📺 Шукаеце кіно для прагляду падчас выхадных? Мы вам падкажам!

Эксперты @radakultury рэкамендуюць паглядзець:

▶️ Серыял “Працэсы” на “Белсат”. Спроба перажыць калектыўную траўму з дапамогаю смеху.

▶️ “Давай его дождёмся”. Камедыя абсурду на тэму: “як заставацца вернай сяброўкай і каханаю жонкай, калі і вашага мужа заклікалі на Святую Спецаперацыю”.

▶️ Беларускае кіно на кінафестывалі Artdocfest. Падборка дакументалак пра Беларусь і падзеі ў нашай краіне.

▶️ “Живёт Беларусь”тэлеканалу “Настоящее время” і праект Beldocs – медыі, якія шчодра дзеляцца сваімі стужкамі з гледачамі.

▶️ Онлайн-кінатэатр беларускага кіно Vodblisk. Тут штомесяц прэзентуюць ігравыя і дакументальныя, фестывальныя і аўтарскія стужкі.
*⏯*** “Марыля. У пошуках дзіўнікаў”. Сучасная казка з фальклорнымі матывамі, якая адразу ж захапіла аўдыторыю. Удалы прыклад прыватных інвестыцыяў у беларускую анімацыю.

⏺ Больш стужак, каналаў і годных беларускіх праектаў — у нашым традыцыйным квартальным аглядзе

#рада_раіць

✨ Асацыяцыя беларускага бізнесу за мяжой, партнёр @radakultury, прымае заяўкі на ўдзел у конкурсе III Free Belrus Business Award. Cёлета ўпершыню прадстаўленая намінацыя “Арт-бізнес”. 🏆Прыз — 5 тыс. еўраў!

“Ідэя стварыць намінацыю для бізнесаў, звязаных з культурай, узнікла пасля каляднага нэтворк-івэнту і аўкцыёну. Мы пазнаёміліся з вялікай колькасцю таленавітых беларусаў. У сваёй дзейнасці АВВА заклікае бізнесы быць сацыяльна адказнымі, таму вырашылі, што намінацыя ў галіне культуры будзе добрым прыкладам”, — кажа віцэ-прэзідэнтка АВВА Марына Гірын.

Намінацыя "Арт-бізнес" закліканая адзначыць кампаніі, якія ажыццяўляюць дзейнасць у сферы культуры і забаваў ці задзейнічаюць мастацтва і творчасць у прафесійнай, камерцыйнай дзейнасці.

Удзельнікамі могуць быць: галерэі, агенцтвы, тэатры, культурніцкія цэнтры, музеі, крэатыўныя студыі, арт-праекты, інтэрактыўныя інсталяцыі, медыя і забаўляльныя кампаніі і інш.

Даслаць заяўку(на англ. мове) да 10.06.2024, 23.59 (СЕТ).

*✔️Падрабязней пра конкурс*

🔥 Сабралі гарачыя #магчымасці для беларускіх дзеячаў культуры.

Падпішыцеся на @sekktor, тут такія пасты з’яўляюцца штодзень.

🔹culture makes запрашае 29 траўня на онлайн-лекцыю літаратурнага крытыка Ціхана Чарнякевіча «Трэнды сучаснай літаратуры: чаму беларускай кнізе складана прабіцца на заходні рынак».
Дэталі і рэгістрацыя
✔️ У праекта з’явіўся свой канал на YouTube. Падпісвайцеся і даведвайцеся больш пра арт-менеджмент.

🔹партал bellit.info і Міжнародны саюз беларускіх пісьменнікаў абвясцілі конкурс рукапісаў да 100-годдзя Васіля Быкава. Пераможца атрымае магчымасць выдаць кнігу. Дэдлайн: 1 чэрвеня.
Умовы

🔹”Культурны Код” запрашае 30 траўня на апошні пітчынг сезону. Прадстаўце свой digital-праект для беларускай культуры, станьце пераможцам галасавання ў чаце і атрымайце дапамогу адмыслоўцы ў развіцці задумкі.
Дэталі і рэгістрацыя

🎼 Шукаеце беларускі саундтрэк для свайго лета? Мы вам падкажам!

Эксперты @radakultury рэкамендуюць паслухаць:

*▶️ VVaxplay* і Filamaty, а таксама: "Антыдэпрэсанты" гурта "Мутнаевока". Гэта міні-альбом са смелымі тэкстамі і аранжыроўкамі ад музыкаў, што працуюць на разрыў. Гэтым разам рэліз са змяшанымі стылямі — гурт імкнецца бурыць межы і рамкі.

▶️ Naviband — "Сокал". Вельмі моцны візуал і кранальная песня. Цэнтральная тэма — страта дому, актуальная нават для тых, хто нікуды не з’язджаў.

▶️ Nürnberg —Adkaz. Новы лонгплэй у звыклым для каманды стылі. Варта пазнаёміцца з тым, што ў сакавіку слухала Лацінская Амерыка. Каб зоркі за мяжой рабіліся зоркамі дома.

▶️ Rap&Vogue — Jamón. Гішпанамоўная песня пра хамон ад амбасадараў эпатажу. На сваіх выступах Rap&Vogue ладзяць сапраўдныя шоў, а ў тэкстах жанглююць мовамі. Мала хто на беларускай сцэне мае такую смеласць у самавыяўленні.

⏸ Больш трэкаў, альбомаў і годных беларускіх гуртоў — у нашым традыцыйным квартальным аглядзе

#рада_раіць

🌿 Канец вясны і пачатак лета — час, калі прырода квітнее, лясы і паркі поўняцца п’янкімі пахамі, зёлкі маюць надзвычайную сілу, пад дрэвамі з’яўляюцца першыя грыбы 🍄. Да Купалля дзень ідзе ўгару, а ў паветры разліваецца чыстае чараўніцтва.

У якасці лога на гэты час мы выкарыстоўваем фрагмент работы “Вядзьмарчына вячэра” беларускай мастачкі Наталлі Бяляевай. Цяпер Наталля жыве ў Польшчы і ладзіць заняткі па маляванні онлайн.

Час ад часу мы мяняем фрагменты мастацкіх работ у нашым лога. Бо нават лагатып Рэсурснага цэнтра — прастора для мастацкага выказвання беларускіх творцаў, то бок, для вашага выказвання.

📌 Калі вы — мастак і хочаце, каб на нашым лога з’явілася вашая работа, — пішыце на resource@byculture.org.

❗️Памятайце, што Рэсурсны цэнтр Беларускай Рады культуры — частка экстрэмісцкага фармавання. Беражыце сябе, клапаціцеся пра ўласную бяспеку ў сеціве.