube

Aziz NESIN - “Adabiyotsevar” | Audiokitob

Telegram kanal: t.me/SozKimyosi Qoʻllab-quvvatlash uchun: https://tirikchilik.uz/@dbekchan Hikoya matniga havola: https://ziyouz.uz/jahon-nasri/aziz-nesin/aziz-nesin-adabiyotsevar-hikoya/

YouTubega kirib eshitishga eringanlar uchun. 😊