Кісінің нағыз білімі - өзінен кейінге мәңгілік ұрпақ қалдыру.

© Дана кісілерден қалған сөз

Тақуа кісілердің бірі: «Сөйлеп қойғаным үшін өкінгенім бар. Бірақ үндемей қалған кездерім үшін өкінбедім»,-деген екен.

Адамдарды жақсы көру - жаңғырық секілді. Айналаңа жіберсең, өзіңе қайтып келеді.

📚Әл-мәсәә

Көршіге қарай үйдің құны өседі.

Бірде бір кісі үйін арзан бағаға сатады. Болмашы сомаға сатқанын естіген көршілері оны жазғыра бастайды. Сонда әлгі үйін сатқан кісі:«Көршінің мінезіне қарай үй қымбат, не арзан болады. Мазамды қашырған көршіден тез құтылуға мәжбүр болдым», - деп, неге арзанға бергенін осыған ұқсас өлең шумақпен жеткізген екен.

Дұрыс көрші болайық)

Адамға жылы жүзбен қарау - әріптерден тұрмайтын игі сөз іспетті.

📚 Әл-мәсәә

Байлық ол - бақ емес, ол - тағдыр.

Әнәс ибн Мәлик (Алла ол кісіге разы болсын):«Алла елшісін (Алланың ол кісіге салауаты мен сәлемі болсын) бір қызметшісі тамаққа шақырды. Мен де ол кісімен бірге қонаққа бардым. Кейін ол кісі Алла елшісіне арпаның нанын және ішінде асқабағы мен сүр еті бар сорпаны ұсынды. Сол уақытта пайғамбардың ыдыстың айналасындағы асқабақты (ұнатқаннан) теріп жегенін көрдім. Сол күннен бастап мен де асқабақ жеуді ұнатамын»-деген екен(Сахих Бұхари).

Пайғамбарымыз асқабақты ұнатқаны үшін асқабақты жеуді жақсы көру сүннет☺️. Себебі пайғамбар жақсы көрген нәрсені ұнату имандылықтың белгісі.

Мәуәһиб

Язид ибн Әбисағид Әл-Мәһәри:

«Мен халифа Омар ибн Абдулазизге жолығып, қоштасып жатқанымда ол кісі: «Менің сенен бір сұрайтын қажетім бар. Егер Медина қаласына барып, Пайғамбардың қабірін көріп жатсаң, онда менің атымнан ол кісіге сәлем жолда»-деп айтты» - деп жеткізген.

Язидтен басқалары да ол кісінің Шам елінен Пайғамбарға (Алланың ол кісіге салауаты мен сәлемі болсын) сәлем жолдау үшін арнайы шабарман жіберетінін келтірген.

Әл-Қади Ғияд, Шипа кітабынан

Жас ғалымдарды қолдайық. Кітаптарды оқып, пайда ала жүріңіздер.