*🇺🇿*ЎЗБЕКИСТОН

Чайқалиб ётибди нурли бир чаман,
Ой билан офтобнинг буюк ватани.
Тонг каби жилмайиб бахти очилган,
Майсага кўмилиб нурли бадани.

Осмон посбонидир бунда бургутлар,
Чумчуқ чуғуридан тешилади том.
Бу ўлка кўксида ёнар булутлар,
Чинор шохларига қўнганида шом.

Не-не дарёлар бор, югуриб-елиб,
Уммонда қоларлар бир умр яхлаб.
Бу чаман бағрига дарёлар келиб
Заминга сингарлар, ғўзадай шохлаб.

Кўз ёшдек тиниқдир бу элда осмон
Шафтоли шохлари қайрилган онда.
Нақш олма юзига югурганда қон
Офтоб ҳам осилиб, толар армонда.

Бу элнинг қадимий ҳар қўшиғида
Бежиз олтин дея аталмас тупроқ.
Симёғочга қўнган қуш тумшуғида
Тилладай нурланиб турибди бошоқ.

Чайқалиб ётибди нурли бир чаман,
Юлдуздай сочилиб оламга шони.
Фидойи ўғилман, ёниб ўпаман
Олам остонаси—Ўзбекстонни.

ТИЛАК ЖЎРА. ✍✍
1978**

@nurzuyo5

**ОНАМ.

Онам исми ТОШ эди,
Гўзал қаламқош эди,
Бу дунёда йўлдоши,
Сабр ва бардош эди,

Осмондаги ой эди,
Соф-мусаффо сой эди,
Дин ила диёнатда,
Дунёда энг бой эди.

Кимга енг-ёқа эди,
Кимгадир опа эди,
Бизга эса отамнинг
Ўрнига"ота"эди.

Гоҳо бозор этарди,
Гоҳо мозор этарди,
Баъзан оппоқ кўнглига
Биздан озор етарди.

Шукур дерди замонга,
Яхшига-ю ёмонга,
Яратгандан саодат,
Тиларди ҳар инсонга.

Бир содда инсон эди,
Покиза виждон эди,
Уч ўғил ва бир қизга
То тирик қалқон эди.

Момиқдан ип қиларди,
Ҳаммага бахт тиларди,
Эсимда, онажоним,
Жуда кўп шеър биларди.

Яхши куйга жўр эди,
Қалби олов-қўр эди,
Ҳа, барча оналардан,
Менинг онам зўр эди.

Айланганча малакка,
Онам кетди фалакка,
Шундан бери то ҳануз
Яшаяпман мен якка.

Якканинг ёри- ёри ХУДО,
Унга қилгум илтижо:
Онажоним жойини
Жаннат қилгин илоҳо!!!

Абдураззоқ Атоий. Пешку.✍✍**

@nurzuyo5

**ОНАМ

Шод айладим, ранжитмадим ёримни.
Болам учун, тўкиб сочдим боримни.
Лек, бир инсон тинглар фақат зоримни.
Онам ютди, жим...дардимни онам ютди.

Омад кетиб айтолмаган сирларим кўп.
Баъзан уйдан йиғлаб кетган кунларим кўп.
Волидамга "қуруқ" қайтган тунларим кўп.
Онам кутди, йўлларимни...онам кутди.

Келсам уйга, чеҳралари  қуёш каби.
Сўрамасам, очилмайди дил дафтари.
Тайёр турар, чойнагида кўк чойлари.
Онам тутди, иссиқ чойин, онам тутди.

Қарогина сочига оқ кўчирган мен.
Юзларига доғу ажин туширган мен.
Шоир деманг, ёзиб шеърин ўчирган мен.
Онам билмас, шеърларим кўп, онам билмас..!

✍ ✍ Хуршид Неъмат**

@nurzuyo5

She'r yozaman
( Keksa, havaskor shoir tilidan)

She'r yozaman, she'rlar yozaman,
Goh sovub, goh terlab yozaman,
Parvozim yòq, yerlab yozaman,
Kelmay qolsa, zo'rlab yozaman.
She'r yozaman, she'rlar yozaman.

