Ապրիլ 27
։։։։։։։։։։։։։։։։։։։

Ողբ 3:64-66

Նայի՛ր նրանց ամբարտավան աչքերին, ո՛վ Տեր, և նրանց արժանի հատուցումը նրանց գլխի՛ն բեր, հատուցի՛ր նրանց ըստ իրենց սրտերի կարծրության, քո ցասմամբ հալածի՛ր նրանց, քո բարկությամբ ոչնչացրո՛ւ նրանց երկնքի ներքո։

Ապրիլ 26
։։։։։։։։։։։։։։։։։։։

Հոբ 5:17

Երանելի է այն մարդը, որին Տերը խրատում է երկրի վրա. Ամենակալի խրատից մի՛ հրաժարվիր։

Սիրելի բարեկամնե՛ր, եկել եմ ներկա-բացակա անելու ։)
Կարծում եմ մեկ-մեկ պետք է հիշեցնեմ, որ այս ալիքում լինելը դեռ չի նշանակում Սուրբ Գիրքն ամեն օր կարդալ։ Դա պարզապես նշանակում է, որ դուք ամեն օր ստանալու եք սուրբգրային այդ օրվա ընթերցումը և եթե հետևողականորեն կարդաք, ապա այս տարվա վերջին ամբողջ Աստվածաշունչը կարդացած ավարտած կլինեք։ Եվ դա կլինի սկիզբը ։)
Մի խոսքով եկել եմ տեսնեմ ովքեր են կարդում։ ։)
Թե կարդում եք սրտահարեք տեսնեմ ։)

Փետրվար 23
։։։։։։։։։։։։։։։։։։։

Սաղ. 60:2

Լսի՛ր, Աստվա՛ծ, իմ աղոթքները Եվ ուշադի՛ր եղիր, Տե՛ր, իմ աղոթքին։

Փետրվար 22
։։։։։։։։։։։։։։։։։։։

Ես. 58:4

Հակառակության և կռիվների մեջ եք ծոմ պահում և բռնցքահարում տկարին։ Իսկ իմ ինչի՞ն է պետք այդպիսի ծոմապահության օրը. դուք պիտի գաք բողոքեք ինձ, և ես չպիտի լսեմ ձեզ։

Փետրվար 21
։։։։։։։։։։։։։։։։։։։

Սաղ. 58:2

Աստվա՛ծ, փրկի՛ր ինձ իմ թշնամիներից,
Ապրեցրո՛ւ ինձ նրանցից, ովքեր իմ դեմ են ելել։

Փետրվար 20
։։։։։։։։։։։։։։։։։։։

Գրծ. 18:6

Իսկ երբ նրանք ընդդիմացան ու հայհոյեցին, Պողոսը հագուստները թափ տվեց ու ասաց. «Ձեր արյունը ձեր գլուխը. ես անպարտ եմ։ Այսուհետ հեթանոսների մոտ եմ գնում»։

Փետրվար 19
։։։։։։։։։։։։։։։։։։։

Գրծ. 17:24-25

Աստված, որ ստեղծեց այս աշխարհը և դրա մեջ առկա ամեն բան, նա է Տերը երկնքի և երկրի. նա ձեռակերտ տաճարներում չի բնակվում, ոչ էլ մարդկանց ձեռքերով է պաշտվում, իբր թե մի բանի կարոտ է։ Նա է ամեն բանի տալիս կյանք և շունչ և ամեն ինչ։

Փետրվար 18
։։։։։։։։։։։։։։։։։։։

Սաղ. 55:12

Աստծուն հուսացի ու չեմ վախենալու. Մարդն ի՜նչ կարող է անել ինձ։

Փետրվար 17
։։։։։։։։։։։։։։։։։։։

Ես. 53:3

Նրա տեսքն ավելի անարգ էր ու նսեմ, քան բոլոր մարդկանց որդիներինը։ Նա հարվածների ենթակա մի մարդ եղավ, որ ցավերին համբերել գիտի. իր երեսը դարձնելով՝ արհամարհվեց ու բանի տեղ չդրվեց։