Qo'lga qalam oldim yetmishda,
Nom qoldirmoq - maroqli ish-da!
Bòlmasa ham hech ne chòmichda,
She'r yozaman, she'rlar yozaman.

Kitobimdan choy hidi kelar,
Choy bilan bot moy hidi kelar.
Kelsa, qog'oz faryodi kelar,
She'r yozaman, she'rlar yozaman.

Kechiringlar qari tònkani,
Ishga soldim katta "tanka"ni.
Endi shoir bòlmayin qani!
She'r yozaman, she'rlar yozaman...

Sabrullo SALIM

https://t.me/nurzuyo5

ЗЎРАКИ ШОИР

Шоир қалам олди шеър ёзмоқ бўлиб
Бироқ, юрмас эди қайсар бу қалам,
Гарчи турмаганди илҳомга тўлиб
Гарчи нималардир қиларди алам.

Атрофда “шеърбозор”, ҳамма шоирдир
Ижтимоий тармоқ қайнаб ётибди,
Кўплар вазну қофияга моҳирдир
Аммо, мазмун чириб, айниб ётибди.

Севгидан ёзсинми, бахтдан ёзсинми
Мавзулар мўлтираб, хомуш боқарди,
Замондан ёзсинми, вақтдан ёзсинми
Машҳурлик истаги бағрин ёқарди.

“Мен бировдан камми?” –дея ғижинди
Қойилмақом бир шеър битмоқ қасдида,
Лекин, ўжар қалам юрмасди энди
Қоғоз ҳам уятдан титрар аслида.

Ўтирди, ўтирди... Кўнгли жим эди
Тугаганди унинг шеърий бозори,
Бечора туйғусиз “шоир” билмасди:
Чўмичга чиққанди қозонда бори.

Қанча кавламасин қозонни энди
Фақат сув чиқарди. Гўшт тугаганди...

Абдунаби Ҳамро

https://t.me/nurzuyo5

Таъзия
"Бухоронома" ва "Бухарский вестник" газеталари таҳририяти жамоаси таҳририят бош муҳаррири
Шодмон Сулаймоновга падари бузруквори

Султон бобонинг

вафоти муносабати билан ҳамдардлик билдиради.

Жаноза намози эртага, 13 июнь куни соат 10:00 да Шофиркон тумани, "Арабхона" маҳалла фуқаролар йиғини, Арабхона қишлоғида ўқилади.

Отахоннинг охиратлари обод бўлсин!

*⭕️ Уланиш учун:* @buxoronoma1920

Суюрприз қилишни яхши кўраман. Аммо бугун мен учун ажойиб кун бўлди.

Озарбойжонда чоп этиладиган "Элай" журналида ижодий ишларим эълон қилинибди.

Ким жўнатган ёки ким чиқарган хабарсизман очиғи.

Лекин жуда хурсанд бўлдим. Бизни севинтирганларни Аллоҳ қўлласин!

Журналнинг ижодий жамоасига Ўзбекистондан саломлар йўллаб, унинг ўқирманлари янада кўпайишини тилайман!

https://t.me/azob4

УЛУГВОР БИР ТАХТ – Telegraph
https://telegra.ph/ULUGVOR-BIR-TAHT-04-17

Telegraph

УЛУҒВОР БИР ТАХТ

      (Устоз Исроил СУБҲОНИЙга) Агар ер шарига кетар бўлса дарз, Шоир юрагидан ўтар чизиғи...                             А. БЛОК Ҳақиқат – ноламсен менинг пинҳоний, Мен сени истайман ҳар дам, ҳамма вақт. Туйғулар бўлади бир лаҳза, оний Мен эсам сен билан…

БУХОРОГА БУХОРО КЕЛДИ

Бухоронинг обидалари
Минг йиллардан беради хабар:
"Хор бўласан, мутеъ бўласан,
Буюклигинг унутсанг агар!"

Бухоронинг обидалари
Ҳикмат эрур мозийдан, инон:
"Буюкларни буюк айлаган
Эътиқоду эрк ҳамда иймон!"

Бухоронинг обидалари
Ҳар кун янги ҳикмат айтади,
Ўтмишни-да, келажакни-да
Мен томонга олиб қайтади.

Садриддин Салим Бухорий